الكبيره ٢ بقلم / لولو_محمد

الحلقه ١٢٠

(((((((( الكبيره ٢ ))))))))
#لولو_محمد
الحلقه ١٢٠
كارمن / قولت عيب انتى ايه ما اتربتيش
صوفيا / ما تزعقليش انا ما قولتش حاجه غلط
كارمن / انا مش هكرر كلامى تانى فاهمه و لا لا
بياتريس / بس احنا مش فاهمين حاجه فعلا
كارمن / هتفهموا بعدين كل المطلوب دلوقت تسمعوا كلامى بالحرف مش اكتر فاهمين و لا لا
صوفيا / انا مش عاجبنى الوضع ده
بياتريس / اسكتى بقي ... تمام يا ماما فاهمين قولى تحبى نعمل ايه
صوفيا / انا مش هشتغل فاهمين و لا لا مش هقبل اعيش فى دور مش دورى انا مش هتذل فاهمين و لا لا ذل مش هتذل حتى لو همشي فى إجراءات الحجر لوحدى
كارمن تضرب صوفيا بالقلم صوفيا ترده لها فى ساعتها كارمن تبص لها بصدمه بياتريس و صوفيا يمسكوا فى بعض
بياتريس / انتى اتجننتى انتى ايه اللى جرالك
صوفيا / انتى ما تعرفيش حاجه ما تعرفيش اللى بتتذل بيتعمل فيها ايه انا مش هقدر اعيش انا اموت اهون
بياتريس / يا ريتك موتى يا ريتك كنا كلنا ارتحنا ما كله بسببك اصلا
صوفيا / انا
بياتريس/ غيرتك من مهره فتحتى علينا حاتم و جنانه و عمران و قرفه
كارمن تقع فى الارض
.........................
فى فيلا حاتم
حاتم / انا مش هسافر الا اما اخد حقى
الراجل / بالزوق بالعافيه هتسافر يعني هتسافر انا مش هستنى اما ادفنك قولتلك بلاش الناس دول قولت لك
حاتم يحاول يفك الاسوره يتكهرب
الراجل / انت كويس
حاتم / البتاعه دى كل ما بحاول افكها بتكهربنى انا مش فاهم فيها ايه
الراجل / ايه البتاعه دى صحيح
حاتم / مهره جابتهالى هديه بس من ساعه ما لبستها و انا مش عارف اقلعها
الراجل / ورينى كدا
الراجل يحاول يفكها يتكهرب هو و حاتم
الراجل / ايه الهبل ده دى بتوجع بجد
حاتم / امال انا اقول ايه
الراجل / ما تقولش انا هتصرف ... كل المطلوب منك انك تجهز نفسك عشان هتسافر بكره الصبح
حاتم / انا جاهز على الله بس يكونوا هم جاهزين
الراجل / هم مين
حاتم / الناس اللى هتوصلنى يا بابا هيكون مين يعني
..........................
فى سرايا الزنايته
ستات رايحه جايه تزغرط و الرجاله بتعلق نور فى الجنينه امين يروح يقف جنب جابر
امين / اخبار الدنيا ايه
جابر / زى الفل
امين / انت متأكد؟! مش عاوزين حاجه تبوظ فرح اختك
جابر / ما تقلقش باذن الله خير
امين / الحته دى فاضيه ليه يا ابنى زود فرعين كدا و لا حاجه
راجل / عيني يا سي امين دا فرح الغاليه
امين / عاوزها نهار ... مش عارف ليه مش مرتاح
جابر / هطلع اشوف لو ناقصهم حاجه
امين / ما تتعبش نفسك مش هتوصل لحد الاوضه اصلا حاولت
جابر / تمام ... هروح الف فى البلد كدا ائكد على كل حاجه
امين يهز راسه
امين / الكرسي ده معوج ليه يا جدعان مش عاوزين نسمع كلمتين ما لهمش لازمه الله
راجل يبص له و يروح يعدله
الراجل / حلو كدا يا سي امين
امين / حلو حلو انجزوا بسرعه شويه ... يا رب عدى الليلادي على خير يا رب
.............................
