الكبيره ٢ بقلم / لولو_محمد

الحلقه ١٣٥

((((( الكبيره ٢)))))
#لولو_محمد
الحلقه ١٣٥
جوزيف / المشكله مش هنا المشكله ان انتى نقطه ضعف ليهم كلهم يا نجاه و دا اللى مخليكى هدف
نجاه / ما هم كلهم نقطه ضعفى يا يونس و برده نقطه قوتى و برده نقطه ليهم عليا انا لو جرا لحد فيهم حاجه انا ممكن اتشل زى الاسطبل كدا لما شوفت عمران بينصاب هم هيكون رد فعلهم اهدى
مختار / ما شوفتيش جابر لما بيجرالك حاجه... ابوكى ... انا ... اهدى ايه اسكتى بالله عليكي انتى ما تعرفيش حاجه... بس فى حاجه يا يونس و المفروض انك شوفتها بعنيك ... لو احنا بينا و بين بعض مصانع الحداد و جيت جنب حرمه تخصنا هتلاقينا كلنا على قلب راجل واحد ضدك يعني لو المجلس او غيره حاول ياذى نجاه ... فالحقيقه هيبقي عمل فينا و فى البلد دى اكبر جميل ممكن تتخيله ... لانه هيخلى البلد كلها على قلب راجل واحد بهدف واحد هو يا ينقذوها يا ياخدوا تارها غير كدا ناكل فى بعض عادى
جوزيف / دا لو المشكله فى حرمه واحده ... يعني مثلا لو هتضطر تختار بين نجاه و هند مثلا او بين نجاه و فاتن او بين هند و فاتن هتبقي هى هياها ... بص انا شايف ان الكلام فى الموضوع ده فرضيات ما لهاش لازمه و لسه عند رايي السيستم عندك ما فيهوش مشاكل المشكله فى الأفراد محتاج تشتغل على الموضوع ده كتير
مختار/ تمام
جوزيف / هو انتى استخدمتى المكوه اللى جبتهالك
نجاه تتفاجئ
نجاه / ايوه جربتها ... ليه ؟
جوزيف / و لقيتي انهى الاحلى الليس و لا موج البحر
نجاه تبص لجوزيف باستغراب يبتسم
مختار/ قوم روح يا حبيبي قوم يا بابا
جوزيف / ماشي يا عم ماشي دا انت غريب جدا ... سلام
جوزيف يمشي و نجاه باصه فى الارض بتفكر
...........................
فى الجنينه
منصور يطلع من المضيفه يلاقي جابر واقف
منصور/ خير فى حاجه و لا ايه
جابر يهز راسه لا منصور يروح له
منصور / مالك شكلك مش تمام
جابر / طمنى انت عليك عامل ايه
منصور/ فى ايه
جابر / فى الدنيا فى اللى حصل و بيحصل و هيحصل ... الكل قلقان عليك
منصور / عليا و لا منى
جابر / انت مش غريب علينا عارفينك كويس عارفين انت على ايه
منصور  / و عارفين آخرى ايه ... انت عارف ان دياب رفض يبات غير فى اوضته فى السرايا ... و رافض برده ينقل البيت الجديد ... بيقول لوفاء ابقي مكان ما تطمنى على نفسك و العيال بس انا مش هبات غير فى فرشتى
جابر / صاحب الحق عينه قويه
منصور / امال انا عيني مكسوره ليه... هو انا مش صاحب حق
جابر / صاحب حق و حقك رجع و مراتك و ابنك فى حضنك
منصور / انت مستوعب اللى حصل و لا لسه زيهم موهوم بالعيله و النظام ... وقت الجد مش هيختاروك وقت الجد هياخدوا منك و يجاملوا على حسك ما انت اخرتك معروفه لكن الباقي لازم يامنوا شرهم
جابر / لو نصيبك ما حدش هيقدر ياخده منك و بعدين ما حدش جه عليك و لا اخد منك حاجه و شاهين مات و ان طلع ما مامتش هيموت و اللى خدر ياسمينا هيتجاب و لحد اللحظه دى مفيش دليل انه من أهلك ما يمكن امايا بتجندك
