الكبيره ٢ بقلم / لولو_محمد

الحلقه ١٤٥

(((((( الكبيره ٢)))))))
#لولو_محمد
الحلقه ١٤٥
عويس / مختار بيه الزيني راح للى ما يتسمى بيته و قعد و اتكلم معاه و نزل و لا كان اسم النبى حارسه و صاينه عمل اى حاجه و عيالك الدكوره موافقين على بيع الارض و اننا نسيب البلد و نمشي
الست / و ماله نمشي
عويس / و ينتصر عليا دا انا ادفنها اهون
الست / يا حبيبي و لا ينتصر و لا حاجه احنا ناخد بعضنا كلنا و نسيب البلد بعيد عن صابر و الخواجه و الكبير ... احنا نروح مصر هناك فى حكومه بجد و قانون بجد مش هيقدروا يعملوا لنا حاجه
عويس / و ارضي و جدورى هروح مصر اعمل ايه ؟! انا راجل فلاح ما بفهمش فى حاجه تانيه عوزانى اروح اشتغل عند الناس بعد ما كنت صاحب ارض
الست / انا مش عارفه اقول لك ايه
جرس الباب يضرب
عويس / على الله يكونوا عيالك عرفوا غلطهم
عويس يفتح الباب و يروح ناحيه الباب و يفتح يلاقي امايا واقفه
امايا / عرفت اللى حصل و جيت اعرض عليك المساعده دا لو انت عاوز طبعا
عويس / الله الغنى
عويس يجى يقفل الباب امايا تحط رجلها
امايا / انا الوحيده اللى تقدر تساعدك تقف قصاد صابر و ما تخليهوش يتجوزها انا الوحيده اللى تقدر تقف قدام جو و انا الوحيده اللى قادره اقف قصاد الكبير و البلد كلها يعني يا انا يا تجوز بنتك لصابر
عويس يسيب الباب و يسمع
امايا/ انا اللى رجعت بنتك لما اتخطفت فى مصر كان ممكن اخليها عندى و اساوم عليها صابر و اكسره بيها بس انا مش عاوزه اكسرك قدام الناس انا عوزاك انت اللى تكسره
..............................
فى الجبل
شاكر / ارجوك اهدى هو مش بالسذاجه انه يتفق معاها و مش من مصلحته انه يعمل لها حاجه
صابر / مش قادر اثق فيه يا شاكر خايف ياذيها باى شكل
شاكر / بس دى فى الاول و الاخر بنته
صابر / انت ما شوفتهاش يا شاكر ما شوفتش شكلها يوميها
شاكر / هى بتحاول تضغط عليك مش اكتر و بعدين اللى اعرفه ان يونس شده جامد و انت بنفسك عرفت انه نزل يلف فى الشوارع زى المجنون
صابر / و هى استنت اول ما دخل البيت دخلت وراه و نسمه هناك
شاكر / و ابويا فى الطريق انت عارف ان احنا مش هنسكت بس انت اهدى
صابر يهز راسه لا
شاكر / لو عاوزنى اروح
صابر /  لا مش عاوزك تروح فى حته ... انا مش عاوز حد يدخل لى انا مش عويل و لا مستنى اخويا الصغير يتصرف لى
شاكر / احنا مش عاوزين مشاكل
صابر / بس هى عاوزه
شاكر / مش هتقدر تعمل لها حاجه
صابر / تقدر ... ما تكدبش على نفسك تقدر و ابوها النطع ده مش هيعمل حاجه هيقف يتفرج و حتى عم يونس اللى انت روحت تدخله فى الموضوع مش هيعمل حاجه و لا الكبير هيعمل و لا اى حد هيعمل اى حاجه
شاكر / صابر
صابر / بلا صابر بلا زفت مستنى منى ايه اصلا اديك شايف ... كل حاجه باظت كل حاجه حرفيا بايظه احنا نفسنا واقفين اهو ما حدش فينا قادر يدى ضهره للتاني
