الكبيره ٢ بقلم / لولو_محمد

الحلقه ٣٢

(((((((( الكبيره ٢ )))))))
#لولو_محمد
الحلقه ٣٢
رامى / بقولك قفلتنى و لمحتلى عليك
مروان / و المطلوب
رامى / زقه هتها و تعال و بعدين استاذن لاى سبب ترقص مع واحده تتكلم فى التليفون كدا يعني
مروان/ انت عبيط ما هى معاك فى الشركه طول اليوم ما تفتح معاها المواضيع اللى انت عاوزها
رامى / هنا مش نافع هنا فى شغل و ناس داخله و ناس خارجه و هى كمان جد اوى اكيد بره الشركه
مروان / جد برضه ... بس مش عليك ... كلو بالحنيه بيفك ... الله يحرقك محسسني انى بقرون و انا بتكلم عن اختى كدا
رامى / طب بص خليها تجيلك الكافيه و انا هاجى و انت اعمل بروفتك و نمرتك و انا و هى هنقعد نتكلم على ما تخلص تمام
مروان / ماشي هكلمها بس ما اوعدكش هى تقريبا متفقه مع جماعه صحابها يروحوا يركبوا خيل فى الجيزه و يجروا فى الصحرا و كدا يعني بايه هى متحمسه اوى للخروجه دى فانا هشوف الدنيا و ارتب و ابلغك
رامى / اى وقت
مروان / ما تتعلم خيل يا رامى الموضوع ده هياكل معاها اوى
رامى / يا عم ارحم امى بقي خيل ايه و زفت ايه انا ناقص هبل يلا اقفل اقفل و كلمها يلا
مروان / سلام
..........................
فى اوضه جوزيف
جوزيف واقف و مختار قاعد على السرير
مختار / انا مش هسيب اللى ورايا و اللى قدامى و اقعدلكوا انتوا مش صغيرين
جوزيف / ايوه يعنى اللى بيقول كلمه هيتحاسب عليها
مختار / و اللى بيعمل كمان ... ايه اللى طلعك اوضتها
جوزيف / بهزر عادى مش راضيه ترد طلعتلها
مختار/ كنت فاكر اننا لسه بنقول انكوا كبار ليه بقي حركات العيال دى ... و بعدين انت غلطان ما تكابرش اتكلمنا كتير فى موضوع نجاه اللزم حدودك معاها
جوزيف / و الا ؟؟
مختار / من غير و الا انا مش بهددك ... بس انت كدا بتاذى نجاه و بتحطها و بتحطنا كلنا تحت ضغط احنا فى غنا عنه ... نجاه قالت انك بتحترمها ... هتبقي مبسوط و الناس بتتكلم عنها و تخوض فى شرفها
جوزيف / ايه التخلف ده
مختار/ احنا متخلفين ما تكررهاش تانى
جوزيف / ماشي
مختار/ بخصوص جابر
جوزيف / لا معلش انا بكبرك بكيفى بس هتصغرنى هصغرك
مختار/ انا ربيت نجاه و جابر و عندى من غلاوه ولادى و انا مجرد فكره انك نمت مع نجاه فى سرير واحد قتلانى و بعانى انى ما اقتلكش و بديك بدل العزر ميه ... و انا ما شوفتش الصور اصلا ... ما بالك بقي باللى شافها ..  و ما بالك اكتر لو كانت حبيبته اللى مستعد يرمى روحه فى النار عشانها ... جابر كان مستعد ينفذ كلامك و يقتل نفسه و نجاه ترجع ... بس احنا ربطناه و منعناه ... جابر بيكرهك
جوزيف / لا و انا اللى ميت فى دباديب امه
مختار / دى اختى خد بالك
جوزيف / دا اكسبريشن مش قصدى حاجه
مختار / طب حاول تستثنى الامهات من الاكسبريشنز بتاعتك عشان احنا متخلفين ما بنفهمش الكلام ده
