الكبيره ٢ بقلم / لولو_محمد

الحلقه ٤٩

(((((( الكبيره ٢)))))))
#لولو_محمد
الحلقه ٤٩
مهره / معلش و الله كنت نايمه ما سمعتش
نجاه / طب انتى كويسه طيب
مهره / مصدعه اوى و جسمي واجعنى خالص مش عارفه مالى هقوم اعمل قهوه و اخد حبايتين بنادول و باذن الله هفوق خير فى حاجه و لا ايه
نجاه / لا بس رجعت البلد
مهره / بجد !!
نجاه / فى الطريق اهو ... بس عمران لسه فى مصر لو احتاجتى حاجه كلميه
مهره / تسلمى لما توصلى ابقي كلميني طمنيني عليكي
نجاه / بقولك ايه فكرى تانى كدا فى موضوع انك تيجي تتفسحى عندنا فى البلد يومين تلاته كدا و لا حاجه غيرى جو
مهره / امتى بس يا نجاه مش كفايا ما قدرتش اروح الشغل النهرده اهو
نجاه/ رتبيها و باذن الله هتظبط معاكى
مهره / تمام يا حبيبتي خدى بالك من نفسك
نجاه / تمام يا قلبي فى حفظ الله
نجاه تقفل و تبص لكارم قاعد بيلعب فى الموبايل
نجاه / ما تجيب دور
كارم يناولها الموبايل تفتح النوت كارم يستغرب نجاه تكتب
نجاه / انت عملت حاجه فى الموضوع اللى قولتلك عليه
.......................
نجاه تدى الموبايل لكارم يكتب
كارم / زودنا الحراسه على بيتها و بابا خلى ناس تراقب اخوها و اكرم و يشوفوا مايتهم ايه
كارم يدى لنجاه الموبايل تقرأ و تتنهد و تديهوله تانى و تبص من الشباك كارم يكتب و يديهولها تقرا
كارم / هو احنا بنكتب ليه ما كل اللى فى العربيه عارفين الموضوع
نجاه تبتسم و تحط الموبايل جنبها و تكمل بص من الشباك
كارم / طب اكمل لعب انا طيب
نجاه / خده يا كارم ما انا سبته
كارم / بسأل بس اصلك رميتيه جنبك كدا و خلاص يعني ما انا مش فاهمك يعني
عباده / الاستراحه هناك اهى
نجاه و عباده يبصوا
عباده / هجيب قهوه اللى عاوز الحمام يتفضل مش ناويين نطول
فارس يركن الحمامات بره الماركت بتاع البنزينه الكل ينزل
نجاه / هروح الحمام
كارم / هاجى اقف لك على الباب
كارم يروح يقف على الباب نجاه تدخل فارس يروح يقف مع كارم
فارس / انتوا كنتوا بتلعبوا ايه
كارم / ما تركزش و حاول تصلح اللى اتكسر بينكوا
فارس / دا انا اللى المفروض اعمل كدا مش هى يعني و لا يكون خال عليك اسلوب قلب الترابيزه اللى هى ماشيه عليه ده
بنات اجانب كثير يدخلوا الحمام و هم بيضحكوا واحده منهم تبص لكارم و تبتسم و هى داخله كارم يبص الناحيه التانيه
فارس / ايه يا بيضه اتكسفتى
كارم / انا رايح اطلب قهوه عينك ما تتشالش من على الباب
كارم يمشي و فارس بيضحك
فارس / بتهرب يا جبان هههههههه هتروح منى فين يعني هجيبك هههههههههههههه
...........................
