الكبيره ٢ بقلم / لولو_محمد

الحلقه ١٢٥

(((((((( الكبيره ٢ ))))))))
#لولو_محمد
الحلقه ١٢٥
فى اوضه قاسم
احلام / عشان تصدقني لما اقول لك انى مش مرتاحه
قاسم / يا شيخه ما تكبريش المواضيع بقي
احلام / معاك حق انا هكبر دماغى خالص احنا جايين يومين ننبسط و خلاص
قاسم / و اوعدك انى اعيشك يومين تحلفي بيهم عمرك كله
احلام / لا انا مش عاوزه احلف بيهم انا عاوزه اكررهم ما بعيشي على الذكريات انا
قاسم يضحك و يحضنها الباب يخبط قاسم ينفخ و احلام بتضحك قاسم يروح يفتح الباب يلاقي امه
ام قاسم / عوزاك
قاسم يكتم جواه و يبتسم و يهز راسه و يطلع بره و يقفل الباب
ام قاسم / طمنى ايه الاخبار
قاسم / اخبار ايه ياما اللى اطمنك عليها السعادى و هنا فى ايه كلك نظر بقي
ام قاسم / انت وعدتني يمين بالله لو حملت لا انت ابنى و لا اعرفك
............................
قاسم / ششششش ايه ياما هتفضحينا ... قولت حاضر و وعدتك بس برده قولت ان الحكايه دى مش هتطول كتير
ام قاسم / لحد ما نطمن لها مش اكتر
قاسم/ اقسم بالله بت غلبانه و سكره و زى الفل
ام قاسم / على راسي بس انا لازم افكر فى مازن قبل اى حد ... انت قعدت الفتره دى كلها من غير جواز لسبب واحد تضمن منين انها ما تتغيرش بعد ما تخلف
قاسم / ما لازم تخلف عشان نعرف ياما
ام قاسم / و ان طلعت واطيه و بنت كلب هنعمل ايه ساعتها هنحارب الصعايده على الواد و لا نرمى لهم ضنايا و لا نحط الجزمه فى بقنا و نقبل بالمرار اللى هنشربه كاسات على ايديهم
ام احلام تعدى
ام احلام / خير يا ام قاسم فى حاجه مضيقاكى و لا ايه
قاسم / لا ابدا خناقات حريم ياما بيحصل بين الأهل انتى عارفه يا أمى
ام قاسم / خير يا ست احلام كنتى بتدورى على حاجه او ناقصك حاجه ؟
ام احلام / لا الحمد لله مش ناقصني حاجه بس كنت وعدت الحجه انزل اشرب معاها القهوه على البحر... قولت اعدى على الولاد اطمن عليهم قبل ما انزل
ام قاسم / اطمنى يا اختى و حطى فى بطنك بطيخه صيفي  .. بنتك فى بيتها وسط اهلها و ناسها
ام احلام/ مطمنه ... اصلى مجوزاها راجل ... عن اذنكوا
ام احلام تمشي
ام قاسم / طبعا يا اختى راجل و سيد الرجاله امال انتى فكراه ايه ؟!
قاسم / ليه كدا!
ام قاسم / ليه ايه ... بقولك ايه خلصنى من حوار الفرح اللى ما لوش تلاته لازمه ده قال فرح قال
قاسم / حضرتك اخدتى دواكى ؟
ام قاسم / اخدته
قاسم / طب حضرتك محتاجه منى اى حاجه اعملها لك ؟
ام قاسم / ايه مستعجل اوى تدخل لها ... دى ما كملتش على زمتك يومين و خلتك ترمى ابنك فى اخر الدنيا و ترجع من غيره ... انا مش طيقاها
قاسم يطبطب على كتف امه
قاسم / عن اذنك
قاسم يدخل امه تنفخ و تمشي قاسم يقفل الباب احلام تشوفه
احلام / خير شكلها ما كانش مبسوط
قاسم / زعلانه اننا ما جبناش مازن
احلام / بصراحه معاها حق ... تصدق انه وحشنى فعلا ... بس ما تقلقش عليه نجاه مدلعاه اخر دلع و كل شويه يتصوروا و تبعت لى الصور ... مالك يا قاسم ... على فكره سهل اوى نبعت نجيبه انا مش معترضه بالعكس
قاسم / تحبى نخرج
احلام / هو ينفع ؟
قاسم / كل حاجه تنفع كفايا تعوزى بس
احلام / بصراحه انا نفسي اوى اتفسح فى اسكندريه و اروح البحر و اكيد عاوزه اشوف المطعم بتاعك
قاسم / بس كدا ... تؤمري... هنزل تحت على ما تلبسي و تحصليني
احلام تهز راسها بحماس قاسم يبوس راسها و يطلع بره و يقفل الباب و يتنهد
.....................
