الكبيره ٢ بقلم / لولو_محمد

الحلقه ١٤٤

((((((( الكبيره ٢)))))))
#لولو_محمد
الحلقه ١٤٤
صابر / على فين ؟

شاكر / مش هتاخر ما تقلقش

شاكر يروح يركب عربيه و يمشي

مرزوق / هو راح فين ؟

صابر / مش عارف قال شويه و راجع

صابر يسيب مرزوق و يروح يقعد و مرزوق بيبص له بغل 

....................................

فى السيرك

البنت / شاكر ساب الجبل و نزل البلد 

امايا تناولها الشال

امايا / صوت و صوره

البنت / بس اكيد باباه مش هيسكت 

امايا/ من امتى بنجادل

البنت / تمام

البنت تاخد الشال و تمشي

............................

فى شقه جوزيف

شاكر قاعد مع جو

جوزيف / انا عارف ان موقفى وحش جدا فى وسط كل ده بس انا ما ينفعش ابقي طرف

شاكر / و مين قالك انى عاوزك تدخل دا انا اكتر حاجه عاوزها انها تفضل بره الموضوع

جوزيف / بس انت برده لازم تعرف انى مش هقدر اشوفها بتتاذى

شاكر / مش هنكون ابدا غير رد فعل

جوزيف يهز راسه

شاكر / بصراحه عاوز خدمه ما تطلعش الا منك

جوزيف / بصراحه قلقت مش هكدب اصل انت اخر واحد ممكن يكون محتاج اى حاجه اصلا خصوصا منى يعني انت ما بتاذيش كتكوت و لا بتاع مشاكل و لا فى اى حد فى حياتك و بالنسبه للهاكينج دياب موجود ... امايا؟!!

شاكر / ما قولت لك لا

جوزيف / طب مش هخمن قول انت عاوز ايه و لو اقدر رقبتى ليك

شاكر / انت عارف انى ليا كبير و ما اقدرش اتعداه و الكبير بيحكمه قوانين انت بقي عكسي لا ليك كبير و لا فى قانون بيحكمك

جوزيف / عاوزنى اقتل مين

شاكر / لا لا لا مش للدرجادى خالص انا مش عاوزه يتلمس حتى دا غالى علينا ... انا بس عاوزه يخاف

جوزيف / يخاف ؟

شاكر / يخاف ... توصل له رساله انه لو وقف فى جوازه صابر هيزعل اوى ... بطريقتك بقي

جوزيف / صابر اه

شاكر / انا بطلب لو مش عاوز

جوزيف/ ماشي .. موافق

شاكر / انت هتشيلها لوحدك على فكره فكر كويس

جوزيف / ما تقلقش ... بس من واجبى انبهك ان ده مش هيغير فى الوضع حاجه صابر عارف مكان الدهب و نسمه نقطه ضعفه الوحيده