الكبيره ٢ بقلم / لولو_محمد

الحلقه ١٤٢

((((((( الكبيره ٢ ))))))
#لولو_محمد
الحلقه ١٤٢
اخوها/ و انتى طبعا صدقتيهم
نسمه / انا ما صدقتش حد و اقولك حاجه انا مش فارق معايا حاجه غير ان امى تروح بالسلامه
اخوها / و لما تروح انتى عارفه ايه اللى مستنيها ؟ انتى عارفه ابوكى فين اصلا كل ده ليه اساسا فهميني
نسمه / انا نفسي افهم لو تقدر انت تفهمني يبقي كتر خيرك ليه كل ده انا بيجرالى كل ده ليه قولى انا عملت ايه انا كل اللى عوزاه فى الدنيا دى انى اعيش و اربى عيالى فى حالى
اخوها / و صابر  ؟!
نسمه / ماله صابر عمل ليكوا ايه الجدع ده كان هيموت عشان يرجع ابنى الجدع ده ما شوفناش منه اى حاجه وحشه و مع كدا كارهينه
اخوها / ما تصيعيش انتى عارفه كويس قصدى ايه
نسمه / و اخرتها ايه يعني ؟! انا مش هتجوز فيراس خصوصا بقي بعد اللى حصل ... انا اصلا مش عارفه هتعامل مع أمى ازاى بس بصبر نفسي و اقول على الاقل طلعت سليمه و ما فيهاش حاجه و قدر و لطف ... امك رمتني فى النار و مبكيتش عليا
اخوها/ امك زيها زيك زى ابوكى كلنا انضحك علينا
نسمه / و كالعاده بدل ما تشوفوا مين اللى بيلعب بينا الكوره تجروا على اضعف واحده فى الليله دى و تشيلوهالها مش كدا
اخوها/ ما حدش شيلك حاجه بس برده ما ينفعش نسيب ابوكى و امك يتاذوا
نسمه / قالولى مستنين أمى توصل اول ما توصل هنقعد و نشوف مين الغلطان
اخوها/ و ان طلع ابوكى هتعملى ايه هتسبيهم ياذوه هتقفى تتفرجي على ابوكى و هو بيتهان من اللى يسوى و اللى ما يسواش لمى الليله يا نسمه و هاتى عيالك و روحى معايا و قولى للكبير بينا و هنحلها دول مهما كانوا ابوكى و امك
......................
نسمه / طب و حقى
اخوها / جاكى قصر حقك انتى ايه يا بت بقولك ابوكى و امك
نسمه / ما قولتش لا بس انا فين برده
اخوها/ دا كلامك يعني ؟
نسمه / انا ما قولتش يتاذوا بس لازم اعرف مين اللى عمل فيا كدا على الاقل اعرف مين عدوى من حبيبي
اخوها / عدوك ايه يا هبله بقولك ابوكى و امك انتى ليكي غيرهم يا عبيطه انتى ليكي حد يعني؟! حد هيحبك اكتر منهم ؟
نسمه / انا كان ممكن اموت كان ممكن ما ارجعش
اخوها / و رجعتى فضيها بقي
نسمه / و ان ما كنتش رجعت هو انا مش فارقه معاكوا خالص كدا
اخوها / انتى اللى عملتى فى نفسك كدا من الاول و كل يوم بتزيد الروبه مايه لحد ما وحلتينا كلنا  ... اسمعى يا بنت ابويا اخر القول تروحى حالا للكبير و تقوليله يسيب ابوكى يروح بدل قسما عظما لتشوفى منى وش ما يخطرش على بالك
نسمه / الكبير أكد لى ان ابويا معزز مكرم تحت الحراسه
اخوها / و ليه مش فى بيته يا بهيمه انتى ... هى دى اخرتها ما تمرش فيكي ربايتهم ليكي يعني ... ما صحيح ما اللى زيك تعرف ايه عن التربيه اصلا ما انتى لو كنتى اتربيتى ما كناش شوفنا اى حاجه من كل ده اساسا بس نقول ايه ادى اخره دلع البنات
نسمه / ربنا يسامحك
اخوها / انا غلطان انى جيت لك انا الغلطان
الراجل يفتح الباب و يمشي و نسمه تقعد تعيط هند تدخل
