الكبيره ٢ بقلم / لولو_محمد

الحلقه ٢٦

((((((( الكبيره ٢ )))))))
#لولو_محمد
الحلقه ٢٦
مروان/ هو انتى اتخانقتى مع اكرم بيه
مهره تبصله بحزن
مروان / اكرم ... هو اكرم
مهره / انا مش عايزه اتكلم فى الموضوع ده لو سمحت ... ادخل اليمين الجاى
مروان / عنيا
مروان يدخل شارع مهره و يركن و تنزل من العربيه تروح ناحيه البيت عندها و مروان ينزل يمشي جنبها تشوف مامتها واقفه مع راجل ست عاديه تقف تسلم عليها
ست / حمد الله على سلامتك يا مهره 
مهره / الله يسلم حضرتك
الست / هو البوليس مسك العيال ولاد الحرام دول
مهره / لسه لما يمسكهم هيبعتلى اتعرف عليهم
الست / طب لو احتاجتى حاجه ابقي عدى عليا
مهره / تسلمى
الست تمشي و مهره تروح ناحيه مامتها
كارمن / اهى وصلت اهى ... اتاخرتى كدا ليه قلقت عليكي... اعرفك باشمهندس ابراهيم هيركبلك باب حديد على الباب و كلمتلك شركه حراسات خاصه هيبعتوا حراسه تقف على باب الشقه
.............................
مروان / مفيش انزار حريق بالمره
كارمن / ازيك يا مروان
مروان/ الحمد لله ازى حضرتك
مهره / عن اذنكوا اطلع اغير هدومى
كارمن / انا جهزت لك طقم حلو اوى على السرير ارتاحى و هعدى عليكي الساعه سبعه  تكونى لابسه و جاهزه عشان رايحين مشوار مهم 
مهره / خير فين
كارمن / هيكون فين يعني اكيد عندنا انترفيو على قناه الامل
مهره / انا مش فايقه لاى حوار من النوع ده بعد اذنك
كارمن / ازاى يعني هروح لوحدى اتكلم
مهره / و نتكلم ليه اصلا انا مش عاوزه اتكلم و لا احكى اى حاجه انا اصلا لسه ما فوقتش من الصدمه
كارمن / ما انا بقولك ارتاحى لسه بدرى جدا لحد الساعه سبعه
مهره / انا بجد مش قادره اقف عن اذن حضرتك
مهره تسيبهم و تطلع
مروان / عن اذن حضرتك
مروان يطلع وراها و كارمن واقفه محرجه من الراجل يبتسم بحرج
............................
فى الشقه المهجوره
مختار يقلع جوانتي غرقان دم عباده يسيب الاوضه و يطلع بره مختار يطلع وراه ويقفل الباب وراه
عباده / اخلصوا من النيله اللى جوه ده و نظفوا المكان و اصرفوا للدكتور مبلغ محترم و روحوه معزز مكرم و روحوا شوفوا وراكوا ايه تعملوا تسلموا احنا خلصنا هنا
الرجاله تقوم و تدخل الاوضه مختار يفتح باب الشقه و يمشي و عباده وراه مختار يجي يسوق عباده يمنعه يركب
عباده/ كفايا عليك لحد كدا النهرده انا اللى هكمل
مختار / قضا ربنا أجله كدا اعمله ايه و بعدين ما طلعتش فاضي يعني
عباده/ جبت التايهه يعني يا ميخا ما هو مفيش جديد برده
مختار / اولا بلاش ميخا عشان ما تزعلش ثانيا اب الراجل ما كانش عارف اكتر من كدا ثالثا دا كلو يثبتلك ان يونس فى صفك و قدملك السبت و قالك عش الدبابير فين من غير ما يكون عارف انك وقعت حد منهم يعني يشكر
عباده / امال ايه لازم يشكر ... كلمت ابنك عرفت هو فين
مختار يستغرب
عباده / كلمه كلمه اطمن عليه و اعرف حبيب قلبك عمل فيه ايه
مختار يتخض و يطلع الموبايل و يتصل بعمران
عباده / اهدى اهدى هو كويس ما فيهوش حاجه هو بس اتعك فى حوار كدا
مختار / ايوه يا عمران السلام عليكم خير طمنى
........................
