(((((( الكبيره ٢ ))))))
#لولو_محمد
الحلقه ١١٠
فى المضيفه
قاسم قاعد و احلام قاعده الناحيه التانيه خالص و الباب مفتوح و الاتنين مش بيتكلموا و بيبصوا لبعض و احلام كل شويه تبص بره اخواتها واقفين عينهم عليها
قاسم / انا مش شاطر فى فتح المواضيع
احلام/ و انا ما عنديش غير سؤال واحد
قاسم / طب ما تساليه
احلام / حوار الجواز ده جه فى دماغك بسبب البتاع اللى بيقولوا عليه ؟
قاسم / بتاع ايه
احلام / سمعتهم بيتكلموا عن رش بيخلى الناس عاوزه تتجوز
.......................
قاسم / هو الموضوع بدا من ساعه ما روحنا من هنا اخر مره مازن ما بطلش كلام عنك و انا بتابع له مع دكتور تعديل سلوك و الدكتور نفسه قال قد ايه انتى مهمه بالنسبه لمازن
احلام / منطقى
قاسم/ هو ايه ؟
احلام / انك تكون متقدم لأنك محتاج ام لمازن
قاسم / مش اى ام ... لو كنت محتاج ام كنت اتجوزت من بدرى ... أنا تعبت جدا مع مازن من ساعه اللى حصل ... كنت رافض مبدأ انى اجيب له مرات اب ... واحده تعامله كويس لانى موجود و من ورايا ربنا العالم ... كنت خايف عليه بصراحه و شايل الموضوع من دماغى... هو اللى فتحه من غير ما يقصد ... و فى حاجات تانيه برده غير مازن
احلام / زى ايه
قاسم / زى انك اللهم بارك يعني ما فيكيش غلطه جمال و دين و أخلاق و عيله... غبى اللى يبقي قدامه حاجه زى دى و يضيعها
احلام / طب ما سالتش نفسك انا ليه ما اتجوزتش مع ان فيا كل ده
قاسم / كنتى مخطوبه و اتوفى الله يرحمه
احلام / دا سبب من الأسباب... بس فى سبب اهم... هم فاكرين انى مش عارفه بس احنا بنبقي عارفين كل حاجه
قاسم/ طب ينفع تعرفيني ؟
احلام / الجماعه الخوجات كانوا قايلين ان ليهم خطه كدا انهم ياخدوا ابنى و ابن نجاه و يجبرونا نسمع كلامهم بيهم ... و فعلا كانوا باعتين ليا عريس منهم و ربنا أراد ينجيني فالجماعه هنا قرروا انه يا يكون زينى يا جارحى و اى عريس من بره بيتحججوا بحوار خطيبي الله يرحمه عشان يسكت
قاسم / و هم المفروض مخبيين عليكي كل ده
احلام / زى ما هم المفروض مش بيقولوا قدامى ان لما بيكلموا نجاه عن الجواز بتتحجج بيا و بيقولوا لها برده ان ليا ظروفى
قاسم / طب ما الواحد ما يخبيش عليكوا بقي اكرم له ما دام بتبقي عارفين كل حاجه كدا
احلام تبتسم
قاسم / طب و بتعملى ايه لما بتعرفى حاجه هم مخبينها عليكى
احلام / بعمل مش عارفه
قاسم / و ربنا يديم الاستهبال ما بينكوا
احلام تبص فى الارض و تضحك و تهز راسها اه
قاسم/ انا شخصيا مش ببقي ناوى اخبى حاجه ... بس فى نفس الوقت الواحد بيبقي عاوز يدخل بيته يرمى كل قرف اليوم بره البيت بره البيت و فى نفس الوقت بسيب كل حوارات جوه البيت جوه البيت و بركز فى كل مكان لوحده فاهمه حاجه