هند / ممكن اجى
نسمه تمسح دموعها
نسمه / هو اللى انا بعمله ده غلط ؟ هو المفروض اعدى صحيح المفروض كان ما فيش حاجه حصلت ؟
هند / ما هو حتى لو اتنازلتى عن حقك فين حقنا احنا اللى حصل خسرنا الجبل يا نسمه رجاله كتير ممكن تموت و احنا بنصلح اللى عمله ابوكى ده
نسمه / بس اخويا بيقول انه ما عملش حاجه
هند/ ما عشان كدا لازم نقعد كلنا قصاد بعض و كل واحد يدافع عن نفسه لازم نعرف مين اللى شار عليهم و ازاى التحاليل دى طلعت و مين له مصلحه فى كل ده ...فيراس الفتره اللى فاتت كانت بتجيله فلوس كتير ما نعرفش بتيجي منين
نسمه / ما يمكن فيراس كان ضاحك على ابويا و أمى
هند / جايز بس برده دا ما يمنعش انهم كدبوا عليكي
نسمه / انا بموت اقسم بالله دول ابويا و أمى برده مش عارفه ازعل عليهم و لا ازعل على نفسي مش عارفه اسامحهم و مش قادره اخد حقى منهم مش قادره اشوف حد بيجي عليهم حتى لو غلطانين مش قادره و مش قادره احمى نفسي و لا عيالى منهم مش قادره اعمل حاجه و لا اتصرف دول اهلى دول عزوتى فى الدنيا طب اروح لمين طيب
هند / انا حاسه بيكي جدا على فكره
نسمه / انا غلطت و استاهل ضرب الجزمه بس ما ينفعش ما ينفعش غلطه واحده افضل اتحاسب عليها عمرى كله ما ينفعش اخسر فيها كل حاجه دا ربنا العالم ما لمسش ايدي حتى
هند/ نسمه
نسمه / انا تعبت اوى اقسم بالله تعبت و مش قادره اكمل فى العيشه دة
هند / انتى اقوى من كدا ... عيالك محتاجين لك قويه
نسمه / قويه ؟! انا ؟!
نسمه تبتسم بسخريه
هند/ اه انتى الصدمات دى بتخلينا اقوى انتى فاكره ان اللى عشتيه ده اخر الدنيا و لت فاكره ان ما فيش غيرك عاشه كل واحد فينا شايل شيله ما يعلم بيها الا ربنا ما تبصي حواليكي نجاه و مهره و رحمه و انا و اللسته طويله اوى ...اوى اوى يعني فوق ما تتخيلي عارفه انتى الحجه بطه ام الكبير ... تعرفى شافت ايه و لا طلعت روحها ازاى و هى صغيره ... ربك بيعوض ... اجمدى كدا و فوقى لنفسك ... الكبير أكد لى بنفسه ان ابوكى بيتعامل احسن معامله و ان ما فيش مخلوق لمسه بشر و لا فى صابع حتى مش ايد ... اتمدت عليه و امك فى الطريق هى و سي فيراس بيه يعني كلها ساعه زمن و لا ساعتين بالكتير و هنتجمع كلنا و اللى ليه حق عند التانى هياخده
نسمه/ ما فيش حاجه اتغيرت ... عرفت انهم غلطوا فى حقى ... هعمل ايه ؟
هند / هتعتزليهم ... اه هتبريهم و كل حاجه بس ... لازم يبقي فى حدود
نسمه / ازاى
هند / خليها لوقتها ... ارتاحى بس دلوقت و باذن الله ربك هيفرجها من عنده
نسمه تهز راسها هند تطبطب عليها
.........................
فى شقه جوزيف
الباب يخبط جوزيف يروح يفتح
جوزيف/ اهلا
امايا / ايه المقابله دى ؟
جوزيف / مختار اتصل بيا و زعلان منك قالى ان دى كانت القشه و مش هيعمل لى حساب و اللى عاوز اعمله اعمله
امايا / ما يعملش ... احنا مش خلصنا من الموضوع ده و روحت أراضيه  و هو اللى رفض
جوزيف / حرقتى محل الراجل ليه ؟
امايا / اناد ؟!