منصور / ما هو ما كانش معايا دليل برده ان شاهين عينه من مراتى و لا دياب كان معاه دليل ان شاهين فى وراه حاجه مش تمام .. و طول ما مافيش دليل هيفضلوا مكملين و هفضل انا حاطت الجزمه فى بقي و ساكت
جابر / انت شاكك فى حد
منصور / خالى و مراته اول القايمه و بقولهالك بصراحه و تحتيهم الكبار
جابر / لا بقي مش للدرجادى
منصور / ازاى !! و انا لما اعرف ان شاهين اتهجم على مراتى هفضل اخدم البلد
جابر / اه عادى لان شاهين اللى غلط مش البلد ... انت ليه مش حاطت اول القايمه امايا و المجلس مع ان هم اكتر ناس ليهم مصلحه فى اللى حصل
منصور / موجودين ما تقلقش الكل موجود
جوزيف يطلع من السرايا يحيهم و يمشي و هو بيضحك و مبسوط
جابر / ما تفكرش غير ان اهلك بيحبوك و بيحبوا مراتك و عيالك و عمرهم ما هيجوا عليك ... اهلك لتهلك يا منصور ما لكش ضهر فى الدنيا غيرهم من غيرهم تضيع زى ما شاهين ضاع كدا
منصور يطبطب على كتف جابر و يمشي
جابر / رايح فين
منصور / هتمشي شويه
جابر/ اجى معاك
منصور / ما فيش داعى ارتاح شويه اكيد يومك كان طويل و بكره هيكون أطول
منصور يركب عربيته و يمشي جابر يبص على السرايا و يروح بيته
.....................
فى اوضه نجاه
نجاه قاعده على السرير بتلعب فى شعرها المفرود و سرحانه تقوم تبص فى المرايه
نجاه / هو فى ايه
نجاه تروح تاخد غيار و تدخل الحمام و تقفل الباب مهره تصحى تبص يمين و شمال تسمع صوت المايه تنام تانى
.........................
فى الجبل
منصور قاعد لوحده صابر يدخل يقعد معاه و يناوله ازازه مايه منصور ياخدها و يشرب
صابر / مبروك ما جالك عاوزين نعمل له عقيقه تليق بمقامه هو مش اقل من اخوه
منصور يهز راسه صابر يقعد
صابر / شكلك عاوز تقعد لوحدك و انا بصراحه بحب ارخم عليكوا اوى
منصور يبص له
منصور / نفس رخامتك لما طلعت شاهين من الحفره
صابر / كنت عاوزنى اسيب اخوك يشيلها يعني
منصور / انت مالك ؟! ... انت ما تعرفش حاجه يبقي ما تدخلش ... عجبك اللى حصل دلوقت يعني
صابر / هو ايه اللى حصل معلش مش فاهم ... مراتك بخير و عيالك فى حضنك و اخوك و اهلك كلهم بخير الوحيد اللى غار فى داهيه هو شاهين
منصور / تفتكر لسه عايش
صابر / ممكن بس ما اعتقدش انه يجرؤ يرجع
منصور / نفسي يرجع ... نفسي اوى يرجع
صابر / عشان تضيع نفسك عشانه ؟!! ربنا ريحك منه و رفع عنك البلاء و انت مصمم تضيع نفسك على عيل ما يسواش فى سوق الرجاله تلاته ابيض
منصور / كنت على الاقل هعرف منه مين اللى ساعده و ليه ... مين فى اهلى اللى غدر بيا بالشكل ده مين فى اهلى استغلفنى و ضحك عليا ... انت ما تعرفش حاجه يا صابر انت مش حاسس بالنار اللى جوايا
صابر / للاسف حاسس الغدر وحش و الخزلان كمان وحش .. بس ما بيموتش  .. انا عايش و انت عايش ... احنا اجمد من كدا ... و بعدين اى كان اللى غلط فى حقك اكيد كان له اسبابه ... يمكن كانوا مجبورين ... مش انتوا برده كنتوا مجبورين زمان
منصور يبص لصابر
صابر / مش انتوا برده ما كنتوش تقصدوا تاذونى او توجعونى يا منصور ؟ مش احنا لسه أصحاب و اخوات و كل الكلام الجميل اللى كان بينا؟!!
منصور / انت شمتان فيا يا صابر ؟!