مرزوق يدخل على الصور
مرزوق / عشان انت غدرت يا ابن وهدان القط انت خايف نردلك القلم اللى نزل رن على قفانا
شاكر / مش وقته يا مرزوق
مرزوق / لا وقته هايج اوى يا خويا كدا ليه ما شوفناش نحررتك دى عشان تصلح اللى انت عملته
شاكر / بس يا مرزوق بس عيب كدا دا اخوك يا جدع
مرزوق / اخويا قال
صابر / طلبتها و نولتها تعالالي بقي
صابر يمسك فى مرزوق و شاكر يحوش الرجاله تجرى تتجمع و يفكوا بينهم
ناصر يدخل يجرى
ناصر / كل واحد على مكانه كل واحد على مكانه ... ايه مالكوا فى ايه مش عارفين تشوفوا شغلكوا ليه ... ايه يا صابر ايه يا مرزوق احنا مقفلين على الجبل اى واحد هيخرج من مكانه هيسبب ثغره تعدى للكلاب دول اكل و مايه و سلاح اى واحد فينا هيغفل ثانيه هيكلفنا كتير... ايه اللى جابك هنا يا مرزوق انت مكانك هناك
مرزوق/ ما باخدش أوامرى منك خليك فى حالك و قول الكلام ده لنفسك
شاكر / انت مش شايف انك زودتها و لا ايه ؟
راجل ١ / يا جدعان سي ناصر بيتكلم صح كل واحد يرجع مربعه
شاكر / عاوزك يا مرزوق لوحدنا بعد اذنك ... صابر ما تتحركش من هنا لحد ما ارجع
مرزوق / ما تتكلم قصاد الرجاله
راجل ٢ / ما تلم الليله يا مرزوق مالك فى ايه ما تكبر للرجاله يا جدع
شاكر يشد مرزوق من ايده و يروحوا يركبوا عربيه و يمشوا
ناصر / كل واحد يرجع مكانه لو سمحتوا
الرجاله تتفرق
ناصر / انت كويس يا صابر ؟
صابر يهز راسه ناصر يمشي و صابر يتنهد و يقف مكانه
......................
فى شقه عويس
امايا و نسمه و امها و ابوها قاعدين
امايا / انا الوحيده اللى بتكلم معاكى انتى عشان انتى الوحيده اللى تهميني اصلا
نسمه / انتى كل اللى همك صابر و الجبل مش انا
امايا / ما كنتش رجعتك ... حد من عندى لمسك ؟
نسمه / هو مش كل ده كان تخطيطك انتى اصلا مش انتى اللى قولتى لامى تعمل عيانه من الاول
امايا / انا ؟! ما حصلش انا كنت بساعد فيراس مش اكتر
نسمه / و ايه مصلحتك بقي من انى اتجوز فيراس عاجبك اللى جراله بسببك
امايا / بسببه هو طلب فلوس و اخدها و مش مره و لا اتنين انا ما استفدتش من فيراس قد ما هو استفاد منى
نسمه / ليه اصلا بتعملى كل ده ليه انتى عاوزه ايه ؟
امايا / عاوزه اعيش فى امان مش اكتر
نسمه/ دا انتى ؟! دا على اساس ان مش انتى اللى عامله المشاكل دى كلها ؟!
امايا / لا مش انا طبعا و لو انا اللى عملتها بالعقل كدا الرجاله دى كلها مش قادرين عليا يعني ؟! بتهزرى اكيد
نسمه / انا ما اعرفش اللى بيحصل بره انا قاعده هنا بابى مقفول عليا كل اللى اعرفه انكوا مش عاوزين ليا الخير و واخدينى عند مع صابر مش اكتر
امايا / انتى عاوزه تتجوزى صابر ؟ اللى انتى عوزاه انا هعمله انتى عاوزه تتجوزى صابر و تكملى باقي حياتك معاه ؟!
