الكبيره ٢ بقلم / لولو_محمد

الحلقه ٥٨

((((((( الكبيره ٢ ))))))))
#لولو_محمد
الحلقه ٥٨
مريم / هيفرق فى ايه عمران يعني انا مقصره معاكى فى ايه
مهره / عوزاه يطلقني... عوزاه يقول للبابا الحقيقه
مريم / اكيد هيحصل بس لما تخفى و الا هترجعى المصحه دى تانى
مهره / طب اكلم اخويا ..  اقوله الحقيقه اكلم مروان زمانه بيلعن اليوم اللى وقف جنبى فيه اكيد حطيته فى مشاكل جامده مع بابا اكيد زعلان منى و انا و الله مظلومه و الله ما عملت حاجه انا لا ليا فى سجاره و لا حبايه دا انا أخرى البنادول ادمن ازاى يا ناس هتجنن حد يفهمني ازاى
مريم / لا حول و لا قوه الا بالله العلى العظيم
الباب يخبط مريم تتنهد و تروح تشوف مين تلاقى مختار
مريم/ ازيك يا عمى عامل ايه
مختار/ مهره خالعه راسها و لا أقدر ادخل اتكلم معاها كلمتين
مريم تبص مهره بتعدل لبسها
مريم / اتفضل يا عمى
مختار يدخل و على وشه ابتسامه مهره تمسح دموعها مختار يبص على الاكل
مختار / انتى لسه ما اكلتيش
مهره / ما ليش نفس ... لو سمحت انا عاوزه عمران
مختار/ عيني هبعتله يجي حاضر بس خير يمكن اقدر انا اساعدك
مهره / عوزاه يطلقني
..............................
مختار / عمران ما اتجوزكيش اصلا
مهره / قدام القانون و قدام اهلى متجوزه قدام الناس انا متجوزه انا هتجنن الصداع هيفرتك نفوخى مش قادره اركز و لا أفكر انا بتقطع مش قادره يارب خدنى و ريحني بقي يا رب انا تعبانه
مختار يبص لمريم مريم تروح تعبى حقنه
مهره/ بالله عليك يا عمى انا عمرى ما عملت حاجه وحشه قول لابويا انى مش وحشه قوله انى مظلومه ابوس ايدك تقوله
مختار / هقوله كل حاجه ... مهره تفتكرى مين كان بيحط ليكي المخدرات
مهره / ما اعرفش انا اصلا ما بشربش سجاير ادمن ازاى
مختار / هو مروان كان بيعملك الاكل او العصير
مهره / ايوه كنا بناكل سوا و بقاله فتره قاعد معايا من يوم البلطجيه اياهم
مختار / و ما حستيش بحاجه غريبه من ساعه ما دخل حياتك
مهره / هو حضرتك بتكلمنى كدا ليه انا مش مرتاحه لكل الاسئله دى بجد هو فى ايه
مختار / رامى بيقول ان مروان هو اللى حط ليكي المخدرات عشان تدمنى و تبقي تحت طوعه
مهره / كداب كداب مروان ما يعملوش كدا مروان دا اخويا دا هو اللى وقف جنبى دا ساب دنيته عشانى مروان ما يعملش فيا كدا
مختار / رامى بيقول كمان ان مروان اتفق مع اكرم عليكى
مهره تهز راسها لا و تفقد اعصابها و تصرخ
مهره / مفيش اخ يعمل كدا مفيش اخ ممكن يعمل كدا مستحيل دا انا اخته انا اخته ما حدش بيعمل كدا ما حدش بيعمل كدا رامى كداب رامى كداب مروان مش كدا مروان ما يعملش كدا ما حدش بيعمل فى اخته كدا
مريم تقرب من مهره
مريم / خليني اديكي الحقنه عشان تهدى و تنامى شويه
مهره/ مش عاوزه اهدى مش عاوزه انام انا عاوزه انزل مصر حالا عاوزه اروح لمروان مروان ما يعملش فيا كدا قولى ان مروان ما يعملش في اخته كدا انا عمرى ما اذيته عمرى ما اذيت حد ما ينفعش يعمل فيا كدا
مريم تمسك ايد مهره مهره تفرد ليها ايدها مريم تديها الحقنه مريم تروح تاخد وضع الجنين و تفضل تعيط لحد ما تنام
مختار / خدى بالك منها
مريم / ما وراييش غيرها اهو
مختار يهز راسه و يطلع بره يلاقي نجاه واقفه حزينه تجرى على الجنينه الورانيه مختار يتنهد و يضرب كف على كف
.......................