احلام تهز راسها اه
قاسم/ فى حاجات كتير مختلفه بين عندنا و عندكوا... الفروق دى بتقدر تشوفها بمجرد ما تدخل المكان
احلام/ الفروق دى حلوه و لا وحشه
قاسم / ما بتتحسبش كدا انت لازم تحترم اختلاف المكان المهم النتيجه المهم المجمل ما ينفعش اقول مثلا انتوا ما بتعملوش كذا زينا ليه ... انتوا مش احنا و دا منطقى ... المهم نقدر نتفق و نوصل لارض مشتركه بينا .. يعني انا راجل بسيط جدا كل طموحى ان الشغل يبقي تمام و البيت يبقي هادى مش اكتر ... ما بحبش ادخل فى حوارات قالوا و قولنا خصوصا بين الحريم
احلام / و لو حصل موقف مين يدخل هتسيبنا ناكل فى بعض و البقاء للاقوى و لا ايه
قاسم / و ليه كدا ما فى حل سلمى بيرضي جميع الأطراف الا و هو فصل القوات مش مرتاحه فى التعامل مع فلانه ما تتعامليش
احلام / ازاى و احنا فى بيت واحد
قاسم / ما هو ده من الفروق اللى بينا احنا اه عايشين فى بيت واحد بس الفصل سهل و ما بنجبرش حد يندمج وسطينا
احلام/ نجاه لما جت ليكوا زياره ما ارتاحتش
قاسم / اعتقد انها اتشالت من على الارض شيل و ان كانت ما ارتاحتش فدا مش عشان حد عاملها وحش بس عشان نجاه كانت صغيره و مش بتقدر تتقبل الاختلاف
احلام / انتوا مش ملايكه
قاسم / و لا انتوا و لا انا و لا انتى بس احنا فى الاول و الاخر اهل بنقبل بعض بعيوبنا بمميزاتنا باخطائنا ... لسه متكلم مع امى اخر مره بتقول ان مازن هو اللى مدلع زياده ... دا رايها و بحترمه بس فى الاخر بربى انا ابنى زى ما انا شايف هتساعدنى كتر الف خيرها مش هتساعدنى مش هتبوظ اللى عملته
احلام / افرض ما حبتنيش بعد الجواز... ما هو مش معنى ان ابنك حبنى انك هتحبنى افرض اى حاجه
قاسم / هو على قد علمى ما فيش حب بعد الجواز اصلا
احلام / اصلا !!
قاسم/ فى عشره و موده و رحمه فى اتقى ربنا فيكي و تتقى ربنا فيا فى حاجات تانيه كتير اهم و بتعيش اكتر زى الاحترام و الاهتمام مثلا
احلام / و ازاى هتحترم شخص مش طايقه
قاسم / لو وصلت الحكايه لكدا ما اعتقدش ان فى مبرر للاستمرار اصلا اصل ازاى اعيش مع حد انا مش قادر احترمه اصلا ... و لا انا و لا انتى عندنا اى ظروف تجبرنا نكمل لو وصلنا للمرحله دى لا قدر الله
احلام / العيال مثلا
قاسم / انا مش وحش اوى كدا انك تعيشي معايا مكرهه عشان العيال يعني اكيد هتلاقي فيا ميزه او اتنين على الاقل
احلام تبتسم
قاسم / هو انتى كنتى بتحبى خطيبك ؟
احلام / كنت بتحب مراتك ؟ الاتنين عند ربنا ما اعتقدش انها فكره كويس ندخل نفسنا فى السكه دى
قاسم / معاكى حق
احلام / بتحب الاكل
قاسم/ و شاطر فى عمايله
احلام / بجد !!