نسمه / عاوزه اربى عيالى و خلاص مش عاوزه اتجوز حد سيبوني فى حالى و خلاص
امايا / يبقي متفقين... لو كنتى قولتى انك عاوزه تتجوزى صابر كنت جوزتهولك غصب عن عين ابوكى
عويس / يا سلام
امايا / بنتكلم على فكره
عويس/ و الكلام مش جاى على هوايا يا ست
امايا/ طول ما انتى فى البلد انتى مش فى امان لا انتى و لا عيالك ... الموضوع دلوقت سهل عشان صغيرين فى البيت بس بكره فى مدرسه هتعملى ايه هتنزليهم و مش عارفه هيرجعوا و لا لا ؟! اللى خطفك فى مصر و لعب فى تحاليلك ما كانش انا ... فى مليون شخص من مصلحته انه يحط ايده عليكي و على عيالك و الفرق بيني و بينهم انك لا انتى و لا عيالك فارقين معاهم انما انا فارقين معايا و فارقين اوى
نسمه / ليه ؟!
امايا / عشان احنا ستات زى بعض عشان انا حاسه بيكي و بخوفك و باهلك
نسمه / مش قادره أصدق حرف منك على فكره انا مش هبله انا عارفه انتى مين و عملتى ايه مش هتقدرى تخدعيني و لا تضحكي عليا
امايا / تمام يبقي ده قرارك ... و انت يا حج ايه رايك فى الكلام
عويس / انا ما عنديش ارض للبيع و لا بنات للجواز
جرس الباب يضرب
امايا / دا اكيد بابا مختار ممكن حد يفتح
عويس يقوم يفتح يلاقي مختار يزقه و يدخل
مختار / انتى بتعملى ايه هنا ؟
امايا / بشرب شاى
مختار/ خير يا عويس ؟! ناوى تحصل ابن اخوك و لا ايه ؟
عويس / و الله الواحد قاعد فى بيته و البلاوي عماله تتحدف عليه و انتوا واقفين تتفرجوا من اول الخواجه لحد اخته ... مش انتى اخته برده ؟
امايا / نوعا ما
عويس / خلاصه الكلام و دا اللى قولته للسنيوره و اسألها ... انا لا عندى بنات للجواز و لا أرض للبيع و فلوسي لو عاوزين تاخدوها خدوها عاوزين تموتونا كلنا موتونا مش فارق معايا حاجه ... الطريقه الوحيده اللى هيحط ايده فيها على بنتى هى و هى جثه و دا اخر كلام عندى ... للكل
مختار / دكر يا عويس ... دكر و جامد و مفيش فى رجولتك اتنين
عويس / بنتى و انا حر فيها و اللى بيدينى حاجه ياخدها و اهى عندكوا اسالوها... عاوزه تتجوزى صابر يا نسمه
نسمه / عاوزه اربى عيالى فى حالى
مختار يبص لها و يبتسم
مختار / سمعتى الكلام ... ما لكيش كلام هنا
امايا / و انا كدا كدا خلصت كبايه الشاى بتاعتى... تسلم ايدك يا طنط بجد شايك تحفه حقيقي ... عن اذنكوا
عويس / نورتى
امايا تمشي
عويس / و قول للخواجه بتاعك انى مش خايف منه و مش فارق معايا اللى عمله
مختار / ما بشتغلش بوستجى بعد الضهر لو عندك اى رساله تعرف توصلها بنفسك ... سلام يا بنتى ... سلام يا حجه
مختار يمشي و يرزع الباب وراه
عويس / هيبيعوا و يشتروا فينا و لا ايه
ام نسمه / اللى يعادى الكل يخسر ... و انت دلوقت واقف بطولك قصاد كل دول
عويس / لينا رب اسمه كريم... انا داخل انام
عويس يدخل اوضه و يرزع الباب
....................
فى جنينه الزنايته
نجاه بتتمرجح جابر يدخل
جابر / يا مزاجه
نجاه / طفشانه
جابر / يادى النيله دا انا قولت رايقه
نجاه / تعال احبسك فى البيت و وريني الروقان بيبقي ازاى
جابر / يا بنت الاكابر اتقى الله هو ده بيت قعدته تعتبر حبسه برده ؟! دا انتى فى نعمه ما تتبتريش لتزول
نجاه / الحمد لله
جابر / الدنيا بره وحشه اوى و فى حوارات فى كل حته الرجاله حرفيا ما بتنامش كلو ورديات كل واحد ليه ست ساعات بس فى اليوم يروح يرتاح و يرجع و فى منهم اللى ما بيروحش اساسا بينام فى مكانه
نجاه / و كل ده عشان حته بت لا راحت و لا جت ... بقينا ملطشه الدنيا الله اكبر علينا
جابر / استاخرى اقعد جنبك
نجاه / روح الناحيه التانيه حبكت تقعد مكانى يعني
جابر يضحك و يروح يقعد فى طرف المرجيحه التانى
جابر / الفتره دى غيرت حساباتى خالص
نجاه / ازاى؟!