فى شقه كارم
كارم واقف ورا جوزيف شغال على الموبايل
كارم / انت بتجبر الناس تبيع اسهمها فى الشركه ليه
جوزيف / سعر السهم مرتبط بالعرض و الطلب لما الناس ترمى الاسهم فى السوق دا معناه ان الاسهم المتاحه كتير و ما حدش عاوزها قيمتها بتقل و ترخص و بالتالي قيمه الشركه كلها بتقل و مش بعيد تفلس كمان
كارم / بس الناس دى كلها ممكن تشتكي
جوزيف / الناس دى كلها هيبقي مليونيرات بمجرد ما اخلص
كارم / هو اللى بنعمله ده جريمه صح ؟! الهاكينج اقصد
جوزيف / ايوه جريمه بس دا لو قبضوا علينا
كارم / الغبى هو اللى بيبقي فاكر نفسه اذكى واحد فى العالم
جوزيف / انا اتعلمت اللعبه من اللى اخترعوها نفسهم و اكيد يعني مش جاى اتعلم هنا انا كل ده عملته بدل المره مليون
كارم / بص هو انا مش هنكر انى لما بتفرج عليك و انت بتتشقلب فى البتاع ده كدا الادرينالين بيعلا عندى بس برده التطبيق حاجه تانيه
جوزيف / لا معلش المرادى مش هينفع عشان دى فلوس ناس
كارم / هو السهم الأحمر ده يعني بتنزل
جوزيف / شاطر برافو عليك
كارم / زمان الناس بتسوط
جوزيف / بص الناس بدأت تاخد بالها و الكل بيبيع اهو
كارم / طب و انت مستني ايه
تليفون جوزيف يرن اكرم
جوزيف / مستنين ده 
.....................
فى الجيم
نجاه نايمه فى الارض فارس يدخل يشوفها رايحه فى النوم يتنهد
فارس / بالله فى حد عاقل يعمل عمايلك دى
فارس ينزل على ركبه و يحاول يصحيها بالراحه
فارس / نوجه نوجه انتى نايمه فى الجيم اطلعى نامى فى اوضتك بدل ما حد من الرجاله يشوفك ما يصحش كدا
نجاه ما تقومش فارس ينفخ و يهزها جامد تتفزع و تقوم
نجاه/ ايه ايه ايه اللى حصل ايه فى ايه
فارس / طبعا هطلع انا الشرير ابو قرون اللى فزعك انما انى بقالى ساعه بصحي فيكي بالراحه طبعا مش فاكره الكلام ده
نجاه / هو انا نمت !!
فارس / تخيلى
نجاه / انا قولت هفرد ضهرى عشان واجعنى ما حسيتش بنفسي
فارس/ وجعك منين بالظبط ... مكان العمليه ؟
نجاه / العمليه فى ضهرى كله يا فارس
فارس / طب يا نجاه ما فكرتيش انك فى نعمه و تمرينك الشديد ده بتر ... نجاه احنا ما عندناش خمس سنين تانين فى علاجك
نجاه / الموضوع مش للدرجادى يعني
فارس / طب تعالى نروح نشوف دكتور و لا حاجه نطمن برده
نجاه / انا كويسه الوجع راح لحاله على فكره
فارس / مش هنخسر حاجه لو روحنا اطمنا يعني ان كل حاجه فيكي تمام و لا ايه رايك
نجاه / بعدين يا فارس انا هطلع اتشطف و اكمل نوم هتعوز حاجه؟
فارس / سلامتك هعوز ايه يعنى
نجاه تبتسم و تقوم تعدل نفسها و تاخد حاجتها و تطلع و فارس متابعها
.....................