قاسم / انا بعرف اعمل كل الوظايف فى المطعم عندى و اى حد بيغيب بشيل مكانه و احسن منه كمان
احلام / و يا ترى ده فى المطعم بس و لا ممكن فى البيت كمان
قاسم / صعب شويه فى السرايا بحكم احتلال المطبخ من قبل الحريم اللى فيه
احلام / طب و لو فاضي
قاسم / مش هيحصل من يوم ما وعيت على الدنيا ما حصلتش حتى لما هفت فى عقلى مره ادخل كان حواليا حريم فى كل حته و لبخونى
احلام / ليه يعني و انت فى المطعم ما بيبقاش حواليك ناس يلبخوك
قاسم / بس ما حدش منهم يجرؤ يمد ايده فى الطبخه بتاعتى
احلام / وجهه نظر
قاسم / تحبى تدوقى
احلام / ربنا يسهل لو نزلنا اسكندريه نبقي نعدى على المطبخ و ندوق
قاسم / دا اكيد هيحصل بس لو قدرتى تفضيلى المطبخ عندكوا دلوقت انا متاكد ان طعم اكلى ممكن يكون ليه تأثير كبير على قرارك
احلام / انا شوفت فى عيله الزيني شغلانات قليل و كتير اول مره اشوف شيف
قاسم / و محاسب و ويتر و مدير تشغيل و مدير صاله و كاشير و بنضف الارضيات و الحمامات و بغسل صحون و بهتم بالزرع اللى فى الجنينه قولتلك بعرف اعمل اى وظيفه فى المطعم
احلام / بعيد عن المطعم بتعرف تعمل ايه ؟
قاسم/ سباحه رمايه ركوب الخيل احنا زيني برده يعني ما ينفعش تفوتنا دى
احلام / انا ما بعرفش اعوم عمرى ما جربت
قاسم / سهله ابقي اعلمك
صمت و تبادل نظرات و احراج
قاسم / انتى بقى بتحبى تعملى ايه
احلام / انا لا سباحه و لا رمايه و لا ركوب خيل مش جوى خالص انا بيتوته شويه بحب الحاجات البسيطه بتاعه البنات دى و معظم وقتى بقضيه مع العيال الصغيره براعيهم اقرا لهم قصه الاعبهم اساعد فى البيت اقرا كتاب كدا يعني ما ليش دور محدد و لا شغلانه محدده و لا هوايه محدده
قاسم / بس بتاعه كله زيي مطرح ما بيحطوكى بتدى
احلام تبتسم
قاسم/ اول ارض مشتركه نقف عليها... فى تقدم
احلام / اعتقد اننا طولنا اوى و هم تعبوا من الوقفه بره ... هستاذن
احلام تقف و تروح ناحيه الباب قاسم يقف و ينادى
قاسم / طب و المطبخ
احلام تبص له
قاسم / هتفضيه ادوقك اكلى
احلام / عن اذنك
احلام تمشي و قاسم يطلع يلاقي جابر شايل مازن
جابر / كان بيدور عليكوا بس انا لهيته شويه لحد ما تخلصوا ... عشان قالولى أني رخمت عليك جامد
قاسم / هو انا ينفع ادخل المطبخ
امين / خير
قاسم/ هدوقكوا حته اكله تحلفوا بيها باقي عمركوا
جابر / ما تهزرش
قاسم / اهزر ايه يا عم جد الجد كمان هاه هتفضوا المطبخ و لا لا
مازن / بابا شيف بريمو
قاسم يبوس مازن
امين / هدخل أبلغهم و ارجع لك
نجاه واقفه بعيد
نجاه / جابر !!!
جابر / عن اذنك يا بريمو
قاسم/ هبهرك
جابر / لا ما انا اوريدى انبهرت
جابر يروح لنجاه
نجاه / طمنى شكلهم مبسوطين و فى ابتسامه كدا و طلعت على اوضتها ما كلمتش حد
جابر / و هو ... عاوز يدخل المطبخ يطبخ
نجاه / بيعرف يطبخ !!!
جابر / بيقول
نجاه / بيضالك فى القفص يا احلام
جابر / ايه !!!!