فى مكتب الزنايته
شاكر / ما دا طبيعي جدا الا بقي لو الكلب كان عنده صرع
مختار / يعني مسأله التعايش دى وارده ؟
عباده / هتضمن رد فعل الناس ازاى الكلاب احجامها كبيره و مرعبه ام مع أطفالها طبيعي هتهاجم او يا سيدي شويه عيال رايحين المدرسه اكيد مش هيمشوا باصيين فى الارض يعنى
جابر/ انا لا قولت كدا و لا قولت كدا انا كل اللى بقوله ان الكلاب دى مش هتهاجم الا لو حست بتهديد
شاكر يطلع من جيبه بخاخ و يحطه على الترابيزه و يطلع من جيبه التانى جهاز صغير
شاكر / دا مهدئ للكلاب بس مش سحر و مش هينفع يستخدم فى كل الأوقات و الحالات و دا جهاز زى صفاره بتسمعها الكلاب و بتبعد بس برده مش مع كل الكلاب
عمران / و الجهاز ده ما نقدرش نطوره فى مكبرات مثلا بحيث نعمل الصفاره دى بشكل واسع فى البلد كلها فالكلاب تبعد عنها و كدا و لا الموضوع ليه تفاصيل
كارم / الراجل ما لحقش يخلص كلامه و انت اخترعت حاجه ... اللهم بارك يعنى انت ما تقعدش معانا بعد كدا
شاكر / الكميه اللى فى البلد مش كبيره ... لميتها كلها و بعت أجيب ... بس تانى بقول ان ده مش حل
مختار / تقدر تشتغل على الفكره بتاعتك يا عمران ؟!
عمران / انا ما عنديش اى معلومات فى الموضوع بس لو بحثت شويه ممكن الاقى سكه ابدا منها
شاكر / و برده هيحتاج وقت يعني مش ده الحل
عباده / و انت بتقترح يكون ايه الحل يا شاكر
شاكر / اننا نعترف ان الكلاب مش هى المشكله
عباده / انا مش عارف اقول لك ايه احنا عارفين بس هم زى سكينه المطبخ ناس بتطبخ بيها و ناس بتقتل بيها
شاكر / هنمنع السكاكين يعني
جابر / لو اتمسكت بيها بره المطبخ اه بتتحبس سلاح ابيض
تليفون عباده يرن يشاور لهم يسكتوا
عباده / السلام عليكم ... معالى الباشا عاش من سمع حسك ... ههههههههه لا ازاى دا انت تؤمر ... بتقول ايه حضرتك ... يعني ايه ؟! ... لا طبعا ما ينفعش ... يعني ايه اخدوا التصريح ... امتى ؟! ... تمام يا باشا وصلت ... فهمت يا باشا تمام ... حاضر ... لا ازاى ما اقدرش ... فى حفظ الله يا باشا فى حفظ الله
عباده يرزع التليفون و يفضل يحاول يهدى نفسه و الكل على اعصابه
عباده / الجزمه اخدت تصريح لكرنفال فى البلد مسيره استعراضيه راقصه لثقافات الشعوب وسط الريف المصرى  و هتبقي متصوره لايف فى جميع أنحاء العالم ... لايف
مختار يضحك
مختار / يا بنت ال... على قد ما انا ... انا مبهور لا حقيقي مبهور
عباده / اكلتنا الجزم بنت الكلب
مختار / اليومين خلصوا
عباده / مش مديانا فرصه نفكر لها
شاكر / ما اعتقدش انى هقدر اساعد باكتر من كدا.. هستاذن انا
عباده يهز راسه شاكر يقوم و الكل بيبص لبعضه و مختار مبتسم عباده يبص له
مختار/ خلى روحك رياضيه و شجع اللعبه الحلوه
عباده / صحيح من عاشر القوم بقيت نسخه ... تبكل كدا تبكل
مختار يشد جفنه و يوسع عنيه 
مختار/ بقت زرقه يعني و لا لسه شويه
عمران يضحك و عباده بيضرب كف على كف
……………………………..