جوزيف / على فكره انا مش عارف انا ليه صابر عليك انت بالذات بس ... يمكن عشان ... مش هتفرق ... المهم انى بعاملك كويس و دا مش طبعى فما تدوسش عليا عشان انا لغم لما بتضغط عليه بتزعل 
مختار / طب ممكن من فضلك اضغط عليك لاخر مره
جوزيف / اسمع 
مختار / راضي جابر و حاسب فى تعاملك مع نجاه
جوزيف / نوجه ماشي
مختار / قولنا ايه بقي اسمها نجاه ما تهزرش معاها احنا ما بنسمحش لحد يقرب من حريمنا كدا
جوزيف / لا بتسمحوا بس للى على هواكوا
مختار / يونس من فضلك
جوزيف / مش انا طلع اسمى جوزيف ... خليني جوزيف احسن على الاقل عارفه و عارف اوله من اخره انما يونس ده ... ما اعرفوش تايه فيه و مش عارف اخرته ايه و لا هتعامل معاه ازاى ... كل حاجه غلط كل حاجه حرام كل حاجه متكتف .. انا تعبت
مختار / القرار ليك ما حدش يقدر يجبرك ... فكر و قرر انت عاوز تكون مين فيهم ... ها تحب تكون مين فيهم ؟
جوزيف /  يونس
مختار / ما فكرتش يعني
جوزيف يسكت
مختار/ كل حاجه فى اولها صعبه ... انا هسيبك ترتاح و تهدى و تفكر عشان انا للاسف لازم اسافر مرتبط بمعاد طياره و الحمد لله انت عاقل و راسي و هتعرف تصلح الشرخ البسيط اللى حصل ... مش كدا يا يونس
جوزيف يبص الناحيه التانيه
مختار / انا يمكن مش معاك ... بس انا جنبك تقدر تكلمنى فى اى وقت زيك زى ولادى بالظبط
جوزيف / شكرا
مختار / يلا اسيبك ترتاح و باذن الله اسمع اخبار حلوه... سلام 
مختار يخبط على كتف جوزيف بالراحه و يمشي و يقفل الباب وراه جوزيف يقعد على السرير و يتنهد
...........................
فى الشركه
مهره بتلم حاجتها و هى بتتكلم فى التليفون
مهره / لا لغتها... حصلت ظروف هتبقي تحكيلى عليها بعدين نبقي نروح بكره و لا اى وقت تانى مش عارفه بقي ... تمام هستناك ... سلام
رامى يخرج من مكتبه
رامى / انتى لسه هنا يا مهره خير هى صحبتك ما جاتش و لا ايه
مهره / مستنيه مروان ... هيوصلنى شكرا
رامى / طب ما اوصلك انا يا بنتى ليه تشحطتى مروان من اخر الدنيا و اكيد عنده بروفا و كدا و انا اصلا رايح هناك
مهره / لا ما هو قال جاى
رامى / انتى يا بنتى غاويه تعب و لا انتى مش واثقه فيا ... اقولك اركبى ورا و اعتبرينى الشوفير بتاعك
مهره / ما اقصدش و الله
رامى / ما انا مش شايف اى سبب انك ترفضي تركبى معايا و احنا رايحين نفس المكان غير انك مش واثقه فيا
مهره / لا بس هو مروان فعلا جاى
رامى / بس كدا ... ثوانى
رامى يطلع موبايله و يتصل بمروان و يحرج مهره
رامى / باشا فينك ... لا ما تجيش انا هجيبها معايا ... يا عم ما انت عارف انى جاى اقعد معاك لحد معاد الايفنت بالليل اوعى تكون مش جاى ... بجد !!! كان معاه دعوتين و كان هيقولك تروحى معاه
مهره تبتسم بحرج
رامي / احنا فى الطريق اهو ... سلام سلام
رامى يقفل
رامى / ليكي حجه تانيه
مهره تبتسم بحرج رامى يشاورلها تمشي تمشي و يمشي وراها
...................
