الكبيره ٢ بقلم / لولو_محمد

الحلقه ٨٣

(((((( الكبيره ٢))))))
#لولو_محمد
الحلقه ٨٣
نجاه / هو مفيش اى احتمال ان التيستات دى تكون غلط .. نروح نكشف طيب نتأكد
مختار / مش عارف اقولك ايه ... و لا اقولهالك ازاى قوموا خشوا جوه ارتاحوا قوموا قوموا
مهره / اقوم اروح فين ... انت بتتكلم عادى كدا ازاى اصلا ... انت مستوعب انت قولت لى ايه مستوعب انت بتتهمنى بايه... راحه ايه ؟! راحه ايه اللى بتتكلم عنها ... انتوا مستوعبين اللى ... انا حياتى و سمعتى و مستقبلى ادمروا و انا كنت بحاول لسه ألم نفسي و اقول مش مشكله يعني ابدء من الصفر عادى ما ... انا ... انتوا ... ده مش بجد على فكره ... كل ده مش بجد ... انا فهمت ... ايوه انا ركزت دلوقت ... دا مش حقيقي ... كل ده مش حقيقي ... انا بحلم انتوا مش بجد ... كل ده مش بجد .. دا ده دا كابوس ده انا ... انا مش حقيقي ... دا ما حصلش ... مش بيحصل لا .. مش بيحصل ... انا هفوق دلوقت اهو انا هصحى هصحى و مفيش الكلام ده مفيش الحاجات دى و مفيش الكلام ده مفيش
نجاه / مهره
مهره تبص لنجاه الاتنين دموعهم مغرقه وشهم
مهره / انتى مصدقانى صح
نجاه تهز راسها
مختار/ كلنا مصدقينك بس دول عشرين تيست و كلهم بيقولوا حامل
مهره تقف و تفضل تصرخ
مهره / كدب كدب كلهم غلط كلهم كدب انت ما بتفهمش حاجه انت مش دكتور انت عملتها غلط انت بتقول غلط انا بنت انت فاهم بنت غصب عنك و عنكوا كلكوا انا بنت انا شريفه انا بنت فاهم و لا لا انا بنت
مهره تدوخ و تقع الكل يجرى عليها و مختار يشيلها يدخلها اوضتها يحطها على سريرها و نجاه تجرى تجيب كبايه مايه و تحاول تفوقها
نجاه / مهره مهره ... اعمل حاجه يا عمى حد يطلب الاسعاف ... مهره حبيبتي مهره
...........................
فى الشركه عند منصور
دياب/ بقولك فليت الاوضه
منصور / فاكر انى ما عملتش كدا قبلك ... عملت... المهم النتيجه
دياب / طب انت شاكك فى ايه
منصور/ اقسم بالله ما اعرف و لا لاقى تفسير ... انا هتجنن
دياب / طب ناوى على ايه
منصور/ مش عارف
تليفون دياب يرن
دياب / السلام عليكم ... ايه ؟!! ... نراجعها حاضر بس اكيد لو كان فى اى حاجه ملفته كنا خدنا بالنا فى وقتها ... حاضر حاضر ... بنفسي حاضر ... تمام ... فى حفظ الله سلام
دياب يقفل و يتهبد على أقرب كرسي و هو ماسك دماغه
منصور / فى ايه مالك ايه اللى حصل
دياب / مهره حامل
منصور يرفع حاجبه
دياب / مش عارفين من مين و هى بتحلف انها لسه بنت يعنى الطين لف لف و اترمى فوق روسنا احنا ان احنا اللى ننضفه و نعرف مين ابن الحرام اللى عمل فيها كدا و امتى
منصور / طين ايه اللى بتتكلم عنه ...عمران اللى راح فى طوكر بالقسيمه اللى زوروها عشان يخرجوها من ال ... تفتكر
دياب يمسك التليفون و يتصل
دياب / ايوه يا عمى ... بقولك هو الجنين ده عمره قد ايه بالظبط
..............................