جوزيف/ ما تصيعيش عليا يا بت دا انا اللى مربيكى
امايا / و انت تعرف عنى انى هاذى حد من غير سبب
جوزيف / ما رضيش يبيع لك مش سبب يا إيمي
امايا / يبقي مش انا اللى عملتها
جوزيف / امال مين ؟
امايا / بابلو
جوزيف / بابلو ؟!
امايا / بابلو هو اللى ورا الليله دى كلها من اول خطف نسمه للجبل لكلو... انا جيت لك لانى مش هقدر على بابلو لوحدى
جوزيف / اتوقع منه اى حاجه … البتاع ده ما كانش كدا و هو صغير كان جدع و يعتمد عليه بقي خازوق ... ايه اللى فى دماغك
امايا / ما عنديش حاجه مش قادره افكر ..  تعرف لو اى حد تانى ... انما ده لا ... بجد بكرهه
امايا تنفخ و تروح تقعد و جوزيف متابعها
جوزيف / تمام انا هتعامل معاه
امايا / بايه ؟ انت فاكر انك تقدر تعتمد على دول ؟!
جوزيف / يا ستى انتى مالك انا هتعامل
امايا / ما هو لو ما ماتش و نجى منها هيختفى و مش هنقدر نوصل له لحد ما يفاجئنا بضربه تقطم ضهرنا ما انت عارفه ... المشكله ان المجلس مش هيقبل بفشل زى ده ما انت عارف القوانين
جوزيف / انت ليه خايفه منه اوى كدا
امايا / عشان هو يقدر يا جو هو يقدر دا بابلو و انت عارف يعني ايه بابلو
جوزيف / لا مش عارف يعني ايه ؟!
امايا تتنهد و تغطى وشها بايديها
امايا / ينفع ادخل انام
جوزيف / اعتبرى البيت بيتك
امايا/ شكرا
امايا تدخل جوه جوزيف ينفخ
جوزيف / للاسف معاكى حق
..................
فى اوضه شاكر
صابر يفوق و يان
شاكر / صابر صابر
صابر / مين ؟
شاكر / مين ايه بص جنبك انا شاكر انت كويس؟
صابر يبص و بيفتح عينه بالعافيه
صابر / انا مش قادر اتحرك
شاكر / ما تقلقش هم بيحقنونا بحاجه و احنا نايمين بس انت كويس باذن الله لما نخرج من هنا هتقدر ترجع لطبيعتك و تتحرك تانى عادى
صابر / الناس دول طيبين اوى يا شاكر
شاكر / بجد ؟! ليه ؟
صابر / عشان كنت هزعل اوى لو صحيت لقيت نفسي فى اوضه لوحدى
صابر يضحك شاكر يستغرب صابر يحرك لسانه و يطلع ميكروشب من بين سنانه
.....................
فى الشركه
دياب  و منصور و وفاء قاعدين كل واحد على جهاز و حاطين ايربيس فى ودانهم
دياب / الرجاله فى اماكنهم
منصور/ هبعت درون الاستطلاع
وفاء / المسح الحرارى للمبنى بيقول ان جواه خمسه و عشرين شخص
دياب / اتحركوا بحذر ما حدش يضرب نار الا لما يكون متاكد مليون الميه ان اللى قدامه هدف مش مدنى
وفاء / صابر فى الدور التالت و جنبه حد باذن الله يكون شاكر
منصور / فى عربيه خرجت من الباب الورانى للجراج هبعت الدرون وراها
وفاء / الدور التالت شقتين واحده منهم فيها شخصين نايمين
منصور / يبقي ندخل الشقه التانيه
دياب / لا ادخل الشقه اللى فيها شخصين الاول انا حاسس ان دول صابر و شاكر سابوهم و هربوا
منصور / بالبساطه دى ؟
دياب / خدوا بالكوا اكيد فى افخاخ ممكن يكونوا ملغمين الباب او الشقه عموما
وفاء / انت لسه ورا العربيه يا منصور ؟
منصور / ايوه
وفاء / هحدد مكانك و ابعت اتنين درون دعم
منصور / دياب مش محتاجك جنبه ؟
دياب / مش محتاجها لأننا لقيناهم و خارجين بيهم من المبنى
منصور / عاش يا رجاله و الله
دياب / اوعى العربيه تضيع منك لحد ما نحصلك
منصور / باذن الله هنروح بيهم النهرده
.......................