فى اوضه فى فندق
احلام/ انت بجد ما تنضمنش ... بقي دا هفسحك و عملت البحر طحينه و فى الاخر جبتنى فندق هنا فرق ايه عن اوضتنا هناك
قاسم / الهدوء... لا حد هيخبط و لا
الباب يخبط احلام تضحك
قاسم / ثوانى
قاسم يروح يفتح يلاقي روم سيرفس قاسم يوسع له يدخل شنط و أكياس محلات كبيره قاسم يديله تبس
قاسم/ شكرا
احلام / ايه ده !!
قاسم / غيارين كدا ما اكيد مش هنبات بهدومنا
احلام / ما تهزرش اقول لامى ايه
قاسم يشدها من وسطها عليه
قاسم / قولي لها جوزى خطفني
احلام / ما تهزرش بقي بتكلم جد
قاسم / و انا كمان و الله جد الجد ... بصي انا مش من الرجاله اللى بتقول اى كلام ... انا فعلا هخطفك
احلام / امممم شكلها هتبقي مغامره جنان
قاسم/ احب انا روح المغامر اللى جواكى دى شكلنا هنتفق
احلام / يعني تقدر تقول انى واثقه فيك
قاسم / بالسرعه دى؟!
احلام / ايه هندم ؟!
قاسم يهز راسه لا و هو بيخبط مناخيره فى مناخيرها
احلام / هو احنا ينفع حلاوه البدايات دى تطول معانا شويه
قاسم / طول ما ربنا مديني الصحه و العمر هتشوفى من ده كتير
احلام / وعد ؟
قاسم/ وعد
احلام تتحمس
احلام / هتخطفنى فين بقي
قاسم/ دا انا هعيشك ليله
تليفون قاسم يرن احلام تضحك
قاسم / يووووه بقي كتير اوى الفصلان ده بصراحه
قاسم يروح يشوف مين
قاسم / دى امى
احلام / طب رد عليها لحد ما اخد الشاور بتاعى
قاسم يهز راسه و يرد
قاسم / السلام عليكم
ام قاسم / صحيح الكلام ده اخدت جناح فى فندق للست هانم بعيد عن هنا ايه لحقت تقومك علينا ... بشوقك يا حبيبي مش هتكون اغلى من اللى راح
قاسم / هو انا مش عريس و من حقى اختلى بعروستى يعني و لا ايه الوضع انا مش فاهم... فى ايه يا امى مالك
ام قاسم / مش عجبانى و لا مرتاحه لها ... يعنى ايه تنزل بلدهم زياره تلعب فى دماغ الواد و توقعك و تتجوزها و تاخدك منى بالبساطه دى بكره و لا بعده هلاقيك بتقولى تعبت من السفر انا هستقر هناك
قاسم / مش هيحصل
ام قاسم / هاتها و تعال
قاسم / مش هينفع للاسف
ام قاسم / هتكسر كلامى
قاسم / معاش و لا كان بس انا ما ينفعش بعد ما عشمتها اخلف وعدى ترضيهالى طيب ؟
ام قاسم / هترجع امتى ؟
قاسم / بكره باذن الله اكيد يعني مش هفوت فرحى
ام قاسم / طب هقول ايه للناس اللى هيجوا النهرده
قاسم / ناس مين يا امى ما الكل عارف انى اتجوزت الله
ام قاسم/ و ما دام الكل عارف انك اتزفت بتعمل زفت فرح ليه
قاسم/ عشان هى من حقها تفرح
ام قاسم / ما فرحت وسط اهلها و خلاص
قاسم / بقولك ايه يا امى انا شايفك مكبره الموضوع اوى انا بقول يعني تشربي كبايه نعناع كدا تهديكى و تقعدى تسبحى شويه و مش هيحصل حاجه بكره باذن الله هتلاقيني قدامك
ام قاسم / انا مش راضيه عن تصرفاتك دى
صمت
ام قاسم / اعمل اللى يريحك مع السلامه
الست تقفل السكه قاسم يرمى الموبايل على السرير و يفرد ضهره و يبص للسقف و يتنهد و يفكر ثوانى و يروح يعلق ممنوع الازعاج على الباب من بره و يعمل موبايله وضع الطيران و يروح يمسك موبايل احلام و يعمله وضع الطيران
قاسم/ عليا و على اعدائى هى موته و لا اكتر
قاسم يخبط على باب الحمام و يدخل
…………………….
