الكبيره ٢ بقلم / لولو_محمد

الحلقه ٦٨

(((((( الكبيره ٢))))))
#لولو_محمد
الحلقه ٦٨
احلام / الحج عويس و الحجه ام نسمه بره بيسالوا عليها

نسمه / اهى كملت ... كملت

هند / ايه يا بنتى فى ايه دول امك و ابوكى

ام نسمه تدخل

ام نسمه / بنتى !!! الحمد لله انك بخير فى ايه يا ضنايا ايه اللى حصل مالك ايه اللى جابك هنا ايه اللى حصل احكيلى يا ضنايا احكى لامك

نسمه / ما فيش حاجه ياما ما تقلقيش عليا انا تمام

ام نسمه / و ما دام تمام ايه اللى يسيبك بيتك و بيت ابوكى و يجيبك هنا

نسمه / انا مرتاحه هنا ياما تسلمى

ام نسمه / هو ايه اللى تسلمى و مرتاحه هو فى حد عاقل يعمل كدا فهمينا فى ايه ... و فين فايز

بدر / فايز مع ستى

نسمه تبص لبدر يبص فى الارض

نسمه / روح اللعب مع العيال فى الجنينه الورانيه

بدر يطلع يجرى

ام نسمه / لاااااا دا الحكايه دى ما يتسكتش عليها انا قولت الوليه دى مش هتجيبها لبر انتى امنتيلها تاخد الواد الصغير بعد ما ضيعت الواد الكبير فى المول جرا ايه يا نسمه اتجنيتي فى عقلك و لا ايه

نسمه / ابوس رجلك ياما تاخدى ابويا و تروحوا

ام نسمه / نروح فين و نسيبك رجلنا على رجلك ايه ما لكيش اهل و لا ايه

نسمه/ ايوه ما ليش

هند / نسمه !!!

............................

فى الجيم

نجاه قاعده فى جنب و دياب و منصور بيكشفوا على البدله و مختار بيتكلم فى التليفون

مختار / دا اكيد بيهرج انا هكلمه ... يعني ايه كلمته و ما مشاهمش هى حصلت لحد بيتنا دا اتجنن رسمي اقسم بالله ليه كل ده ... يعني ايه يعني ايه ... تمام اقفل اقفل انا هشوف هعمل ايه ... استنى استنى بخصوص البدله ... اه دياب و منصور لسه واصلين اهم ... تمام ... تمام خلاص تمام ... اه فارس و كارم هنا ... تمام يا سيدي خلاص ... تمام ... فى حفظ الله فى حفظ الله

مختار يقفل و يتنهد

جوزيف / صابر صح ؟

مختار / لو عندك معلومه قولها غير كدا ما اسمعش حس حد انا على أخرى... و انتوا اكشفوا على الهبابه دى عشان جابر يرتاح و نجاه تلبسها و نخلص ما هى عمرها ما هتهدى هتفضل تولع تولع لحد ما تخلص علينا كلنا و يا ريته يوم سالك ... لا دا احنا عندنا ضيوف فى الطريق

جوزيف / كل اللى اعرفه ان صابر اتكشف و انا حذرته بس شكله ما سمعش كلامى

جابر / ما تخليك واضح و تقول معلومه صريحه توحد ربنا