فى عياده نسا
مختار و جابر و عمران واقفين بره فى عياده فاضيه خالص و السكرتيرة عماله تبصلهم و نجاه و مرات فاروق قاعدين على مكتب الدكتوره جوه اللى بتكشف على مهره الدكتوره تقوم تقلع الجلوفزات و ترميهم فى الزباله و تروح تقعد على المكتب نجاه تجرى تساعد مهره تعدل هدومها
مراه فاروق / طمنيني يا دكتوره
الدكتوره تبص على جهاز كومبيوتر قدامها و تطبع منه تقرير و روجته فى صمت تام
مراه فاروق / حضرتك ساكته ليه قولى حاجه
الدكتوره تبص على مهره و نجاه
الدكتوره / انا مقدره صعوبه الموقف اللى حكيتوه و مش لاقيه اى كلام يخفف الوضع ... حامل و الحمل حصل من علاقه كامله
مهره رجليها ما تشيلهاش نجاه تسندها لاقرب كرسي و مراه فاروق تقوم و تساعدها مهره بتعيط بقهره فى صمت و كسره
نجاه / نقدر نعرف مين اللى عمل كدا ... تحليل دى ان ايه او اى حاجه
الدكتوره / ينفع بس لسه شويه من اول الاسبوع التامن ... التقرير ده فيه توقع لتاريخ التلقيح هو صح بنسبه كبيره بس برده فى احتمال للغلط
نجاه تبص للتقرير
الدكتوره / الادويه دى لازم تاخديها بانتظام الاولاني ده مثبت للحمل و التانى مانع لحدوث تشوهات فى الاجنه
مهره تبص للدكتوره
مهره / مثبت ايه !! انا مش هشيل ده فى بطنى ... اللى بتغلط و لا اللى بتغتصب على الاقل بتبقي عارفه مين عمل فيها كدا ... انا وضعى ايه
الدكتوره / انا فاهمه وجعك بس
مهره / اللى فى بطنى ده لازم ينزل
الدكتوره / لو سمحتى يا مدام
مهره / انا مش مدام ... ما تقوليليش مدام
تبادل نظرات فى صمت مهره تقوم تفتح الباب و تمشي و هى بتجر رجليها نجاه تجرى وراها تسندها
مختار / الدكتوره قالت ايه؟
نجاه تديله التقرير
مختار / ايه ده ؟!
مراه فاروق / بتقول مكتوب تاريخ الحمل ... الدكتوره بتقول انها حالفه يمين و انها لا شافت مهره و لا ليها دعوه بس مش هتشارك فى نزول العيل و قتل روح
مختار يبص لام فاروق بصدمه
مراه فاروق / مهره اللى فتحت الكلام جوه
مراه فاروق تمشي و مختار واقف مكانه مش قادر يستوعب
...........................
فى عماره فى البلد
شاهين واقف مع راجل و سباك و اتنين عمال
راجل / المايه قاطعه من صباحيه ربنا عندنا احنا بس و موجوده فى كل بيوت الشارع
السباك/ شيكت على المحابس
الراجل / ايوه و برده مفيش فايده
السباك / استاذنك ندخل نكشف على الدنيا
الراجل / اتفضل
السباك يدخل و وراه اتنين عمال ماسكين شنط
شاهين / بقولك يا حج لامؤاخذه فى السؤال بس عشان الرجاله تاخد راحتها فى الشغل
الراجل / اتفضل يا ابنى
شاهين / هو البيت ده فيه حريم
الراجل / مفيهوش غير ام عبد الرحمن مراتى فوق بتحضر الغدى خير يا ابنى فى حاجه
شاهين/ تمام يا حج استاذنك تطلع ترتاح عندها لحد ما الرجاله تخلص و انا بنفسي هاجى اخبط عليك و نطمنك ان المايه وصلت
الراجل / ايوه بس افرض العمال احتاجوا حاجه و لا بتاع
شاهين / و هو انا هسيبهم يا حج على رأسهم لحد ما يخلصوا باذنك يا رب ساعه زمن و هتلاقي المايه نازله من الحنفيات عندك
الراجل / على الله
شاهين / ما تقلقش نفسك انت خالص
الراجل يطلع فوق و شاهين يفضل متابعه لحد ما يدخل بيته يروح للرجاله يلاقيهم بيكشفوا على السباكه
شاهين / انتوا هتستهبلوا انتوا بتعملوا ايه انجزوا
السباك / انا قولت نسبوكها يعني عشان لو الراجل دخل علينا
شاهين / مش هيدخل بعته على فوق انجزوا و انا هتابع الطريق انا متاكد اننا هنلاقي حاجه هنا
عامل ١ / باذن الله يا سي شاهين باذن الله
........................
فى اوضه مهره
مهره واخده وضع الجنين و منهاره من العياط نجاه تدخل تحط جنبها كيس الدوا و ازازه مايه
نجاه / الدوا
مهره / اطلعى بره لو سمحتى
نجاه / انا عارفه ان ما فيش كلام يتقال يخفف المصيبه اللى احنا فيها
مهره تتعدل و تبص لنجاه
مهره / اللى انا فيها ... أنا ... انا لوحدى فيها ... ايه اللى انتى جيباه ده بقي هاه ايه ؟
مهره تقلب فى الادويه
مهره / ادويه ايه دى ... انا مش هشيل القرف ده فى جسمي مش هشيله انتى فاهمه و لا لا ... مش هجيب للدنيا دى طفل انا نفسي مش عارفه مين ابوه
نجاه/ فهماكى بس
مهره / لا مش فهمانى ... انتى مش فاهمه حاجه ... و ربنا ما يكتب عليكي تفهمى و لا تحسي اللى انا حساه ... انا بقيت اكسبايرد ... ابيض ... لا اهل و لا عيله و لا سمعه و لا حتى شرف
نجاه / كان غصب عنك
مهره / اسكتى ابوس رجلك اسكتى
مهره تدى لنجاه ضهرها و تفضل تعيط
مهره/ انا عملت كل حاجه عشان ابقي كويسه ... كل حاجه يا نجاه ... و دى النتيجه ... صفر
نجاه / دا ابتلاء من ربنا
مهره / تانى !! ابتلاء تانى ... مش كان سمعتى و ادماني و ابويا اللى اتبرى منى و امى اللى ما صدقتنيش و اخويا اللى باعنى و اخواتى اللى ....
