_سهم الغرام_♟️🫀
_ب_: 6
جا لحاج ميلود وولدو ومحسن هبط من بيتو تسالمو مع بعضياتهم وتعارفو على احوالهم لحاج ميلود قبل ميطول فكلامو جمع نوضة .
لحاج ميلود: وليداتي نمشي لبيت نخفف عليا فلباسي ونجي نتحاكاو يايصيح ديك بلفجر .
محسن: اييه اباجدي سير .
طلع لحاج ميلود وفطريقو بانت ليه غفران هزا شلا فاطي [فوطات] وهابطة بيهم وهو يشوف فيها .
لحاج ميلود: بنتي غفران عندي ليك شي كلام وبغيتك تبعيني لبيتي .
غفران: اييه اباجدي نوصل لفاطي وانا عندك .
لحاج ميلود: وخا الله يرضي عليك .
هبطات مع دروج وقلبها وعقلها مهناوها ميمكنش يعيط ليها غير هوكاك الا مكانش شي امر ضروري، حطاتهم فلكوزينة وولات رجعات على طريقها ، مع هي طالعة بانت ليها كوثر ونوفل هابطين، كوثر لي لابسة بيجامة فيها لغوز ولبيض طويلة وزيف فلاسود .
كوثر: فين غادية ارعوانية شتك طايرة.
غفران: حيدي من قدامي باجدي بغاني فشي حاجة وخاصني نمشي.
كوثر: وجريي الزغبية كوراه غير شي حد شافك فشي بلاصة هههه.
غفران: مكنمشي فين وبزاف عليك هبطي اعوجة لمشية هههه.
كوثر بقات كضحك ونوفل تاهو كملو طريقهم وتجمعو معاهم ولات كثرت لحديث دايرة موسيقى وسط دار.
دقات باب بيت جدها عطاها لاذن باش دخل لقاتو جالس وكيتسناها .
لحاج ميلود: جلسي ابنتي وسمعي لكلامي حيث فيه لي ينفعك ونتمنا توافقيه .
غفران: لحاجة لي تجي من عندك اباجدي فوق راسي تاج.
لحاج ميلود : الله يرضي عليك وهذا لمضنون فيك ابنتي ودبا سمعي ليا [هزات راسها بمعنى اه] ، نتي تبارك الله ابنتي كبرتي ووليتي شادة وقادة كيف شتي كولشي بنياتي مزوجات[حفيداتو كيقول بنياتو] وعندهوم ولادهم ، وتبارك الله انا لي شفت ليهم عمارت دارهم والله يرضي عليك كوني بحالهم ، شاب بحال لفارس فوق لعود عينيه سود بحال صقر فوق لكدية ، بغاك وبغا يدك فلحلال بفلوسو ورزيقو لي تعيشو فيه طلب يدك مني وانا قلت نشاورك باش غذا رد عليه لخبار اش قلتي ابنتي!
غفران[عقلها وقف ولسانها تربط معرفات اش تقول ولحشمة على وجها غزات]: اش نقولك ابا جدي كلامك كيف قلت ليك تاج فوق راسي ديكشي علاش كيفما كان هاد ولد ناس انا قابلة بيه ومرحبا بيه بلحق ليا شروط الا قبل بيهم من غذا راني مولات دارو.
لحاج ميلود : الله يرضي عليك ويكملك بعقلك ابنتي ، غير هو شرط ولاتفرط ، متشرطي مال وجاه ، حيث هو ماشي ملك ولاحاكم غير شاب باغي يبدا حياتو .
غفران: اييه عارفة اباجدي لكان غير لخير راني تزاديت فيه ولمال ولجاه معندي صلة بيه ، نسولو على حياتي واش غاتكون هاماه ويديرها بين عينيه.
لحاج ميلود: الله يرضي عليك هكا نبغيك ودبا سرنا يبقا هنا تانقولها انا ووجدي راسك الله يرضي عليك.
غفران[ناضت]: هي لي متعاودتش اباجدي .
يتبع...