فى الجبل
صابر لامم رجاله كتير جدا حواليه
صابر / انا مش عاوز ناموسه تعدى النهرده فاهمين
الرجاله / فاهمين
صابر / كل واحد عارف مكانه اللى هيغلط يمين بالله ما هرحمه المرادى مش هبقي فى الجبل و استنى الاخبار تجينى هبقي وسطكوا و على راسكوا هقضي الليل كله بلف أكد عليكوا نفر نفر مش عاوزكوا تقصروا رقبتى فاهمين كلامى طبعا
راجل ١ / ما تقلقش يا سي صابر هنشرفك
صابر يبتسم شاكر يسحبه فى جنب
شاكر / انت جبت الرجاله دول كلهم منين
صابر / و لسه فى قدهم مرتين تلاته كمان ... ياما فى الجراب يا حاوى
شاكر / ايوه جبتهم منين برده
صابر / رجالتى يا جدع و ما تقلقش كلهم ثقه
شاكر / برده مش فاهم حاجه
صابر / زى ما بعتوا جبتوا زنايته بحرى انا كمان خليت رجالتى نفر نفر يجيبوا اهاليهم و كلمت انا كمان اهلى و الحمد لله ما اتاخروش عننا اصل عقبال عندك انا متعود من ايام ابويا الله يرحمه انى لا استخسر فى رجالتى و لا فى اهلى عشان لو جه عليا يوم زى ده و احتجت هم ما يتأخروش عنى
شاكر / ربنا يستر
صابر / اهدى و ما تقلقش و لو منك اروح اجهز عشان الفرح و لا انت ناوى تحضر بمنظرك ده
شاكر / عيب عليك دا فرح اختى
صابر / ايوه بقي و اهى فرصه بنات البلد كلهم هيترصوا قدامك فتح مخك بقي خلينا نفرح بيك
شاكر يضحك
صابر / انت لسه واقف ما تنجز روحك يا عم الوقت بيجرى
........................
فى الجنينه الورانيه
نور / بس دى حاجه غريبه جدا
ناصر / مش هتبقي اول و لا آخر حاجه غريبه تشوفيها هنا كبرى مخك
نور / يعني وضع مهره ده عادى ... طب هى ما لهاش اهل يعني خالص ... دا عندهم عادى انها تبقي كدا
ناصر / لا ما لهاش احنا اهلها
نور / ازاى يعني... زى رحمه كدا ربيوتها من و هى صغيره ؟
ناصر / هو انتى مش هتلبسي ؟
نور / على فكره انا من حقى افهم انا بتعامل مع مين
ناصر / معايا ليكي بيا انا
نور/ ازاى و احنا فى بيت واحد
ناصر / انتى عارفه كل تفاصيل حياه جيرانك فى بنها
نور / دى غير دى
ناصر / هى ... انتى تفاصيلك ما يعرفهاش غيرى اتصاحبتى على حد و حبيتي تحكى دا راجع ليكي انتى ... بالظبط زيهم ... لو حد حب يحكى ليكي تفاصيله و خصوصياته دى حاجه بينكم و بين بعض
نور / على فكره انا بس مستغربه الدنيا
ناصر / يعني كل اللى حكيته عنى عادى و جايه على دى و تقفى بقولك ايه انا هروح اظبط كدا و اللبس عشان انا ناوى نتصور النهرده كام صوره للذكرى انتى عارفه جايبين كان فوتوغرافر ؟ انا عارفك بتحبى الحاجات دى
نور / ماشي طالعه بس اعمل حسابك انك بكره هتاخدنى تفسحنى
ناصر / سبيها لله
نور / ما بحبش الكلمه دى على فكره
ناصر / يا نهار ابيض ازاى يعني ما كلها لله
نور / انت فاهم قصدى
ناصر / باذن الله لو ما فيش اى حاجه تمنع هفسحك تمام كدا
نور / تمام ... بحبك على فكره
ناصر / و انا كمان اطلعى بقي الجنينه مليانه رجاله ما يصحش كدا
نور / تمام ... عن اذنك
نور تروح تدخل السرايا تقابل نجاه نازله
نجاه / ايه ده انتى لسه ما لبستيش ؟
نور / هلبس فى ثوانى ما تقلقيش
نجاه / لو احتاجتى اى مساعده رنه بس
نور / تمام ميرسي عن اذنك
نجاه تطلع بره توقف واحد من الرجاله
نجاه / هو مازن فين ما حدش شافه
الراجل / لا ما شوفتوش
نجاه تروح لواحد تانى تساله ناصر يشوفها بتروح لواحد تالت
ناصر / نجاه !! فى حاجه ؟!