مهره تعيط فى صمت و تقفل عنيها نجاه تقعد جنبها و تحاول تمسك ايديها مهره تسحب ايدها
مهره / سبيني لوحدى يا نجاه بالله عليكي ... سبيني شويه ...سبيني... اطلعى بره
نجاه تطبطب عليها و تقوم تطلع بره و تقفل الباب و تفضل تمسح دموعها عمران يروح لها
عمران / عامله ايه ؟
نجاه تهز راسها لا و تروح المطبخ و تقفل عليها الباب عمران يبص على باب الاوضه و يمسك الاوكره و يفكر يخبط و بعدين يغير رايه و يروح اوضته يلاقي مختار بيتكلم فى التليفون
مختار / ايوه ... اه ... تمام ... تمام ... تمام
مختار يبص لعمران واقف على الباب و باين عليه الحزن
مختار / طب شوف كدا و كلمنى تانى ... فى حفظ الله سلام
عمران / دياب ؟
مختار / ايوه ... بنسبه كبيره حصل فى المصحه اللى هو اصلا اقل من اربعه و عشرين ساعه ... ايه مستعجلين علي ايه مش قادرين يصبروا ... للدرجادى ما صدقوا
عمران / و ليه ما يكونش مروان
مختار يبص لعمران
مختار / دا اخوها !!!
عمران / و أكرم جوز امها و ما تجوزلوش و كان عينه فيها برده ... و بعدين هو اللى يتفق مع حد على أخته و يخليها تدمن هيفكر انها اخته و لا مش اخته
مختار يبص فى الارض
عمران / و أكرم كمان ... ما هو زارها فى المصحه مش حصل كدا ؟
مختار يبص لعمران
عمران / حصل و لا ما حصلش كلهم لازم يتحاسبوا ... البت كانت فى حمايتنا و كلهم اشتركوا فى النتيجه دى سواء اللى خطط و لا اللى دفع و لا حتى اللى نفذ ... كلهم لازم يتحاسبوا
مختار / هيحصل بس لما
عمران/ فى حاجات ما ينفعش تستنى
مختار يبص الناحيه التانيه
عمران / ما تجبرنيش اتصرف من وراك تانى ... انا كدا كدا مش هسكت
مختار يقف و يبص لعمران
مختار / و لا انا هسكت ... انا اصلا مش ساكت
جابر يدخل مختار يبص له
مختار / فى جديد ؟
عمران يبص لجابر
جابر يهز راسه مختار يمسك دقن عمران و يخليه يبص له
مختار / اللى جوه دى بنتى ... و لو انت مضايق قيراط انا النار اللى جوايا تحرق بلد باللى فيها فاهدى
عمران يهز راسه و هو بيجز على سنانه
....................