فى شقه عمران
عمران/ لا طبعا دمى محروق الراجل ده مش طبيعي مستحيل يكون طبيعي
مختار / كدا كدا انا مسافر اشوف حوار اخوك و هعدى على على اتكلم معاه و اوجهه باللى عرفناه
عمران/ تتكلم مع مين فى ايه يا بابا دا راجل عره
جوزيف / طب بالنسبه لرامي اعمل فيه ايه
مختار / لا خليه شويه لو مش هنتعبك مش عاوزه يجرى على مروان و اكرم يحذرهم
جوزيف / بس اهله هيبدأو يسالوا عنه اكيد يعني
مختار / صعبه عليك و لا حاجه
جوزيف/ ذكاء اصطناعي و لا غصب و اقتدار ؟
مختار / ليك مطلق الحريه يهمنى النتيجه
جوزيف / عشان كدا بحبك
عمران / طب اسف انى بقطع عليكوا حديثكوا الشيق بس بالنسبه لوضع مهره هيتصلح ازاى
مختار / هيحدده كلامى مع ابوها
عمران / بس هى عاوزه تشوفني
جوزيف / ما تروح لها
مختار / استنى شويه
جوزيف / على فكره البت كويسه و انت ادرى بيها من الكل انا شايف اننا نقول مبروك و خلاص
مختار / تعرف تركز فى اللى يخصك ... واه صحيح جهز نفسك عشان هتسافر معايا
جوزيف / انا مرتاح هنا شكرا
مختار/ يونس
جوزيف / خلاص ماشي جاى بس طيران
مختار يضرب كف على كف و عمران مخنوق يقوم يدخل اوضه و يرزع الباب مختار يستغرب و يبص لجوزيف
............................
فى المستشفي
نجاه قاعده و معاها خديجه و فارس و الدكتور فى ايده الاشعه بيبص فيها
الدكتور / انتى شيلتى حاجه تقيله الفتره اللى فاتت
نجاه / لا ما بشيلش أوزان
خديجه / بس بتتمرن طول الوقت و تنطيط و مجهود و قرف
الدكتور / وارد جدا يكون دا السبب
نجاه/ سبب فى ايه انا كويسه الحمد لله
الدكتور / انتى لسه ملتزمه بالعلاج الطبيعي
نجاه / لا وقفته من فتره هو فى حاجه
الدكتور / مفيش حاجه خطيره بس انتى لازم تراعى انك حاله خاصه يعني احنا ما بنقولش ما تعيشيش حياتك عادى ما بنقولش ما تتمرنيش احنا بس بنقول ناخد بالنا نتمرن صح نتابع العلاج الطبيعي نعمل ريكوفرى بعد كل تمرين استريتشات و تسخين كويس قبل التمرين نتمرن مع كوتش متخصص فاهم الحاله و فاهم ظروفها اهتمام زياده بس مش اكتر
خديجه تبص لنجاه و تتنهد
خديجه / او نتهد و نقعد فى البيت و نحمد ربنا على نعمه علينا
فارس / المهم يا دكتور دلوقت احنا ايه المطلوب مننا هتكتب لها علاج و لا جلسات و لا هتحتاج ايه بالظبط
نجاه/ على فكره انا كويسه جدا مش محتاجه حاجه
خديجه / اسكتي لو سمحتى
نجاه تبص الناحيه التانيه
الدكتور / لا انا مش هكتب علاج و هى بتقول مش محتاجه مسكن و لا حاجه بس احنا مبدئيا هنتحول علاج طبيعي اكيد و باذن الله الموضوع يكون فعلا بسيط زى ما الانسه بتقول
فارس / كتر خيرك يا دكتور تعبناك معانا
الدكتور / تعبكوا راحه انتوا تؤمروا و باذن الله خير
خديجه / تسلم يا دكتور عن اذنك
فارس يفتح الباب خديجه و نجاه يطلعوا بره
خديجه/ مش هتهمدى الا اما ترجعى على الكرسي ابو عجل تانى انتى صح ... النعمه بتزول من وش البتران
نجاه / ياما و الله
خديجه / لينا بيت نتكلم فيه و انا ليا كلام تانى مع ابوكى
نجاه تبص لفارس و تمشي و هى باصه فى الارض
....................