فى اوضه جابر
جابر قاعد على كرسي و حاطت خده على ايده الباب يخبط يتعدل
جابر / اتفضل
جوزيف يفتح الباب و يدخل جابر ينفخ و ملامحه تقلب
جوزيف / على فكره انا كمان ما بحبكش
جابر / يا سيدي
جوزيف / بس انا جاى اعتزرلك
جابر يسكت
جوزيف / انا ما كانش قصدى كل ده انا كنت بهزر و بلعب عادى
جابر / احنا هنا
جوزيف / و مش هكررها ... انا مش جاى ائذى نجاه ... لو كنت عاوز كنت عملت من زمان انا مش عاوز ده و صدقنى هى غاليه عندى زى ما هى غاليه عندك بالظبط
جابر يقوم و يروحله
جابر / ابعد عنها
جوزيف / انت مش هتقدر تحميها لوحدك
جابر / هموت بحاول
جوزيف / و تموت ليه و تفشل فى حمايتها ما دام ممكن احط ايدي فى ايدك و ننجح سوا
جابر / انا و انت زى البحر و النار واحد فينا اكيد هيموت التانى
جوزيف / انا ما بقولكش حبنى و لا حتى اقبلنى لانى لا هحبك و لا هقبلك انت مش بتقولوا عدو عدوى صديقي احنا الاتنين هدفنا واحد و دا مش عشانى و لا عشانك دا عشانها
جابر / انت بتاذيها من غير ما تقصد انت مش عارف مصلحتها فين
جوزيف / عشان كدا محتاجك جنبى محتاجك توجهنى بالراحه و تساعدنى و انا هسمع كلامك
جابر / انا مش مصدقك
جوزيف / كل الفتره اللى فاتت دى تعرف عنى انى اروح لحد اكلمه بالطريقه دى
جابر / و عشان كدا مش مصدقك عشان ده مش انت
جوزيف / مش جوزيف صح ... بس ممكن يكون يونس
جابر يسكت و يبص الناحيه التانيه و يتنهد نجاه تخبط على الباب
نجاه / ازيك يا يونس ... جابر ممكن ثانيه ؟
جابر يبعد جوزيف من طريقه و يروح لنجاه تتكلم بصوت واطى
نجاه / انا اعتذرت لمهره بس انا مضايقه اوى لانى اعتزرت متاخر و هى كانت عملت حسابها و فضت نفسها و كانت مضايقه
جابر / كلميها لو عاوزه نروح احنا لسه فيها شوفيها هى فين نعدى ناخدها
نجاه تبتسم
نجاه / بجد !!
جابر يهز راسه تفرح و تجرى على اوضتها جابر يرجع اوضته
جابر / احنا رايحين نركب خيل كان نفسي اقولك تعال معانا بس انت ما بتعرفش .. تركب خيل
جوزيف / نجاه عرضت امبارح تعلمنى ... ما تقلقش مش هعطلكوا هغير و اجهز فى ثوانى عن اذنك
جوزيف يمشي و جابر كاتم جواه
......................
على الطريق السريع
شاهين سايق و حاطت الايربودز فى ودنه
شاهين / اه رجعته للشركه و جبت التانى اللى كنت عاوزه وراجع ... قالوا انها غلطه و اعتزروا و خلاص اعمل ايه يعني ... يعنى الف و ارجع اروح اكسر ام الشركه على نافوخ اللى جابهم عشان ترتاحوا انا مش فاضي للكلام ده ... غلطه و مش هتتكرر خلاص ... يعنى لو انقلبت بالعربيه دلوقت هترتاحوا هتبقوا مبسوطين ... لا حول و لا قوه الا بالله ... تمام تمام لما ارجع سلام ... سلام
شاهين يشيل الايربود و يرميها جنبه على الكرسي
شاهين / يا بااااااى دا انا لو عيله فى ثانوى مش هيقفلوا عليا كدا ... الف حمد و شكر ليك يا رب ... استراحه جايه فى وقتها
شاهين يدخل البنزينه و يركن العربيه و يروح للكاشير
شاهين / اسبريسو دبل لو تكرمت ... الحمام منين
الكاشير / من هنا
شاهين/ تسلم