فى اوضه ام احلام
ام احلام / بص مش هنكر انا فرحت انه عمل كدا
امين / بس الست دى شكلها طلع صعب اوى كان المفروض نسأل عنها
ام احلام / الواد يتحب و اختك مش هتغلب معاها و انا برده مش ناويه ارميهالهم
امين / مش هينفع تفضل فى البلد طول الوقت اكيد هتيجي هنا
ام احلام / ما تقلقنيش بقي ... خد همام تحت باطك و وصيه و قوله انك قبلت الجوازه دى عشان هو اتوسط فيها و انك بتثق فيه حطه فى الصوره
امين/ مش اولى الكلام ده يبقي لقاسم
ام احلام / و ان مال قاسم همام يعدله
امين/ تمام يا امى هروح اتكلم معاه و اشوف الدنيا هترسي على ايه
ام احلام / خير بإذن الله اختك طيبه و بنت حلال و تستاهل كل خير
امين / ربنا يصلح لها الحال ... عن اذنك
………………….
فى اوضه نجاه
نجاه رايحه جايه بتغلى و مهره بتابعها
نجاه/ يعني انا الغلطانه انى ما دبتش سكينه فى كرشها يوميها يعني
مهره تتنهد
نجاه / ملحوقه ... يعني مش كفايا القرف اللى بيرشوه لا و ناويين يترقصوا فى الشوارع ... و ماله ما الرخيص هستنى منه ايه انا ... بس انا ... انا الغلطانه وربنا انا الغلطانه
مهره تقوم و توقف نجاه
نجاه / البنت دى كنت باخذها فى حضنى انتى متخيله كانت بتنام هنا و نسهر و نتكلم كنت بعتبرها اختى انا ازاى بالسذاجه دى ازاى قدرت تضحك عليا ... انتى عارفه فى تركيا ... لما اتخطفت ... كنت بجرى وراها اصلا   .. لما شوفتها فرحت لدرجه انى نسيت ادافع عن نفسي ... مسكت فى ايدى... انا بجد هموت مش قادره
مهره تروح تكتب على ورقه
مهره / كدا غلط لازم تهدى عشان تقدرى تفكرى
نجاه / افكر فى ايه دا احتلال يا مهره احتلال فتحنا ليها بيتنا و قالوا هربانه من عذاب اهلها و عاوزه الأمان جت و احتلت بلدنا يا مهره جت و جابت كلابها معاها ... بس احنا مش هنسيب لها البلد على فكره مش هنسيبها للكلاب ... دى بلدنا احنا
مهره تهز راسها
نجاه/ بس اكيد فى حل ... مستحيل تكون خلصت على كدا ... اكيد فى حل
مهره تكتب / و طول ما انتى عصبيه كدا مش هتقدرى تفكرى
نجاه / ما انا مش قادره اهدى
نجاه تشد مخده و تكتم نفسها و تصرخ
.....................