نجاه / مش لاقيه مازن
ناصر / راح مع ابوه يحلق
نجاه / و هيرجع امتى دا لبسه فوق عاوزه احميه قبل ما اللبس
ناصر / اطلعى هاتيلى لبسه و انا لما يجي هحميه بنفسي و اظبطه اخر تظبيط و ما تشغليش بالك انتى
نجاه / متاكد انك هتقدر
ناصر / بتهزرى صح ؟
نجاه / لا ما بهزرش امتى اخر مره اتعاملت فيها مع طفل اصلا
ناصر / شوفوا مين بتتكلم ... بقولك ايه صحيح 
نجاه / خير ؟
ناصر/ بصي هى نور ما قالتش حاجه صريحه بس هى حاسه ان كلكوا صحاب فى بعض و هى حاشره نفسها وسطكوا و كدا و انا بصراحه ما كانش نفسي الاحساس ده يوصل لها ... عاوزها تحس اننا هنبقي عوض ليها عن أهلها فاهمه قصدى ؟
نجاه / بحاول ... تمام هشوف هقدر اعمل ايه و هحاول اخليها تندمج وسطينا اكتر بس ما اوعدكش بالنتيجه اصل احنا مش هنكدب على بعض احنا فعلا كلنا صحاب هى ما نعرفهاش و لا تعرفنا... بس هنحاول نتعرف اكيد دى هتبقي واحده مننا
ناصر / مش عاوز اكتر من كدا تسلمى
نجاه / تمام ... شوف كدا مازن هيجي امتى انا اخر واحده هلبس انت عارف ما بطيقش الفساتين
ناصر يضرب كف على كف نجاه تعوج بقها و تطلع
............................
فى شقه جوزيف
عمران / لا مش هلغى حاجه هسيب كل حاجه زى ما هى
جوزيف / بس دا مش من حقك
عمران / انا قولت لها على فكره
جوزيف / بجمله الكلكعه
عمران / انا مخنوق اوى بجد
جوزيف يبص فى الساعه
عمران / بفكر ما احضرش الفرح
جوزيف / انهى واحد فيهم
عمران يبص له
جوزيف / النهرده مش وقت كلام فى اى حاجه و لا وقتك و لا وقت مهره و لا وقتى انا شخصيا... النهرده يوم لازم يعدى على خير البلد كلها عندكوا فى السرايا... انت عارف ده معناه ايه ؟
عمران / معناه ان البلد هتكون فاضيه الا من رجالتنا اللى بيحرسوها وقت الافتتاح
جوزيف / دا معناه ان الضربه لو جت هتيجي فى مقتل لأنها هتبقي من جوه
عمران/ ما تقلقش ما حدش غريب يجرؤ يدخل جوه السرايا الناس كلها عارفين بعض و اى حد غريب هيدخل
جوزيف / انت واثق فى اهلك يا عمران
عمران يبص لجوزيف
جوزيف / كلهم ؟!
عمران / ما بحبش اللف و الدوران فى الكلام عندك معلومه قولها
جوزيف/ هتصدقنى ؟
عمران / هصدقك
جوزيف / و هتعمل ايه ؟
عمران / لا دى بتاعتى بقي
جوزيف يبتسم بسخريه
عمران / هتقول لى مين ؟
جوزيف / تؤ
عمران / دا انت غتت
جوزيف يضحك
جوزيف / هقوم اللبس البيت بيتك
جوزيف يقوم يدخل جوه و عمران بينفخ
…………………….