فى مضيفه الزنايته
عباده / مش هنعمل اى حاجه
مغاورى / يعني ايه هنسيبهم يدخلوا و يطلعوا كدا و لا ظابط و لا رابط
عباده / احنا قبل ما نتحرك لازم ندرس الموقف كويس احنا لا عارفين الإنفاق دى اخرها ايه و لا ايه اللى مستنينا تحت و لا فين اولها من اخرها انزل انا برجاله يلاقوا جيش و لا يتوهوا جوه و لا يستغلوا فرصه اننا تحت و يضربونا من فوق ادينا عرفنا ان فى أنفاق... مطلوب دلوقت نتشقلب و نرسم خريطه للانفاق دى ان شالله تكون دقتها واحد و خمسين فى الميه انا راضي اقل من كدا مش هقدر ادى قرار باى حركه
شاهين / يعني هنكرر حوار المايه مع كل البيوت اللى تبع الشركه الامريكانى صح
عباده / لا كدا مفقوسه لازم نشكل ... مايه نور غاز حد يحاول يأجر منهم شقق او محلات عريس عاوز عروسه و لا خدمه مش هنغلب و الحجج ما بتخلصش و ان حصل و اضطرينا نكرر حجه يبقي على الاقل ندى بينهم براح فى الوقت و ما يكونوش فى نفس المنطقه فاهميني طبعا
دياب / ممكن نزود كاميرات فى المناطق دى
شاهين / مش فاضل غير ان احنا نركب على رأس كل نفر فى البلد كاميره
منصور / غيرك مركب تحت جلد كل مواطن شريحه بيعرف بيها كل تفاصيل حياته .. ايه رايك نعملها ؟
شاهين / ما احنا لابسين خواتم و سلاسل و ماسكين موبايلات تفرق ايه عن الشرايح دى يا ابن عمتى
منصور / تفرق انك تقدر تقلع الخاتم و ترمى الموبايل فى الدرج انما مش هتقدر تخلع جلدك يا ابن خالى
عباده / طب نخلينا فى موضوعنا افيد من الأفكار اللى لا هتودى و لا هتجيب دى و لا ايه يا رجاله ... اعمل اللى تقدر عليه يا دياب معاك الاذن فى اى حاجه عاوز يوصلني خبر بدبه النمله قبل ما تطلع من اى واحد من البيوت دى
شاهين / هو احنا ما نقدرش نشترى منهم البيوت دى يا خالى
عباده / اللى اشترى البيوت بالدم يا ابنى ما بيفرطش فيها الا بالدم و احنا حاولنا نقول ايه حسبي الله و نعم الوكيل فى اللى فرط
مغاورى / انا عاوزك تكمل بنفسك فى حوار الإنفاق ده يا شاهين
شاهين / على راسي يابا باذن الله فى أقرب وقت هكون جايب لك خريطه بالانفاق دى و باذن الله هتكون دقتها عاليه جدا
منصور / هتعملها ازاى دى ... الخريطه اقصد ... يعني افهم انك تقدر تحدد مداخل الإنفاق لكن خط سيرها و بدقه عاليه !! ناوى على ايه ... من باب لو محتاج مساعده يعني او نفكر معاك بصوت عالى و كدا
شاهين / طبعا ... و الله انا الفتره اللى فاتت كنت بدور كتير على النت و عرفت ان فى اجهزه بتكتشف الإنفاق دى لحد عمق تلاتين متر تحت الارض و لما شوفنا النفق ما كانش عميق اوى يعني ... يعني باذن الله هيظهر فى التصوير بتاع الاجهزه دى ... انا بس محتاج وقت احاول اجيب جهاز من دول على ما يوصل نكون حددنا المداخل و المخارج نرسم الخطوط بقي اللى هتطلع يعنى هنسهل الشغل على الجهاز و لا ايه رايك يابا
مغاورى / و الله مفيش كلام يتقال ... ايه راى بتوع التكنولوجيا فى الكلام ده
دياب يبتسم
عباده/ بالنسبه للفلوس
شاهين / ما تقلقش يا كبير الخير كتير و لو احتجت اكيد هقول و بعدين هو كلو لمين ... ما هو لينا فى الاخر
مغاورى / اغلى و احدث و احسن حاجه ما تسترخصش
شاهين / اكيد
منصور / تحب اساعدك تلاقى الجهاز ده بما انى ليا علاقه كويسه مع شركات التكنولوجيات و كدا
شاهين / و ماله خير و بركة و بعدين مش هنضحك على روحنا هو انا يعنى افهم ايه فى الحاجات دى ... اكيد كنت هرجع ليكوا قبل ما اخد اى قرار فى الجهاز ده
شاهين يبص على دياب يلاقيه مركز معاه و مبتسم شاهين يتوتر يبتسم
عباده/ على بركه الله ... عاوز اقول ليكوا كلمه ... البلد دى من سنين قايمه بس عشان كلنا ايدنا فى ايد بعض ... كلنا قلبنا على قلب بعض نتخانق نتصالح نقطع فى شعور بعض وقت الجد كلنا بنحط ايدنا فى ايد بعض و نقف فى ضهر بعض
شاهين / احنا فى الاول و الاخر اخوات يا خالى مش محتاجه تأكيد الحكايه دى
عباده / لا بس انا مبسوط منك
مغاورى يطبطب على كتف شاهين
عباده / ابهرتنى الفتره اللى فاتت و اشتغلت على نفسك و فوقت لروحك ايوه كدا عاوزك مصحصح و واعى
شاهين / كنا عيال بقي يا كبير كبرنا خلاص
عباده / الحمد لله هنعوز اكتر من كدا ايه
مغاورى / لا دا انت فايتك كتير اوى يا عباده شاهين الفتره اللى فاتت كان مبدع فى حاجات كتير اوى
عباده / سمعت سمعت انا اصلى عينى عليه شويتين تلاته
شاهين يبص لعباده
عباده / اصل معلش يعني هنستني ايه من ابن مغاورى الجارحى يعني غير انه يكون نسخه من ابوه فكان لازم نشد عليك عشان ما تميلش مننا
مغاورى يطبطب تانى على كتف شاهين بفخر يبص لدياب نفس النظره و نفس الابتسامه شاهين يبلع ريقه و يبص لعباده بيضحك مع مغاورى
شاهين / طب استأذن انا بقي عشان ورايا شويه اشغال كدا اخلصها فى السريع لو ما حدش هيعوز منى حاجه
شاهين ينسحب من المكان بسرعه دياب و منصور يبصوا لبعض منصور بيحاول يدارى انه مضايق و دياب يبص للسقف و على وشه نفس الابتسامه
..........................