جابر/ اصل انا فاكر ابوكى زمان و انا صغير ... كان زى ما تقولوا كدا على الحامى خالى طول عمره الكاريزما الهادى انما عمى عباده كان مرعب ... حنين بس مرعب و عمى مغاورى كمان كانت خطوته فى البلد بترجها كدا من كتر ما هو حامى عكس بقي خالى ناصر الله يرحمه الكبير وقتها كان هادى جدا و تقيل فى نفسه كدا الكلمه بحساب و الخطوه بحساب حتى البصه ... مش عارف
نجاه / بتحاول تقول ايه ؟
جابر / هو الحمل هو اللى تقيل اوى و لا اللى على البر عوام
نجاه / انت عمرك ما كنت على الحامى يا جابر لو ده قصدك
جابر / بس مش الكاريزما الهادى برده
نجاه تبتسم و تبص الناحيه التانيه و ترجع تبص له
نجاه / انا على الحامى
جابر يهز راسه اه
نجاه / تفتكر لو كنت بقيت الكبيره لو نفع يعني تخيل بس مجرد تخيل كنت ههدى
جابر / تؤ كانت هتولع
نجاه / مش عارفه من غير دعمك ليا كنت هعمل ايه
جابر / انا مش هقدر اتخيلك هاديه اصلا انا لما بشوفك قاعده فى مكانك اكتر من تلات دقايق بقلق عليكي و بخاف منك برده اصل ما حدش عارف اللى فى دماغك
نجاه تضحك جابر يبتسم
نجاه / و انت لو بقيت الكبير هتعمل ايه بقي يا سي جابر
جابر / مش عارف ما قولت لك الفتره دى خلتني اعيد حساباتى على العموم انا مش عاوز ابقي الكبير اصلا
نجاه / يا سلام بعد ما ضمنتها بتقول مش عاوز
جابر / انا عمرى ما قولت عاوزها و لا نافست عليها انا كنت زيني بس مش اكتر
نجاه / زيني عادى كدا !! ايه التواضع ده
جابر/ على راى خالى الاسم لوحده مسؤليه و لازم نكون قدها
نجاه / و انا قدها؟!
جابر / انتى أجمل حاجه فى العيله دى اقسم بالله
نجاه / انا بتكلم جد جابر انا
جابر / و انا مش بتكلم فى اللى فى بالك انا بتكلم بجد ... تخيلى كدا العيله دى و لا البيت ده من غيرك ... يخربيت الهدوء و الملل اللى هنعيش فيه
نجاه/ دا كدا جد ؟!
جابر يضحك
نجاه / مش هقدر ازعل منك ... اصل معاك حق
جابر و نجاه يضحكوا عباده يدخل
عباده / حلاوتكوا زايده حته
جابر يلم نفسه و يقوم يقف
عباده / قمت ليه ما تخليك قاعد ... حلوه المرجيحه دى
نجاه / الملعب احلى و الجبل احلى و احلى
عباده/ اقعد كمل مرجحه يا جابر انا غلطان انى جيت اساسا
عباده يلف و يمشي نجاه تجرى وراه
نجاه / يابا ... استنى يا حج ... يابا بكلمك
.....................
فى الجبل
جوزيف ينزل من عربيه صابر يشوفه يستغرب
صابر / اخر واحد كان ممكن اتخيل انه يجي بصراحه
جوزيف / الزهق وحش اوى عاملين ايه ؟ فين شاكر
صابر / مش عارف خير عاوزه فى حاجه ؟
جوزيف / ما اتحرمش ... ايه الدنيا
صابر / زى ما انت شايف
جوزيف / فى طرق كتير اسرع من دى بس تمام مفيش مشكله
صابر / ما ورايش حاجه
جوزيف / شكلك مش فى المود
صابر / انت جاى ليه يا يونس ... من الاخر
جوزيف / غلطت لما جيت ؟!