فى مخزن
اربع رجاله متكممين و حواليهم رجاله بدى بيلدينج جوزيف يدخل راجل يروحله
الراجل / تمام يا زعامه كلو تمام
جوزيف / ما قالوش حاجه ؟
الراجل / ما فتحوش بقهم مع اننا وجبنا معاهم بس شكلهم متكيشين جامد
جوزيف / تمام انتوا تسلموا تقدروا تروحوا ترتاحوا و بلغ الباشا تحياتى
الراجل / تمام يا كبير
الراجل يشاور للرجاله يطلعوا بره و يقفلوا الباب جوزيف يروح يفك بق اول واحد
جوزيف / دلنى مين فيكوا اللى عنده المعلومه عشان اسحبها منه بدل ما تتعذب على الفاضي و صدقنى انا اللى هتشوفه على ايدي مش زى اللى شوفته قبلى تؤ صدقنى هتزعل
الراجل / انت اللى هتزعل لما تعرف انا شغال مع مين
جوزيف / الله ما انت حلو اهو و هتقول من غير تعب ... انتى بقي يا حبيب قلب مامى شغال مع مين
........................
فى جنينه الزنايته
مختار بيتكلم مع عباده و هم بيتمشوا
عباده / عاوز تقنعنى انها صدفه
مختار / ايوه
عباده/ ابنك اللى كان هيروح فيها على فكره
مختار / هيرجع معاه دليل برائته
عباده / انت اللى مالى دماغ نجاه صح قولى اعذرها
مختار / بنتك من يومها ليها دماغها و الواد بيحاول انتوا اللى مش راحمينه
عباده / لا حول و لا قوه الا بالله
مختار / اى كان اللى حصل لينا دور كبير فيه رجالتنا غلطوا غلطتين اكبر من بعض و هيتحاسبوا عليهم
عباده / اعمل اللى انت شايفه صح
مختار / ما انا بعمل فعلا خليك انت باصص تحت رجليك
عباده / كل ده و باصص تحت رجلى دا انا راميله عيالى
ناصر يدخل يقف يبص لمختار مختار يتنهد
عباده / ريحه يا مختار
مختار / غلط
عباده / تعال يا ناصر
ناصر يروحلهم
ناصر / بابا لو سمحت كنت عاوز
مختار/ يا ابنى قولتلك ما تاخدش قرار و انت فى حالتك دى
ناصر/ اعتقد ان دى حياتى و انا المسؤل عنها اى كان قرارى انا اللى هتحمل عواقبه
مختار/ بنات الناس مش لعبه ما تظلمهاش انت ما بتحبهاش
ناصر/ الحب مش كل حاجه
مختار / لا الحب كل حاجه الحب اهم حاجه الحب هو الاصل و الاساس دا جواز مش لعبه
ناصر / العشره اهم
مختار / لا حول و لا قوه الا بالله
عباده/ انت شايف ان ظروفنا دلوقت امان انك تجيبها هنا او حتى تلفت الانظار ليها
ناصر يبص الناحيه التانيه
عباده / عمران يا دوب زميل مهره و كانت مع نجاه فى تركيا اتهجموا عليها امبارح و اخوك كان هيروح فيها
ناصر / عمران !! خير ماله ؟ هو بخير
عباده / زى الفل ... اللى اقصده انك تهدى على الاقل لحد ما الدنيا تبان
ناصر / و لو اتجوزت
عباده / يبقي ما كانلكش نصيب فيها من الاول و انت كدا كدا ما بتحبهاش فهتلاقى غيرها بسهوله
ناصر / بس انا عاوزها هى ... هى بتحبنى
عباده / قالتلك ؟
ناصر / لا ... حسيت
عباده/ طب ادينا شويه وقت و اعمل اللى يريحك بعد كدا
ناصر / انا كدا كدا مسافر... انا بس كان نفسي تقفوا جنبى المرادى