فى الشونه
شاهين / خلص و قفل يا ابنى انا مروح اليوم ده ماله طويل كدا ليه مش عاوز يخلص
راجل / حد يقول للرزق لا يا سي شاهين
شاهين / ربنا يرزق الجميع يا سيدي ... يلا استأذن انا
شاهين يروح يفتح باب العربيه و يركب و قبل ما يقفل الباب حشره تدخل من تحت العربيه لجوه شاهين يسوق الحشره تتحرك لحد ما توصل للكاسيت تتفتح و يطلع منها يو اس بى تركب نفسها فى شاشه العربيه و فجاه فيديو يشتغل
ابيك / ازيك يا شاهين
شاهين يتخض يركن بسرعه
ابيك / ما تتخضش انا جايالك عشان اساعدك تانى و طول ما انت حبيبي هفضل اساعدك على طول لحد ما تبقي الكبير و الكل جنبك و لا حاجه
شاهين يفضل يتك على الشاشه
ابيك / الفيديو للاسف مش هيعيد نفسه و الميكروروبوت هيدمر نفسه يعني تركز و تسمع اللى هقوله و ترمى المايكروروبت من الشباك تحت العربيه قبل ما ينفجر و طبعا مش هوصيك ترميه كانك لقيت حشره جوه العربيه و قتلتها انت عارف ان دياب و منصور ردموا البلد كاميرات و مركزين معاك حبتين و هيركزوا اكتر كل ما هتعلى عليهم ... خلصنا المقدمه ندخل فى الموضوع ... بدر الجزار اللى اتخطف من عندكوا هتلاقيه فى مخزن مهجور على اول البلد
خريطه تتعرض على الشاشه
ابيك / احفظ المكان كويس و ما تقلقش مفيش غير راجل واحد بس هناك عاوز تقتله براحتك عاوز تسلمه و تعرف مين اللى خطف الولد براحتك برده انا مش بتحكم فى قراراتك انت الكبير دلوقت ... حفظت العنوان كويس ... لو حد سألك عرفت مكان الولد منين قولهم انك كنت معدى هناك و حسيت بحركه غريبه مع ان المكان المفروض مهجور دخلت تطمن لقيت الولد و انا متاكده انك هتلاقى حجه كويسه تخليك تروح ناحيه المكان اصلا ... حفظت المكان كويس و لا لسه ... يلا حبيبي سلام و استنى هديتي الجايه ما تنساش ترمى الفلاشه قبل ما تنفجر و تبوظ العربيه... سلاااااااااام
الخريطه تختفي و يظهر عد تنازلي من ١٠ شاهين يشيل الفلاشه و يفتح الباب يرميها و يدوس عليها برجله يكسرها يدخل رجله العربيه و يقفل الباب و يمشي
//////////////
شاهين/ مفيش حاجه من غير تمن ... تقصد ان ده فخ ... اكيد فخ هتخطف الواد و تقولك مكانه كدا لله فى لله ... هكلم ابويا و نقلب الترابيزه على دماغهم ... ما تبقاش غبى و تضيع الفرصه اديك شايف الدنيا زبادى خلاط ازاى من ساعه حوار الميكروشيبس كمل دوووس ... و اخرتها هتبيع ليهم نفسك ... ابيع ايه انا كدا كدا مش هياخدوا منى حاجه خليني استغلهم و احلبهم و اجيب اخرهم
///////////////
شاهين يتصل بحد
شاهين / ازيك يا اشرف السلام عليكم ... بقولك ايه انا كنت بفكر اشوف مخزن كدا احط فيه شويه كراكيب كدا ... لا لا مش صغير اوى كدا انا عاوز مكان كبير ... اه كبير يا عم انا كراكيبى عربيات و قطع غيار و حاجات تقيله ... امال انت فاكر ايه ... ايوه ايوه ... فين ده .... لا مش عاوز حاجه جوه البلد عاوزها مطرفه ... يا عم جوه البلد مش مناسب انا ادرى باحتياجاتى ... انت هتستهبل مالك انت انا هعمل بيه ايه قولتلك كراكيب تقطم و ما تسالش تانى اقولك بناقص انا مش واقف عليك انا هروح دلوقت اللف البلد لحد ما الاقى اللى انا محتاجه ... يا عم اتكل على الله بقي سلام.. سلام يا اشرف سلام
شاهين يقفل الخط و يكمل سواقه
شاهين / اظبطها بقي و لف شويه بالعربيه و بعدين شوفلك كام مخزن و بعدين طب على المكان ... صح كدا يا شاهين يا مصحصح انت
شاهين يسوق و هو بيضحك و فرحان جدا و متحمس
..................
فى الحمام عند نجاه
نجاه تطلع من الحمام البنات قاعدين على الحوض و فى كل مكان و بيضحكوا و يحطوا مكياج نجاه تروح تغسل ايدها جنب واحده فيهم و تبص فى المرايه على حجابها البنات ينزلوا من على الحوض و يتلموا حواليها تبص فى المرايه تشوفهم باصين لها ترفع ايدها بالراحه و قبل ما تضغط على السلسله البنت اللى جنبها تمسك ايدها
البنت / ايه مش هتدى نفسك فرصه الاول تتعرفى علينا
بنت من اللى ورا ترفع رجلها و تهجم على نجاه نجاه تسحب ايدها و تتحرك و تشتبك معاهم فارس يسمع الخبط و الدربكه يحاول يفتح الباب مقفول بالمفتاح يطلع المسدس و يضرب الكالون طلقه الباب يتفتح يدخل بنت من البنات طالعه برجليها فى الركن بتاع الحيطه فوق الباب اول ما فارس يدخل تنط فوقيه توقعه جوه الحمام و المسدس يتنطر من ايده البنات تتقسم بين فارس و نجاه و يضربوا يا قاتل يا مقتول و فارس بيصد بس و بينضرب كل شويه فى ضهره و رجله
فارس / انا ما بضربش بنات
البنت / انا بضرب رجاله عادى
البنت تضحك و تضرب فارس فى ركبته من ورا يقع و يتكاتلوا فوقيه واحده تطلع حبل و تخنق فارس نجاه تحاول تساعده يتكاتلوا عليها ينيموها فى الارض و فارس بيتخنق
نجاه / فااااارس
....................