شاهين يروح الحمام و يدخل الكابينه و يقفل الباب ثوانى و ابيك تدخل لابسه عبايه سوده و نقاب تبص على الارض مفيش غير شاهين فى الكابينه بتاعته تروح تقفل باب الحمام بالمفتاح و تقلع العبايه لابسه فستان اسود قصير ضهره مكشوف و الصدر مربوط برباط على الرقبه ابيك تطلع ازازه فرمون و ترش على جسمها و ترش فى الجو و تبص على نفسها فى المرايه و تبتسم و تسند على الحوض و تبص للكبينه
ابيك / come out come out wherever you are
( اظهر و بان عليك الامان )
صوت شد اجزاء ابيك تبتسم
ابيك / خد راحتك ما تستعجلش ... دا برده اسمه بيت الراحه... و انا مش جايه ائذيك انا جايه اتكلم معاك
مفيش صوت
ابيك / ما اعرفش قدرت تميز صوتى و لا لا بس
شاهين يفتح الباب و يطلع ماسك المسدس فى ايده و متركبله كاتم صوت
ابيك / انت اتكلمت مع ايمي و ما اقتنعتش اننا نقدر نساعدك تبقي الكبير بس ايه رايك لو بلغتك بالعمليات الجايه كلها و خليتك انت اللى تحبطها دا مش هيحسن من ادائك و مكانتك و ترتيبك ... ايه رايك لو حولتك من واحد ما لوش تلاته لازمه للبطل اللى الكل مش قادر يصدق انه انقذ البلد بالعيله باللى فيها
شاهين/ و انا اهبل بقي عشان اصدق انكوا هتعملوا كدا لله و للوطن
ابيك / مفيش حاجه ببلاش بس احنا مصلحتنا ان انت اللى تحكم مش دياب او منصور
شاهين / اشمعن
ابيك / عشان انت اذكى منهم انت عارف ان الدنيا مش ابيض و اسود فى رمادى بدرجاته فى النص انت نفسك محشور بينهم مش قادر تبقي ملاك مثالي زيهم
شاهين/ على الاقل بحاول
ابيك / كلنا بنحاول ... بس ما حدش فينا ريالته كانت مغرقه الارض و هو بيتفرج على جسم مرات ابن عمه ... مش انتوا برده اللى بتقولوا انا و ابن عمى على الغريب
شاهين / غلطه و ما اتكررتش
ابيك / متاكد ؟!! الكداب بيروح فين ... طب ايه رايك ان عندى ليها فيديوهات كتير ما حدش شافها و لا هيشوفها غيرك اكسيكلوسيف ... امايا بتساعد ياسو ترسم تاتو على ... لا مش هحرقها هخليك تشوف بعنيك
ابيك تطلع من جيبها فلاشه و عين شاهين عليها يلم نفسه
شاهين/ انا لو خدت منك الفلاشه دى هيبقي مش عشان اتفرج هيبقي عشان اتاكد ان اللى بتقوليه صح
ابيك / طبعاااااا بس يا ترى بعد ما تتاكد ... هتعمل ايه ؟
شاهين / هقول لمنصور ... هو جوزها هو يتصرف انا مالى
ابيك / اه بس الفلاشه دى كمان عليها الفيديو بتاعك بس صحيح ما احنا فيها ما انا دلوقت برده ممكن ابعت لمنصور الفيديو بتاعك و برده هو اللى هيتصرف انت مالك
شاهين / اعمليها و مش بشتغلك افضحينى و احرقى الورقه الوحيده اللى بايدك هيعملوا فيا ايه يعني ؟!! مهما علموا ... مش هيكون قد عقاب الخيانه
ابيك / مين جاب سيره الخيانه بس ..  بالعكس انت هتنقذهم من هجمات و تفجيرات و بلاوى سوده انت هتتمم صفقات بالملايين و هتحقق نجاح كبير فى شغلك فى البلد و اسمك هيسمع زى الطبل و كلو لمصلحه العيله و البلد ... ايه ما نفسكش تشوف الفخر فى عين ابوك ... يمشي رافع راسه وسط الناس زى مختار و عباده بدل ما هم دايسين عليه بسببك
شاهين / مش محتاج منك حاجه
ابيك / لا محتاج ... بس مكسوف تطلب
شاهين / يغور اللى انا عاوزه لو من وشك
ابيك / براحتك و كحسن نيه منى هبقي اكلمك ابلغك بمعاد اول هجمه على البلد ... و مش هتكون بعيد يكون فى علمك