مختار / و احنا امتى اتخلينا عنك انا يا ابنى اهم حاجه عندى مصلحتك
ناصر / انا عاوز اتجوزها
مختار / تمام اطلع هات حاجتك و انا هسافر معاك اخطبهالك بس يكون فى علمك لو بنت الناس جاتلى مره ... شوف اقسم بالله مره تشتكى انك ظالمها لتشوف منى وش عمرك ما شوفته يا ناصر يا زيني
ناصر / اتفقنا
مختار / اطلع هات حاجتك ... جهزلى العربيه يا ابنى و روح مونها و شيك عليها ورايا سفر
الغفير / امرك يا سي مختار
الغفير يروح يركب العربيه و ناصر يدخل السرايا و مختار واقف بينفخ
عباده / تحب اجى معاك
مختار / و الله لو ينفع روح بدالى انا اساسا مش راضي عن اللى بيحصل
هند تطلع من السرايا
مختار / كملت اقتلونى اسهل يا جدعان
عباده يضحك و هند تروح تقف قدام مختار و وشها احمر من الغيظ مختار يبتسم ببراءه
.........................
فى المخزن
جوزيف قاعد على الترابيزه بينضف مشرط من الدم يبص للرجاله واحد متشرح و فاقد الوعى و بينزف و التانى بيعيط و الاتنين التانين سلام و متكممين
جوزيف / اهم حاجه فى الدنيا هى التعقيم تخيل تنجى من التعذيب بمعجزه و تموت بسبب جرثومه او فيروس مطرح السلاح اللى اتعورت بيه ... موته حقيره جدا
راجل ٢ / قولتلك اللى انت عاوزه اعتقنا بقي لوجه الله
جوزيف / هو انتوا وصلتوا لحد فين مع البت
راجل ٢ / اقسم بالله ما عملنا حاجه خضيناها بس الاتفاق اننا ما ناذيهاش نخوفها بس
جوزيف يبتسم و يطلع الموبايل و يتصل برقم و يفتح الاسبيكر
رزق / باشا
جوزيف / انت بقيت بتشغل معاك عيال و لا ايه يا رزق
رزق / ازاى يا باشا
جوزيف / وقع تحت ايدي اربعه بقررهم واحد منهم كر بكل حاجه من قبل حتى ما ياخد اول قلم
صمت و جوزيف بيبص للراجل ٢ بيعيط
جوزيف / اللحق دا كمان بيعيط ... اخص على الرجاله
رزق / ما تاخذنيش يا باشا ... لو كنت اعرف ان العمليه اللى العيال دى طالعينها تخصك ما كنتش قبلتها
جوزيف / حد طلب منك تبعت رجاله تخوف بت صغيره اسمها مهره
رزق / مش صغيره يا باشا دى حته اوزى لا مؤاخذه
جوزيف / اسمه ايه اللى دفع
رزق / عصام مرزوق جنابك و الداتا بتاعته كلها هتكون عند معاليك حالا
جوزيف / و انا هرجعلك الرجاله ... او اللى باقي منهم
رزق / فداك يا باشا ... بس ما تاخذنيش انا كنت مزنوق فى سؤال
جوزيف / بعدين يا رزق لما اجيلك ما احنا اكيد هنتقابل
رزق / تانس و تنور يا كبير بيتك و مطرحك
جوزيف / مهره تبعى اى كلب تبعك هيهوب هجيلك انت ساعتها ... و لو مش تبعك هجيلك برده يا رزق
رزق / فى عنيا يا باشا اللى تخصك تخصنى معاليك
جوزيف / حبيبي
جوزيف يقفل و يروح يفك التلاته التانين يقوموا يجروا
جوزيف / ما انتوش قد الشغلانه بتشتغلوها ليه ... هى باظت من شويه
............................