فى شقه ناصر
ناصر و مختار قافلين على نفسهم اوضه
ناصر / و الله الراجل ما طلبش اى حاجه و قال ان اهم حاجه عنده اتقى ربنا فيها و خلاص
مختار يبتسم و يبص فى الارض
مختار / يا ريته كان طلب دا مهر غالي اوى واخد بالك و لا مش فاهم
ناصر / و انا مش هتقى ربنا فيها فى ايه
مختار/ تمام انا هكلمه و احدد معاد انا هنا اهو
مختار  يطلع بره يلاقي جوزيف فاتح اللاب و بيبص على حاجه يروح يبص جوزيف يبص بطرف عينه و يقفل و يلف له
مختار / فى حاجه و لا ايه
جوزيف / نجاه كانت بتعمل اشاعه النهرده و اتحولت علاج طبيعي
مختار / ايه الكلام ده
مختار يطلع الموبايل و يتصل بعباده و القلق باين عليه عمران و كارم يطلعوا من الاوضه
مختار / و عليكم السلام ايه اللى سمعته ده مالها نجاه خير ... شيك اب ... امال اتحولت علاج طبيعي ليه ... طب الحمد لله يا جدع دا انا ... يونس قالى
مختار يبص لجوزيف
مختار/ تمام اقفل هكلمك بعدين
كارم / فى حاجه و لا ايه مالها نجاه
مختار/ انت كنت بتبص على ايه فى اللاب
جوزيف / ملف نجاه الطبى فى المستشفي اتعمله ابديت و انضافله الاشاعه الجديده
مختار / و انت بتقدر تدخل على ملفات المستشفي فى البلد
جوزيف / انا دخلت موقع الحكومه و جوزتلك ابنك مش هقدر ادخل سيستم مستشفي عبيط زى ده و بعدين انا كدا كدا كنت متابع حاله نجاه من سنين يعني فين المشكله
عمران / المشكله ان هم كمان عندهم ابديت لحاله نجاه
مختار / بالظبط
جوزيف / بالظبط
جوزيف و مختار يبصوا لبعض
كارم / طب المهم دلوقت نجاه نجاه نفسها هى كويسه و لا فى حاجه
جوزيف / انا مش دكتور بس اى حاجه هيلجا كانت بتقدر تعملها لها انا اقدر اعملها لها
مختار / هيلجا دى اللى هى هيلين... لا يا حبيبي انسي الموضوع ده و ما تفتحوش تانى ... احنا مش ناقصين صداع و خناق و قرف... البت كويسه و زى الفل و مش هتقف عليك الحمد لله عندنا بدل الدكتوره عشرين و كلهم ما شاء الله شاطرين
جوزيف / و لو احتاجتوا هتجيبوا من بره ... تمام
مختار / مش هنحتاج باذن الله نجيب حد ... البت زى الفل ما فيهاش حاجه ... يلا يا عمران خلينا نروح لسي زفت ده نشوف هنقفل الحكايه ازاى
جوزيف / و انا مش هاجى معاك
مختار / هتيجي مش هتطلع معانا احنا جايين نحل
جوزيف / و انا يعنى بربط ما انا بحل برده ... ماشي هستني فى العربيه
مختار / تمام ... يلا بينا
مختار و عمران و كارم و جوزيف يقوموا ناصر يطلع من الاوضه يشوف اللاب محطوط مكانه يتصل بالتليفون
ناصر / ايوه يا دياب
..........................
فى اوضه نجاه
نجاه / كل ده عشان غفلت فى الجيم
خديجه / عشان مش مسؤله ما تقول حاجه يا عباده
عباده / انا لسه كنت مكلمك عن الفاتيج يا نجاه و ادينا اهو
نجاه / طب ما دكتوره العلاج الطبيعي نفسها قالت ما فيش حاجه و ان كان على الجلسات هعملها مفيش مشكله و اهو الوقايه خير من العلاج بس انا مش تعبانه انا زى الفل تحبوا اتشقلب ليكوا عشان اثبت ليكوا
خديجه / انتى بتعاندى مين انتى
نجاه / انا ما بعاندش حد انا مش عارفه اعمل ايه انا الجيم هو المكان الوحيد اللى بقيت بفك فيه طاقتى اروح فين طيب لا جبل عارفه اطلع و لا خروج و لا صحاب و لا تمرين كمان طب اعمل ايه
عباده/ مش عارفه تطلعي الجبل ليه
خديجه/ ما عنها ما طلعت ما تتكن فى البيت وسط الحريم و زى ما بيعملوا تعمل
نجاه / عشان المحرم يابا ما حدش عاوز يجي معايا
خديجه / بركه يا جامع
نجاه تبص لخديجة
عباده / انا هاخدك تركبى خيل
خديجه / صبرنى يا رب
عباده / و لو مهره قادره ناخدها معانا تغير الجو مفيد لنفسيتها
خديجه / و ان وقعت من فوق الفرسه يا عباده هتفرح دا احنا بنقول يا حيطه دارينا
عباده / الحيطه ما عادتش بتدارى حد يا خديجه بقي فى ميكروروبوتس و تصوير حرارى بالقمر الصناعى و ليله
خديجه / انت حد مسلطك عليا
عباده / اهدى يا بنت الجوارحه رجلى على رجلها
عباده يبوس راسه خديجه تتنهد و تهز راسها
.......................