شاهين / و انتى مين قالك انى هسيبك تطلعى من هنا اصلا
ابيك / لو كنت عاوز تقتلنى كنت قتلتنى من ساعتها ... انت عاوز ما تنكرش ان عجبك الكلام
شاهين / اضحكى على روحك زى ما انتى عاوزه انا ما قتلتكيش عشان حرمه و معكيش سلاح انما لو كنتى دكر كنت
ابيك تشد الرباط شاهين يحاول ما يبصش و كل شويه يبص و يبعد عينه و مش قادر يثبت مكانه
شاهين / استرى نفسك يا حرمه استرى نفسك
ابيك / ما حدش معانا و انا مش هقول لحد على اللى هيحصل بينا
شاهين يضرب المرايه طلقه ورا ابيك ما تتهزش
شاهين / التانيه فى قلبك قولتلك استرى نفسك
ابيك / اوك ... انت الخسران
ابيك تربط الفستان و تسيب الفلاشه على الحوض و تلبس العبايه و النقاب
ابيك / هكلمك ... سلام
ابيك تمشي شاهين ينفخ و يروح يسند على الحوض و يفضل يغسل وشه بميه ساقعه و هو مش عارف ينظم نفسه عينه تيجي على الفلاشه يمسكها و يبلع ريقه و يبص على الباب و يبص حواليه يحط الفلاشه فى جيبه و يعين المسدس و يعدل نفسه و يطلع بره المكان مليان سياح  و الكاشير واقف على مكنه الاسبريسو
الراجل / انا اسف جدا المكان فجاه اتزحم و مش ملاحق على الطلبات حالا الاسبريسو بتاعه حضرتك تكون جاهزه ... اهى اتفضل
الراجل يدى لشاهين الكبايه شاهين ايده بترتعش
الراجل / حضرتك كويس ؟
شاهين ياخد الكبايه و يسيب فلوس و يمشي يروح يركب العربيه يغمض عينه و يرمى الكبايه من الشباك و يبص فى المرايه فى اوتوبيس مليان سياح و اتوبيس تانى مليان مصريين و الناس واقفين حوالين الاوتوبيسين و الناحيه التانيه عربيه واقفه فيها اربع رجاله
شاهين / وكسه توكسكوا
شاهين يطلع التليفون و يتصل بابوه
شاهين / الو ... ايوه يا ابا
.......................
فى الكافيه
رامى / انا اصلا بحب المكان هنا جدا الفايبز و المواهب تعرفوا كانوا عاملين فى يوم حفله كاريوكى و بنت من وسط الناس عادى جدا طلعت غنت و مش هتصدقى صوتها كان رائع قد ايه الناس صوروها و الفيديو بقي فيرال و نزلت فعلا فيديو كليب بس للاسف ما سمعش
مهره / ليه بس
رامى / لفساد الزوق العام ... الناس ممكن تسمعك عشان صوتك حلو بس مش هتتفرج عليكي لو ما كانش شكلك و جسمك حلو و الاهم بتعرفى تبيني الجمال ده
مهره / تقلع يعني
رامى / مش لازم تقلع بس تشد العين
مهره / بس هى مغنيه مش حاجه تانيه يعني مكانها الصح انك تسمعها
رامى / مش انا اللى بحط القوانين انا اصلا ما ليش فيها انا مجرد رجل اعمال و حتى دى على قدى و بعافر فى السوق وسط الحيتان
مهره / ربنا يوفق حضرتك
نجاه تدخل مهره تشوفها تتحمس و تشاورلها
نجاه / اسفه جدا بجد مش هتصدقى يومنا كان عامل ازاى بس الحمد لله اتلم بسرعه و قدرت اجيلك
مهره / اعرفك ... مستر رامى مديرى فى الشغل ... نجاه الزيني صاحبتى
رامى / شكلك مش غريب حاسس انى شوفتك قبل كدا
مهره / اكيد اصل صورها كانت فى كل حته بسبب اللى حصل فى تركيا للبعثه المصريه لو سمعت عنه
رامى / لا الحقيقه ما كنتش متابع على العموم اهلا و سهلا
نجاه / اهلا بحضرتك ... ايه جايه و لا ايه
مهره / عن اذنك
رامى / هو حوار الخيل ده ممتع اوى زى ما بتقولى