فى كافيه مودرن
مهره و مروان بياكلوا و فى باند بتعزف
مروان / انتى عارفه ايه الغريب فى الموضوع
مهره تبصله
مروان / اننا عمرنا ما حاولنا نقرب من بعض
مهره / انت عمرك ما سالت عنى هسال عنك ليه
مروان / كلام منطقى بس ... لا هو كلام منطقى انا ... اسف ... انا ... احنا ممكن نبدا بدايه جديده على فكره
مهره / تعرف ايه هى اسوء حاجه فى الدنيا
مروان / ايه ؟
مهره / العشم ... انك تتعشم فى حد ... تتسند عليه ... تطمن فى وجوده ... تحبه ... اصل النفوس بقت مرعبه اوى
صمت
مهره / شكرا انك ما سبتنيش لوحدى النهرده... عمرى ما هنساهالك
مروان / لا انا فاضي بس مش جدعنه منى و لا حاجه انا برده ابن الدسوقى
مهره تبتسم
مروان/ انا فى العادى ببقي مسحول طول الوقت حفلات و تورز و كدا ... بحاول اجمع فلوس عشان انتج لنفسي الالبوم الجديد بتاعنا على فكره دا شغلنا من الالف للياء هسمعولك
مهره / انت محتاج فلوس !!
مروان / يا بنتى ابوكى لو يطول يدفعنى ايجار الاوضه اللى انا قاعد فيها كان زمانى بدفعها
مهره / طب و مامتك
مروان / انت هتسيب شركه ابوك للغرب و تروح تلعب مازيكا يا فاشل
مهره / بس انت موهوب
مروان / قولى الكلام ده للمنتجين ... دا غير ان ابوكى موصي عليا جامد ما حدش عاوز يخدمنى فى اى حاجه بيطفشونى من الشغلانه تخيلى اى شاب فى الدنيا بيحارب الظروف عشان ينجح انا بحارب اهلى حاجه قرف و الموضوع زاد بقي لما الالبوم اللى نزلته عند فيهم فشل و ما اتباعش و لا سمع مع الناس
مهره تبتسم بحزن و تطبطب على ايده
مروان / انا حاولت اخوض التجربه دى بس للاسف اتنصب عليا لا اتعمل دعايه كويسه و لا فيديو كليب عدل و لا حد اهتم باى تفصيله فيه الكل قبض و خلع و حتى حاولنا ننزل اغانى كدا اونلاين ما سمعتش كأن فى حاله نحس ما تفهميش منين فقررنا نستثمر فى الكافيه و نجدده زى ما انتى شايفه
مهره / حلو اوى فعلا
مروان / بنعمل عروض هنا و فى باندس تانين بيجو يقدموا عروضهم عندنا
مهره / المكان حلو اوى فعلا
مروان / بس الالبوم المرادى هيسمع ... المرادى احنا اللى عملنا كل حاجه يعني ضامنين شغلنا كله تعبنا فيه و باذن الله هنكسر الدنيا
مهره / باذن الله
مروان / انا اللى موقفنى انى مش عاوز انزل غير بحمله دعايه تقلب السوشيال ميديا و فيديو كليب لكل الاغانى الحاجه لما بتتكرر كتير بتثبت عند الناس تخيلى كل ما تقلبي قناه تلاقى اغنيه من بتوعنا مره فى مره هنضرب و لا ايه ؟
مهره / ربنا يوفقكوا
مروان/ خلصي اكل عشان تتفرجى على البروفا بتاعتى دلوقت قبل العرض بالليل وعد منى هتتبسطى
مهره / اكيد
مهره تنبسط و تكمل اكل
مروان / اطلبلك اى حاجه كمان على فكره الديزيرت هنا هايله
مهره / مش لما اخلص كل ده الاول
مروان/ الف هنا
نجاه و عمران و جابر يدخلوا يدوروا على مهره لحد ما جابر يشوفها يشاور لنجاه مروان يشوفهم