نجاه / ايه يا عم بهزر مالك قفوش كدا ليه
جابر / بعرف اعمل اكل على فكره
نجاه / يا راجل قول كلام غير ده
جابر / طب دا انا عليا توضيبه طبق فول انما ايه حكايه كنت بقلب بيها السكن كله
نجاه تتعوج فى وقفتها و تربع ايديها و تبص له
جابر / و يا سلام على طبق البيض بالبسطرمه الغرقان فى السمنه البلدى
نجاه / اى عيل صغير بيعرف يعمل الحاجات دى
جابر / تمشي معاكى صينيه بطاطس باللحمه
نجاه تضحك جابر يبص حواليه على الرجاله اللى منطورين فى المكان
نجاه / انا داخله اشوف احلام
نجاه تروح ناحيه السرايا جابر يناديها
جابر / طب تمشي و لا ايه ؟
امين يطلع من السرايا
امين / هى ايه اللى تمشي
جابر / ما تاخدش فى بالك ... ايه الاخبار
امين / المطبخ فاضي
جابر / يادى الهنا يادى الهنا روح بشره يا خويا روح
امين / مالك ياله
جابر / فله ... رايح لدياب كان عاوزنى
امين / ربنا معاك
جابر بحماس / امين
جابر يضحك و يمشي و امين مستغرب
..................
فى شقه جوزيف
جوزيف بيتكلم فى التليفون
جوزيف / عارف انى قولت اردموها بس ما قولتش ابدا تبعتوا عربيات خرسانه فى عز النهار لبيوت الناس ... الناس دى مش هتسكت الا بقي لو عندك كلام مقنع تقوله او بقي تقول الحقيقه ... واثق اوى ان ولائهم ليكوا يعنى ... أنا ما قولتش ان كلهم معانا ... و برده مش كلهم معاكوا... لا مش هعمل كدا طبعا مش هقول اسامى اى حد و لا هطلع معلومه واحده تعرض حياتى للخطر ... لما نتقابل نتكلم... تمام توكل على الله و اعمل اللى انت عاوزه و كدا كدا هتيجي على فكره ... حبيبي فى حفظ الله
جوزيف يقفل التليفون
جوزيف/ كالعاده ... غباء مستحكم
...................
فى اوضه نجاه
الباب يخبط
نجاه / مين ؟
جابر / انا
نجاه / ثوانى
نجاه تلبس الاسدال و تفتح الباب تلاقى جابر فى ايده طبق عليه برام صغير متغطي بفويل و جنبه معلقه
نجاه / خير فى حاجه و لا ايه من امتى بتخبط على باب اوضتى السعادى .. ايه ده !!!
جابر / بطاطس باللحمه
نجاه مش قادره تدارى الضحكه جابر يبتسم
نجاه / انت بتهزر صح ؟!!
جابر/ دوقيها و قوليلى رايك
نجاه / جابر انت حتى لو جايبلى ايه بالذى هقولك حلو كفايا تعبك فيه
جابر / طب دوقيها
نجاه تاخد منه الطبق و تفتح الفويل و تدوق
نجاه / تسلم ايدك زى الفل
جابر / بجد و لا مجامله
نجاه / جابر انت عارف الساعه كام ... عارف ابويا لو شافك هيعمل فيك ايه ... اعتقد لو كان حد غيرك ما كانش اتجرأ صح ... لو كان غيرك بس انت فوق القانون مش كدا ... انت هتبقي الكبير
الابتسامه تروح من وش جابر
نجاه / شكرا على البرام طعمه حلو اوى فعلا بس ما تعملهاش تانى ... انك تيجي اوضتى السعادى مش البطاطس طبعا البطاطس تحفه
جابر / هاتى البرام
نجاه / لا مش هجيبه دا بتاعى هاكله
جابر / لا دا بتاعى انا و انتى رزله و ما تستاهليهوش
نجاه / اديك قولتها انا رزله متوقع منى ارجعه ازاى بقى
جابر يبتسم
جابر / الف هنا
نجاه / طب ايه مش هتمشي
جابر / همشي ... بس زعلان منك
نجاه / ليه ؟ عشان بلفت نظرك لما بتغلط ... بس انت مستوعب المشكله فين ؟ انت لسه ما مشيتش
عباده يدخل
عباده/ فى حاجه و لا ايه
نجاه / اتفضل بقي
جابر / كنت جايب لنجاه حاجه
عباده / و اديتهالها
جابر يهز راسه
عباده / و
جابر / ماشي ... عن اذنكوا
جابر يمشي عباده يبص لنجاه
نجاه / و !!! لو كان يونس كنت قومت الدنيا و طردته بره البلد
نجاه تدخل الاوضه عباده يدخل وراها و يرزع الباب نجاه تبص له
عباده / بتقارنى مين بمين انتى
نجاه / بقارن واحد كان معاه حق بواحد
عباده / دا جابر يا نجاه... عارفه يعني ايه جابر ؟!