مهره / اكيد
رامى / طب ممكن اجى اجرب بما ان مروان مشغول و كدا و لا هبقي بتطفل
مهره تبص لنجاه
نجاه / تنورنا اكيد ... اتفضل
رامى ياخد المفاتيح و الموبايل و يشاور لمروان واقف بيعمل بروفا مع الباند يبتسم و يشاورلهم يطلعوا بره تلت عربيات و الرجاله قاعدين و جابر واقف جنب واحده منهم يشوفهم خارجين يروح لهم
رامى / انا عربيتي اهى ابعتوا اللوكايشن على موبايل مهره و احنا هنحصلكوا
نجاه تبص لمهره
نجاه / احنا فى اماكن معانا فى العربيات لو تحب تسيب عربيتك هنا
جابر /  مش هتعرفونا
نجاه / استاذ رامى ... مدير مهره فى الشغل
رامى / و صاحب اخوها الانتيم
نجاه / كان بيستاذن يجي معانا يجرب
جابر / على راسنا اهلا و سهلا طبعا ... جابر الزيني ابن عم نجاه
رامى / اهلا بحضرتك ... رامى سيف الحق
جابر / اهلا و سهلا تشرفنا
مهره / بعد اذنك هركب مع نجاه
جابر / فى مكان فى العربيه لو تحب حضرتك تيجي معانا
رامى / مش عاوز اتقل عليكوا
جابر / ما تقولش كدا تنورنا
رامى / تمام اتفضلوا
جابر يفتح الباب اللى جنبه راكب فيه جوزيف
جابر / معانا ضيف انزل اركب فى عربيه تانيه
جوزيف / تمام
جوزيف ينزل يروح يركب عربيه عمران ورا و نجاه و مهره يركبوا و رامى يركب قدام
عمران / و دا مين ده كمان
جوزيف / جابر بيقول ضيف
عمران / و ماله اهلا و سهلا
فارس / انا مش فاهم اصلا الصراحه احنا سايبين البلد باللى فيها ليه و من ساعه ما جينا و الايام بتكر بعض و لا روحنا و لا جينا و ادينا خارجين نتفسح كمان عشان نفسيه واحده احنا اصلا ما نعرفهاش
عمران / هى ما طلبتش منك حاجه و البنت اللى انت ما تعرفهاش دى كانت هتموت عشانى و عشان اختك
فارس / طب ما تتحمقش اوى كدا لجرحك يفتح احنا اسفين
جوزيف / اتحرك اتحرك
عمران يسوق و يمشي و كارم بيلعب لعبه ذكاء على الموبايل جوزيف يبص يشوفه
جوزيف / ما تجيب جيم
كارم يناوله الموبايل جوزيف يلعب و كارم بيتفرج على الطريق فى هدوء
.......................
فى الشركه عند اكرم
اكرم بيتكلم مع عصام
اكرم / و انا اعرف منين انهم تبع دانيال برادلى و لا اعرف منين انه فى مصر اصلا
عصام / و اديك عرفت هتعمل ايه
اكرم / هعمل ايه فى ايه يا عصام انت عارف كويس ان حوار دانيال ده كان غصب عنى غلطه و راحت لحالها و ما كررتهاش ... و على يدك
عصام / يا سيدي انا مش جاى افتح فى اللى فات بس انا ملطوط معاك فى حكايه بنت مراتك دى
اكرم / الحكايه خلصت و اتقفلت و هم جم كلمونى و انا لميت الليله
عصام / دا قبل ما تعرف انهم تبع دانيال و لا بعده
اكرم / يووووه
عصام / انا بس عاوز اطمن
اكرم / اطمن انت بره الليله دى و ان حد كلمك ابعتهولى خلاص
عصام / خلاص
صمت ثوانى
عصام / بس الجماعه دول طلعوا تقال جدا ... وخطر
اكرم / خدت بالى ... بس مش عارف اعمل ايه مش هقدر اقرب من مهره و لا حتى ابعدها عنهم
عصام / و امها فين
اكرم / و مين يعرف دانيال غيرى اى حد هيتكلم هلاقيه ناطتلى انا اعمل ايه
عصام / تكسبه
اكرم يبص لعصام
عصام / اللى زى دانيال ده اهم حاجه عنده الفلوس و انا متاكد انكوا مش هتختلفوا
اكرم يتنهد و يهز راسه
.................