فى الشارع قرب المخزن
شاهين راكب جنبه واحد يركن العربيه
شاهين / اه حلوه المنطقة دى و كلها مخازن و هناجر هتنفع تعال بقي فرجنى المخازن دى واحد واحد و ما تقلقش عرقك محفوظ و بزياده 
الراجل / تحت امرك يا سي شاهين هو احنا برده فى بينا الكلام ده اتفضل اتفضل ... الهنجر ده بتاع الحج ابو عرفان واصله كهربا و مايه و متجهز من كافه شئ و مش بس كدا دا حتى الحمام معمول سيراميك لحد السقف و جاهز على الاستخدام
شاهين / دا حاجه عظمه جدا افتح خليني اتفرج من جوه
الراجل يدخل و شاهين يبص على مخزن الناحيه التانيه الراجل ياخد باله
الراجل / فى حاجه يا سي شاهين
شاهين / هو المخزن اللى هناك ده فيه حد
الراجل / لا دا ما يتهياليش هيناسبك خالص
شاهين / صغير و لا ايه
الراجل/ لا كبير بس ما بيتاجرش لحد
شاهين / مع ان ما فيش قصاده حراسه يعني ... شكله فاضي
الراجل / و هو فى حد يستجرى يقرب من أملاك سي صابر وهدان القط
شاهين / هو المخزن ده بتاع صابر !! بيعمل بيه ايه
الراجل / و لا اى حاجه و لا حتى بيحط عليه حراسه و لا بياجره و لا بيستخدمه و لا حتى بيبعت حد ينضفه زيه زى كل الحاجات اللى بيملكها فى البلد هو جنابك ما كنتش تعرف ان صابر وهدان له أملاك فى البلد
شاهين / لا عارف بس ما كنتش اعرف ان المخزن ده واحد منهم ... انت بتقول ان ... حتى ما فيهوش غفر
الراجل / لا
شاهين / بس انا حسيت بحركه جواه اتخايلت بحد بيبص من الشباك
الراجل /مستحيل مش ممكن أبدا
شاهين / هروح اشوف واتأكد بنفسي ...وسع كدا
شاهين يطلع مسدسه و يشد الاجزاء الراجل يبلع ريقه شاهين يتحرك ناحيه المخزن بحزر
......................
فى حمام البنزينه
فارس بيزرق و بنت تطلع حقنه و قبل ما تحقن نجاه فى رقبتها جابر و الرجاله يدخلوا يضربوهم بمسدسات متركب عليها كاتم صوت كارم يجرى يشد الحبل من حوالين رقبه اخوه و نجاه تقوم تجرى عليه و هو بيكح
نجاه / فارس فارس حبيبي انت كويس فارس رد عليا فارس انت كويس فارس انت كويس
فارس / بكح بكح اهدى عايش اهو و بكح اهدى
نجاه / نشفت دمى ربنا يسامحك
جابر / بيرد بسرعه اوى الباشا... حقه
مختار / انت مش المفروض آمنت المكان
جابر / هدخل حمام الحريم اعمل ايه
مختار يزعق فيه
مختار / و هى كانت اتخطفت قبل كدا منين يا اذكى اخواتك ما اهو من الزفت الحمام الحريمي ... بعد كدا هتدخلى الحمام الرجالى مع اخواتك و انتوا تبقوا تستنوا بره ... ايه كل دول !!