فى هول السرايا
اكتر من عروسه قاعدين و البنات رايحين جايين بيرقصوا و يزغرطوا مازن يدخل يقعد جنب احلام نجاه تروح تاخده
احلام / سيبيه
نجاه تنزل لمستوى مازن
نجاه / انت عارف انى مرتبه لك فسحه ما حصلتش
مازن / جابر قال لى
نجاه / لا لا جابر مين دا انا الكبيره هنا و الطلعه دى بتاعتى ... عندنا ملاهي عندنا خيل عندنا بحر عندنا
مازن / انتوا ما عندكوش بحر مفيش فى مصر غير اتنين بحر واحد عندنا و واحد عند عمو فؤاد اللى بيلبسو فيه من غير هدوم
احلام تحط ايدها على بق مازن
نجاه / لا دا انت تيجي معايا تحكيلي ايه حوار عمو فؤاد ده
احلام / نجاه
نجاه تغمز لها و تشيل مازن و تمشي و احلام تضحك تبص تلاقي ست واقفه قدامها احلام تقوم تقف و الحزن يملا وشها
احلام / ازيك يا امى
الست / لا امك ايه بقي ما خلاص الميت اندفن و الدنيا طلعت بتمشي اهى
ام احلام تدخل بتجرى
ام احلام / ازيك يا ست ام بدر اتفضلى تعالى اهلا و سهلا اهلا و سهلا نورتينا
ام بدر / انا جيت بس ابارك لعروسه ابنى الله يرحمه و هى بتتزف لغيره
احلام عنيها تتملى دموع و الموقف يبقي محرج للكل و ام بدر عينها فى عين احلام خديجه تدخل
خديجه / اتارى السرايا منوره حبيبي وحشتيني عامله ايه
ام بدر / عن اذنكوا
ام بدر تيجي تمشي خديجه تمسك ايدها
خديجه / ما يصحش تيجي و تمشي كدا من غير ما تاخدى واجبك
ام بدر / لا ما انا اخدته خلاص ... مبروك يا عروسه تتهنى مع عريسك الجديد
احلام تعيط و تسيب المكان و تطلع فوق بتجرى
ام احلام / نورتى يا ام بدر
ام بدر تمشي
ام احلام / انا طالعه لها
خديجه تهز راسها ست تدخل
الست / خير يا ست خديجه هو ايه اللى حصل ده
خديجه / مفيش حاجه يا حبيبتي ما تاخديش فى بالك
خديجه تسيب الست و تمشي
......................
فى السيرك
بنت ١ / مفيش و لا واحد بره و فاضل خمس دقايق بس
امايا / كان متوقع
بنت ٢ / طب هنعمل ايه هنلغى العرض و لا هنطلع نقدمه للهوا
امايا / هنطلع نقدمه فى الشارع
بنت ٣ / بس الشوارع فاضيه كل الناس حرفيا فى واحد من الفرحين الناس ياما حوالين سرايا الزيني او سرايا الجارحى
امايا / و دى مش فرصه ممتازه نصطاد فيها شويه رجاله من بتوع الحراسه
البنات يبصوا لبعض
امايا / الفاير وركس هتشتغل فى معادها و العرض هيتقدم عادى جدا ... و افتحوا للكلاب تطلع تشوف لها حاجه تاكلها
بنت ٢ / امرك
البنات يمشوا و امايا واقفه مبتسمه
.......................