نجاه / غلط و لا ما غلطش
عباده / غلط بس
نجاه / شوفت ... شوفت حضرتك مش بتحكم بالعدل بتحكم بالهوى... ببس
عباده يبص لنجاه فى صمت
نجاه / جابر غالى عندى جدا بس حضرتك عارف هو جاى جايب لى ايه ؟ بطاطس باللحمه.. عشان فى وسط الكلام قولت بهزار يا بخت احلام جوزها بيعرف يطبخ او حاجه زى كدا نفس المعنى مش فاكره بالظبط
عباده / غلطان طبعا ما اختلفناش بس
نجاه / تضمن منين انه بيتصرف بوعيه
عباده / قصدك ايه ؟
نجاه/ بابا احنا عارفين كل حاجه و فاهمين كل حاجه
عباده / هيتحرش بيكي مثلا
نجاه / لا بس
عباده/ من غير بس من غير بس ... انتى معاكى حق
صمت
عباده / هو غلط و انا هتكلم معاه و مش هيعمل كدا تاني انتى صح انتى المرادى صح
نجاه / بطل تشجعه ارجوك مش هيوصل لحاجه من السكك دى كلها انا مش هقدر اتجوزه و كل مادا الموضوع بيقلب معايا بالعكس.. جابر غالى عندى جدا و اللى بيعمله ده بيوجعنى بيصعب عليا و بتوجع عشانه بس انا مش قادره اساعده مش قادره اتخيل نفسي زوجه مش قادره اتخيل جابر زوج ليا
عباده/ فى حد تانى ؟
نجاه / و حضرتك مش هيكون عندك خبر يعني ؟ حقيقي مش لاقيه رد
عباده/ اه عادى على فكره ايه المشكله إعجاب برئ بحد انا مش هعرف اللى فى قلبك و لا بقرا الأفكار يعني
نجاه / مفيش يا بابا
عباده / طب لو فى هتقولى لابوكى
نجاه / اكيد يعني
عباده/ هتقولى ايه ... بابا انا معجبه بفلان اخطبهولى
نجاه / هتغلب يعنى ؟
عباده/ غلبت ... غلبت اقنعك بجابر كنتى اقتنعتى ...دا بيعمل بطاطس تحفه
نجاه / دوقتها ؟
عباده / شكلها حلو
نجاه / دوقتها ؟
عباده ياخد المعلقه و يدوق
عباده / طب اهزاه الاول و لا اقوله يدينى الوصفه الاول و لا اعمل ايه
نجاه تضحك عباده يبتسم
عباده / انا هنزل حالا انكد عليه و انفخه قدامك
عباده ياخد البرام فى ايده
نجاه / البطاطس!!
عباده / الاكل بالليل غلط عليكي نامى
نجاه تضحك و عباده يمشي
.......................