فى شركه على
على / يعني بعد كل اللى حضرتك عملته جاى و فاكرنى هصدقك
مختار / و احنا كنا عملنا فيك ايه
على / انا لحد دلوقت محترم انك فى شركتى بس اى محاوله استفزاز منك هقابلها برد فعل عنيف جدا هنندم عليه كلنا
مختار / انا جاى عشان بدور على الحقيقه
على / الحقيقه ان ابنك عيل مش متربى و ربنا ابتلاه ببت مش متربيه زيه ...
مختار يخبط على المكتب جامد على يتخض
مختار / الناس بتقوم على بعض و الدم بيبقي بحور لو حد اتكلم على حرمه تخصه مش انت ... ابنك صاحبه اعترف عليه و لعلمك انا لو عاوز اجيبه من جوه بيتك هجيبه انا بس بحاول لاخر ثانيه اعملك اعتبار
على / بعد ايه يا ... باشمهندس ... بعد اللى ابنك عمله
مختار / انت ايه ما بتفهمش ما قولتلك ضربنا الشهاده عشان تخرج من المستنقع اللى أنت و ابنك وحلتوها فيه
على / انا روحت سألت بنفسي و القسيمه حقيقيه مش مزوره ابنك بقي عرف يشتغلك دى مشكلتك انت
مختار / اللهم طولك يا روح على الغباء ... بقولك ابنك مدمن انت ايه ما بتفهمش
على / أبنى زى الفل و انا بنفسي محلله فى معمل كبير و موثوق و التحاليل معايا ابنى زى الفل انت سامع و لا لا و اى كلام قاله الصايع رامى فانا مش هيفرق معايا عشان اصلا ابنى قطع علاقته بيه
مختار / طب ممكن بعد اذنك تغير المعمل الكبير ده عشان ابنك قدر يلاقي فيه ثغره... يا عم انا معايا اسم الديلر اللى ابنك بيتعامل معاه عاوز اكتر من كدا ايه
على / يعني عاوزنى اصدق واحد زيك و اكدب التحاليل
مختار يبتسم و يهز راسه
مختار / انت كدا بتجبرنى على سكه ما كنتش عاوز أبدا امشي فيها
على / ابنك جاهز للامتحانات الفاينال يا باشمهندس و لا ... الجواز معطله
مختار / الشهاده ديه ورقه اللى زيك بيحتاجوا يعلقوها فى الخلفيه بتاعتهم عشان الناس تحترمهم انما ابنى هيبته كافيه تفرض احترامها على الطخين و الاطخن منه كمان
على/ اللى بينا ما انتهاش يا باشمهندس
مختار / دا احنا لسه بنسمي و نقول يا هادى
مختار يقوم يطلع بره
...................
فى المضيفه
مهره / و ما دام بابا اتنازل ... ليه عمران ما بيجيش
هند / عمران عند ابوكى فى مصر بيتكلموا فى اللى حصل
مهره / هيقوله الحقيقه هيقوله انى مش زى ما بيتقال عنى صح هيقوله انى مظلومه صح
هند / هيقوله ... كلى انتى بس لقمه دلوقت و باذن الله يكلمونا و نطمن
مهره تعيط و تهز راسها لا
هند / طب انتى بتعاقبى مين دلوقت ما انتى لازم تجمدى عشان تخفى و لا عاوزه تقعى مننا
مهره / انا مش قادره اكل بطنى وجعانى و جسمي كله واجعنى و ما ليش نفس ... انا اخويا ما يعملش فيا كدا انا متاكده ان رامى دا كداب رامى كداب صدقيني اكيد اتفق هو و اكرم على مروان اكيد
نجاه تدخل
نجاه / السلام عليكم سمعت ان صاحبتى مش راضيه تاكل
هند / الدكتور قالك ايه
نجاه / كويسه الحمد لله بس هم عاوزينى استمر على العلاج الطبيعي من باب الوقايه يعني و انا قولت امين
هند / لازم تاخدى بالك من نفسك الناس بتقول خطوه لقدام
نجاه/ و الله باخد بالى جدا كمان ... بقولك ايه يا عم الحج ابويا قال هياخدنا نركب خيل فى الجبل بس شرط تاكلى ها هتيجي و لا اغدر بيكي و اطلع لوحدى
هند / طب تصدقوا فرصه انا كمان عاوزه اخرج خدونى معاكوا ... على فكره انا فى الخيل و النشان ما حصلتش
نجاه / دى استاذه و رئيسه قسم ها هتاكلى و لا نبيعك
مهره / انا عاوزه بس مش قادره تعبانه اوى
هند / طب معلش حاولى بس اللقمه دى و نقوم نتشطف و نلبس هدمه نضيفه و نروح نغير جو الهوا النضيف هيفرق معاكى اوى
مهره تهز راسها و تجبر نفسها تاكل و نجاه بتطبطب على ضهرها
…………………..
