الكبيره ٢ بقلم / لولو_محمد

الحلقه ٨٠

(((((((( الكبيره ٢))))))))
#لولو_محمد
الحلقه ٨٠
عمران / السلام عليكم ... خير فى حاجه و لا ايه

مهره / انا اسفه انى بكلمك فى وقت متأخر اوى كدا بس انا ما عرفتش انام الا اما اعتزر لك

عمران / ما حصلش حاجه

مهره / تمام

عمران / انتى كويسه يا مهره

مهره / هتفرق فى ايه ... الحمد لله ... ما فيش غيرها

عمران / هانت فتره و هتعدى

مهره / باذن الله ... ما سالتكش عملت ايه فى الكليه و قابلت بابا و لا لا ... اكيد يعني قابلته و اكيد قالك كلام زى قلته انت ما لكش ذنب افى كل ده انا بجد اسفه اوى

عمران / انا ما كنتش بطيئه اصلا و لا بقدر احترمه من زمان اوى ... من اول مره شوفته فيها و انا بحتقره اصلا فمش حاسس باى فرق .. الفكره كلها ان حمل احساسي انى بنافقه فى كل مره بحاول احسسه انى يحترمه فيها اتشال من على كتافى مش اكتر

صمت

عمران / انا اسف ما كانش لازم اتكلم كدا هو فى الاول و الاخر ابوكى برده انا ... أنا آسف

مهره / تمام ... انا اسفه تانى انى كلمتك فى وقت زى ده هسيبك تكمل اللى كنت بتعمله... تصبح على خير ... سلام

عمران/ سلام

عمران يقفل و يرزع التليفون بزهق

عمران/ يخربيت ام صراحتك يا اخى

.............................

فى جنينه فيلا على

ايلين بتتمشي رايح جاى و هى متعصبه مروان يدخل و فى ايده كبايه عصير

ايلين / ماشي يا لؤى الكلب اما وريتك و الله لتشوف

مروان / الله !! انتوا اتخانقتوا تانى و لا ايه

ايلين / و انت مالك انت

مروان / ما ليش اولعى

مروان يشرب من العصير و يروح يقعد تحت شمسيه

ايلين / انت ايه اللى مصحيك بدرى كدا

مروان / ورايا معا ... و انتى مالك انتى

مروان يبتسم و يبص الناحيه التانيه ايلين تبتسم و تروح تقعد قدامه

ايلين / هتروح برده للشركه بتاعه الإنتاج

مروان / تؤ شلتها من دماغى ما تتعشميش على الفاضي مش هسيبهالك سالكه

ايلين / هو احنا ليه علاقتنا كدا

مروان / اسألي نفسك

ايلين / و ليه اضيع وقت فى اللى فات لما ممكن اركز على اللى جاى