فى اوضه مهره
مهره نايمه فى وضع الجنين و نجاه قاعده جنبها على السرير سرحانه و باين انها متعصبه نجاه تبص على مهره و تعدل عليها الغطا و تقوم تفتح الدولاب و تطلع طقم اسود و تقلع السلسله و الحلق و الخاتم و تحطهم فى الدرج مع الموبايل و تفتح شنطتها تاخد منها فلوس و تحطها على الترابيزه و تروح تفتح درج و تطلع منه مسدس تتأكد ان خزنته مليانه و تاخد خازنتين تانين و تحطهم جنبه على الترابيزه جنب الفلوس و تلبس الاسدال و تطلع بره الاوض كلها نورها مطفى تدخل تلبس بسرعه
...................
قدام مركز علاج الادمان
جابر لابس شنطه على ضهره يعدى بالموتوسيكل بتاع عمران و يركن بعيد تحت شجره و يقلع الخوزه و يلبس ماسك بفتحات للعين و ينط من فوق السور مفيش اى صوت و لا حركه يتحرك ناحيه مبنى الاداره يلاقي اتنين حراس يدخل يشتبك معاهم يفقدهم الوعى و يدخل يطلع المسدس و يضرب الكاميرات بالرصاص و يحاول يفتح الخزنه ما بتفتحش يقلع الشنطه و يطلع منها قنبله صغيره جدا و يلزقها على الباب و يروح يدارى ورا مكتب تفرقع و الباب يتفتح و حاجات تطير يروح يلم الورق كله فى شنطته و يروح يفتش على اى ورق ياخده و يلاقي هارد الكاميرات يبص على الكاميرات و يفك الهارد و ياخده و يجرى ينط من فوق السور و يركب الموتوسيكل و يطير
........................
على السطح عند نجاه
نجاه تطلع تلاقى رجاله واقفين تيجي ترجع
راجل ١ / محتاجه حاجه يا ست نجاه ؟
نجاه تقف و تبلع ريقها
نجاه / بصراحه كنت مخنوقه شويه و عاوزه اقف على السطح اشم شويه هوا بس خليكوا مفيش مشكله هقف فى البلكونه عادى
راجل ٢ / لا خدى راحتك احنا هندخل نقعد جوه و لو احتاجتى اى حاجه نادى علينا
نجاه تبتسم الرجاله يدخلوا اوضه و يقفلوا الباب و نجاه تفضل متابعاهم لحد ما تطمن تبص على السور عالى حوالين البيت ترجع لورا و تجرى تحاول تنط ما تجيبهاش تنزل فى الارض تبص على الباب مفيش حد خرج تحاول تانى و تنط قبل ما تقع حد يمسك ايدها تبص جوزيف يغمز لها
نجاه / انت !!
جوزيف يشدها يساعدها تطلع تقعد على السور تلاقيه واقف على سلم الناحيه التانيه يطلع يقعد قدامها على السور
نجاه / انت بتعمل ايه هنا ؟
جوزيف/ انتى بتعملى ايه هنا ؟
نجاه / رايحه اعمل مصيبه ليك فيه انت بتعمل ايه هنا لو حد شافك انت عارف هيعملوا فيك ايه ... انت اصلا ايه يعني واقف مستنيني مثلا و لا ايه حكايتك
جوزيف يتنهد
جوزيف / اكيد لا ايه بنجم مثلا و بعدين اهدى ايه ما شافوهاش و هى بتنط هيقفشوها قبل ما تنزل
نجاه / انا مش طايقه نفسي
جوزيف / طب اهدى انا اصلا ما بعدتش عنك و لا شلتك من تحت عيني
نجاه / لا يا راجل !!