قدام الشركه
جوزيف قاعد مكان السواق و عمران و كارم ورا
كارم/ يعني ممكن ترجع تتشل تانى ؟!!
جوزيف / انا مش دكتور يا كارم انا ممكن اخيط جرح اخرج طلقه أوقف نزيف اعمل سي بى ار ارد كتف مخلوع اسعافات أوليه يعني مش اكتر و حتى اللى اتعلمته من هيلجا دا هدفه العلاج او التعذيب برده بس الخلاصه انى مش دكتور
عمران / احنا لسه بنتكلم فى الموضوع ده ليه مش الدكتور شافها و قال كلمته
كارم / عشان انا عارف اختى يا عمران عارف انها لا هتهبط و لا تتهد و لا تقعد فى مكانها دا فارس بيقول انه لقاها واقعه فى الجيم و لما اتحرجت قالتله نامت مكانها
عمران / ما يمكن صادقه
كارم / دى نجاه مش خالتك ياسمينا
عمران / طب اسكت ابويا جاى
كارم / سكت سكت وشه مقلوب و شكلها سواد
مختار يركب العربيه و يرزع الباب
جوزيف / انزل؟
مختار / اطلع على بنها
جوزيف / وشك مش جايب بنها انزل اتكلم انا معاه ... صدقنى هحلها
مختار / يونس من فضلك
جوزيف / بكيفك
جوزيف يسوق
عمران / هو ايه اللى حصل فوق
مختار / بعدين يا عمران من فضلك
عمران / حاضر
عمران يبص لكارم باصصله عمران يبص من الشباك
مختار / اطلع على اكرم
جوزيف / طب و بنها ؟
مختار / انت مش عاوز تنزل ؟!! هنزلك اطلع على اكرم
جوزيف / مش هنزل لاكرم انا ... هو اللى يجيلى
مختار/ فين ؟
جوزيف / بنها لو تحب نروح بنها و نكلمه يجيلنا
مختار / ماشي
جوزيف/ اخليه يجيب مروان و على فى ايده
مختار / مش هتفرق اصلا الراجل اللى فوق ده حلوف ما يستاهلش يكون اب
جوزيف / اللى زى ده قرشه هو ضناه
مختار / للاسف عندك حق ... عمران عاوزك ترجع البلد ... لا انت هتخليك هنا و هتعيش طبيعي و خلينا نشوف هيعملوا معاك ايه
عمران / بس ماما كلمتنى ان
مختار / عارف عارف و عشان كدا فى الاول فكرت انك ترجع البلد و بعدين افتكرت كلامى مع الحلوف اللى فوق عاوزك تبان قدامه طول الوقت اما اشوف اخره ايه
عمران / فهمت .. تمام حاضر
مختار / انا بجد هاين عليا ارجعله
جوزيف / ما قولتك انزله
مختار / انا عمرى فى حياتى ما حد حرق دمى كدا ... هو انا ايدي فى جيبي ما انا ارجعله ... لف بينا يا ابنى
عمران / ثوانى بس ثوانى ايه يا بابا حضرتك اهدى مش كدا
جوزيف ياخد اول يوتيرن
عمران / راجع فين انت كمان انت ايه جنازه و تشبع فيها لطم
جوزيف / لا ما تقلقش مش هنوصلها للدرجادى احنا بس هنتكلم معاه بالادب
كارم/ عاوز اطلع معاكوا اتفرج
مختار / هو فيلم سينما انتوا ايه اللى جابكوا اصلا ... روحنا بنها يا ابنى
جوزيف / مش بشتغل عندكوا انا روح و تعال ما ترسالك على بر
عمران / روحنا ...سامحنى يا بابا بس لازم نفكر فى اى قرار هناخده فى الأول و الاخر دا والد مهره ما ينفعش
مختار / معاك حق … تمام معلش يا يونس ارجع على بنها
جوزيف يتنهد و يهز راسه و يسوق و هو معدى يشوف ناس بتعلق يافطه على كبرى اعلان كبير السيرك الروسي قريبا فى مصر عينه عليه
عمران / هو ده اللى هيلف مصر كلها و كان عاوز يجي عندنا البلد ؟!