فى اوضع احلام
احلام نايمه فى حضن قاسم قاسم يصحيها بالراحه
قاسم / لولو مش هنخرج بقي و لا ناويه تكملى نوم للصبح
احلام تفتح بالراحه
احلام / تخرج فين انت عارف الساعه كام ؟
قاسم / قلبي احنا فى اسكندريه يعني المدينه التى لا تنام اربعه و عشرين ساعه و ليلها أجمل من نهارها قومى بقي خلينا نتفسح شويه
احلام تهز راسها و تقوم تقعد على طرف السرير و تحاول تفوق
قاسم/ على فكره لو عجبك السرير هنا اكتر من فكره الخروج مش هقول لا انتى عرفانى دايس
احلام تبص له و تضحك و تقوم تدخل الحمام قاسم يقوم يفتح الدولاب و يطلع طقم و يروح يفتح الموبايل يرن فى ساعتها
قاسم / ايوه يا همام السلام عليكم ايه قاعد على التليفون
همام / كلمت لك الجماعه على اوضه نوم جديده
قاسم / جماعه ايه و اوضه نوم ايه
همام / يا عم الجماعه ... هو انت مش اخدت احلام عشان رفضت تنام على فرشه ام مازن الله يرحمها
قاسم/ ارمى روحى من الشباك و اخلص مين اللى بيطلع الكلام ده
همام / على فكره عادى انا لقيت لك كذا اوضه جامده و بعت لك صورهم خليها تنقى حاجه تروح بكره تلاقيها مفروشه يا عم ما تزعلهاش
قاسم/ ازعل مين يا عم انت هتوصيني على مراتى ... دا احنا خارجين نتفسح الموضوع ما لوش علاقه بالهبل ده خالص
همام/ الله امال الناس دى
قاسم/ بقولك ايه انا اساسا جيت الفندق هنا عشان ابعد عن الكلام انا مش فاهم العيله دى جرا لها ايه اول مره يشوفوا عروسه و عريس ايه الأوفر ده ما كل يومين حد مننا بيتجوز ما بيدخلش فى الحوارات دى كلها ليه و لا هو على بختى انا يعني
همام / ما اعرفش يا عم المهم الصور عندك وريهم لأحلام برده و اسألها... حتى يا سيدي لو ما اتكلمتش انت تبان مهتم و انا هغطى غليك قال يعني جايه منك
قاسم / تمام يا همام ... فى حفظ الله ... سلام
قاسم يقفل
قاسم / و ادى ام الموبايل تانى اهو انا الغلطان اساسا... انا ان فتحته تانى ابقوا تفوا عليا
قاسم يرجع الموبايل وضع الطيران و يروح ناحيه الحمام و لسه هيفتح الباب يسحب ايده
قاسم / لا الباب ده مش باب خروج لا بالليل بالليل
....................
فى فيلا كارمن
بياتريس و صوفيا مسندين كارمن للسرير
بياتريس / على مهلك بالراحه... ارتاحى
كارمن / عملتوا ايه مع ابوكوا
صوفيا / يا نسمع كلامه يا مش ملزم يصرف علينا
كارمن / هو الموضوع بالنسبالكوا فلوس بس ؟
بياتريس / يا ماما هو بيحاول يضغط علينا
كارمن / تقوموا انتوا تسيبوها تكسب مش كدا
بياتريس / هى مين ؟! ااااه الحيوانه اللى عرفها على حضرتك ؟ ... اااااه حضرتك عاوزه تقولى اننا نروح نعيش معاه و نطفشها ؟
كارمن / مش هتلاقوها معاه اصلا
صوفيا / هو حضرتك عارفه حاجه احنا ما نعرفهاش
كارمن / اللى اعرفه انكوا لازم تكسبوا ابوكوا تانى عشان لما تكلموه يرجع لى يوافق
بياتريس / و حضرتك هتسامحيه بعد ما خانك ؟
كارمن/ انتى عمرك ما هتفهمى
صوفيا / انا لو مكانك عمرى ما هسامحه بالعكس احنا لازم نحجر عليه و بسرعه
كارمن / ما اسمعش الكلام ده تانى
بياتريس / خلاص خلاص اهدى يا ماما ... ارحمى نفسك بقي ... اسكتى اسكتى انتى عاوزه ترجعيها المستشفي تانى ارحميني و ارحمى نفسك
صوفيا / سكت
كارمن / اتصلى بابوكى و قوليله انك فكرتى فى كلامه و هتفذوه بس يصبر عليكوا يومين كدا لما اتحسن و اقف على رجلى
صوفيا / حاضر
.......................