صابر / ما تقنعنيش انك معانا .. خصوصا فى دى
جوزيف / كفايا انى مش ضدك
صابر / ما فيهاش حياد دى يا ابن عمى ما فيهاش ... يا معانا يا علينا يعني لو صحيت الصبح لقيتنا جايبنها تحت رجلينا مش هتدخل
جوزيف / لا مش هدخل ... لأنها هتقدر تتعامل الحاله الوحيده اللى هدخل فيها لو فى خطر على حياتها
صابر / انت فهمت انا قولت ايه اصلا ؟!
جوزيف / انا فاهم انت اللى مش فاهم ... احنا بنقع عادى ... بس بنعرف نقوم ... انتوا بقي لما بتقعوا بتاكلو فى بعض ... ما علينا ... انا روحت لحماك المستقبلى زى ما شاكر طلب و عملت اللى اتفقنا عليه لو عاوزين ازود ازود... و بما ان ما ليش مكان هنا هرجع مكانى و انتوا عارفين ازاى توصلولى
صابر / انت فاكر انه هينخ بالسهوله دى ؟! ما انا كان ممكن اعمل نفس اللى انت عملته بالظبط
جوزيف/ تؤ ... انت ما تقدرش تعمل اللى عملته لان انا اصلا لسه ما عملتوش
صابر / انا ما بفهمكش
جوزيف يضحك و يمشي
صابر / الجدع ده بيخليني اقشعر
صابر يطلع التليفون و يتصل 
صابر / انت فين يا عم
...................
فى مكتب الزنايته
مختار / انتى ما قدرتيش على ابوكى جايه تتشطرى عليا
نجاه / اسمها عارفه ان ليك خاطر كبير و ما حدش بيقدر يكسر كلامك
مختار/ حاسس انى بتثبت سيكا
نجاه تعمل مقصوصه
نجاه / خلاص مش عاوزه حاجه
مختار / كان فى موضوع بما اننا لوحدنا عاوز اكلمك فيه
نجاه تبص له
مختار / بخصوص يونس
نجاه تبص الناحيه التانيه
مختار / فى طرف تالت داخل اللعبه و يونس لما راح لامايا ما كانش عشان يساعدها ضدنا كان عشان يساعدها تعرف مين الطرف التالت ده و لما حدد مكانه سابها و مشي ما اشتركش
نجاه / و ما منعهاش
مختار / و لا منعنا عنها ... شاكر طلب منه يساعده فى موضوع ساعده دياب ساعده انا ساعدني ما حدش فينا بيطلب منه حاجه و يتأخر هى كمان لما طلبت منه يساعدها فى حاجه ما اتاخرش
نجاه/ حضرتك بتقولى الكلام ده ليه ؟
مختار / مفيش... حبيت بس زى ما نقلولك نص الحقيقه اكملهالك انا
نجاه / مش هتفرق ... لو مش النهرده بكره ... انا قولت له ... قولت له ما ينفعش تبقي محايد هيجي يوم و تضطر تختار و هو مش هيختارنى ... قصدى يختارنا كلنا يعني
مختار / اش عرفك
نجاه / مجرد احساس 
مختار / يعني انتى شايفه اننا نمشيه اضمن لانه كدا كدا هيخون صح ؟
نجاه / انا مش شايفه حاجه انا اديته فرصه .. كلنا و هو مصمم اعمل له ايه يعني ... انا مش هقدر اشوف اهلى بيتاذوا و اقف اتفرج
مختار / بس اهلك مش قليلين برده و لا مستنينك تدافعي عنهم
نجاه / عدو عدوى صديقي و صديق عدوى عدوى و هو مش صديقها دا حبيبها كمان
مختار / وجهه نظر
نجاه / انا هقوم اعمل اى حاجه اشربها تحب اعمل لحضرتك معايا
مختار / بالبوز ده ؟!