فى الشركه
دياب / و انت كنت مستني ايه يعني يقولوا لك اتفضل ادخل فتش دا الحمد لله انك طلعت من هناك سليم
منصور / دا على اساس انى غبى مثلا
دياب / انت شايف ان اللى عملته ده فيه ريحه المخ حتى
منصور/ ما شوفتش منك حاجه يعني
دياب/ هتشوف بس اصبر
منصور / هو فى جديد و لا ايه
اللعاب ناريه فى السما منصور و دياب يروحوا ناحيه الشباك
دياب / بدات العرض
دياب يطلع للمهندسين
دياب / مش عاوز نمله تظهر فى اى كاميره الا لما نتعامل معاها النهرده هنشتغل بكامل طاقتنا مش مسموح باى غلطه
راجل ١ / تمام يا باشمهندس
راجل ٢ / فى حاجه يتحصل فى مربع خمسه و سبعين
دياب يجرى يبص يلاقي الكلاب بتنط على الرجاله و الرجاله بتضربها بالنار و فى راجل فى الارض مصاب دياب يتكلم فى التليفون
دياب/ إسعاف مربع خمسه و سبعين
راجل ٣ / واحده كمان لمربع ميه و خمسه بسرعه
دياب يجرى يشوف الشاشه يشوف نفس المشهد يجرى على منصور
دياب / طلع درونز الصواعق كلها تتعامل مع الكلاب
منصور / حصل من بدرى و سيطرت على أربع مربعات لحد دلوقت
دياب يرجع للمهندسين
دياب / بلغوا الإسعاف باى جديد بنفسكوا
دياب يجرى يقعد على جهازه جنب منصور
دياب / اصطدت كام كلب لحد دلوقت؟
منصور / سته
دياب / شاطر اقعد اتفرج بقي على اخوك
منصور يضحك و الاتنين شغالين
...................
فى المستشفي
حالات كتير داخله و الدكاتره كلهم طوارئ
ممرضه / كل الحالات عضات كلاب يا دكتوره
الدكتوره / تمام رتبيهم حسب درجه الخطوره و بلغيهم يجهزوا العمليات لاى وضع
الممرضه / جاهزين من بدرى يا دكتور
الدكتوره تروح لحاله و واضح انها صعبه تبدا تشتغل تسمع صوت صريخ و نباح كلاب عنيها توسع الممرضه تجرى تقفل الباب و فى صوت ضرب نار بره
............................
فى اوضه احلام
احلام منهاره من العياط و امها بتحاول تهديها
الست / انا مقدره احساسك بس انتى لازم تكوني اقوى من كدا و بعدين فكرى فى اليوم و الناس اللى تحت و جوزك
احلام/ لو سمحتى سيبيني لوحدى شويه
الست / اسيبك ازاى دلوقت يعني لو
الباب يخبط الست تفتح تلاقي جابر و نجاه
جابر / فى ايه مالها احلام
احلام / ما فيش زفت بقول سيبونى لوحدى لو سمحتوا بقي انتوا ايه
جابر / طب بس اهدى و اى كان اللى عوزاه هيحصل
نجاه تحضن احلام و تطبطب عليها
احلام / ما شوفتيش كانت بتبص لى ازاى انا ما عملتش حاجه لكل ده انا محروقه زيي زيها انا ما كنتش عاوزه اى حاجه من دى تحصل انا بجد تعبانه اوى
جابر ينزل على ركبته
جابر / انتى ما لكيش اى ذنب فى اى حاجه
احلام / بس هو جه عشانى
جابر / قدره يا احلام جه لقضاه و ما حدش بياخد اكتر من نصيبه و لا بيعيش ثانيه بعد عمره
احلام / انا عايشه يا جابر عايشه
جابر/ حبيبتي ... بعد الشر عنك لسه معادك ما جاش و ما ينفعش حياتك تنتهى بحياه حد تانى الحياه لازم تكمل و قاسم شاب كويس و هيصونك
نجاه / لازم تفكرى فى موقف قاسم دلوقت لما يعرف انك بتعيطي يوم فرحك عليه بالمنظر ده
الست / قاسم جاى مع خالك و الكبير لمى نفسك لمى نفسك
نجاه تحاول تمسح دموع احلام مش قادره تبطل جابر يروح ناحيه الباب و يمنع قاسم يدخل
جابر / والده خطيبها جت
قاسم / حكولى و لو سمحت محتاج اتكلم معاها فى كلمتين لوحدنا
جابر يبص لمختار مختار يهز راسه موافق