نجاه / و الله مبلبعين مش طبيعين
فارس / البت نطت عليا من فوق السقف و لا سبيدرومن
مختار / اقفلوا المكان ده و نضفوه كويس ... و انت اقسم بالله غلطه كمان زى دى لتشوف منى وش عمرك ما شوفته يا جابر
جابر يبص فى الارض كارم يقوم فارس و نجاه تساعده يطلعوا بره و جابر واقف مكانه بيبص على جثث البنات اللى فى الارض
شاب / هنبدا منين يا جابر
جابر يسيب المكان و يطلع بره يلاقي نجاه واقفه جنب عباده عند العربيه عباده حاضنها
كارم / جرينا على صوت الطلقه اللى ضربتها
نجاه / عارفين مكان السلسله ما ادونيش فرصه اتك خالص يابا
عباده / حصل خير جت سليمه ... الغلط كالعاده من عندنا
عباده يبص فى عين جابر باصص عليهم يدخل الماركت بتاع البنزينه مختار يروح لعباده
مختار/ كلمت منصور هيتعامل مع التسجيلات
عباده / حبيبك
مختار / مش هو
عباده / ضامنه اوى كدا
مختار / هكلمه
عباده / قالوا للحرامى احلف
نجاه / مش هو يابا
عباده / انا اعصابى فعلا تعبانه و مش قادر اقف انا هستني فى العربيه لحد ما تخلصوا اللى بتعملوه
مختار / هروح اجيب القهوه
مختار يروح ناحيه الماركت و عباده يقعد قدام فى العربيه و الباب مفتوح نجاه تنزل على ركبها
نجاه/ عمره ما بعت حريم يابا دى مش طريقته
عباده يبصلها و يبتسم
عباده/ المهم انك بخير .. خدها يا كارم و شوف تشرب ايه و شوف اخوك كمان يشرب ايه شكله تعبان
فارس / لا انا بقيت كويس
عباده يشاورله يمشي و يشد الباب يقفله و التلاته بيبصوا عليه و يبصوا لبعض و يروحوا ناحيه الماركت
نجاه / هو مش هيعمل حركه خايبه زى دى لو هو كان الموضوع هيبقي اكبر و اصعب بكتير يونس لما بيضرب بيوجع
فارس / و ايه كمان يا قمر ايه كمان يا كتكوته يونس بيعمل ايه كمان
نجاه تبص لفارس و تدخل الماركت
كارم / بغض النظر انى فاهمك و عارف انت بتعمل كدا ليه بس كان هيكون افضل لو عملته بطريقه اذكى شويه هى مش هتيجي معاك كدا
فارس / ما عنها ما جت انا لا عاوزها تيجي و لا تروح انا عاوزها تتبط و تتهد و تترزعلها فى مكان و تريحنا كلنا من الفرهده دى كلها ... ابقي هاتلى قهوه معاك انا راجع العربيه و اعمل حسابك ان انت اللى هتكمل سواقه
فارس يمشي و كارم بيضرب كف على كف
.........................
فى المخزن عند شاهين
شاهين يوصل لباب المخزن و الراجل وراه متحامى فيه يلاقوا قفل كبير على الباب
الراجل / القفل مقفول من بره يعني ما حدش دخل
شاهين يعدى ايده على القفل يلاقيه نضيف
شاهين / القفل جديد و نضيف يعني لسه محطوط و انت بتقول انه ما بيقربلهاش
الراجل يستغرب شاهين يطلع من جيبه طفاشه و يفتح القفل و الراجل متابعه ببطئ
الراجل/ ما تضربه بالنار اسهل
شاهين / و اللى جوه ياخدوا بالهم اقولك حاجه امشي و سبنى لوحدى
الراجل / ازاى بس يا سي شاهين
شاهين / يبقي تسكت دا انت لتات اوى
الراجل يحط ايده على بقه القفل يفتح شاهين يبص للراجل و يبتسم و يطلع مسدسه تانى و يدخل اول ما يدخل يشوف يس ماسك المسدس و موجهه عليه شاهين يضربه طلقه يموته و بدر متخدر فى الارض
الراجل / نهار احوس يا ولاد مش ده بدر الجزار اللى مخطوف نهار احوس يعني ايه يعنى سي صابر طلع هو اللى خطفه حقيقي دى خربت خراب مالطا خربت على الاخر
شاهين واقف و ساكت و بيفكر
الراجل / انت مستني ايه يا سي شاهين كلم الكبير حالا يجي يرجع الواد ده لامه دى يا كبدى راقده فى المستشفي بين الحياه و الموت دا جته جوزها لسه ما بردتش يا ناس ليه كدا بس يا سي صابر ما لقيتش الا دول لا حول و لا قوه الا بالله لا حول و لا قوه الا بالله
شاهين / ما تخرس بقي اخرس
الراجل يحط ايده على بقه شاهين يطلع الموبايل و يتصل
شاهين / ايوه يا أبا انا لقيت بدر
....................
فى الجيم عند شحته
جوزيف بيتكلم فى التليفون
جوزيف / امتى ده حصل ... اكيد لا طبعا و انا هعمل حركه خايبه زى دى و بعدين ... بص انا مش هدافع عن نفسي احسبوها زى ما تحبوا انا مش فايق للهبل ده استنى ... انت قولت كلهم بنات كلهم !! كانوا عاملين ازاى ؟؟ و قدروا على الاتنين !! هسال و اشوف ... تمام سلام
جوزيف يقفل شحته يروحله
شحته / مالك شكلك فى حاجه مضيقاك
جوزيف يتصل بحد
جوزيف / ارجوكى ما تطلعيش انتى ارجوكى بلاش
شحته / انت بتكلم نفسك ؟!
جوزيف / ايوه يا هيلج
امايا / كنت عارفه انك مش هتتاخر
جوزيف/ انتى !!