فى المضيفه
همام بيتقلب فى السرير يلاقي قاسم صاحي
همام / انت صاحى ؟
قاسم / مش جاي لى نوم
همام / مع انك المفروض تكون ميت من التعب بعد الوليمة اللى عملتها بس الشهاده لله حاجه تشرف
قاسم / تفتكر
همام / كلهم قالوا نفس الكلام دا انا مش عارف انام من كتر ما اكلت من جمال الاكل
قاسم / يعني ما اخدتش بالك من الضحك اللى كان من تحت لتحت يعني
همام / ابااااا انت بتشتغل طباخ ... شيف ... دا اكل عيشك مش حوار يعني
قاسم / بس هم مش واخدين على كدا من الرجاله يا همام
همام / ما تمشيش معاك انهم بيضحكوا انك بتعمل كدا عشان تعجب احلام يعني ... ولا انت نكدى و اقعد اهرى و انكت فى نفسك كدا
قاسم / انا بتكلم جد يا همام
همام / اقسم بالله ما فى الكلام ده الناس كانت طايره بيك طير و لعلمك بقي خدها منى كلمه ... هى وافقت خلاص
قاسم / باماره ايه اذا كانت طلعت من هنا ما نزلتش تانى و لا داقت الاكل حتى
همام / يا غشيم دا فى طبق كبير طلع لها فوق فى الاستخبص
قاسم / انت فتاى لدرجه مرعبه
همام / امين قايل لى لما سألت عليها
قاسم / و انت تسأل عليها بتاع ايه
همام / الله !! انت هتغير من اولها و لا ايه ... انا كنت بطقس عشانك
قاسم/ ما تطقسش ما تبينش اننا مدلوقين اوى كدا
همام / مدلوقين!!! دا على اساس ان حضرتك كل لما بتدخل بيوت الناس بتجرى على المطبخ تعمل لهم كل ما لذ و طاب مش كدا ... الا ما عملتها مره عندنا فى السرايا
قاسم/ ما هم اللى رخمين و بيحشروا مناخيرهم فى الحلل و يبوظوها هنا قفلت عليا الباب و بدعت
همام / يعني آخر الهرى ده أنت عاوز ايه دلوقت
قاسم / مش عاوز نام
همام / تصبح على خير
همام و قاسم كل واحد يدى للتاني ضهره و الاتنين صاحيين
..................
فى اوضه نجاه
نجاه تطلع من الحمام بتنشف ايديها و وشها و تلبس الاسدال و تروح تفتح البلكونه و تبص على الجنينه تشوف جابر بيجرى رايح جاى رايح جاى يبان عليها الضيق و تروح تفتح الباب و تنزل تطلع من السرايا و تقف حاطه ايدها فى وسطها لحد ما يوصل
نجاه / انت بتعمل ايه
جابر يرد و هو بيجرى ما يقفش
جابر/ متعاقب
نجاه / نعم !!!
جابر يرجع نجاه تجرى معاه
نجاه / هو انت صغير
جابر / ما حدش بيكبر على الغلط .. مش انا غلطت بتعاقب
نجاه / دا بسبب البطاطس ؟
جابر / دا بسبب انى غلطت يا نجاه
نجاه / بس دا ما ينفعش
جابر / ينفع عادى
نجاه / طب هتجرى لحد امتى
جابر / لحد ما الكبير يصحى و يقول لى كفايا
نجاه / و انت ضميرك صاحي اوى كدا يعني ... اقف بقي انا مش عارفه اجرى بالاسدال ده هيكعبلنى
جابر / و انتى بتجرى ليه اصلا ما تقفى
نجاه / مش هتتعاقب لوحدك انا كمان مشتركه معاك
جابر / و انتى غلطتى فى ايه بقي
نجاه / مش عارفه اركز فى اى حاجه و انا بجرى بالاسدال ده نتكلم بعدين
مختار يطلع من السرايا
مختار / هببتوا ايه و انا نايم هو انا ناقص
نجاه / بطاطس باللحمه
الاتنين يكملوا جرى و مختار مش فاهم حاجه اول ما يرجعوا له يوقفهم
مختار / خلاص كفايا ... ايه اللى حصل العيال هتصحى دلوقت هيشوفوكوا يضحكوا عليكوا كفايا الغفر
جابر مش قادر ياخد نفسه
مختار / واضح انك بتجرى من بدرى و انتى كنتى بتخمى و لا ايه ؟
جابر / هى مش متعاقبه اصلا دا عقابى انا
مختار / و انت ممكن تكون عملت ايه فى الدنيا يخلى عباده يعاقبك
نجاه / عمل بطاطس باللحمه
مختار / شيفاني صاحى فايق لهزار
جابر / عملتها لنجاه و طلعتها اوضتها و الوقت كان متأخر و الكبير عاقبنى
مختار / طبعا غلطان اتفضل روح كمل جرى يلا
جابر يجرى
نجاه / الموضوع مش مستاهل على فكره
مختار / المهم قوليلى البطاطس كانت حلوه؟
نجاه / يعنى هو مش صعبان عليك مطبق من امبارح ؟
مختار / و الله ما اقدرش اخالف امر الكبير انتى عارفه بس لو هو صعبان عليكي انا متاكد انك هتقدرى تنهى الموضوع ده بحل اذكى كتير من انك تجرى معاه
نجاه تبص لمختار و تطلع تجرى على فوق جابر يعدى
مختار / كلب ... الا ما دوقتها لخالك ... اجرى عدل يلا
جابر يجرى و هو بيضحك
......................