نجاه / عن اذنك
نجاه تسيب المكتب و تمشي مختار ينادى عليها
مختار / لو عاوزه تخرجى انا جاهز
نجاه تبص له
مختار / بس مش هتفارقينى ثانيه
نجاه تهز راسها موافقه
مختار / ما قولنا ما بحبش البوز انا كفايا عليا بوز ابوكى لما يعرف
نجاه تبتسم
نجاه / خلاص مفيش بوز خلاص
مختار يبتسم و يقوم يروح ناحيتها
مختار / انا فى العربيه لو عاوزه تغيرى
نجاه / لا انا جاهزه كدا
مختار / تمام تعالى يلا
.....................
فى قهوه
مرزوق / انا مش فاهم احنا سايبين الجبل و قاعدين هنا نشرب فى قهوه و شاى و نتفرج على التليفزيون ليه مش فاهم انا
شاكر / ما احنا لو فضلنا فى الجبل مش هنفيده برده طول ما قلوبنا مش على قلوب بعض قلتنا احسن
مرزوق / يعني انا قلتى احسن يا سي شاكر
شاكر / لا يا مرزوق انت مهم جدا و أهم واحد فينا كمان انت اللهم بارك قوى و شجاع و ذكى و جدع و كل الحاجات الحلوه بس انا مش قادر افهم انت ليه مصر تسيب الشيطان يلعب بيك بالشكل ده
مرزوق / عشان بالرغم من كل اللى قولته ده ما حدش شايفني
شاكر / بجد ؟!
مرزوق / انا لو كنت مكانه عمرى ما كنت غلطت الغلطه دى عمرى ما كنت هبدى عليكوا اى حاجه او اى حد
شاكر / اللى على البر عوام
مرزوق / انت شايف كدا ؟!
شاكر/ انت بتقول ان احنا مش شايفينك انا بقي هثبت لك قد ايه انت مهم و غالى ... انت طبعا اكيد عارف مخزن الدهب
مرزوق / اسمع بس ما شوفتوش ما يعرفش مكانه غير صابر و الكبار التلاته
شاكر / و انا و انت دلوقت
مرزوق / انا ازاى يعني
شاكر يدى لمرزوق ورقه
شاكر / مكان المخزن انت دلوقت زيك زى صابر زيي تمام عشان لو جرالنا اى حاجه انت تبقي معانا فى الصوره و عشان تتأكد انى بثق فيك و انك غالى عليا
مرزوق / انا مش عارف اقول ايه ؟
شاكر / مش هتقول اى حاجه لان مفيش مخلوق ينفع يعرف اللى حصل دلوقت و لا حتى صابر و لا الكبار
مرزوق / ازاى يعني
شاكر / عشان لو لا قدر الله صابر وقع انت ما تشيلهاش
مرزوق يبص الناحيه التانيه و يفكر فى الكلام
شاكر / انا عارف ان صابر عمره ما هيقول حاجه بس هى حاطه عليه جامد اوى الفتره دى و وارد جدا يقع
مرزوق / بس هو لو وقع ... احنا هنخسر جامد الجبل كدا كدا مش هينفع ننقله من مكانه انما الدهب هيتسرسب و مش هيتحس بيه
شاكر / تقترح ايه ؟
مرزوق / ما اعرفش انا اصلا مش مستوعب الموقف اساسا
شاكر / ما انا خايف نحاول ننقله تلقطنا و نبقي احنا اللى اديناهولها على طبق من دهب
مرزوق / معاك حق برده
شاكر / انا كدا كدا هبقي لازق لصابر و اديك عرفت العنوان اى وقت حسيت بحركه كدا و لا كدا هديك الو تاخد الرجاله و تطلعوا تعبوا الدهب كلو و تنقلوه السرايا عندنا لحد ما نشوف له مطرح تانى
مرزوق / تمام
شاكر / اهم حاجه ... مفيش مخلوق يعرف اى حاجه عن الحوار ده و لا حتى صابر نفسه
مرزوق / اكيد
شاكر / تمام
……………………
فى الملعب
نجاه / ما كنتش متخيله انى هلاقيه فاضي كدا دى عمرها ما حصلت دا احنا كنا بنفضيه للحريم بالاتفاق و قبل المعاد كانوا بيبقوا متروسين قدام الباب