جابر / انا مش حاسس انها فكره كويسه
قاسم / لا ان شاء الله خير عن اذنك
قاسم يعدي جابر و يدخل جابر يستغرب من جرئته و يجي يمنعه مختار و عباده يشدوه
مختار / دا جوزها حاليا اهدى
جابر / يعني ايه يعني
عباده / يعني تهدى و تسيبه يتكلم معاها
جابر يبص يلاقى نجاه و امه خارجين من الاوضه و قاسم بيقفل باب الاوضه
جابر / دا بيقفل الباب هو ايه العبط ده
نجاه تروح تقف جنب جابر
نجاه / بيقول محتاجين يتكلموا
جابر / ما يقفلش الباب برده
عباده / اديهم فرصه يا جابر و اهدى
جابر / لا معلش ما اهداش اللى بيحصل ده ما يصحش
ام جابر / وطى صوتك يا جابر مش وقت فضايح
جابر / حضرتك عاجبك الوضع يعني
الست / جدا
جابر يجز على سنانه مختار يبتسم
مختار / لتكون غيران على اختك من جوزها يا جابر
جابر / مش جوزها ... لسه
نجاه / لا مازون و شهود و إشهار جوزها فى ايه مالك
جابر / جوزها دى فى بيتهم هناك مش هنا
عباده / فى جحر العفريت جوزها فبطل افوره و اهدى و بعدين احلام لو مضايقه او احتاجت مننا حاجه هتنادى فاهدى بقي
جابر / يعني انا الوحيد اللى شايف انه ما ينفعش يعني
مختار / اهدى
جابر يكتم جواه و هو بيفرك و عينه على الباب
....................
فى اوضه احلام
قاسم / و اتصلت بيا و قالت إنها عاوزه مازن و مش هتقبل انه يتربى مع مرات اب و كلام كتير كدا
احلام / و هى ممكن تاخده فعلا
قاسم / لا ... اكيد لا ... مفيش قوه فى الدنيا ممكن تاخد ابنى منى
احلام تهز راسها
قاسم / المهم انى عاوز اقولك ان الموقف ده طبيعي جدا منها و ان فى ناس مش هتعترف بحقوقك ... طب يا ستى ابسطها... كانت فين فى حياه مازن من يوم ما بنتها ماتت بتيجي تزوره مره فى الاسبوع و تجيب شويه حلويات و تقعد تقضي اليوم كلام مع أمى و الحريم و تلعب معاه شويه و تمشي ... كانت عارفه انى دايخ بيه على الدكاتره و تعديل السلوك و باخده معايا فى كل حته ... كانت عارفه و شايفه و مع كدا ما قررتش تشيل معايا الا اما لقيت اللى يريحني... هى مش بتكرهنى هى بس حزينه ان فى واحده هتاخد مكان بنتها
احلام / معاها حق ... انا لو منها هضايق برده
قاسم / ازاى يعني
احلام/ ما اعرفش بقي انا مش فى المود لاى كلام دلوقت
قاسم / الله يعينها برده شكله كان شاب كويس و سمعته كانت كلها خير
احلام/ ما هم الكويسين كدا ... بيموتوا صغيرين
قاسم / على كدا الواحد يبقي وحش بقي
احلام تبص له
قاسم / انا حاسس بيكي جدا على فكره
احلام / يمكن لو كنا صبرنا شويه و خدنا وقتنا ... ما كانش كل ده حصل ... انا بجد اسفه اوى بس
قاسم / انا مش هطلق
احلام تبص له باستغراب
قاسم / هناخد وقتنا عادى مفيش مشكله انا مش مستعجل على اى حاجه بس احنا خدنا خطوه لازم نكملها ... فات وقت الانسحاب خلاص انتى بقيتي مراتى و انا مش هستسلم بالسهوله دى خصوصا لو عشان موقف عادى زى ده
احلام / انت شايف وشي عادى
قاسم/ شوفت الاسوء
احلام تبص الناحيه التانيه
قاسم / اصل الحياه مش هينفع تقف ماشي سبنا بعض و بعدين ايه اللى هيتغير ... لو انا اللى كنت مت كنت هضايق لو هى كملت حياتها ؟! كنت هقولها عيشي عمرك كله ربى ابنك و ادفنى نفسك
احلام / احنا صعايده
قاسم / بس مش كفره ... هى حبت تعيش لابنها بس دا قرارها و ربنا يجمعنى بيها فى الاخره بقي لكن لقت ابن الحلال اللى يصونها و يعوضها ليه ادفنها معايا ما تعيش ما انا كدا كدا ميت