صابر / اقسم بالله ابدا بالعكس انا قاعد جنبك عشان انت غالى عندى حتى لو زعلان منك حتى لو جيت عليا زمان ... احنا فى بينا عشره و عيش و ملح … و بعدين انا كبرت دلوقت ... كبرت و عرفت انوا كان غصب عنكوا و كنتوا عاوزين خير ... عرفت انها كانت غلطتى انا من الاول للآخر انتوا بس كنتوا بتحاولوا تلموا ورايا
منصور يبص قدامه و يسكت
صابر / اقعد معاهم و اتكلم  .. جمع كل اللى شاكك فيهم و اقعد و اسمعهم ... ما تسيبش شيطانك يوديك و يجيبك ... ما تنساش الخير اللى فى حياتك كله عشان موقف واحد غلط ... الناس دى اهلك ... حتى خالك ... الله يعينه و يصبره راجل محترم منه لله ابنه ما صانش لا اسمه و لا سمعته و لطه اللطه دى
منصور / فى حد كان بيدي ياسمينا مخدر عشان ما تفوقش و تبرء دياب
صابر / و فاقت و برئته ... فى حاجات لو سبتها لربنا حقك هيرجع فيها اضعاف ما كنت هتاخده انت بايدك ... اصبر و أعرف أن الخير مسيره اكيد جاى ... انت مش عارف هو ايه و لا هتلاقيه فين ؟ بس اكيد هيجي و لو ما جاش فى الدنيا اكيد هتلاقيه فى الأخره ما هو اللى عند ربنا ما بيروحش
منصور يهز راسه
صابر / المهم الواد سند طالع شبهك كدا و لا واخد من أمه
منصور/ بيغيروا لسه ما بانش
صابر / ما تقوم تروح تلعب معاه احسن بقي بالله عليك حد يسيب مراته و عياله و يجي يقعد هنا فى القرف ده
منصور /  ما انا لو كنت اعرف انك هتيجي تقرفنى ما كنتش جيت
صابر / لا انا هنا على طول ما تجيش تانى بقي
منصور يبص لصابر و يبتسم صابر يضحك
صابر / لو بتهرب من عياط الواد الصغير تعال اقعد معانا فوق عاملين جو عنب
منصور يطبطب على كتف صابر و يقوم يركب عربيته صابر يقوم ينفض هدومه
صابر / اخترت صح على فكره انا كمان لو متجوز واحده بتحبني و بحبها يمين بالله ما هعبركوا بالجزمه
منصور يضحك و يمشي
صابر / بكره اتجوز انا كمان ... ناقصني ايد و لا رجل يعني بكره اتجوز
…………………..
فى السيرك
امايا / نورتونى اتفضلوا
مغاورى / من غير مقدمات ... ابنى فين انا عارف انه عندك
امايا / مسموح لك تفتش المكان شبر شبر و اوعدك لا حد هيتعرضلكوا و لا هيمنعكوا و لا يكلموكوا و لا اى حاجه و هتخرجوا من هنا زى ما دخلتوا بالظبط من غير خربوش واحد و دا وعد منى
عباده / ما يمكن مش هنا و مخبياه فى مكان تانى
امايا / لو حلفت لك ان شاهين مش موجود فى اى مكان يخصنى هتصدقنى
مغاورى / بناتك خطفوه من الجبل انتى الوحيده اللى تعرفى مكانه
امايا / بناتى خطفوا ابنك ؟! هو حضرتك ليه بتقولها كأنه عيل صغير ... ابنك مش عندى ... كدا كدا مصلحتى معاه خلصت و ما لوش عين يوريني وشه بعد اللى عمله ... انتوا عارفين انى ما بقبلش الأشكال دى ... اهم حاجه عندى الأخلاق
عباده / و انتى فى المنطقه دى ما تتوصيش بصراحه
امايا / ليه و انت شوفتنى اتهمجت على اى بنت قبل كدا ... و بعدين حضرتك بتقارنى بشاهين... انا بنت حرام و تربيه شوارع ... ابنك حجته ايه فى اللى عمله
عباده/ كل اللى غلط فى حاجه هيتعاقب قوليلنا هو فين عشان نمشي
امايا / ليه ما انتوا قاعدين انا ما وراييش حاجه
مغاورى / انتى هتستاهبلى!!!
