(((((((( الكبيره ٢))))))))
#لولو_محمد
الحلقه ١٢٩
مختار / ما قولتليش ليه على اللى بيحصل هنا ؟
دياب / هيفرق فى ايه ؟
مختار/ انا عاوز يونس شويه يا دياب
دياب / تمام ... فى حفظ الله
مختار / ما تبلغش حد باللى حصل هنا ... انا هتكلم معاهم بطريقتى
دياب / حاضر
مختار / فى حفظ الله
دياب يمشي و مختار يقفل الباب وراه و يفضل ساند على الباب و مدى لجوزيف ضهره و جوزيف متابعه مختار ياخد نفس و يبص له
جوزيف / انا مش زعلان
مختار / انا زعلان و زعلان جدا بجد و لأول مره يكون جوايا كميه الغضب دى من حد و للاسف انا مش بعرف اتعامل معاها عشان كدا جيت لك عشان ننهى الموضوع ده نهائى
جوزيف يستغرب و يرفع حاجبه
.............................
مختار / انا من يوم ما ابوك الله يرحمه قالى ان عنده ابن و ربنا العالم انا عامل ازاى ... بدور على ابره فى كوم قش ... لا عارف شكلك و لا مكانك ... بس ربنا يشهد انى ما قصرتش و كلمت كل الناس و دورت فى كل حته و عمرى ما فقدت الأمل و لا كبرت دماغى... و لما جيت لما رجعت مع نجاه و عرفت انه انت ... عمرى ما حاسبتك على اى حاجه فاتت و فرحت بيك و لسه فرحان بيك ... بس انا مش هقدر على كدا ... لو انت مصر تفضل بالعقليه دى
جوزيف / العقليه دى هى اللى خلتنى عايش لحد دلوقت
مختار / و هى اللى هتتسبب فى موتك برده ... انت لازم تفوق بقي
جوزيف / افوق ؟! ... عاوزنى افوق ... من ايه ... عاوزنى افوق و لا اغمى عنيا و اعمل عبيط معلش حدد بس عشان تسهل عليا و عليك الوقت و المجهود
مختار / افندم ؟
جوزيف / و لا حاجه انسي
مختار / لا مش هنسى ... انت اللى لازم تنسي موضوع نجاه ده نهائى
جوزيف يبتسم بسخريه
جوزيف / بمزاجك يعني ؟
مختار / لا مش بمزاجى بس انت ما تستحقهاش .. و لا جابر و لا اى حد فيكوا حاليا يستحقها
جوزيف/ جديد الكلام ده
مختار / يونس انا بكلمك بالعقل
جوزيف/ اه بس الموضوع ده مش موضوع عقل يا مختار دى مسأله قلب ... سألتها؟ انت سكتنى و ضحكت عليا انى ما اكلمش عباده و أخلى الموضوع بينا على اساس ان حضرتك هتساعدنى لكن الواضح انك كنت بتنيمنى مش اكتر
مختار / ما حصلش و كلمتها
جوزيف ينتبه
مختار/ قالت ابويا مش هيوافق طريقك الوحيد ليها هو انك تكسب عباده ... كلامى ما اتغيرش
أنت تقرأ
الكبيره ٢ بقلم / لولو_محمد
Mizahالحرب لسه مستمره و الحقيقه مسيرها فى يوم تظهر النور و كل واحد لازم يختار طريقه