احلام / هتبقي مرتاح فى قبرك يعني
قاسم / تفتكرى وقتها الموضوع ده هيكون أقصي همى ... انا بتحاسب تحت ... يا بنتى دا يوم القيامه يفر المرء من أخيه و امه و ابيه و صاحبته و بنيه الأمور الدنيويه دى بتنتهي و بعدين اى حد بيحب اى حد بيتمناله السعاده
احلام / انت ما بتغيرش يا قاسم
قاسم / جدا غيور جدا ... بس انا ميت يا احلام ... انا وقتها مش هبقي لا قادر أسعدها و لا اعوضها انا مش موجود اصلا عشان اغير
احلام / ما اعرفش بقي
قاسم / انا بقول كفايا على الفرح كدا ... كدا كدا لينا طلعه تانيه فى بحرى
احلام / و انا بقول كدا برده
قاسم / طب تحبى نعمل ايه دلوقت ؟
احلام تتخض قاسم يضحك
احلام / قصدك ايه !!
قاسم/ قصدى هنطلع نقول لهم و ناخد بعضنا و نروح شقتنا و لا هتستني هنا لحد ما الفرح يخلص و انزل انا يعني اعمل اى منظر انتى عاوزه ايه ؟  هتبقي مرتاحه لايه اكتر
احلام / مش عارفه 
قاسم / عارفه انا لو منك
احلام تنتبه
قاسم / هنزل اكمل الفرح عادى ... هو اه انتى الوحيده اللى فى كل اللى تحت اللى هيتعمل لها فرحين بفستانين بس برده دا ما يمنعش ننبسط فى الاتنين
احلام / انا ما جبتش فستان تانى
قاسم / انا جبت
احلام / و عرفت مقاسي منين او افرض ما عجبنيش او افرض اى حاجه
قاسم / و الله ساعتها اللى عليكي مش هيقول لا بس هو فى واحده فى الدنيا يبقي قدامها فرصه تدلع و تقول لا
احلام / كلام منطقى ... بس برده كان لازم تاخد رايي
قاسم / هو انا كنت لاقيكي
احلام / ما انا كنت مشغوله انت فاكر الجواز ده سهل طب دا انا حتى اتكروت
قاسم / كل حاجه فى ايدينا مشي ليلتك بالمتاح و غيرى الباقي على مهلك على كيف كيفك
احلام / انت هتفضل هادى معايا كدا على طول
قاسم / هو انا كدا هادى !! دا الطبيعي على فكره... فى الاهدى
احلام / الله يطمنك
قاسم / بس برده فى ... يعني كلنا لينا قلبه ... و زى ما هستحملك فى قلبتك و اهديكى يعني ... مش هتخسرى حاجه لو استحملتى قلبتي لو لا قدر الله اتكتب عليكي تشوفيها
احلام / استر يا رب
قاسم يضحك و يبص الناحيه التانيه
احلام/ مستغربه الوضع اوى الناس كلها بتتعرف على بعض قبل الجواز احنا بنتعرف بعده
قاسم / ما هو الجواز كدا اصلا واحد شاف واحده و عجبته او عرف ان فلان عنده بنت كويسه بيبعت حد يشوفها و يحاول يشوفها او يستأذن يشوفها و لو حصل قبول بيروح لابوها يقوله انا عاوز اطلب ايد بنتك فالاب بيسأل البنت ايه رايك قالت تمام بيجوزوهم الخطوبه بقي و الارتباط و الكلام الجديد ده كله بدعه عشان تسهل الحرام مش اكتر
احلام / بس افرض
قاسم/ من غير ما تكملى كل حاجه فيها الحلو و الوحش زى ما قولتى المجازفه انه يطلع شخص مش مناسب فتحتى برده باب للشيطان لحاجات تانيه تدخل ممكن هى اللى تكون سبب فساد العلاقه دى
احلام/ وجه نظر بس برده الحب مهم ... اه نسيت انت مش مؤمن ان فى حب بعد الجواز اصلا
قاسم / اه بس مؤمن ان فى حاجات اهم
احلام / زى الاحترام و الموده و الرحمه و العشره
قاسم/ و اتقى ربنا فيكي و احتويكى و ادلعك و اكفيكى من كل حاجه و من كل ناحيه و احميكي و افديكي بعمرى كله لو حكمت
احلام / ما ده اسمه حب يا قاسم
قاسم يبص لها يلاقيها مبتسمه
.......................