جوزيف / لما عرفت ان مهره حامل جه فبالى انهم اكيد هيتحركوا و هيسيبوكى انتى و مهره مع حراسه تعبانه كالعاده ما جاش فى خيالى بصراحه ان انتى اللى هتسبيهم
جوزيف يضحك نجاه تبص الناحيه التانيه و تسحب السلم و تنزل ينزل وراها
جوزيف / على فين طيب
نجاه / مش عارفه بس مش قادره اقعد اكرم على مروان كلهم لازم يدفعوا التمن ... شرف الحريم مش ببلاش
جوزيف يهز راسه
جوزيف / يدفعوا يا بيبي ... تعذيب و لا هنخلص على طول
نجاه تبص لجوزيف و تبدا تستوعب انها مش مرتبه هتعمل ايه جوزيف يبتسم
جوزيف / وحشنى جنانك اوى
نجاه تضرب كف على كف و تحاول تطلع السلم تانى جوزيف يمنعها
جوزيف / طب و المصيبه ؟!
نجاه / مصيبه ايه ؟
جوزيف / انتى مش هربتى من بيتك و خارجه تواجهى الدنيا بره لوحدك بطولك كدا من وراهم عشان تعملى مصيبه ؟ انتى مش لسه قايله كدا
نجاه تبص على السور
جوزيف / لنفرض انى ما كنتش مستنيكي كنتى هتعملى ايه
نجاه تبص له
جوزيف / غالبا ما كنتيش هتعملى عشان ما كنتيش هتعرفى تنطى السور صح ؟
نجاه / انت اكتر انسان مستفز شوفته فى حياتى
جوزيف / الله دا فى إجماع بقي
نجاه تطلع السلم و تقعد على السور و تتجمد و جوزيف متابعها
جوزيف / you have to pice a side, you know
( لازم تختاري جهه .. واخده بالك)
جوزيف يطلع يقعد قدامها رجل هنا و رجل هنا يلاقيها بتعيط يتنهد و يفضل ساكت نجاه تبص له
جوزيف / خدى راحتك قدامك لحد ما يقفشونا
نجاه ما تقدرش و تضحك يبتسم
نجاه / عاوزه اولع فى الدنيا بحالها
جوزيف يلف ناحيه السطح التانى
جوزيف / على البركه يلا بينا
نجاه / بس مش قادره اعمل حاجه تزعلهم منى
جوزيف يرجع رجله تانى و يبص لها
نجاه / انا طلبت من جابر قبل كدا و ما رضيش يجي معايا و قالى هيتصرف ... كلهم نايمين تحت و لا كان فى مصيبه حصلت
جوزيف يبص الناحيه التانيه و يبص لنجاه بطرف عينه
نجاه / زعلانه منهم اوى بس مش قادره اكسرهم
جوزيف يتنهد
جوزيف / جابر مش تحت
نجاه تبص لجوزيف
جوزيف / و لا كان ساكت ... بس واضح ان الأحداث اسرع منه
نجاه / الناس دى لازم تدفع التمن ... حق البت دى لازم يرجع
جوزيف / بسيطه ... تحبى نبدأ بمين
نجاه تبص لجو مبتسم
.......................
فى اوضه مختار
مختار ممدد و جنبه عمران الاتنين مدين ضهرهم لبعض و الاتنين صاحيين يسمعوا هبده بسيطه تتكرر تتكرر يقوموا يجروا يدخلوا اوضه مهره لابسه الاسدال و بتنط من فوق السرير مختار يمنعها تصرخ فيه بشكل هستيرى و عمران واقف على الباب متجمد و مهره تحاول تطلع على السرير تانى و مختار ماسك ايديها و مانعها
مختار / انتى بتعملى ايه بتعملي ايه
مهره / مش هشيل القرف ده فى بطنى مش هشيله
مختار / هتاذى نفسك يا مجنونه حرام
مهره / ما اولع بجاز فارق معاك ايه هو انا بنتك
مختار / ايوه بنتى بنتى و اللى
مهره / لا مش بنتك مش بنتك لو كنت بنتك كنت قتلتني و ريحتنى من القرف اللى انا فيه لو كنت بنتك كنت منعت طفل يجي الدنيا دى و هو اصلا مش عارف ابوه مين كنت منعت طفل هيكبر و يسألني مين ابوه هيشوفنى وحشه هيشوفنى
مختار / كل حاجه و ليها حل اللى بتعمليه ده غلط اهدى
مهره / لسه فى الاول لسه فى الاول لو كبر عن كدا مش هقدر انزله ساعتها هموت نفسي ساعتها هعمل حرام اكبر و مش هيبقي عندى فرصه بعدها استغفر انت بتقنعنى ان لسه فى امل اكمل حياتى لو اتولد الأمل ده هيموت معاه لو ما ماتش دلوقت الأمل ده هيموت مش هيبقي فى حياه مش هيبقي فى فرصه هيبقي فى عذاب للأبد انت ليه مش قادر تحس انا اللى بتحرق هنا انا اللى مجبره اعيش ذنب انا ما ارتكبتوش سبنى ابوس رجلك سبنى اعتبرني بنتك و سبنى
مختار / عشان بنتى مش هقدر اشوفك بتعملى حاجه حرام و اسكت مش هقدر اشوفك بتاذى نفسك و اسكت
مهره / انت كدا بتساعدهم انت كدا بتكمل عليا معاهم حرام عليك سبنى ... فكر فى ابنك ...فكر فى عمران
مختار يبص على عمران
مهره / ما تلطوش معايا هو ما لوش ذنب كفايا بقي عك كفايا
مهره طاقتها ما تجيبهاش تقاوم مختار اكتر من كدا تقعد و تنهار من العياط مختار يقعد فى الارض يرفع عينه يبص على عمران واقف باصص عليهم و ساكت
...............................