امايا / قالولى انزلى الملعب بس ما ادونيش فرصه اسخن معلش الجيات اكتر
جوزيف / انا كنت فاكر اننا صف واحد
امايا تنفخ
جوزيف / ما تقفيش فى طريقي مش من مصلحتك و لا مصلحه هيلجا
امايا / عشان بنتها تقصد؟؟ اقتلها ... اقتل البت زى ما قتلت البت التركيه اعمل في هيلجا زى ما عملت فى مامتى خليها تتجنن و تحاول تنتقم فتموت ... تفتكر انا فارق معايا حاجه ؟؟
جوزيف / طب انتى ناويه على ايه
امايا / المفروض اثق فيك و اقولك ... بص انا هقولك نفس كلامك ... ما تقفش فى طريقي عشان التعليمات بتقول ان اللى يقف فى طريقي ادوسه
جوزيف/ نفس التعليمات جاتلى
امايا / و المهمه واحده يبقي يا نتعاون يا واحد فينا هيقتل التانى
جوزيف / لا و انتى قمر اوى و هتقدرى عليا
امايا / انت لوحدك يا جو زى ما سبتنا و هربت لوحدك مهما اتلم حواليك وقت الجد هتقف لوحدك
جوزيف / لما خرجتك من قصر عبوده كنت لوحدى لو تفتكرى على العموم ... اعملى اللى تقدرى عليه اكيد الاستاذ بيفرح لما بيشوف تلميذته بتتفوق فى اللى هو علمهولها ... على العموم انا سعيد ان انتى المنافسه بتاعتى ... حقيقي ... كدا اطمنت على نجاه... اصل بصراحه هى الوحيده اللى فارقه معايا فى العيله دى
امايا تضحك و جوزيف مبتسم
جوزيف / وحشتيني على فكره
امايا / هو انا مش قولتلك انى جايه
جوزيف / الدنيا مش جهزالك هنا اصبري شويه ما تضيعيش تعب السنين
امايا / ما هو تعب السنين ده بالظبط اللى مخليني انا جهزالهم ... سلام يا جوجو
امايا تقفل و جوزيف مبتسم
شحته / هو فى ايه
جوزيف / اتاخرنا يا شحته اتحركوا و سبقونا
شحته / و ماله نشد شويه و نحصلهم
جوزيف / حبيبي
.......................
قدام القسم
حركه فى القسم و القوات بتتحرك و محمود بيجرى ورا الظابط
محمود/ بجد يا باشا لقيتوا الواد لقيتوه فين و مين اللى خاطفه
الظابط / اهدى يا محمود لو سمحت و خلينا نشوف شغلنا
محمود / يا باشا بس طمنى قولى اى حاجه اطمن بيها ام الواد و سته
الظابط/ اللى اعرفه ان الولد بخير من فضلك بقي ما تعطلنيش اكتر من كدا
الظابط يعدى محمود و يركب العربيه و محمود هيتجنن بنت تدخل تقف جنبه
البنت / ما تخافش اوى كدا و تعال ورايا و انا اخرجك منها
محمود / افندم يا اختى
البنت /ما تصيعش انا معايا كل التسجيلات انك انت اللى خاطف الواد احنا بقي لبسناها فى حبيبك
محمود / حبيبى !! مين
البنت / صابر يا حوده مالك ايه مش مركز ليه و بالمناسبه شريكه التانى زمانه بيطلع فى الروح اوفر دوز دلوقت و طبعا لما هيسالوا عنه و يرجعوا خط سيره هيعرفوا انه جه كلمك فأنت بقي لو عاوزها تكمل على مزاجك هتيجي معايا احفظك تقول ايه للظابط
محمود / انتى مين يا بت
البنت / انا همشي لقيتك ورايا هحبك ما لقيتكش هبعت فيديو اعتراف يس انك انت اللى كاريه هو و فايز يخطفوا الواد و كنتوا متفقين انهم يتصلوا يطلبوا فيديه فأنت تدفعها و فى الخناقه تاخد جرح سطحى كدا فى كتفك و فى رجلك و تبان بطل قدام السنيورة بتكلم صح و لا بهبد
محمود / بتهبدى و كل الكلام ده ما لوش اى اساس من الصحه تلاقيهم باعتينك تبتزيني و لا توقعينى فى الخايه انا انضف من الصيني بعد غسيله و اللى عندك اعمليه
البنت / تمام ما ترجعش تعيط بقي سلام
البنت تمشي و محمود لسه واقف مكانه ثوانى و يطلع يتصل بابوه
محمود / ايوه يابا لقوه اسمعنى عشان فى حوار جامد حصل دلوقت ... اه غير انهم لقوا الزفت اسمع
....................