فى البلد
عربيه فيها اربع رجاله اجانب منهم واحد شعره طويل جدا و ناعم سايب على ضهره الناس تشوفهم يستغربوا راجل يروح لهم
الراجل / good morning my friends are you looking for something?
( صباح الخير يا صحابى بتدوروا على حاجه ؟ )
أجنبى ١ / good horses
( خيل كويسه)
الاجنبى يطلع فلوس و يجي يديها للراجل ما يرضاش ياخدها
الراجل / we have the best horses in the world and also best prices
( احنا عندنا احسن خيول فى العالم و احسن اسعار كمان )
الاجنبى / that is what I heard I also heard that the horse riding champions are living and practicing here
( هو ده اللى سمعته و سمعت كمان ان أبطال الفروسيه عايشين و بيتمرنوا هنا)
الراجل / of course horse riding is part of our culture
( طبعا ركوب الخيل من ثقافتنا )
الاجنبى / I am glad that we met I think you can help me here I don’t have much time and I need to get the best horses before I travel back home
( انا سعيد اننا اتقابلنا و اعتقد انك هتساعدنى هنا انا ما عنديش وقت و محتاج اجيب احسن خيول قبل ما اروح )
الراجل / don’t worry you are in a good hands
( ما تقلقش انت فى ايدين امينه )
.........................
فى سرايا الزنايته
عباده بيتكلم فى التليفون
عباده / ضايفوهم و ريحوهم على الآخر لحد ما نجيب آخرهم و نسأل عنهم و اوعوا تشيلوا عينكوا من عليهم
عباده يقفل و يدخل السرايا يشوف نجاه نازله
نجاه / السلام عليكم
عباده / و عليكم
نجاه / لسه زعلان منى صح ؟
عباده / لا
نجاه تبص له بدلع و تحضنه يحضنها و يبتسم و يطبطب عليها
نجاه / و الله بحبك
عباده / و انا كمان بحبك على فين النهرده
نجاه / هناخد العيال على الملاهي
عباده / دى طالعه جامده ... متاكده انك قدها
نجاه / و انا لوحدى و لا ايه ... و بعدين ما تقلقش على بنتك انا اقوم ببلد
عباده / مين هيروح معاكى
نجاه / الفريق كله و منصور و دياب مامنين من الجو بخمسه درونز
نجاه تقرب من عباده و توطى صوتها
نجاه/ و اتمسكنت على مهره انى خايفه و مش هقدر اسيطر و محتاجاها معايا و قولت اخرجها و بما ان عمران فى الحراسه فيا بخت من وفق راسين فى الحلال بقي و كدا
نجاه تغمز لعباده يخبط على دماغها بالراحه
عباده / عقبال الراس دى
نجاه / المهم الطلعه دى هتكلفك جامد يكون فى علمك
عباده / المهم تنبسطوا و ترجعوا لنا بالسلامه
نجاه / حبيب قلبي
.........................
فى الاسطبل
الأجانب واقفين بيتفرجوا على الخيول
الراجل / those horses are not for sale I am sorry
( الخيول دى مش للبيع انا اسف )
الاجنبى / I will pay much …
( انا هدفع اكتر ...)
الراجل / it is not about the money it belongs to omran Bai and he is a collector he never sell any of his horses
( مش مسأله فلوس دى خيول عمران بيه و هو بيجمعهم عمره ما بيبيع اى حصان من بتوعه)
الاجنبى / where can I find him ?
( اقدر الاقيه فين ؟)
الراجل / at the Zaino palace
( فى قصر الزيني )
الاجنبى / where is that can’t you just give him a call to come and talk it through
( فين ده ؟ ما ينفعش تكلمه يجي نشوف الموضوع ده ؟)
الراجل / I will give it a try
)هجرب )
الاجنبى يبتسم و الراجل يروح يقف فى جنب و الأجانب بيبصوا لبعض بابتسامه من تحت لتحت
.....................