على السطح
نجاه و جو يسمعوا الصريخ جو ينقل السلم نجاه تنزل فى نفس الوقت اللى الرجاله طلعوا فيه من الاوضه على السطح يشوفوا جو يطلعوا سلاحهم نجاه تقف فى النص و تحميه
نجاه / ما حدش يضرب ما حدش يضرب
راجل ١ / دا الخواجه الكبير منبه انه ما يهوبش من هنا
جو يبتسم
نجاه / قوله نجاه وقفت فى السكه
راجل ٢ / ما تاخذيناش بس اوامرنا بناخدها من الكبير فابعدى عن الطريق عشان ما تتعوريش
نجاه/ عورني اضرب و عورنى ... اقتلني مستنى ايه
راجل ٣ ينزل سلاح الاتنين
راجل ٣ / انزل نادى سي مختار من تحت و هو اللى يقرر تعملوا ايه
راجل ١ يعين المسدس و ينزل و راجل ٢ يزق ايد راجل ٣ و يرفع السلاح تانى و عينه فى عين نجاه جوزيف ينفخ
جوزيف / انت عبيط ياله ما ترفع سلاحك لفوق هو انت ان ما كانتش الطلقه هتدخل صدرى ما اموتش ما دماغى قدامك اهى على الاقل مستحيل هكون لابس فى دماغى قميص واقى
نجاه تبص لجوزيف و تبرق له
جوزيف / ايه !!! هم جداد يعني ما يعرفونيش ... بقي انا لو كنت جاى ناوى حاجه كان زمانك لسه واقف على رجلك اصلا
نجاه / لو سمحت اهدى ثوانى لحد ما عمو مختار يطلع
جوزيف / ما انا هادى هو اللى من تنشنته مش واخد باله هو موجه سلاحه ناحيه مين
نجاه/ و انا راضيه يا سيدي اهدى انت بقي اهدى
راجل ١ يطلع
راجل ١ / سي مختار مستنيكوا تحت
جوزيف / مبسوط انت دلوقت
جوزيف و نجاه ينزلوا
راجل ٢/ دا ايه التحش ده !!!
راجل ٣ / و انت لما ترفع سلاحك فى وش ست نجاه كنت ايه يا اخى ادعى ربنا ما حدش يبلغ الكبير دا انا كنت واقف هطق منك
راجل ٢ / و هى ست نجاه لما تغفلنا كلنا و تطلع
راجل ٣ يكتم بق راجل ٢
راجل ٣ / ابلع لسانك بدل ما يطير رقبتك ... اعقل الكلمه قبل ما تقولها
راجل ٢ / ما حصلش يعني
راجل ١ / ما حصلش ... و احنا لا شوفنا و لا سمعنا و تخرس خالص و ما تفتحش على روحك فواتيح جهنم
راجل ٢ يشوح بايده و يدخل الاوضه و يرزع الباب
........................