امايا / انت اللى بتستهبل لما تيجي تدور على ابنك هنا ... بصراحه بتستهبل لما تفكر تدور عليه اصلا ... انا لو منك اخلف غيره اسهل
مغاورى/ طب تعرفى مكانه صح ؟
امايا / نبره صوتك اتغيرت ليه ... عرفت انك مش فى موقف قوه و لا ايه
مغاورى / على الاقل قوليلى هو عايش و لا ميت
امايا / نورتوا
امايا تروح تفتح ليهم الباب
عباده / الحكايه ما انتهتش هنا
امايا / عارفه
عباده يسحب مغاورى بره و مغاورى يبص لامايا تبتسم ليه يبص الناحيه التانيه و يمشي و عينه فى الارض
عباده / انا طاوعتك و جيت معاك بس زى ما قولت لك لو عارفه حاجه مش هتريحك بالعكس هتستغل اللى حصل ده عشان تستفيد
مغاورى / انا مروح
عباده/ هوصلك
مغاورى / لا ملوش لازمه عن اذنك
مغاورى يروح يركب عربيته و يمشي عباده يرجع يدخل الرجاله تمنعه
امايا / سيبوه انتوا مش عارفين مين ده و لا ايه ... دا الكبير هنا ...اهلا يا كبير رجعت ليه نسيت حاجه ؟
عباده / ما كانلوش لزوم تصيعي اوى كدا ... يونس قال لنا على كل حاجه
امايا / و يا ترى قال ليكوا ايه بقي ؟!
عباده / انك قتلتى حاتم مثلا
امايا / انا !! انا ما بقتلش حد خالص يا عموا عباده
عباده/ يا شيخه
امايا/ و الله
عباده/ تمام
عباده يمشي و امايا واقفه بتضحك
.....................
على المرجيحة فى الجنينه الورانيه
نجاه قاعده سرحانه مهره تدخل تقعد جنبها يبتسموا لبعض مهره تشاور لها ايه  ؟
نجاه / ايه ؟ ما عرفتيش تنامى تانى و لا ايه
مهره تكتب فى الموبايل
مهره / انتى كويسه ؟
نجاه / اه الحمد لله تمام مش جايلى نوم بس
مهره تشاور ليه ؟
نجاه / مفيش حاجه عادى الاحداث و تفكير و الحاجات دى
مهره تهز  راسها اه
نجاه / عارفه ... انا فى حاجه بفكر فيها بقالى فتره ... حلم ... حلم حلمته من فتره ... و بعدين بالصدفه حد قالى حاجه ما اتقالتش غير فى الحلم ده ... حصل معاكى حاجه زى كدا قبل كدا ؟
مهره تكتب / هو ده اللى شاغل بالك ؟
نجاه / أصلها اول مره تحصل و بعدين هو مش اى شخص بصراحه
مهره تكتب / هو !!
نجاه / طب انتى عمرها حصلت معاكى ؟!
مهره تهز راسها لا
نجاه / غريبه اوى صح ؟!
مهره تهز راسها اه و بعدين تكتب
مهره/ هو قالك ايه ؟
نجاه / وصف شعرى بموج البحر... مهره اوعى تحكى مع اى حد فى الكلام ده انا بثق فيكي
مهره تعمل بقها سوسته نجاه تبتسم
نجاه / اول مره حد يوصف شعرى بموج البحر ما يقول كيرلى او وايفى مثلا ايه موج البحر دى ... غريبه صح
مهره تكتب/ هو مين
نجاه تهز راسها لا مهره تستغرب و تكتب
مهره / طب شاف شعرك فين ؟
نجاه / موقف كدا زمان ما تاخديش بالك ... مهره ما تخلينيش اندم انى فضفضت معاكى
مهره تكتب/ ما تخافيش مش هقول لحد حاجه بس انتى حالتك صعبه اوى
نجاه / انا !! انا بس مستغربه الموقف مش اكتر
مهره تكتب/ طب ما تحكيلي الحلم
نجاه تهز راسها لا
مهره تكتب / شكله كان حلم حلو اوى
نجاه / مش عارفه
مهره تكتب / طب الشخص ده اعرفه ؟
نجاه / انا طالعه انام ... تصبحى على خير
نجاه تيجي تقوم مهره تجرى وراها و تمسكها
نجاه / انا مش من النوع اللى بيعرف يتكلم كدا و يفضفض بس انا بحبك و هجيلك لما احس انى قادره احكى هو ده كل الموضوع مجرد حلم
مهره تهز راسها اه
نجاه / مش عاوزه ادى للموضوع اكبر من حجمه عادى نعتبرها ديجافو بتحصل
مهره تهز راسها اه
نجاه / هطلع اخطفلى ساعه قبل الفجر ... تصبحى على خير
مهره تشاور لها نجاه تطلع على اوضتها مهره تتنهد و تروح المطبخ
........................