فى شقه نسمه
نسمه / لا مش هروح له المستشفي انا ... انا مالى
ام نسمه/ مش ابن عمك الأصول أصول يا بنتى
نسمه / كان ممكن أصدق الكلام ده لو ما كنتوش عملتوا اللى عملتوه
ام نسمه / و احنا عملنا ايه يعني عريس و جالك و رفضتيه دا هيخليه مش ابن عمك يعني دا هيخلى عمك مش عمك هتقطعى مع اهلك خالص لو قابلتى مرات عمك مش هتسلمى عليها
نسمه / انا مش عاوزه مشاكل
ام نسمه / مع مين
نسمه / اى حد خصوصا انتوا
ام نسمه / يا حبيبتي ربنا ما يجيب مشاكل ابدا هو احنا قولنا حاجه و لا طلبنا حاجه غير انك تزورى ابن عمك فى المستشفي ما تلبسيش نفسك الغلط عشان حاجات ما لهاش اى علاقه بالحقيقه يا ضنايا
نسمه تبص لأمها
ام نسمه / انتى رفضتيه و خلاص قفلنا الموضوع انسيه بقي و نرجع اهل من تانى
نسمه تهز راسها ماشي
نسمه / هروح اللبس
ام نسمه/ هتعرفى تروحى لوحدك و اقعد انا بالعيال و لا نلبسهم و ناخدهم معانا
نسمه / مش عارفه
ام نسمه / خلينا احسن دى مستشفي مش فسحه روحى انتى خفيف خفيف كدا و ارجعى بسرعه ... اقولك... هى مش عربيه الكبير تحت ... انا هنزل اطلب منهم يوصلوكى على ما تلبسي اهو اطمن انك هتروحى و تيجي فى امان
نسمه / ماشي يا ماما ... اللى حضرتك تشوفيه ... حاضر
نسمه تتنهد و تروح الاوضه
....................
فى الملاهي
الملاهي متحاوطه من بره برجاله و عربيات و من جوه حريم و عيال الزيني و نجاه و مهره و فاتن و هند و خديجه و كذا بنت محاوطين العيال و بينقلوهم من لعبه للعبه و جابر و عمران واقفين فى جنب جوزيف يدخل الاتنين يستغربوا
عمران / خير فى حاجه و لا ايه ؟
جوزيف / هو انا ما ينفعش اجى انبسط معاكوا يعني و لا ايه ... حلو اوى الحركه دى بعد حركه الايسكريم ما بتضيعش انت وقت
عمران يبتسم بسخريه
جوزيف / جرب الورد على فكره تاثيره اقوى
عمران / يا عم فكك منى بقي خلى اليوم يعدى
جوزيف / هم فين صحيح ... اه هناك اهو ... انا بحب اللعبه دى اوى ما تيجوا ناخد دور
جابر / انت مبلبع حاجه و لا انت ايه حكايتك
جوزيف/ طب يا عم بالراحه ايه خايف على الجلبيه تتكسر و لا ايه .. اروح اللعب انا
جوزيف يجي يمشي جابر يمسكه
جابر / استنى هنا ... العيال بس
جوزيف / عيال ايه ما الحريم راكبين هناك اهو
جابر / و انت بتلبس طرحه بعد الضهر و لا ايه حكايتك يعني
عمران / لسه بقول خلوا اليوم يعدى
جابر / لسه ابوها مصالحها ابعد افضل
جوزيف يبتسم بوجع
جوزيف / انا ما كنتش جاى اعمل مشاكل... الموضوع كله انى كنت عاوز انبسط وسيطكوا ... بس انا فاهم انا مش منكوا تمام
جوزيف يجي يمشي عمران يمسكه جوزيف يبتسم بخبث و يداريها
عمران / استنى يا عم الموضوع مش كدا و بعدين احنا كرجاله واقفين متذنبين اهو شوفتها ركبنا
جوزيف / طب ما تفرح و تركب و تلعب يا عمران ايه اللى مانعك
عمران / كبرنا على الهبل ده يا يونس
جوزيف/ لا يا حبيبي احنا بس شلنا المسؤليه و الهم بدرى ... ياض لحقت تنسي كنا بنضحك ازاى و احنا متعاقبين فى مصر