كارم / شكله هيبقي جامد نبقي نروحه ... يعني لما نخلص الحاجات اللى ورانا يعني
عمران / الا عمرها ما خلصت
مختار/ مفيش مشكله انك تدى لنفسك بريك و تفك عن نفسك يا عمران و على رايك كدا كدا اللى وراك عمره ما هيخلص
عمران / بس فى أولويات يابا
مختار/  و انا متاكد انكوا قد المسؤليه و هتعرفوا تظبطوا وقتكوا و مسؤلياتكوا كويس
كارم / لما ارجع البلد هستاذن ابويا و اخد نجاه تتفرج معايا هتنبسط اوى
مختار / باذن الله
جوزيف سامع الحوار يسند على الشباك و يكمل سواقه
...........................
فى الجبل
مهره سانده على صخره و حاضنه نفسها عباده يروح لها
عباده / انتى كويسه يا بنتى ... اروحك
مهره / لا لا انا كويسه ... جسمي واجعنى شويه بس انا تمام
عباده/ طب شربتى مايه كويس ... الشمس هنا حاميه
مهره تهز راسها نجاه و هند يرجعوا على الخيول نجاه سابقه و بيضحكوا
نجاه / قولتلك ملك ما حدش يقدر يعلم عليها فى أرضها... صح يا ملوكتى الحلوه صح يا ست العرايس يا قمر القمرات انتى يا جميله
نجاه تفرك لملك فى رقبتها و تطبطب عليها و بعدين تشوف مهره سانده على الصخره نجاه تنزل من على ملك
نجاه / مالك يا مهره انتى لسه تعبانه
مهره / احسن كتير بجد
هند تنزل من على الفرس و تروح
هند / نروح يا بنتى ؟ لو مش قادره ما تجيش على نفسك
مهره / هو مفيش اخبار عملوا ايه مع بابا ... اتاكدوا ان مروان برئ صح اتاكدوا من كلامى مش كدا
عباده / هيخلصوا كام مشوار و يرجعوا بالسلامه يطمنونا ما تفكريش فى الموضوع
مهره / ازاى بس يا عمو ازاى ما فكرش ... دا فى كلاب سعرانه بتجرى فى دماغى كل فكره كابوس اكتر من اختها ... مش عارفه تعب جسمي أقوى و لا تعب دماغى هموت من الخوف و التفكير
نجاه / يعني هم كانوا امتى فرقتى معاهم عشان يبقوا فارقين معاكى اوى كدا دلوقت يعني
مهره / دول اهلى يا نجاه ما ليش غيرهم فى الدنيا
نجاه / عندك احنا
عباده/ تحبى نروح ترتاحى شكلك تعبانه
مهره تهز راسها اه عباده يبص لنجاه تهز راسها و تروح تلم الحاجه و هند تسند مهره ناحيه العربيه عباده يبص على الجبل صابر و شاكر واقفين بعيد متابعينهم
شاكر / ماشيين خلاص
صابر / اخر مره شوفت فيها مهره دى فى تركيا كانت حاجه تانيه
شاكر / ما لناش دعوه يا صابر
صابر / بص حواليك كدا يا شاكر ... السواد محاوط الدنيا باللى فيها
شاكر / و لا تقنطوا من رحمه الله
صابر / و نعم بالله بس ما حدش مبسوط و لا حد مرتاح الكل تعبان
شاكر / الدنيا دى دار اختبار و شقاء الراحه دى فى الجنه و عليك خير
صابر يبص لشاكر
شاكر / صدقني ربنا بيعرض
صابر  / عوضك ؟
شاكر / هو فى عوض احلى من صحبتك
صابر يضحك
صابر/ انت بتثبتنى يا ابن الزيني
شاكر / اهو بحاول استرضاك يمكن تحن و ترضي تحكى عن الحوار اللى دار بينك و بين الخواجه
صابر  يضحك و يسيب شاكر و يمشي
شاكر / مش هحكيلك حاجه بعد كدا على فكره
صابر يلف و يبصله
صابر / حوش يا خويا الحكاوى اللى مقطعه بعضها
شاكر يضحك و يروح ورا صابر
......................