فى سرايا الجوارحه
دياب نازل السلم و يطلع من السرايا يلاقي مغاورى قاعد فى الجنينه يروح له
دياب / انت كويس يا خالى
مغاورى يبص له و يهز راسه و يقوم
دياب / شكلك مرهق اوى ... هو حضرتك مطبق ؟!
مغاورى / هصلى الفجر و ارجع انام
دياب / تمام
دياب و مغاورى بيتجنبوا يبصوا لبعض
مغاورى / انا مبسوط انك رجعت البيت عقبال باقي الجماعه ... احنا فى الاول و الاخر اهل و عيله و مهما حصل بينا ما ينفعش نتفرق تحت اى ظرف
دياب / انا شايف كدا برده ... بس مفيش مشكله لو سبنا فرصه الدنيا تهدى شويه
مغاورى يهز راسه
مغاورى / عن اذنك هروح اقعد فى المسجد احسن
دياب / ينفع اجى معاك
مغاورى يهز راسه اه و يقوم يمشي لحد عربيته
دياب / تحب تيجي معايا اسوق بيك احسن بما ان حضرتك تعبان كدا
مغاورى يهز راسه و يروح يركب مع دياب دياب يطلع بالعربيه و سماح متابعاهم من البلكونه و بتفرك من الغيظ
.................
فى سرايا الزنايته
جابر واقف بيتكلم مع قاسم نجاه تطلع تفتح شنطه عربيته و تحط شنطه
جابر / خير
نجاه / زهقانه هروح الملعب ... ثوانى هجيب باقي الحاجه
قاسم يبتسم باستغراب
قاسم / هو مش الملعب ده للرجاله و لا عندكوا حاجه تانيه
جابر / للرجاله بس نجاه عندنا بنحسبها بميه راجل
قاسم / صعبه اوى على فكره
جابر / واخدين عليها ما تشغلش انت بالك بيها
نجاه تطلع شايله شنطه تقيله جابر يجرى يشيلها منها
نجاه / هقدر على فكره
جابر / معلش وفرى طاقتك ... فيها ايه دى
نجاه / شويه اكل و فاكهه اصلى بفكر أطول
جابر / دا انتى لو بتفكرى تعزلى
جابر يحط الشنطه فى شنطه العربيه
جابر / ثوانى و راجع هجيب حاجه فى ثوانى و راجع
قاسم / تمام
جابر يجرى على بيته نجاه تفتح العربيه و تركب و قاسم مستغرب يطلع الموبايل و يتصل بأحلام
قاسم / انا ماشي و هعدى عليكي اخر النهار هتعوزى حاجه ؟ ... تمام يا قلبي سلام ... سلام
قاسم يروح يركب فى عربيه جابر قدام
قاسم / السلام عليكم
نجاه / و عليكم السلام ... فطرت ؟
قاسم / الحمد لله من بدرى
نجاه / هو انتوا هتسافروا بكره صحيح ؟
قاسم/ انا اه هسافر بكره انا و احلام و مازن الجماعه قاعدين يومين كمان
نجاه / طب ما تستنوا معاهم
قاسم / على عيني و الله بس امى مازن واحشها اوى و هو فعلا بقاله حبه حلوين هنا
نجاه / ربنا ما يحرمكوا منه
قاسم / امين
جابر يدخل معاه كيسه يركب و يناولها لنجاه
جابر / خلى دى جنبك ... معلش يا قاسم عطلتك
قاسم / و لا عطلتنى و لا حاجه
جابر / هوصل قاسم بس الشركه عندى و هاجى معاكى يا نجاه
قاسم يبص له باستغراب و يرجع يبص قدامه و هو مش قادر يمسك الضحكه و جابر سايق
جابر / مش عاوزك تقلق الجماعه فى الشركه اشطر منى مليون مره و هيظبطوا لك الدنيا هم اصلا شغالين على الموضوع من اول ما اقترحناه و جهزوا اكتر من فكره انت بس هتديهم الاوك على اللى يناسبك عشان يشتغلوا عليه اكتر
قاسم / سراع اوى ما شاء الله دا انا لسه موافق على الارض امبارح
جابر/ و دى ارض تترفض برده و بعدين انا ما كنتش بقول اى كلام لما قولت هسلمك فى خلال شهرين تلاته يعني اكيد عامل حسابى