فى شقه جوزيف
الباب يخبط جوزيف يفتح
مختار / هى فين ؟
جوزيف / و عليكم السلام ... اتفضل
مختار يدخل يدور بعنيه
جوزيف / اتفضل اقعد كويس انك جيت عشان نتكلم
مختار / انا كلامى كان واضح هتعيش بالأدب كان بها هتقل معانا
جوزيف / طب اسمعنى الاول على الاقل
مختار / دفعت للكلب فيراس عشان يجبر نسمه تتجوزه الحيوان اعترف بكل حاجه و هيطلع عين اهله هى بقي
جوزيف / فى طرف تالت على الخط ... بابلو ... بلال فاكره ... بابلو هو اللى ورا كل ده رجاله الغازى و خطف شاكر و نسمه حتى حريق المحل
مختار / بابلو
جوزيف / ايوه الراجل اتعرف عليه هو اللى ورد السلاح و العربيات ... ضحك عليه و فهمه انه لو قدر يسيطر على الجبل هيقدر يفاوض على ابنه
امايا تطلع من الاوضه
مختار / اخر تحذير ليكي تلمى بعضك و تسيبي البلد و تمشي عشان لو قعدتي اكتر من كدا هياكلوكى و مش همنعهم عنك ... و انت لو أدخلت تبقي اخترت
جوزيف يبص لها و يبص لمختار
جوزيف / انت مش هتقدر على اللى جاى
مختار / مش مهم على الاقل اللى جاى مش هيبقي له عندى خاطر هدوسه
امايا / هو حضرتك امتى هتعترف ان راحت عليكوا خلاص يا بابا مختار
مختار / بلا بابا بلا زفت و لعلمك شاكر و صابر فى الطريق يعني تعملى حسابك ان معادش عندك اى ورق ضغط عليا
امايا / انا كدا كدا خدت منهم اللى كنت عوزاه و اكتر و عرفت انتوا ليه فلوسكوا ما بتخلصش عرفت مخزن الدهب
مختار / مستحيل
امايا / كنت تعرف يا جو ان فى فى البلد مخزن دهب ... ما كنتش ... ليه ؟ عشان ما حدش يعرف السر ده غير صابر و انتوا طبعا ... بس واضح ان صابر كان بيحب شاكر اوى فقال له و شاكر مشكورا كان متعاون جدا و قالى
مختار / دا اخرك ؟
امايا / انا لسه ما ابتدتش عشان تشوف آخرى ... صدقنى انتوا اخر همى دلوقت اللى جاى سواد علينا كلنا
امايا تروح تقعد
جوزيف / بابلو مش سهل و بيعرف يتنكر و يتلون كويس و مش سهل لا تحدد مكانه و لا تمسكه و للاسف المجلس ما بيتهاونش فى الأخطاء اللى زى دى
مختار / أخطاء ايه ؟
جوزيف / لو عميل كويس ما ينفعش تخسره او تقلبه ضدك يا تقتله يا هيقتلك
امايا / يعني لو حاولنا نخلص منه و فلت المجلس هيحكم علينا احنا بالموت و هيبعت جيش يخلص مننا
مختار / و انا مالى بكل ده
امايا / عشان بابلو لا هيحافظ على نجاه و لا هيسمى عليكوا هينفذ الخطه من أسهل أبوابها هيخطفها و ترجع لك بعد سنه تقولك خدوا ابنى منى
مختار / هى الخطه دى لسه شغاله ؟
مختار يبص لجو
جوزيف / ما تبصليش كدا طبعا هم فاكرين كدا امال انا لسه عايش ليه ... فاكرهم هيعرفوا انى أسلمت و بقيت معاكوا و يسيبونى عايش ... ما طبيعي يوصلهم تقارير منى انى لسه شغال معاهم عشان يطمنوا
مختار يروح يقعد و يبص لهم
امايا / انا ما حرقتش محل الراجل... اصل انا مش هبله ايه يعنى احرق محله ما انتوا هتصلحوه تانى يوم و تعوضوه انا لما بضرب بوجع
مختار / يا جامد انت يا خيطر
امايا تضحك و تعمل مكسوفه مختار يبص لجوزيف
مختار / انا مش هقدر ادافع عنكوا اكتر من كدا لان كلامك ده اصلا كلام عباده و اللى مخليه مقفول منك ... المهم ... ايه الخطوه الجايه
امايا / ما عنديش اى فكره انا حتى ما قدرتش انام فى السيرك ... مش هنكسف اقول خفت
مختار / كان شكله عادى يعنى مش الرعب ده
جوزيف / الفكره انك تقدر تمسكه ... زئبق
مختار يهز راسه و ينفخ
مختار / برده ايه الخطوه الجايه
........................