فى شقه جوزيف
جوزيف يروح يفتح الباب يلاقي دياب
جوزيف / ايه المفاجاه الحلوه دى اتفضل
دياب يدخل يقعد
دياب / ايه العصافير بتوعك ما قالولكش قبل ما تفتح الباب انه انا و لا ايه
جوزيف / قالولى بس عموما ما كنتش انت اللى مستنيه يجي دلوقت او النهرده عموما ... خير اؤمر
دياب / جاى اطمن عليك مش اكتر
جوزيف / هي تيجي منك عادى ... بس مش عارف ليه مش مصدقك
دياب / خليك ورا الكداب هتخسر ايه
جوزيف / على رأيك تشرب ايه
دياب / و لا اى حاجه اقعد لو عوزت هقول لك
جوزيف/ على العموم البيت بيتك ما انتش غريب انا اللى ضيف هنا
جوزيف يقعد و يبص لدياب
جوزيف / خير
دياب / انت عامل ايه
جوزيف / بتحسن ... مش بالسرعه المطلوبه بس الحمد لله تمام
دياب / الحمد لله
جوزيف / هتكلمنى عن الانفاق؟
دياب يهز راسه لا
دياب / بقت مشكله جابر دلوقت انا خلاص كدا
جوزيف / امال انت ايه مشكلتك
دياب / الخونه
جوزيف / مش قولتلك ... عيب دا انا قديم
دياب / انت عندك اللى تخاف عليه و تحميه و انا كمان عندى اللى اخاف عليه و احميه على فكره و للاسف واحده منهم مشتركه
جوزيف يبتسم
دياب / مستغربها و مستغرب نفسي انى بقول الكلام ده و الصراحه مش موافق و لا حتى بالعه بس اعتقد ان الغايه تبرر الوسيله ... سلامتها بالدنيا ... خالى نفسه مستعد يتحالف مع الشيطان مقابل تبقي بخير ... و دا تعبير مجازى مش حرفيا يعني عشان انا عارف انك خواجه و الكلام ده غريب عليك
جوزيف يبتسم
جوزيف / انت عاوز تبقي الكبير
دياب/ فى حاجات كنوز الدنيا ما تساويهاش يا يونس اهمها سلامه اهلك ... تفتكر انى بتمنى موت خالى مثلا ؟!! اكيد لا ... تفتكر لو انا شايف ان فى حد اصلح منى و بيتعب زيي هنافسه ؟!! ربنا يولى من يصلح
جوزيف / امين
صمت جوزيف يبتسم
جوزيف / انا مش عدوكوا على فكره
دياب / حاسس
جوزيف / بس فى نفس الوقت مش واحد منكم
دياب/ اهى دى بقي انا متاكد منها
جوزيف يبتسم
جوزيف / و عمرى ما هكون مش هنكدب على بعض
دياب / ممكن تكون حليف
جوزيف / و ان كنت مش عاوز
دياب/ امال عاوز ايه ؟ امايا اكيد هتظهر بكره بعده بعده اكيد هتظهر و نجاه مش هتسمى عليها و التانيه اكيد مش بالبراءه اللى نعرفها بيها و اكيد مش هتسكت يعني باختصار واحده فيهم هتموت التانيه
جوزيف / لو ده حصل نجاه اللى هتعيش امايا مش هتقدر تاذيها
دياب / مش هتفرق فى جميع الأحوال هتخسر ... أنت هتخسر ... هتقف فى صف امايا اللى مش هتقدر تاذى نجاه اللى مش هتسامحك و هتعتبرك خاين ... اى كانت النتيجه المواجهه دى انت اكتر واحد هيطلع منها خسران
جوزيف/ املى فى ربنا كبير
دياب / رد ممتاز
جوزيف / دى حقيقه
دياب / و انا ما اتكلمتش
صمت و تبادل نظرات
دياب / كويس انى اطمنت عليك انا همشي و هبقي اجيلك وقت تانى
جوزيف / طول ما عباده الكبير مش
دياب/ ربنا يديله الصحه و طوله العمر عمره ما قصر و عمره ما هيقصر... عمى مش عدوك انت اللى خلقت الفجوه اللى بينكوا و انت اللى تقدر تسدها
جوزيف / مهما عملت مش هيحصل
دياب/ خلى املك فى ربنا كبير
جوزيف يضحك دياب يطبطب على كتفه بالراحه و يمشي جوزيف يقعد يفكر فى الكلام
…………………….