مختار / ما حدش فاضي قولت لك الدنيا والعه يا ست البنات
نجاه / بس احنا ما اتفقناش على كدا ما اتفقناش اخرج من اربع حيطان اروح لاربعه العن منهم
مختار / خلاص نرجع للاربعه اللى مش العن
نجاه / لا خلاص هتمرن و خلاص اهو على الاقل المكان فاضي بعد احتلال الجيم بتاعنا مش فاهمه انا العمال استحلوا السرايا و لا ايه مش قولتوا شغلانه يومين
مختار/ انا مهندس زراعي احب افكرك بس
نجاه / تمام
نجاه تسخن تليفون مختار يرن
مختار / ابوكى ... اكيد وصله الخبر و بيتصل يهزئنى هطلع اكلمه بره
نجاه / تمام
مختار يطلع بره و نجاه تسخن تليفونها يرن
نجاه / ما لحقتش
نجاه تروح تبص على الموبايل رقم غريب ترد
نجاه / السلام عليكم
امايا / اخيرا خرجتى
نجاه / مين
امايا / ما تقوليش نسيتي صوتى
نجاه / اه ... عاوزه ايه اؤمرى
امايا / انا مش فاهمه ازاى مختار يطلع بيكي من السرايا كدا من غير حراسه ما يعرفش ان البلد مش أمان خالص اليومين دول ؟
نجاه / ما تيجى كدا توريني نفسك و نشوف الموضوع ده سوا
امايا / متاكده ؟
نجاه / ايه خايفه ؟
باب الملعب يتقفل نجاه تبص تلاقي امايا بتقفل الترباس
امايا / ازيك
نجاه / الحمد لله على كل حال نقول ايه الواحد مكتوب عليه يبتلى فى حياته بناس زيك
الباب يخبط
نجاه/ ما تحرجيهوش مع ابويا افتحى الباب و كدا كدا هنلعب سوا انا اصلا كنت زهقانه و ما صدقت جالى اللى افش فيه خلقى
امايا / و ماله
امايا تفتح الباب مختار يشوفها يتفاجئ يدخل يجرى يبص على نجاه يطمن
امايا / ما تخافش انا عمرى ما اخلف وعدى ابدا
نجاه / انا وعدى كان مع اميره مش امايا و اميره الله يرحمها دفناها و خدنا عزاها خلاص
امايا / قولتى هنلعب
مختار / انا مش هقف اتفرج يا امايا لمى نفسك و ما تقوميش الدنيا كلها عليكي يونس نفسه مش هيقدر يحميكي ساعتها
امايا / ما تخافش ما تخافش اوى كدا ما قولنا بينا وعد
نجاه / بطلى رغى و تعالى وريني نفسك اللى نفشاها علينا دى
امايا / عيونى
مختار / ابدا ... مش و انا موجود انا مش هقبل و مش هسمح بالهبل ده ... نجاه اعقلى
نجاه / مكتفكوا انها حرمه سيبني انا اربيها
مختار/ قولت مش هيحصل  .. امايا ... مش هيحصل
امايا / و لا حتى بقوانين و فاير بلاى!
مختار / لا
امايا / مش واثق فيا و لا مش واثق فيها انا شخصيا مش هخون و هنلعب على قانونكوا و الاهم انى بفكركوا انى للاسف مربوطه بعهد
نجاه / و انا يا ستى بعفيكي من العهد ده و تعالى وريني نفسك
مختار / بس بقي يا بنت هو مفيش احترام ليا خالص كدا
امايا / ما عاش و لا كان بس هى محتاجه ده اوى صدقنى اديها فرصتها
مختار / لا قولت لا يعنى لا
نجاه و امايا يبصوا لبعض امايا تبتسم و تروح تهجم على نجاه مختار يعترضها و يوقعها فى الارض تقوم فى ساعتها و تبص له و هى مبتسمه
امايا / اتغيرت يا بابا و بقيت بتضرب بنات عادى
مختار / اخر فرصه بالنسبالك
امايا تبص لنجاه
......................