فى البنزينه
نجاه قاعده فى جنب مديه ضهرها للكل و بتعيط فى صمت جابر يروح يحط على الترابيزه فى ضهرها قهوه و يحمحم نجاه تمسح دموعها و تلم نفسها و تبص تلاقيه مشي و ساب الكبايه وراها كارم يروح يقعد معاها
كارم / خلصوا خلاص مسحوا كل التسجيلات و حطوا كام حته سلاح فى ايدين البنات و بلغوا الحكومه انك دخلتي لقيتي الجثث بالمنظر ده و الواد اللى على الكاشير اتراضي باللى يخليه ما يحتاجش يشتغل باقي عمره تانى يعني قفلت على كدا و هنروح اخيرا
نجاه تهز راسها
كارم / الظابط هيناديكي دلوقت ياخد اقوالك اياكى تغلطي بحاجه
نجاه تهز راسها
كارم / طب اقولك حاجه تفرحك ... عارفه الواد اللى كان مخطوف لقوه من شويه
نجاه / واد مين ؟
كارم / انتى ما كنتش تعرفى اصلا !!! على العموم لقوه خلاص الحمد لله
نجاه / الحمد لله
كارم / نجاه على فكره انا بحبك
نجاه تبتسم
نجاه / و انا كمان بحبك اوى يا كارم
كارم / ما هو اللى بيحب حد ما بيستحملش يشوفه مضايق ... او بيعيط
نجاه / انا ما بعيطش ... انا بس بدخل جوه مود الشخصيه عشان اقنع الظابط لما يحقق معايا
كارم / وحياه امك
نجاه تضحك
كارم / كانوا ماشيين ورانا من ساعه ما طلعنا من البيت
نجاه / و ازاى ما اخدناش بالنا
كارم / كان فى عربيه فيها اربع بنات من اللى جوه كانت ماشيه ورانا من ساعه ما خرجنا من البيت و اول ما ركبنا الدولى اختفت و ظهرت مكانها عربيه تانيه و بعدين اختفت و ظهرت عربيه تالته و على الدولى التلاته اتجمعوا ما كانوش ماشيين بنفس السرعه بس التلت عربيات راكنين هناك حركه حلوه
نجاه / مين اللى باعتهم
كارم / بيدوروا بس شكلهم مش مصريين الجتت دى ما تلاقيهاش هنا كتير
نجاه / احترم نفسك
كارم / يا بنتى انا اقصد يعني بنات بتعرف تضرب و تأكشن و كدا دا انتى نفسك واحده فى بلد بحالها يعني ... هو اصلا ليه بنات يكونوا كدا اصلا ... راح فين زمن البنات اللى كانت رقيقه بريئه تستنى جوزها تقلعه العبايه و تحطله ياكل
نجاه / و تدعكله رجله بميه و ملح
كارم / و فيها ايه يعني ما البنات دلوقت بيروحوا الكوافير ده يعملوا اش اسمه ايه ده و يعملوا رجليهم و يدهنوها بتاع احمر كدا مع انهم ما بيلمسوش الارض اصلا جت على الراجل الشقيان على رجله طول النهار لما تريحه شويه يا ستي بلاها الميه و ملح بلاها اى حاجه يا ستي تقعد فى بيتها تربى العيال دا من كتر ما النسوان خرجت فى الشوارع تنافس الرجاله كل جيل بيجي انيل من اللى قبله سابوهم للشوارع تربيهم يا نجاه ربنا هيحاسبهم على خلفتهم ... بس اقولك حاجه مش كلهم ... فى منهم برده اللى الدنيا حشرتهم فى دور مش دورهم يعني بيتهيألي انهم لو كانوا لقوا رجاله بجد يستتوهم كانوا اتستتوا ... بس ما تنكريش ان فى نسوان عاوزه الحرق برده
نجاه تضحك كارم يمسك دقنها و هو مبتسم
نجاه / سيبك انت من كل ده انت عرفت حوار دم الغزال اللى بيتحط على رجلين الحريم منين
كارم / دخلت على امك مره و هى بتحطه
نجاه / اجابه منطقيه
كارم / لا انا مصحصح و جاهز لك
نجاه تضحك تاخد بالها ان جابر متابعها و مبتسم اول ما عينهم تيجى فى عنين بعض يسيب المكان و يمشي الابتسامه تروح من وش نجاه كارم يبص يشوفه
كارم / على فكره زعلان اوى من اللى حصل او هو زعلان عموما بصراحه الكل زعلان فى حاله حزن غريبه و لا كان ميت لينا ميت ابوكى و عمك مختار و اخوكى و جابر كلوا بصراحه مش طبيعي ... يمكن عشان انتى زعلانه ما حدش فينا بيستحمل يشوفك مضايقه بالشكل ده يا نجاه
نجاه / طول ما انتوا بخير انا بخير
كارم / و انتى بخير يا نجاه ؟
نجاه / كارم انا اقدر اثق فيك صح
كارم / لا هبيعك للى يدفع اكتر انتى عبيطه يا بت !! طبعا
نجاه / انا عوزاك
نجاه تبص حواليها و تشاور لكارم يقرب
كارم / هيعرفوا لو عاوزين يعرفوا هيعرفوا انجزى و اتكلمى عشان اللى بتعمليه ده هيلفت نظرهم اكتر و يخليهم يدعبسوا لحد ما يعرفوا و بعدين انتى من امتى بتخبى عن اهلك حاجه يعني يا نجاه
نجاه تهز راسها لا
كارم / يبقي هو ... مش محتاجه ذكاء
نجاه / عاوزه اعرف عمل ايه من ساعه ما سابنا
كارم / قال لعمك ان الحوار مش تبعه و أنه هيحاول يعرف مين اللى وراه و بيني و بينك انا مصدقه يونس اجمد من كدا
نجاه تبص الناحيه التانيه
كارم / الا اذا
نجاه تبصله
كارم / كانت مجرد قرصه ودن يعور لكن ما يموتش ... بيهتنا يعني اقصد
نجاه تهز راسها لا
كارم / بصراحه كل شئ وارد وسط كل اللى احنا عايشينه ده
مختار يدخل و وراه ظابط و اتنين عساكر
مختار / الباشا سابك للاخر لحد ما تهدى عشان ياخد اقوالك
نجاه تهز راسها
........................