فى النادى
حاتم قاعد مع اخو اكرم و راجل كمان
الراجل / هى مهره كانت مهمه اوى كدا
اخو اكرم / انتوا مش متخيلين كانت علاقتهم عامله ازاى مواعيد الشغل كلها بتتغير و تترتب على مواعيدها اى حاجه تانيه مش مهمه مهره كانت موجوده معاه طول الوقت و فى كل مكان و لو مش معاه هو معاها... تمرين سفر بطولات فسح حتى لو مسافر للشغل بياخدها معاه
حاتم / و ايه اللى حصل
اخو اكرم / ما حدش يعرف فجاه سابت البيت و قررت تعيش لوحدها و هو اتقلب كيانه خصوصا لما عرف انها اتجوزت من وراه الواد اللى اسمه عمران الزيني ده
الراجل / بس عيله الزيني عيله كبيره و ليها اسمها مش من طبعهم ابدا حاجه زى دى اكيد فى حاجه غلط
حاتم / انت تعرفهم يا بابا
الراجل / و هو فى حد فى مصر ما يعرفش عيله الزيني صحيح ما انت سايب البلد بقالك حبه و ناسيها خالص
اخو اكرم / عارفين اصلا ايه المشكله اللى بجد ؟! المشكله ان عمران ده بعد ما طلق مهره بيرسم على صوفيا اختها و كارمن مش قادره توقفه عند حده لوحدها و انتوا عارفين صوفيا بقي عيله مراهقه و مندفعه و ما حدش كان بيقدر عليها غير ابوها ربنا يرجعه بالسلامه
الراجل / البركه فيك بقي حضرتك فى مقام ابوهم دلوقت
اخو اكرم / اقول ايه بس دا مسيطر عليها جدا لدرجه انه بدأ فعلا يفرض سيطرته على الشركه و بعت ناس من معاه زى مستشارين كدا يديروا الشركه و اللى بيقولوه صوفيا و بياتريس بينفذوه حتى لو غلط او ضد رغبتى
حاتم / ازاى كلامهم يمشي على كلام حضرتك و مجلس الإدارة رأيه ايه فى الموضوع
اخو اكرم / ما دى المصيبه بقي الناس دول قدروا يوصلوا لاكرم و يخلوه يعمل ليهم توكيل عام بالاداره فى الاول قولت اكيد مزور و طلبت من المحاميين يتصرفوا لقيت اكرم امبارح بيكلمنى و بيقولى انه بيثق فيهم
الراجل / هم سمعتهم كويسه
اخو اكرم / بس ليهم وش تانى كلنا عارفينه
حاتم / وش ايه ده ؟
..........................
أنت تقرأ
الكبيره ٢ بقلم / لولو_محمد
Hài hướcالحرب لسه مستمره و الحقيقه مسيرها فى يوم تظهر النور و كل واحد لازم يختار طريقه