قاسم / بيا او من غيرى يعني
جابر/ لا بيك بس ما تقولش كدا
قاسم / مفيش مشاكل ... لو خلصنا بدرى هبقي اجى اتفرج على الملعب بتاعكوا
جابر / تنور
قاسم / حبيبي ... بس انتى بتلعبى مع الرجاله عادى كدا
نجاه / ما لعبت عندكوا عادى برده
قاسم / و اتكسرتى فى اول ماتش اعتقد اولى يعني أنك تحافظي على نفسك اكتر
جابر / ما احنا هنا بنحافظ عليها و بعدين نجاه مش سهله ما تستهونش بيها
قاسم / همام بيقول عليها كدا برده
نجاه / على فكره انا فاهمه وجه نظرك و معاك حق ... بس انا زيك كدا بحب اكون شاطره فى كل حاجه اقف فى الملعب ادى اقف فى المطبخ ادى برده و اى مكان تحطني فيه برده هتلاقيني بدى 
قاسم يبتسم
جابر / و بعدين اديك شايف الدنيا فلازم نجاه تكون قادره تسد حتى لحد ما الدعم يوصل
قاسم / ما تاخذنيش لو طبقنا المبدا ده فلازم نعممه على الحريم كلهم بس ما بنطبقوش عشان طبيعي ان الحريم تقعد فى البيت و لا ايه ؟!
جابر / لا بس احنا معظم حريمنا بيعرفوا يدافعوا عن نفسهم... اه مش كلهم بتيجي معاهم سكه بس فى منهم اكتر من واحده قدرت تتفوق فى الحاجات دى اه برده مش كلهم زى نجاه بس عندك مرات خالى مثلا لحد دلوقت بتتمرن و بتحافظ على مستواها عندك احلام مثلا احلام توقع الطير من السما بطلقه واحده
قاسم / بجد !! ما قالتليش
جابر / اكيد ما جاتش مناسبه لو سألتها هتقولك اصل ده مش سر يعني
قاسم / عادى يعني
جابر / الشركه هناك اهى
قاسم / الدور الكام
جابر / كلها ... ثوانى هوصله و ارجع لك
نجاه / تمام
جابر ينزل قاسم ينزل جابر يقفل العربيه
قاسم / كنت خليتك و دخلت اتعاملت انا
جابر / ما انت هتتعامل فعلا انا بس هوصلك
قاسم / تمام تعال
قاسم و جابر يدخلوا جوه و نجاه قاعده بتلعب فى الموبايل تسمع نباح كلب مرعب تبص تلاقي امايا ماشيه و معاها كلب كبير مربوط بسلسله و طوق ينبح على حد امايا تصفرله يمشي معاها بهدوء نجاه تحاول تفتح الباب ما يفتحش تفتح اللوك و تنزل
نجاه / انتى بتعملى ايه هنا
الكلب ينبح على نجاه امايا تطبطب عليه و تلعب فى شعره يسكت و يقعد
نجاه/ ازاى ده يمشي وسط الناس كدا افرضي عض حد
امايا / ده !! دا مسكين ... دا انا حتى وخداه لشاكر يكشف عليه
نجاه / يا سلام
امايا / مش فاهمه هكدب ليه بس يا ستى تابعى الكاميرات و اتاكدى بنفسك و بعدين انا وعدت بابا مختار و انا عمرى ما اخلف وعدى ابدا
نجاه / على العموم لو عاوزه تمشي بيه وسط الناس يا تحطيه فى عربيه يا تحطيله حاجه تقفلى بيها بقه
امايا / و انتى فاكره ان أخطر حاجه فيه بقه دا ضربه من رجله ممكن تعمل ... تمام هبقي اخد بالى بعد كدا ... حاجه تاني
جابر يطلع من الشركه يشوف المنظر يزق نجاه بالراحه ناحيه العربيه تركب يلف و بركب العربيه و عينه على امايا و هى بتفرك للكلب فى رقبته و عمال يلهث
جابر / ايه اللى نزلك من العربيه
نجاه/ اللى حصل اطلع اطلع حرقت دمى ربنا يحرق دمها
جابر يتنهد و يسوق
....................