فى مضيفه الزنايته
نسمه قاعده مع امها و ابوها و عباده
عويس / اكيد لو كنت اعرف انه كدا ما كنتش
عباده / ان ما كانش هو يبقي غيره كل الدنيا دلوقت بقت عارفه ان نسمه نقطه ضعف صابر و هيلعبوا عليها و عليك باى شكل
عويس / ابو صابر على ام صابر و انا مالى بيه ما يغور بعيد عننا
عباده / عويس
عويس / انتى مش قولتى عاوزه تعيشي و تربى عيالك ... انا موافق اترهبنى بقي عليهم ما فيش جواز خالص
عباده / انا مش معترض بس انت بقي هتقدر تحميها هى و عيالها ؟!
عويس / انت اب و عندك بنت ترضي تجوزها لواحد لف من ورا ضهرك و قرطسك ... ترضي تحط ايدك فى ايد واحد ما كبركش
عباده / انا مقدر كل الكلام ده بس الموضوع مش كدا و بعدين الدنيا بينهم على ما اعرف كانت حكم الزمايل مش اكتر
عويس / و هو الزمايل بيموتوا روحهم على بعض حتى بعد ما اتجوزت غيره ست و لا سبع سنين
عباده / القلب له أحكام و بعدين احنا فى ايه و لا فى ايه
عويس / احنا فى قلب صلب الموضوع كل ده بيحصل بسببه اصلا بنتى و عيالها فى خطر بسببه
عباده / لا مش بسببه هو ما عملش حاجه غير انه حبها و برغب حبه ليها الراجل ما اتعداش الأصول
عويس / لا بقي اسمح لى ... لما مشي معاها ايام الجامعه عدى الأصول و لما شهر بيها لما عرف انها هتتجوز عدى الأصول و قتله لجوزها
عباده / مش هو
عويس / بتقول لمين يا كبير بتقول لمين الناس كلها عارفه اللى فيها
عباده / مالك انت بالناس
عويس / امال مالى بمين هو احنا عايشين بطولنا
عباده / انا مقدر موقفك كاب بس انا برده بكلمك كاب اديها فرصه تقبل او ترفض اديها فرصه تختار نفس اختيارها المره اللى فاتت مش جبتهالى و خيرتها قدامى و اللى قالت عليه حصل ... احنا فيها و جاي لها عريس انا اضمنه برقبتى يا جدع دا باع الدنيا كلها عشان بنتك و كان هيموت عشان حفيدك فى الوقت اللى كل اللى حواليك باعوك انت و بنتك عشان الفلوس من اول ابن اخوك لعم احفادك و ما خفى كان أعظم
عويس / البت عدتها ما خلصتش على الكلام ده
عباده / سبحان الله دلوقت عدتها ما خلصتش امال اللى كان بيحصل فى مصر ده اسمه ايه
عويس / شيطان و ربنا هدانى و دلوقت استاذنك اخد بنتى و احفادى و نروح بيتنا
عباده / عويس
عويس / انا ما فيش قوه فى الدنيا هتخليني اغير رايي و ان اختارته تنسي ان ليها اب و هعتبرها خاطيه لا تندفن معانا و لا نصلى عليها و لا تحضر دفنتى و عزايا ... سامعه يا بت
نسمه باصه لابوها بحزن
عويس/ دا اللى عندى يانا يا الجدع ده و خلص الكلام على كدا
عباده / القرار قرارك يا نسمه و اللى هتقولى عليه هعمله اى كان
عويس / هتجيب عيالها و هتروح معايا و هتقعد فى بيتي هى و عيالها فى حمايتي و تحت عيني
عباده باصص لنسمه ساكته
عباده / هتعملى ايه يا نسمه
نسمه / زى ما يقول ابويا
عويس يفرد ضهره الست تمسك ايد نسمه و تطبطب عليها و نسمه حايشه دموعها و عباده متابعها عنيهم تيجي فى عين بعض نسمه تبص فى الارض
................................