فى الحجز
صابر واقف فى اوضه مقسومه بقفص حديد و وشه للحيطه و ساند عليها  نسمه تدخل و هى بتجر رجليها صابر يحس بيها يبص يشوفها عنيه تتملى حزن و شوق و يروح ناحيه القفص اللى فاصل بينهم
نسمه / ليه
نسمه تعيط
صابر/ ما عملتهاش ... لا انا اللى قتلت جوزك و لا عمرى هاذيكي فى ضناكى
نسمه / طب اشمعن دلوقت
صابر / اقسم بالله يا نسمه ما انا مش انا
نسمه / انا عارفه انك هتخرج من هنا ... مفيش سجن يقدر يساعى صابر القط كبير المطاريد مليون مجرم من اللى انت حاويهم هيشيلها بدالك
صابر يخبط بايده على القفص
نسمه / لو لا قدر الله طرقنا اجتمعت اعرف ان ليا عندك تار يا صابر عمرى ما هنساهولك و لا اسامحك عليه ... سلام
نسمه تمشي و صابر متابعها يبص الناحيه التانيه و يكتم غضبه جواه دياب يدخل
دياب/ انا لسه واصل ايه اللى حصل
صابر / و ليك عين تسأل يا بجاحتك ... تعرف يا دياب انت عامل زى اسمك بالظبط ديب مجرد ديب ..  ديب سحلاوى لا له عهد و لا مله و لا دين ... انا كدا كدا خارج ... بس تعمل حسابك انى هخرج اولع فى البلد و اللى فيها
صابر يخبط بايده جامد على الحديد دياب يبص ناحيه الباب و يرجع يبص لصابر
دياب / انا هعرف الحقيقه
صابر/ ما عادتش تفرق ما عرفتش ليه مين اللى قتل عبده و لا عرفت مين اللى خطف بدر و لا حتى كاميراتك و شركتك و صيطك اللى عاملك وسط الخلق قيمه قدر يمنع اى حاجه انها تحصل ليه ... اقولك انا ليه عشان انت ولا تسوى هيش على ما فيش عيل هفا طلع لقى نفسه جارحى و ركب على الكل عشان يوصل
دياب / كتر خيرك ... انا مقدر اللى انت فيه و اللى لسه حالا اكيد مريت بيه ... بس انا هعرف الحقيقه و اخرجك من هنا
صابر يبتسم باستهزاء و يروح ناحيه الحيطه و يرجع يسند عليها و يدي لدياب ضهره دياب يمشي يطلع بره يلاقي شاكر واقف مع محمود و نسمه باصه فى الارض
شاكر / اقسم بالله ما هو ازاى دا انا بقالى معاه ما بفارقهوش زى ضله هيعمل كدا امتى
محمود / دا كبير المطاريد يا سي شاكر انت ما تعرفش الأشكال دى
شاكر / يا جدعان ما هو ان كان المتحدث مجنون فالمستمع عاقل صابر هيعمل كدا ليه اصلا و ايه فى الدنيا يخليه يخطف عيل صغير
محمود / ما حدش عارف بقي النفوس جواها ايه
شاكر / اقولك حاجه انا ممكن اتفهم انه يكون قتل عبد الهادى مع انى برده واثق انه ما عملهاش بس اقدر الاقيله حجه ان عبد الهادى كان طالع ياخد بتار اخوه فصابر كان بيدافع عن نفسه او انهم فى بينهم خلاف بس عيل صغير ليه من امتى يا جدعان هو احنا هنعرف صابر النهرده
دياب / بعد اذنك يا ام بدر كلمه على جنب
محمود / خير يا باشمهندس اؤمر
دياب / هسالها على حاجه عندك مشكله
محمود / لا طبعا ما عنديش بس هى زى ما سعادتك شايف كدا تعبانه انا اصلا مش فاهم ليه صممت تقوم و تيجي لحد هنا بنفسها
دياب / طب ما نتعبهاش بقي فى المماطله و هتكلم معاها كلمتين على جنب بعد اذنك يعني
شاكر / تعال يا محمود بعد اذنك ثوانى
شاكر يشد محمود بعيد ومحمود عينه على نسمه باصه فى الارض
دياب / مش هو يا نسمه ما يعملهاش و انا هثبتلك ان مش هو و هجيبلك اللى عمل كدا تحت رجلك
نسمه تبص لدياب