مروان/ هو ايه حكايه الناس دى
مهره تبص تشوفهم تبص لمروان اللى اضايق من وجودهم
نجاه / السلام عليكم
مروان / انتوا عرفتوا اننا هنا ازاى
عمران / كلمت والدك و قالى انك دايما بتبقي هنا
مروان / تمام اؤمروا
عمران / انتى بجد مصدقه انى ممكن اعمل معاكى كدا
مهره / لا و عشان كدا اتنازلت انا ما اتهمتكش اصلا انا حكيت اللى حصل و بعدين انا ما اعرفش اصلا انك باعت حد و ما اعرفش ممكن تبعت حد اصلا ليه
نجاه / اهدى انتى الصدمه كانت شديده عليكي
مهره / عدت خلاص ... اعرفكم ... مروان ... اخويا الكبير
الرجاله تسلم
مهره / عمران زميلى فى النادى ... نجاه بنت عمه و كانت معانا فى تركيا و باشمهندس جابر ابن عمهم
مروان/ سمعت اللى حصلك حمد الله على سلامتك
نجاه / الله يسلمك
مروان / اتفضلوا تحبوا تشربوا ايه
نجاه / تسلم بس انا كنت محتاجه بس اطمن على مهره
مروان/ مهره بخير ميرسي لاهتمامك
نجاه/ ممكن نتكلم لوحدنا
مهره تبص لمروان
مروان / المكان مكانكوا انا اصلا اتاخرت على البروفا عن اذنكوا
مروان يسيب الترابيزه و يقوم نجاه تبص لعمران و جابر
جابر / هنشرب حاجه على الترابيزه الفاضيه دى
نجاه تبتسم جابر و عمران يروحوا يقعدوا بعيد
نجاه / ازيك
مهره / الحمد لله
نجاه/ قلقتيني عليكي يا بنت اللذينه
مهره تبتسم
نجاه / انا عارفه ان العلاقه اللى بينا سطحيه او جديده بس ... اكيد مش هنسي اللى عملتيه معانا فى تركيا
مهره / انا ما عملتش حاجه
نجاه/ لا كتير ... عملتى كتير ... ما علينا ... انتى عامله ايه ... ليه رجعتى شقتك القديمه ... على فكره انا قابلت اكرم بيه فى القسم يا حرام كان هيتجنن عليكي
مهره تتنهد و تبص الناحيه التانيه
نجاه / للدرجادى
مهره / ممكن نغير الموضوع
نجاه / ممكن ... انا مش بتطفل عليكي انا بس ... انتى كويسه طيب
مهره / انا عشت عمرى كله فى الشقه دى ... هم بس الكام سنه اللى فاتوا ... روحت عشت مع ماما و ما ارتحتش فرجعت بيتي
نجاه / هتعيشي لوحدك يعني
مهره / افضل للكل
نجاه / احنا مش فى اوربا عشان تعيشي لوحدك
مهره / و مش فى بلدكوا برده ... انا مش زيك ... انتى اتعودتى تعيشي عمرك كله مع باباكى  و مامتك ربنا يباركلك فيهم و يديهم الصحه و طوله العمر انا شخصيا اتعودت اعيش العمر كله من غيرهم
نجاه / طب تحبى تيجي تعيشي معايا ... الفيلا كبيره و واسعه
مهره / و ليه اصلا ... يعني ما انا عندى بدل البيت تلاته انا اللى اخترت اعيش فى الشقه دى ... تسلمى طبعا على اهتمامك بس ... صدقيني انا كويسه
نجاه / عنيكي ما بتقولش كدا
مهره / ما تنسيش انى مطبقه من امبارح و الخضه و كدا
نجاه / طب ممكن لو احتاجتى اى حاجه تكلميني
مهره / اكيد ... بس ما تشغليش بالك بيا انا مش لوحدى ... الحمد لله يعنى لو احتجت زى ما انتى شايفه
نجاه / تمام ... انا رقمى معاكى صح
مهره / ايوه بس انا قافله الموبايل مش عاوزه ازعاج ... بس رقمك معايا ما تقلقيش