فى فيلا صغيره بجنينه و بلاى جراوند
عربيه منصور و مختار و دياب تركن و ينزل منها وفاء و ماجده و ياسمينا و هند و العيال و خديجه و تيا العيال يجروا على البلاى جراوند
تيا / هاخد بالى منهم
منصور يبتسم لها و يدخلوا السرايا و منصور مسند ياسمينا
منصور / قادره تمشي
ياسمينا / ايوه قادره
منصور / كدا كدا أمى رتبت ليكي الاوضه اللى فى الأرضي لحد ما تشدى حيلك نطلع اوضتنا اللى فوق
ياسمينا / مش هتفرق تحت من فوق المهم مع بعض
منصور يبتسم و يفتح باب الاوضه يلاقي السرير غرقان دم ياسمينا تتخض منصور يقفل الباب
مختار / فى حاجه و لا ايه
منصور / فى انى جبت أخرى و هروح اطلع عينها و عين ال
دياب يفتح الباب و يبص و يضحك
دياب / دا اخرها يعني ... يا عم كبر مخك
ماجده / ريحوا هناك شويه و انا هدخل انضفها
هند / لا خلينا نروح اوضه تانيه احسن و لو مش قادره تطلع تقعد على كرسي و الرجاله يشيلوها
مختار / و جوزها مش هيعرف يشيلها لوحده و لا ايه ليكون خاب
ياسمينا / و لا خاب و لا انا كسحت اوى كدا هطلع على رجلى عادى ... عن اذنكوا
دياب يسبق و يطلع يفتح اوضه نضيفه يدخل يفتح الحمام و يفتح الدولاب و يفتح الشباك و يبص فى الادراج وفاء تدخل مسنده ياسمينا مع منصور
دياب / ميت فل و اربعتاشر و حاجه عظمه
منصور يسند ياسمينا تقعد على السرير
هند / ما تفكريش فى اللى حصل و كدا كدا لينا كلام معاها
دياب / لا معاها ايه هى ما لهاش كبير يعني
مختار/ مش وقته خالك مش ناقص
دياب / لا ما انا ما كنتش هروح لخالى كنت هروح لأمها و اخوها ... الكبير ... كبيرنا كلنا ... بس قبل ما اروح له هروح اجيب بنت التيت اللى اتجرأت و نفذت بايديها عشان لما اتكلم اتكلم بدليل
مختار / نسيب ياسمينا ترتاح و ننزل مع بعض نشوف هنعمل ايه
ماجده / هروح اوزع العيال على اوضهم و انزل احضر الغدى لو عوزتى حاجه يا ياسو رنيلى موبايلي معايا
خديجه / غدى ايه الاكل على النار فى السرايا هيخلص و يجي و هقعد اكل معاكوا كمان
هند / بقولكوا ايه يلا كل واحد يروح يشوف وراه ايه و اطمنوا احنا موجودين
دياب / تمام هستاذن انا بقي
وفاء / هاجى معاك
دياب / تمام عن اذنكوا
دياب و وفاء يمشوا
مختار / قاعد شويه يا منصور و لا هتيجي معايا
منصور يبص لياسمينا تهز راسها روح يبتسم و يمشي مع مختار
هند / بطه هتزعل اوى لما تعرف اللى حصل ده
ياسمينا / كدا كدا الزعل جاى جاى اما نشوف اخرتها
خديجه/ اخرتها انك ترتاحى خالص و ما تشغليش نفسك بحاجه عشان ابنك الكتكوت ده لما يصحى يلاقي لبن رايق يرضعه حبيبي لسه صغير على النكد
ياسمينا / ربنا يعدى الايام دى على خير
ماجده / هتعدى ما تشغليش انتى بالك و هى باذن الله هتعدى
هند / و بعدين هيبقي حواليكي كل الناس اللى بتحبك دى و تنكدى على نفسك برده دا حتى تبقي عبيطة
الكل يضحك
........................