جابر يبص لهم بطرف عينه
عمران / انت غريب اوى
جابر / صحيح هى صاحبتك باعته رجاله خوجات البلد او تعرف حاجه عنهم
جوزيف/ صاحبتي ما بتبعتش الرجاله غير على الاخره ما بتعتمدش و لا بتثق فيهم
جابر / ما هو دى برده نقطه انت وضعك ايه معاها
جوزيف / انا اخوها انا مش مصدر تهديد
جابر / خالص !! مش مصدر لاى تهديد خااص
جوزيف / انت بتشكل اى مصدر تهديد لاختك ... انت بتسأل فى ايه اصلا... بقولك ايه انا جاى انسي العيشه و اللى عايشينها و انا قد العيال دى الملاهي بتاعتى كانت انى اجرى فى سبق و الكلاب تجرى ورايا اللى يسبق ياخد كبايه لبن يقسمها مع اخواته الجعانين كانت دى الدبدوب الجايزه بالنسبالنا و انت و شطارتك بقي لعبه سبق اللى يكسب يعدى و اللى يقع الكلاب تاكله ... و لما كبرت شويه كان فى اللعاب تانيه احلى من دى بكتير سبق برده بس اللى يركب السلاح فيها و هو مغمض اسرع يقتل التانى و كان فى اللعاب تانيه بقي احلى بكتير
عمران / خلاص
جوزيف/ ليه ما تخليني احكى له و احكى لك عن الملاهي اللى كنت عايش فيها شويه يمكن تحمدوا ربنا ان عندكوا فرصه تلعبوا و تنبسطوا مش واقفين كدا
جابر / روح اللعب نقي اللعبه اللى تعجبك و روح اركبها بس بعيد عن اللعبه اللى هناك دى ... لما هى تنقل على لعبه تانيه ابقي روح ... عدانى العيب
جوزيف / حبيبي
جوزيف يروح يلعب فى لعبه تانيه
عمران / خف عليه
جابر/ ما تكملش انا عارف الدخله دى كويس
عمران / بالله عليك ما صعبش عليك ؟!
جابر / انا ما ليش لا ذنب و لا دخل باللى عاشه و لا انا حاجر عليه انه يعيش اللى فاته انا كل اللى عاوزه انه يبعد عن نجاه ... و انا و انت اهو هنتلفت بس هنلاقيهم جنب بعض
عمران / اممم
جابر / مش هقول غيران يا عم مش هقول اى حاجه ... بس على الاقل عمى ما يزعلش منها تانى
عمران / مش يمكن عشان هى مصدقاه... زى ابويا كدا ما مصدقه برده
جابر / يا عم بقي
تليفون عمران يرن رساله
عمران / بيقولك الأجانب جايين يشتروا خيل و عاوزين يتفاوضوا معايا على السعر
جابر / روح لهم
عمران/ اروح لمين يا عم هو انا ببيع
جابر / يا عم فرصه خد نجاه و مهره و شويه رجاله و اخلع
عمران / ازاى يعني و مازن و الباقيين
جابر / انا موجود و هو مش يونس جه هنا عشان يلعب و ينبسط و يعيش طفولته... اكيد مش هيجي وراكوا الاسطبل و هيحرس معانا هنا يعني هيعوض كل الرجاله اللى هتاخدوهم
عمران / بس احنا ما سالناش على الجماعه دول برده يعني بدل ما اروح اقابلهم لوحدى هاخد نجاه و مهره الاتنين معايا
جابر / مش هو قال مش تبعها ... خلاص و بعدين ما انت هتبقي معاهم انت و الرجاله ما تقلقش خدهم و روح و ما لكش دعوه
عمران / بصراحه مش قادر اقول لا دا انا اتخنقت هنا ..  هروح لهم اقول لهم
جابر يبتسم و يهز راسه عمران يروح يقف مع نجاه و يقول لها تستغرب كلامه
.......................