فى الصحراء
جوزيف قاعد على بيتش باجى بيشتغل على الموبايل و رامى على حصان و كارم بيحاول يعلمه يتحكم فيه بهدوء نجاه و جابر و مهره و عمران و فارس يظهروا و هم بيتسابقوا و المنافسه شديده جوزيف يسيب الموبايل و يتابع لحد ما يوصلوا مهره تكسب و هم بيضحكوا
نجاه / لو كان معايا ملك كنت كسبت من غير نقطه عرق واحده
مهره / الرك على الفارس يا ست نجاه
عمران / ايوه بقي ردى عليها
جابر / اصيل من يومك ... ايه الاخبار يا رامى بيه جاى و لا لسه خايف
رامى / الفرس ده مش راكز كدا مش مريحنى
كارم / ما انا ركبت و وريتك
جوزيف / انت خايف منه و هو شامم خوفك ده
جابر / و انت ايه دنيتك
جوزيف/ انا بحب الالات اكتر لان ما لهاش مخ و رد فعلها متوقع إنما الحيوان ما اقدرش اثق فيه
نجاه/ بالعكس انا مريت بمواقف كتير جدا كان ممكن اقع لولا ذكاء ملوكتى الحلوه كان زمان رقبتى اتقطمت او يمكن اسوء
رامى  / ما لها العربيه يعني حتى امان و وسايد هوا و كراسي جلد
عمران / مقفوله و خنيقه التجربه مختلفه خالص عن ان الهوا مع السرعه يخبط جسمك انا شخصيا حتى فى القاهره بفضل الرايس عن العربيه اسهل و اسرع
جوزيف/ اهو ده سباق اخشه و انا حاطت رجل على رجل
جابر / الموتوسيكل ما بيمشيش فى كل الطرق انما الخيل بيتكيف
جوزيف / فى موتوسيكلات دلوقت بتمشي حتى على المايه عمرك شوفت حصان بيمشي على المايه
جابر / عمرك شوفت حصان بنزينه بيفضي
جوزيف / اه عادى ايه مش بياكل و يشرب و يتعور و يتكسر و يموت كمان
رامى / خلاص يا جماعه الاتنين جامدين و كل واحد يركب اللى يريحه انا شخصيا بفضل العربيات
فارس / و انا الشهاده لله بحب العربيات اسرع و اريح دا غير الثبات و الامان على الطريق
نجاه / الامان فى الله وحده
رامى / هو انتوا ممكن تنزلونى و بعدين تكملوا خناق
كارم يساعد رامى ينزل و جابر ينط و يروح يسند معاه لحد ما رامى ينزل
نجاه/ جوله تانيه
مهره / خساره واحده مش كفايا عليكى و لا ايه
نجاه / الخسران هو اللى بيبطل يحاول
مهره / تعجبيني
مهره و نجاه يلفوا خيولهم و يجروا عمران و فارس وراهم جوزيف يروح على فرسه جابر و يمسكها
جابر / اساعدك ؟
جوزيف يحط رجله فى السرج و ينط يركب و يمسك كويس
جوزيف / ماشي ركبنا بتشتغل منين بقي
الكل يضحك كارم يروح يساعد جوزيف و يعلمه بالراحه
........................
قرب الجبل
عبد الهادى و محمود بيتسحبوا محمود يوقف عبد الهادى ورا صخره كبيره
محمود / اقف هنا استنى الاشاره
عبد الهادى / و انت ايه اللى اكدلك بقي ان صابر هيجى من هنا
محمود / دا اقصر طريق لضرب النار اللى هيحصل
عبد الهادى / حسبتها غلط صابر و رجالته عمرهم ما هينزلوا من النحيادى عشان خطره و مش متمهد و مستحيل يمشوا فيها لا بعربيه و لا حتى بفرسه
محمود / بالظبط هينزلوا على رجليهم و هيبقي سهل نصطادهم
عبد الهادى / هينزل من الناحيه التانيه بالعربيه و يلف هيوصل فى نفس الوقت و احسن
محمود / معاك حق انا هروح ائمن الجنب التانى و انت خليك هنا
عبد الهادى / و اشمعن بقي ان شاء الله هنا امان ليك هناك هتبقي فى وش رجالته و اللى هيلمحك منهم مش هيسمى عليك
محمود / انا مالى انا راجل على باب الله انما انت اللى مستنينه اهدى و اوعى يفلت منك
عبد الهادى / خد بالك من نفسك ... لا اله الا الله
محمود / محمد رسول الله
محمود يجرى صوت ضرب نار بعيد عبد الهادى يشد الاجزاء و يستخبى ورا الصخره الكبيره و يستنى صوت ضرب النار بيزيد و فجاه يحس بحركه وراه يبص و هو موجه مسدسه يلاقي محمود بيتسحب اول ما يشوفوا بعض عبد الهادى ينزل سلاحه
عبد الهادى / الله رجعت ليه
محمود يضرب عبد الهادى طلقه فى دماغه
محمود / رجعت عشان اخد حقى و حق اخواتى اللى ابوك سرقه زمان
محمود يبص يمين و شمال و يجرى
......................