فى الجبل
شاكر يركن العربيه و ينزل هو و مرزوق و كل واحد يروح مكان
صابر / حمد الله على السلامه
شاكر / ايه يا عم للدرجادى مش قادر على بعدى؟
صابر / ربنا ما يحرمنا يا عم
شاكر / و لا يحرمنى يا سيدي بقولك ما شوفتش مروان
صابر/ فى المربع بتاعه خير ؟!
شاكر/ عاوزه فى حوار كدا فى السريع و راجع لك
صابر / حواراتك كترت
شاكر  / لما ارجع لما ارجع
شاكر يروح يركب العربيه و يمشي و صابر مستغرب
راجل / هو فى حاجه و لا ايه ؟!
صابر / علمى علمك ... قال يا خبر بفلوس
......................
فى الملعب
مختار / امايا ... امشي و كان مفيش حاجه حصلت
امايا / ما هو مفيش حاجه حصلت فعلا ... انتى عاوزه تلاعبيني و لا لا ؟!
مختار / قولت لا
امايا / ليها لسان على فكره
مختار/ و ليها كبير كمان
امايا / خايف من ايه اوى كدا ... دى وسطكوا كلكوا يعني لو فكرت بس فكرت هتلحقوها و تقتلونى مع انك عارف انى مش هاذيها و لو كنت عاوزه كنت اذيتها من سنين ... خايف من ايه ؟
مختار / خايف تخسرى اخر فرصه ليكي يا امايا
امايا / دا قرارى انا كبيره كفايا انى اتحمل عواقبه ... بس دا ما يمنعش ان ميرسي ان قلبك عليا ... عاوزه و لا لا
مختار يبص لنجاه تهز راسها اه امايا تبتسم و تروح تقف فى الحلبه نجاه تروح تقف معاها
امايا / حطى القوانين و انا هلتزم انا مش جايه ائذيكى انا بس جايه افتح عنيكي على الحقيقه اللى انتى مش راضيه تشوفيها
نجاه / كدا كدا هيحصل واحده فينا هتموت التانيه بتماطلى فى ايه ؟
امايا / بحافظ على اخر حاجه حلوه جوايا يا نجاه
نجاه / ما اعتقدش انها موجوده اصلا
امايا تبتسم
نجاه / لو كسبت ترجعى الجبل و تمشي
امايا / و ان خسرتى تيجي معايا؟!
نجاه / ان بقي
الاتنين يقفوا قدام بعض نجاه فى وضعيه الدفاع و امايا بتحرك صوابعها كأنها بتعزف مزيكا و مبتسمه جوزيف يدخل وسط الرجاله و يشد امايا من ايدها
جوزيف / تعالى معايا
نجاه / خايف عليها اوى
جوزيف يزعق فيها
جوزيف / اخرسي انتى ... امشي قدامى
امايا / بالراحه طيب بتوجعنى
امايا تضحك جوزيف ياخدها و يطلع بره
مختار / ما الموضوع طلع بسيط اهو امال ايه بقي
نجاه تروح ناحيه مختار
نجاه/ عاجبك كدا يعني ؟
جابر و عباده يدخلوا جرى
مختار / كملت
.........................
فى الجبل
شاكر بيتكلم مع راجل
شاكر / اهم حاجه ... مفيش مخلوق يعرف اى حاجه عن الحوار ده و لا حتى صابر نفسه
الراجل / اكيد
شاكر / تمام ... هسيبك بقي و ارجع المربع بتاعى
الراجل / تمام يا سي شاكر
شاكر يروح يركب العربيه و يمشي يرجع ناحيه صابر
صابر / ما بدرى جاى على نفسك ليه ؟
شاكر / هو مالها القاعده ناشفه اوى كدا مفيش اكل و لا ايه انا جعان
صابر / اضرب لك اى فاكهه من الايسبوكس
شاكر / فاكهه ايه انا عاوز اكل انا جعان
راجل / افقش لك بيضتين يا سي شاكر
شاكر / يا ريت
الراجل يقوم
شاكر / بص بقي بسرعه قبل ما يرجع انا فى حاجه مهمه اوى عملتها و ما حدش يعرف عنها حاجه
صابر  / خير عملت ايه ؟
شاكر / انا نقلت الدهب من المخزن اياه لمخزن تانى و ده العنوان الجديد
.....................