نجاه / تمام يا مهره... انا همشي بس اكيد هنتقابل تانى
مهره / باذن الله ... على فكره الكافيه ده بتاع اخويا و فرقته هم اللى بيعزفوا و يغنوا دول و بيعملوا بالليل حفلات ابقوا تعالوا هتنبسطوا اوى ان شاء الله
نجاه / ما اعتقدش انه جوى بس اكيد هبقي اعدى ... على الاقل اشوفك و اطمن عليكي
مهره / تسلمى يا نجاه بجد انتى بنت جدعه اوى
نجاه / صحيح هتروحى النادى امتى ... احنا فى بينا سبق متاجل
مهره تضحك
مهره / باذن الله بكره نتقابل هناك مفيش مشكله
نجاه / باذن الله على تليفون بقي
مهره / اكيد
نجاه تقوم مهره ما تمسكش فيها و تبتسم جابر يقوم و يحط فلوس نجاه تروحلهم يتكلموا و عينهم على مهره ثوانى و يمشوا مروان يرجع الترابيزه
مروان / الناس دول غراب جدا
مهره / بقولك يا مروان ... بفكر اشتغل بس مش عارفه ابدا منين او ازاى تقدر تساعدنى
مروان / تشتغلى !! ... هو انتى مش لسه بتدرسي
مهره / اه حاجه جنب الدراسه كدا
مروان / اسالك ... بصي لو حوار فلوس انا
مهره / لا انا الحمد لله بيجيلى مصروف كويس كل شهر سواء من بابا او ماما ... انا بس عاوزه ... يعني اشغل نفسي و كدا
مروان / اوك ... اسالك بس ما اوعدكيش ... اصل اى شغلانه فى الدنيا بتحتاج تفرغ بس سبيها لله ... هسالك
مهره تبتسم و تبص على الناس اللى قاعده
........................
فى الفيلا
كارمن تدخل بعربيتها عامله شعرها تركن و تنزل شايله شنط لبس تلاقى اكرم قاعد بيشرب قهوه فى الجنينه تشاور لواحده تيجي تشيل الشنط
كارمن / طلعيهم اوضتى
الست تاخد الشنط و تمشي و كارمن تروح ناحيه اكرم
كارمن / خير ... اؤمر
اكرم / افندم !!
كارمن / انت بتعمل ايه هنا
اكرم / دا بيتى
كارمن / كنت فاكره اننا اتفقنا انه كرم اخلاق منك هتسيبهولنا
اكرم / لما اطمن على البنات همشي
كارمن/ اطمن انا هدخل دلوقت و اتكلم معاهم و أبلغهم بالخبر السعيد
كارمن تقعد و تبص الناحيه التانيه و تحط رجل على رجل
اكرم / عندك تليفزيون النهرده... واضح من شكلك
كارمن تبصله و ترجع تبص على الناحيه التانيه
اكرم / طب على الاقل اطمنى على بنتك
كارمن / بنتى زى الفل و جبت واحد ركب لها باب حديد على الشقه بتاعتها و هى دلوقت مع اخوها
اكرم / مروان !!! الشمام!!!
كارمن / مرحله و خلصت من حياته و دلوقت بقي فنان كبير و له الفانز بتوعه
اكرم / مهره عارفه ؟؟
كارمن / ما تشغلش بالك لا بمهره و لا بمروان ليهم اب مسؤل عنهم الدور و الباقي على بناتك اللى جوه
اكرم / و انا ما قصرتش مع بناتى بالعكس انا اعرف عنهم اكتر من ما سعادتك تعرفى
كارمن / انا مش هدخل معاك فى نقاش ما لوش تلاتين لازمه انا داخله اجهز ... عن اذنك
اكرم / اتفضلى
كارمن تقوم و تمشي و هى مضايقه اكرم يطلع الموبايل و يتصل بحد
اكرم / طمنى ... يا سيدي على اتفاقنا بس طمنى
........................