فى مكتب الجوارحه
مغاورى يضرب شاهين بالقلم شاهين يبص فى الارض مغاورى يروح يقف فى جنب ضهره لمغاورى ساكت ثوانى 
مغاورى / انت اتصرفت صح
شاهين يبص لمغاورى مش مصدق نفسه
مغاورى / زمان و انا فى سنك تقريبا افتكرونى برده الحلقه الاضعف مع ان انا ما كانش عندهم ذله يمسكونى منها ... بس دخلوا بين الخناقات الهبله اللى بين الاخوات ... بس انا عملت زيك كدا بالظبط ... ما طاوعتهمش ... و يمكن برده انا ما غلطتش غلطتك عشان ما كانش قدامى سكه و انت كل الطرق قصادك و مع كدا اخترت ده ... كل ده كلاب سعرانه بتنهش فى بعض فى دماغى... نار بين انى ابوك و بين انى ابوهم هم كمان منصور و ياسمينا
شاهين / كانت لحظه شيطان و راحت لحالها
مغاورى / لا ... ما كانتش لحظه ... انا ابوك و تاريخك كله فى عبى ... صدف و مواقف و حاجات صغيره و بنلمها ... بس كلها بتروح فى ناحيه واحده ... انك سافل و عديم الربايه و النخوه... جريت و جوزتك يمكن تتهد و تبطل وساخه بس بتزيد
شاهين / و الله ابدا و الله ابدا يابا انا مش كدا و لو كنت كدا كنت رضيت بكلامهم و ادونى حاجات اكتر البت امايا مصوراها لياسمينا و ما حدش يعرف عنها حاجه قالولى هيعملولى حاجات جامده و يخلونى احسن واحد و يبلغونى باى جديد هيعملوه عشان امنعه يحصل و اكسب بوينت عندكوا لو انا وحش كنت طاوعتهم
مغاورى / ما انت هتطاوعهم فعلا
شاهين يتصدم
مغاورى / مساله وقت مش اكتر
مغاورى يرفع سماعه التليفون
مغاورى / ايوه يا عباده ما تاخذنيش صحيتك ... ايه !!! خير فى ايه ؟؟؟
غفير يدخل بيجرى
الغفير / اللحق يا سي مغاورى
.....................
فى فيلا نجاه
جوزيف واقف فى الجنينه يجيله تليفون يرد
امايا / هنت عليك
جوزيف ساكت
امايا / خدتها و سبتنى و هربت
جوزيف / كان غصب عنى
امايا / فى ناس بتقول انك لسه معانا و ناس بتقول انك اتقلبت و كل واحد بيفكر بطريقته بس انا مش هقدر احكم غير لما اسمعها منك
جوزيف / انا معاكى
امايا / انا هاجى قريب الخطط اتغيرت
جوزيف / فى وضعى ده لازم تستنى شويه مش هقدر احميكي
امايا / انا ما باخدش رايك انا ببلغك ... سلام يا جو
الخط يفصل جوزيف يتنهد و يلف يشوف نجاه واقفه فى الشباك متبعاه يبصلها بحزن نجاه تقفل الشباك و تدخل جوزيف يتمشي و هو بيبص على السما يشوف نجاه خارجه من الفيلا و يتابعها ريحاله يروح لها
نجاه / فى حاجه صح
جوزيف / امايا جايه
..........................