فى شقه عبد العزيز
عبد العزيز/ تاعبينك و طريق و سفر
مختار / لا ما المره الجايه عندنا تجيب الجماعه بقي و تنورونا فى السرايا تتفرجوا على البلد و تقضوا يومين حلوين وسط المايه و الخضره و الهوا النضيف
عبد العزيز / باذن الله اكيد
مختار / عن قريب باذن الله ... نتكلم فى الجد ... ناصر بلغنى انك ما طلبتش منه حاجه
عبد العزيز / انا الماديات ما تفرقش معايا اللى تقدروا عليه هاتوه و نور بنتكوا و مش هتظلموها
ناصر / يا عمى قولتلك اللى تؤمروا بيه هنجيبه
عبد العزيز / و الله دى بقي حاجه تتفق معاها انت و عروستك انتوا اللى هتعيشوا بس زى ما اتفقنا وقت ما توحشنا تجيبها و ما تأخرهاش علينا
مختار / ما تقلقش يا سيد الناس زى ما اتفقنا زياره عندكوا و زياره عندنا و الطريق علينا رايح جاى من اول قطر درجه اولى لحد طياره خاصه اللى يبقي متاح وقتها اهم حاجه صله الرحم و احنا برده هنشوف شقه جنبكوا تتفرش و تتوضب من كله عشان لما يحبوا ينزلوا إجازات و زيارات يقعدوا فيها و ان كان على البلد فهى ليها جناح فى السرايا برده مجهز من كله و مش بس كدا دا هيبقي فى شقه كمان فى البلد ليكوا وقت ما تحبوا تنورونا بتاعتكوا هنستاذنكوا بس بنسخه من المفتاح مع نور عشان تبعت حد ينظفها كل فتره و يشقر عليها و كدا
عبد العزيز / و الله مش عارف اقول لحضرتك ايه
مختار / ما تقولش حاجه دى بنتى ... و بالنسبه للشبكه فدى هديه العريس للعروسه عاوز ننزل نجيبها من هنا ننزل عاوز تجيبها من عندنا يكون افضل دهب الصعيد اتقل و اهو الحريم يبقوا حواليها يهيصولها
عبد العزيز / حضرتك قولتها كلمه هديه هو بقي عاوز ياخدها فى ايده و هو بينقى انا مش هتكلم
مختار / طب يا سيدي مش تنادى العروسه نشوف لو ليها طلبات تانيه
عبد العزيز / صدقنى نور ما بتفرقش معاها الماديات
مختار / انا عارف بس الحريم بيبقي ليهم حاجات فى خيالهم كدا زى الخطوبه و تجهيزاتها تحب تعملها هنا و لا فى البلد عندنا... على فكره البلد عندنا جو تانى خالص
عبد العزيز / ايوه بس اكيد أهلنا مش هيقدروا كلهم يجوا البلد عندكوا
مختار / خلاص يبقي نعمله الاتنين ليله عندكوا و ليله عندنا ... ناصر معاكوا تنزلوا تجيبوا كل اللى هتحتاجوه من الألف للياء و الشبكه و القاعه و الفساتين و كل حاجه و تبلغونا بالتاريخ نيجي نهيص شويه و ناخدكوا و نروح نكمل عندنا فى البلد
عبد العزيز / انا مرتبط بشغل الموضوع مش بالبساطه دى
مختار / شوف دنيتك وانا متأكد انك هتقدر تظبطها انت مش عاوز تشوف صيدليه بنتك و لا ايه ... انا وصيت واحد حبيبى يستلقطلى صيدليه محترمه تبقي باسم عروستنا ست البنات
عبد العزيز / كتير و الله يا باشمهندس
ناصر / حضرتك ما قولتليش حاجه عن الموضوع ده
مختار/ جل من لا يسهوا عجزنا خلاص و بقينا ننسي
عبد العزيز / يا راجل ما تقولش على نفسك كدا دا أنت ما شاء الله عليك ما تجبش سنك خالص انا قولت ما شاء الله لتفتكرنى بحسد و لا حاجه ... هقوم استعجل نور
مختار يبتسم عبد العزيز يطلع بره ناصر يروح يقعد جنب مختار
ناصر / حقيقي حكايه الصيدليه دى ؟
مختار / فارقه معاك فى حاجه
ناصر / لا بس فرحت
مختار / و انا هعوز ايه اكتر من كدا ... ربنا يسعدك و يتمم لك بخير
.........................