فى الفيلا عند نجاه
نجاه بتاكل مع اخواتها و عمران قاعد بيلعب فى الاكل و هو مش مهتم جوزيف يدخل يقف ورا كرسي فاضي يبص على الاكل و الكل عاملين مش مهتمين بوجوده
جوزيف / اجيب طبق و لا ما ليش مناب وسطيكوا اصلا
جابر / منابك فى المطبخ عاوز تاكل وسطينا هاته
جوزيف / ثوانى
جوزيف يروح ناحيه المطبخ
فارس / هو المفروض عادى يعني يجي ياكل على الجاهز كدا
جابر / خلص اكلك يا فارس اليوم انضرب على الاقل نرتاح 
عمران / هو احنا سالنا على مروان اخو مهره ده قبل كدا
جابر / ما اعرفش .. ليه ؟
عمران / ما اعرفش ما بلعتوش و بعدين انا عمرى ما شوفته حواليها اساسا
فارس / انت شاغل نفسك بالبت دى اوى كدا ليه ... اوعى يكون كيوبيد
نجاه / انا كمان قلقانه عليها حاسه انها مخبيه حاجه
جابر / طبيعي ما حدش بينشر غسيله قدام الضيوف يعني
جوزيف يرجع بطبق و كيس و يجرى يقعد وسطيهم و يفتح الكيس و يطلع الاكل
جوزيف / انا جعان جدا ... شكرا انكوا عملتوا حسابى
كارم / سمي قبل ما تاكل
فارس / غسلت ايدك ؟
جوزيف / اه غسلتها ايه ده ... امى ؟!!
فارس يبصله بقرف و ياكل
جوزيف / ما حدش هيسالنى كنت فين و بعمل ايه
جابر / ايه ده انت ما كنتش معانا
الرجاله تضحك جوزيف يبتسم و يبص لنجاه مضايقه و بتاكل فى صمت
جوزيف / الرجاله تبع واحد اعرفه اسمه رزق كان سرسجى من بحرى زمان بس ركبوه مسرح و شيلوه الليله و معنى ان الكلام كان مع رزق دايركت ان المبلغ المدفوع كبير ... بس للاسف الهدف بره مصر ... بس هوصله اصل انا حبايبي فى كل حته
عمران / انت قولتلى ان مهره ما تساويش حاجه للمجلس و مش هياذوها
جوزيف / و دى حقيقه اللى عمل ده ما لوش دعوه بالمجلس و لا يعرف عنه حاجه دا رجل اعمال مصرى عايش فى الامارات ... غالبا هتبقي تصفيه حسابات ... باختصار صدفه
جابر / اسمه ايه الجدع ده
جوزيف / عصام مرزوق بالتحديد عصام عبد الله محمود مرزوق
جابر / هسال عنه
جوزيف / لا ما انا سالت و بعت الداتا فعلا لعباده عن طريق دياب ... هو ما قالكوش و لا ايه
جوزيف يبص يلاقي الكل بيبصله نجاه تقوم و تخبط على الترابيزه و تبصله بغضب
نجاه / ما اسموش عباده حاف دا قد ابوك عيب
جوزيف / ما هو ابويا ما ربانيش
نجاه تسيب المكان و تيجي تمشي جوزيف يقف و يناديها
جوزيف / المفروض اقول ايه يعني عمو عباده الكبير اناديله بايه الحج عباده اقول ايه
نجاه تلف و تزعق
نجاه / مش بالكلام ... الاحترام مش مجرد اسم
جوزيف / و ما دام انتى عارفه ده واخده الدنيا على صدرك ليه
جابر يفرد ضهره و يتفرج
نجاه / احنا هنا بنشتغل فريق بنحمى بعض و نتعاون مع بعض و ما دام اخترت تدينا ضهرك من اول يوم يبقي قلتك احسن 
جوزيف / انا بشتغل لوحدى احسن و اسرع و اخف
نجاه / تمام يبقي تكمل لوحدك و ما تقعدش معانا و لا تتكلم معانا و لا ليك اى دخل بينا انت فاهم
جوزيف / بناقص يا نونو و لعلمك انتوا اللى محتاجيني مش العكس
نجاه / لا محتاج لينا زى ما احنا محتاجينلك بالظبط