فى اسكندريه
قاسم نايم يحط ايده جنبه يلاقى فاضي يقلق يبص ما يلاقيش احلام ثوانى و احلام تدخل
احلام / انت ايه اللى صحاك ؟
قاسم / كنتى فين ؟ قلقت عليكي
احلام / تقلق من ايه هو احنا نايمين فى الشارع قلقت قولت اقوم اعرض على مازن الحمام و مش هتصدق دا انا لو كنت اتاخرت عليه شويه كان غرقنا
قاسم يتعدل فى قعدته و يبص على الساعه فى الموبايل
احلام / الله انت نويت تفوق و لا ايه ؟
قاسم / مش باقي على الفجر كتير هقوم اتشطف و اقعد اقرا شويه قرآن لحد معاد الصلاه
احلام / تحب اعملك حاجه تفطرها
قاسم / احب ... اى حاجه منك احبها
احلام / تمام على ما تطلع من الحمام هكون حضرت لك الفطار
قاسم يبتسم احلام تروح تجيب غيار من الدولاب يحضنها من ضهرها و يبوسها فى رقبتها
احلام / انت كدا مش ناوى على خير
قاسم / فشر دا هو ده الخير كله
..........................
فى مكتب الزنايته
عباده / و انت كالعاده صدقتها
مختار / كلامها كان منطقى و بعدين كان واضح جدا من الاول اللى حصل فى الجبل بينها و بين ولاد سليم الغازى و اللى حصل فى المستشفي و كلام فيراس و الحجه ام نسمه كل الكلام متطابق بالملى هى كانت راسمه خطه و لما لقت الوضع بقي كدا اتصرفت
عباده / انت منبهر بيها لدرجه انى خايف تعمل لها تمثال على باب السرايا
مختار / ينفع تعقل كلامك و تركز معايا شويه ؟
عباده / مفيش حاجه هتغير اللى حصل خطفت شاكر و خطفت صابر و خاطفه الجبل و بتهددنا بالدهب فايه يعني لو ما طلعتش هى اللى حرقت المحل و لا هى اللى بدأت هى لا عايشه و لا هتعيش بادبها
مختار / بس نقدر عليها عكس غيرها
عباده/ زى ما هنقدر عليها هنقدر على غيرها انت بس اللى صعبان عليك اوى عشرتها اقسم بالله ما فى حاجه شلانى قد طيبه قلبك المبالغ فيها دى ... انت لسه امبارح كنت هتطق منها و ما خليش البتاعه دى تلوى دراعى لقيت شاكر من هنا مسحت كله باستيكه من هنا
مختار/ و لا مسحت و لا حاجه بس الواحد بيحس بالإنسان اللى قدامك
عباده / انت احساسك ده محتاج اعاده ضبط مصنع
مختار يتنهد
عباده/ رجاله الجبل اتفقوا مع دياب انهم هيحاصروا الجبل بعربيات مصفحه و سلاح و يقطعوا الجبل عن البلد فاللى فى البلد ما يبقاش قدامهم حل غير انهم يسيبوه
مختار / افرض هجمت و وسعت مننا
عباده / لو هجمت هنهجم احنا كمان انما هتفضل بادبها هنفضل بادبنا و هو احنا لينا حكم على رجاله الجبل
مختار يبتسم
مختار  / و دياب من رجاله الجبل؟
عباده / اللى يعرف ابوه يروح يقوله ... حرفيا