على باب الاوضه
جابر و امه و نجاه بس اللى واقفين
جابر / يعني بالله ده اسمه كلام الناس هتاكل وشنا
ام احلام / انا مش فاهمه انت واقف هنا بتعمل ايه اصلا ما تنزل مع الرجاله اللى نزلوا و تشوف وراك ايه اعمله
جابر / انزل ازاى يعني و اسيبهم جوه لوحدهم
نجاه تضحك
جابر / مش ناقصك
نجاه / الله!! دا شكلك طلعت بتغير بجد بقي
جابر / على فكره انا على تكه و اخبط
ام احلام / طب ابقي اعملها و انا اوريك وشى التانى و افتكر انك عارفه كويس
جابر يبص الناحيه التانيه ويضرب كف على كف
نجاه / انا مش فاهمه انت واخد الدنيا على قلبك ليه واحد و مراته هتفرق ايه بقي هنا و لا فى بيتهم ما تكبر مخك شويه
جابر / انتى سامعه بتقولى ايه ؟!
نجاه / اه سامعه ... فاكر لما منصور و ياسمينا كانوا متخانقين و جه نام جنبها فى الاوضه اللى تحت و لما صحيوا روحوا بيتهم عادى ... خليك سهل كدا و خلى الدنيا تمشي هم يعني بيعملوا حاجه حرام
جابر / فى حاجه اسمها
نجاه / هى راضيه و هو راضي مالك انت و مالهم يا فاضي
جابر / انا فاضي !!
نجاه / و الله ما مستاهله و بعدين خلينا ننزل بقي نلحق اى حاجه من الفرح ده
جابر / هى تورته !! بقولك ايه يا ست البنات انتى نزول انا مش نازل انا قاعد لهم هنا على الباب لحد ما يخرجوا و اتكلم انا بقي مع سي قاسم بيه فى اللى بيعمله ده ... ما احنا مش هنبتديها كدا
ام احلام / انت مش هتهدى الا اما اصدغلك صح ... إياك ثم اياك تفتح الموضوع ده مع جوز اختك يمين بالله
مازن يعدى بينهم و يروح للاوضه
جابر / ما هواش جوزها ... او على الاقل فى بيتهم مش هنا
ام احلام / جوزها غصب عن عين امك و افتح بقك بحرف كمان عشان انت شكلك جاى و ناويها و انا خلقى ضيق و انت عارف قلبتى كويس و لا فاكر انك كبرت عليا ياواد انت
مازن يفتح الباب نجاه تجرى تلحقه يكون دخل و قعد فى حجر قاسم
مازن / ستى بتسأل عليكوا تحت
قاسم يبص لأحلام تمسح وشها و تهز راسها
قاسم / قولها نازلين اهو
نجاه / تحبى اساعدك فى مكياجك
قاسم / هى قمر اللهم بارك فى اى حاجه اهو
احلام تقوم تبص فى المرايه و تبدا تعدل مكياجها
قاسم / طب هسبق انا و مازن و ابقي حصلينا تمام
نجاه / مش هتاخد ثوانى خدها فى ايدك احسن
قاسم / عيونى انا واقف على الباب اهو
قاسم ياخد مازن و يطلعوا بره يبص لجابر هياكله و كاتم جواه جابر يبص الناحيه التانيه و ينزل
قاسم / هو فى حاجه ؟!
ام احلام / شكل فى حوار فى البلد الرجاله نصهم مشي اصلا من تحت
قاسم / خير ايه اللى حصل ؟!
.......................