فى الشيلتر
شاكر / كويس ما فيهوش حاجه يكمل العلاج اللى انتى ماشيه عليه و هيبقي احسن
امايا / مش هقدر اكدب... انا منبهره .. مش سهل يسمح لك تقرب منه و تحط ايدك عليه
شاكر / دا كلب مش وحش ... هو عارف و فاهم انى مش هاذيه و بساعده
امايا / و باقي عيلتك بيفكروا زيك كدا
شاكر / اعتقد انى خلصت و ما عادش له لازمه تستنى هنا اكتر من كدا تقدرى تشوفى اللى وراكى
امايا تقوم تقف و تخبط على رجلها الكلب يروح يقف جنبها
امايا / عاوزه اديك نصيحه
شاكر ينتبه
امايا / سيب البلد دى و أمشى ... روح اى مكان تانى ... اعتبرها اجازه مفتوحه ... و لما الدنيا هنا تستقر ابقي ارجع تانى
شاكر/ و مين ساعتها هيعالج كلابك
امايا تضحك
امايا / انت صدقت و لا ايه يا دكتور... انا كلابى هم عيالى مش هستناك تعالجهم انا بس كنت ... بشوف هتعمل ايه
شاكر/ و نجحت فى الامتحان على كدا
امايا / مش لسه واقف قدامى اهو ... امشي يا شاكر امشي عشان هزعل اوى عليك لو جرالك حاجه
شاكر / مش فارق معايا زعلك فى حاجه بصراحه ... اصل كدا كدا هموت .. كلنا هنموت.. النهرده بكره بعده مش هتفرق و اللى بيموت بيبقي بيتحاسب فما بيقاش فارق معاه وقتها غير نفسه لا مين زعلان عليه و لا مين فرحان بموته
امايا تقرب خطوه
امايا / انا ما جبتش سيره الموت فى حاجه ... الموت راحه كبيره اوى انا نفسي مش طيلاها ... فى مليون حاجه ... اسوء من الموت مليون مره ... ممكن تحصل
شاكر/ اسوء من انى ابيع اهلى و اديهم ضهرى
امايا / اه ... انهم يبيعوك و يدوك ضهرهم  ... اقولك سر و روح اتأكد منه بنفسك
شاكر ينتبه
امايا / الكبار كانوا عارفين ان شاهين بيريل على ياسمينا و حولوا الفيديو الحقيقي ليه و هو بيتفرج عليها و يريل لفيديو فيك عشان يضحكوا على منصور و دياب  و يغطوا على شاهين ... عارف كام مره شاهين قرب من ياسمينا عارف كام مره ركبوا منصور الغلط و دافعوا عن شاهين و هم عارفين انه عيل زباله
شاكر / شكرا على المعلومه
امايا تبتسم
امايا / فكر فى كلامى ... وقت الجد ما حدش منهم هيقف جنبك الكل هيبيعك
شاكر / انا شاريهم
امايا / تمام ... يبقي ده اختيارك بقي
شاكر / نورتى
امايا تسحب الكلب و تمشي شاكر ينضف المكان
..........................
فى الشركه
فى بنت واقفه بتعيط
عباده / ما هو لو مش انتى مين ... ما حدش دخل و لا خرج من الفيلا بعدك
البنت / اقسم بالله ما انا اقسم بالله ما انا و بعدين انا ما اقدرش اعمل كدا اقسم بالله ما اجرؤ
دياب / يعني عفريت دخل كب الدم على السرير و مشي يعني و لا ايه
البنت / ما اعرفش اقسم بالله ما اعرف و بعدين انا ما كنتش لوحدى كان معايا بنات تانين يمكن حد منهم دخل بعد ما قفلت الاوضه و كب الدم ده اقسم بالله ما انا
دياب / براحتك ... كدا كدا لا انتى و لا البنات التانين هتروحوا النهرده لحد ما اوصل للى عملها و بكيفكوا بقي ... اتفضلى بره
البنت / يا كبير اقسم بالله ما عملت حاجه اقسم بالله ما ليا ذنب انا بخدمكوا من سنين عمرى لا مديت ايدي و لا عملت اى موقف واحد وحش قول حاجه يا كبير بالله عليك
عباده/ كدا كدا الحقيقه هتبان سواء عملتى او ما عملتيش هنعرف اللى عمل كدا
البنت/ اقسم بالله ما انا
عباده / و انا مصدقك بس احنا لينا بالأدلة و للاسف كلها ضدك
البنت / يارب بقي يا رب
دياب / مش هكرر كلامى اتفضلى بره
البنت تبص لهم و هى منهاره و تطلع بره تلاقي اتنين غفر مستنينها
الغفير / اتفضلى قدامى
البنت / انا ما عملتش حاجه
الغفير / ما يخصنيش قالولى اتحفظ عليكي فى المكتب يبقي هتفضلى فى المكتب
البنت / بس دا ظلم و الله اقسم بالله ظلم
........................