فى شقه مختار تحت
نجاه تدخل و وراها جوزيف يلاقي عمران واقف على باب اوضه مهره نجاه تدخل مختار يطلع و يقفل الباب جوزيف يشاور له باى مختار يروح يقعد و يمسك دماغه بين ايديه
جوزيف / هو الوضع صعب اوى كدا جوه
مختار يبص له باستغراب عمران يخبط كف على كف و يروح المطبخ
جوزيف / لما يبقي الكل بيحارب من اجل البقاء انتوا ليه بتركزوا اوى كدا على حاجات ... مش فاهم بصراحه يعني ... it is not the end of the world
( دى مش نهايه العالم)
مختار / انهى عالم اللى تقدر تعيش فيه من غير شرف انهى عيشه اللى ما تقدرش ترفع فيها عينك فى عين الناس
جوزيف / انهى ناس ؟ ... الناس مش هتسقف لك لما تموت عشان خسرت حاجه هبله انتوا عاملين ليها قيمه زى دى ... مش هيفتكروك لما تموت اصلا آخرهم ايه ... الحياه بتستمر و الكل بيتنسي ... مش هتقدر تاخد حقك و انت منهار و الاكيد انك مش هتقدر تفيد اى حد و انت ميت غير أعدائك
مختار يبص لجوزيف بحزن
مختار / عازرك ... عازرك
مختار يبص فى الارض جوزيف يقعد جنبه
جوزيف / انا شوفت عيله بتبيع جسمها عشان كبايه لبن ... تبقي هى اللى ما عندهاش شرف و لا اللى وصلوها للحال ده هم اللى ما عندهمش شرف ... كانت تموت من الجوع صح ... عشان تموت كدا بشرفها و تبقي رافعه راسها كدا قدام الناس اللى بتاكل و تشرب و تنام و ما فرقش معاهم عجزها و ضعفها ... كانت تموت اكرم صح
مختار يبص لجوزيف
جوزيف / ماشي ... كانت تموت اكرم ... بس اللى جوه دى ما باعتش دى اتجبرت ... هى كمان من غير شرف ؟
مختار / لا ... مهره وضعها مختلف
جوزيف / و الطفل اللى هيجي و يعيش وسط ناس بعقليتك و عقليه اهلك هيبقي فاهم ده ... ان امه كان وضعها مختلف و لا هيتعامل نفس معامله البنت اللى كان نفسها فى كبايه لبن و لا يمكن يتعامل نفس معامله البنت اللى اختارت تبقي كدا من غير سبب اصلا
مختار / انت ايه اللى رجعك ؟
جوزيف / ما رجعتش عشانك لو كان ده ردك عليا
جوزيف يبص الناحيه التانيه
مختار / انت نقيت اسوء وقت ترجع فيه
جوزيف يبص لمختار بابتسامه استهزاء
جوزيف / و هو انتوا بتفتكرونى اصلا غير فى اسوء اوقاتكوا يا جدع دا انا من يوم ما عرفت ان أسمى يونس و انا باجى اطلعكوا من كل مصيبه و التانيه و الاخر بتطردونى طرده الكلاب و برده برجع اساعد
عمران يطلع من المطبخ
عمران / انا هنزل اشترى لمون
مختار / عندك جوه
عمران/ عصرته كله ما عملش غير نص كبايه
مختار يضرب كف على كف
مختار/ صبرنى يا رب على الغباء اللى عايش فيه
مختار يروح المطبخ و عمران وراه و جوزيف قاعد بيضحك الباب يتفتح و جابر يدخل و الشنطه على كتفه ما ياخدش باله من جوزيف
جوزيف / ايه مفيش سلام عليكم و أنت داخل
جابر يبص لجو بصدمه
جوزيف / و انت كمان وحشتنى اوى ... ها طمنى لقيت حاجه مهمه فى المركز ؟
جابر يرمى الشنطه على الارض و يمسك بايديه الاتنين فى ضهر الكرسي و يضغط بغل و هو بيجز على سنانه
...........................
فى اوضه عباده
عباده بيتكلم فى التليفون جنب الشباك و خديجه نايمه على السرير
عباده / تمام ... تمام ... لا مش هقول لك حاجه اعمل اللى انت شايفه صح ... عشان انت كدا كدا مش هتسمعنى يا مختار فعلى ايه بقي نشوف النتيجه و نتكلم .. انا قولت نتكلم مش نتحاسب ... مختار ان كان فيك قيراط انا فيا عشره ... احسن برده سلام
عباده يقفل المكالمه و ينفخ خديجه تصحى
خديجه / فى ايه يا عباده نجاه فيها حاجه
عباده / نجاه زى الفل الحمد لله ... مهره اللى مش بخير ابدا
خديجه / خير مالها جرالها ايه
عباده / البت طلعت حامل يا خديجه ... كنا فاكرين لحقناها اتارينا اتاخرنا عليها مختار بيقولى كانت بتصرخ و تحلف و تقول انا بنت انا ما حدش لمسني و حاولت من شويه تسقط نفسها
خديجه تبص لعباده و ساكته
عباده/ و ابن الحرام كمان رجع ... رجع فى انسب وقت كالعاده الكل ملخوم فى مليون اتجاه و مفتوح علينا ستين جابهه راجع يعمل بطل و يعرض خدماته
خديجه / بنتك فى حضنك و الا ما ترجعش تعيط بعد كدا ... بلا تعليم بلا قرف الا ما هى حتى شهادتنا عشان نبكى عليها ... هى فى ايه و لا فى ايه تخلص من القرف اللى هى فيه و بعدين تبقي تفوق للامتحانات و تعوض مش هيحصل حاجه لو أجلت السنادى يعني
عباده يهز راسه
خديجة/ اسمع كلامى يا عباده اتصل بجابر خليه يرجعها يركبوا اى حاجه و يرجعوا ما تغربش شمس النهرده الا و هى فى سريرها يا عباده سامعنى
عباده يهز راسه و يتصل بالتليفون
..................