دياب / انا و انتى عارفين صابر كويس اوى صابر عمره ما ياذيكي و لا ياذى عيل صغير صابر لو عمل حاجه هيقول زى ما قال بالظبط ان هو اللى قتل رعد عشان جوزك ما يقتلوش لما جوزك قاله انه ناويها قتله عشان جوزك يفضل فى حضنك و حضن عياله يرجع يقتل عبده و يخطف ابنه كمان طب ازاى
نسمه / انا مش قادره اقف يا دياب من فضلك
دياب / بالله عليكي يا نسمه لما ترتاحى تفكرى تانى
نسمه / هتفرق فى ايه ... انا كل اللى عوزاه دلوقت انى اخد عيالى فى حضنى و نهج فى اى حته بعيد عن كل ده
دياب / لو عاوزه اشوفلكوا مكان كويس تبعنا فى اسكندريه ما عنديش مانع
نسمه / يا ريت
دياب / تمام هظبط الموضوع مع الكبير و نشوف هنقدر نعمل ايه
نسمه تهز راسها و تروح ناحيه محمود
محمود / خير كان عاوزك فى ايه
نسمه / هيحاول يشوفلى مكان بعيد عن هنا اعيش فيه انا و العيال
محمود / ليه ان شاء الله لو خايف من صابر انا احميكي من ألف صابر هو فى ايه دا عيله الجزار تسد عين الشمس
شاكر/ و هو صابر ممكن يفكر ياذيها ليه اصلا يا ناس
محمود / بالله عليك يا دكتور شاكر ما تحشر نفسك فى مواضيع انت مش عارف اولها من اخرها و صابر ده مش زى ما انت فاكره خالص
شاكر / كدا كدا ما عادش عندى جديد اقوله عن اذنكوا
شاكر يروح ناحيه دياب
شاكر / اللى اسمه محمود ده جنازه و يشبع فيها لطم انسان مش طبيعي... و بعدين ايه حكايه انك هتشوفلها مكان تستخبى فيه من صابر ده هو ممكن صابر يفكر ياذى حرمه و عيلين عزل كدا من غير سبب و الله و لو فيها سبب مش صابر ابدا اللى يعمل كدا
دياب / هخبيها بس مش من صابر هخبيها من اللى عاوز ياذى صابر و بيدوس عليها فى السكه
شاكر / و هى ذنبها ايه يعني او ايه دخلها بكل ده
دياب / انا لسه واصل و تعبان ما تيجي نشرب لنا كبايتين شاى و ناكل لقمه كدا بدل الهبل اللى احنا فيه ده
شاكر / يا ريت تعال
شاكر و دياب يروحوا ناحيه القهوه
......................
فى جنينه الجوارحه
شاهين واقف فى الجنينه سرحان مغاورى يدخل يركن العربيه و ينزل
مغاورى / شاهين
شاهين يبص لابوه و يجرى عليه
مغاورى / ايه يا ابنى روحت فين مش كنت استنيت تشوف الدنيا هترسي على ايه
شاهين / معلش يابا دماغى مش رايقه و ما كنتش فايق للت و العجن بتاع الناس ده
مغاورى / يا ابنى احنا دورنا اننا نسمع الناس
شاهين / لما يكون فى كلام يستاهل يابا لكن تطبيل و نخع و صعبانيات مش فايق انا للكلام ده المهم ما علينا خير طمنى ايه اللى حصل
مغاورى / جابوا صابر و بيحققوا معاه بس هو اكيد خارج
شاهين/ مش هو اللى عملها يابا
مغاورى / عارف بس لقوا الواد فى مخزنه
شاهين / مخزن مهجور كسروا القفل و ركبوا قفل جديد يابا
مغاورى / ما اهو منصور شغال على الكاميرات فى المنطقه دى بس بيقول انها مش هيطلع منها حاجه
شاهين / يعني ايه مش هيطلعوا بحاجه من الكاميرات امال اخترعها ليه و بدروا بيها البلد ليه
مغاورى / المنطقه دى يا ابنى ما فيش عليها رجل و لا حد بيهتم بيها مجرد مخازن و حتى معظمها مهجور و منسي و اللى بيستخدم حاجه بيركب قصادها كاميره و لا اتنين
شاهين / الكلام ده لما نبقي فى اى بلد تانى غير بلدنا انما هنا احنا لازم علاطول عينا تبقي مفتحه و ما نسيبش حاجه للظروف افرض الجماعه اللى ما يتسموا جم و عسكروا فى هنجر من دول يبقوا نايمين فى عبنا و احنا نايمين فى العسل
........................