جوزيف / و دا باماره ايه بقي
نجاه / باماره انك لازم تثبت للمجلس انك شغال فى خطتك فعلا و بتجندنى و انك ما فشلتش و رجعتنى هدر
جوزيف / اخطفك تانى و تالت و عاشر اهدى كدا على نفسك و ما تخسرينيش ... انا لو عليا كنت عاوز اخدك بس للاسف انا كنت فى اماكن انتى ما تقدريش تخشيها اصلا
نجاه / اماكن ايه دى بقي ان شاء الله
جوزيف / تقدرى تيجي معايا كباريه كازينو نايت كلوب و ما تحتها
نجاه / لا طبعا و انت كمان ما ينفعش تروح الاماكن المشبوهه دى 
جوزيف / لا يا حبيبتي انا مش دكتور جامعه انا مجرم دولى و الاماكن دى هى بيتي اللى اتربيت فيه و عشت عمرى كله فيه مع اللى شبهى عشان كدا بروح لوحدى عشان انا كل اللى اعرفهم موجودين فى الاماكن دى و كل المعلومات اللى اقدر اجيبها بجيبها من هناك و ما اقدرش اخد حد منكوا معايا عشان كلكوا تلامذه اى واحد فيكوا هيشوف واحده عريانه و لا واحد بيبوس واحده هيفتحلى بقه و يفضحنى
كارم / معلش للمقاطعه ... هو يعني ايه ما تحتها
جوزيف / اتفضلى دا اساسا ما يعرفش ممكن يبقي فى ايه تحتها انا بكلم نفسي اساسا
جوزيف يروح يشد طبقه و يدخل الاوضه و يرزع الباب
كارم / لا بجد يا جدعان هو بيبقي فى ايه تحتها
فارس / قله ادب و سفاله انت ما بتشوفش افلام
كارم / لا مش متابع ... بس انت ما شاء الله طلعت بتشوف
فارس / يا اخى اتلهى
جابر يقوم و يروح يخبط على باب اوضه جوزيف و يفتح الباب يلاقيه قاعد بياكل
جوزيف / ايه رجعتوا فى رايكوا و عاوزين اللقمه 
جابر يدخل و يقفل الباب
جابر / كان على الاقل تقول رايح فين و ناوى على ايه
جوزيف / انت ليك بالنتيجه الطريقه دى مش بتاعتك انا عمرى ما همشي بقوانينكوا و دماغكوا و سبنى اكل عشان انا لما بجوع خلقى بيبقي ضيق
جابر / الف هنا
جابر يفتح الباب بره و يقفل الباب يلاقي نجاه بتشيل طبقها و رايحه المطبخ
جابر / مش هيتغير و مش هيبقي مننا ... دا كلامه هو مش كلامى ... هو مش هيعرف يكون غير جوزيف
نجاه تبص لجابر و تطلع اوضتها جابر يتنهد و يبص على الاوضه و يروح يقعد مكانه
عمران / تفتكر الراجل ده عمل كدا ليه
جابر / هنشوف كمل اكلك ... انا هطلع انام شويه ... عن اذنكوا
.........................
فى شقه مهره
مهره تدخل و وراها مروان شايلين اكياس فيها بقاله
مهره / تعال اتفضل تحب تشرب حاجه ؟
مروان / انتى متاكده من حوار انك تعيشي هنا لوحدك برده بعد اللى حصل
مهره تبصله بابتسامه حزن
مهره / ما ليش مكان تانى اروحه ... الحمد لله انه موجود غيرى مش لاقيه
مروان / يعني يبقي عندك الفلوس دى كلها و تبقي دى عشتك يا مهره
مهره / مالها ما هى حلوه اهى عندى كل حاجه الحمد لله ... و انا متاكده ان الموقف بتاع امبارح ده مش هيتكرر تانى باذن الله
مروان / و حكايه الشغل ..  ما تقوليش انك عايزه تتسلى و الهبل ده انتى محتاجه فلوس
مهره تتنهد
مهره / عاوزه استقل بحياتى 
.........................