_سهم الغرام_♟️🫀
_ب_: 90
_يالي غادي بنية حضي راسك راه الف حية وحية غتصادفك فطريقك_
صبح صباح لي كيبدا من لفجر ناض تاج دين توضا وخرج فرش صلاية يالله غيبدا يصلي وهي غفران تنوض ومشات توضات وخرجات لبسات حوايج الصلاة ومشات كتصلي من وراه كمل تاج دين وحيد كيساين غفران كملات وهو يمشي ليها باسها وتبسم.
تاج دين: صباح زين ازين.
غفران: ههه صباح زعتر ازعتر.
تاج دين كيضحك: هههه ياك.
غفران: امم .
تاج دين: انا ليوم غنمشي نخدم حيث صاف لكونجي سالا ههه لخدامة مغيديروش خدمتي.
غفران: امم دغيا.
تاج دين: اه ولفلوس راهم فلمجر لحتاجيتي شي حاجة خودي بلاما نوصيك.
غفران: امم واخة .
خرج تاج دين من لبيت غفران لبسات بيجامة طويلة وزيف على راسها وتقيشرات نقيين وهبطات لتحت لقات نصيرة ورفيعة فايقين صبحات عليهم ومشات كتوجد معاهم لفطور.
غفران: يمكن فقت معطلة ياك.
رفيعة: بسيف اختي راكم عيتو .
غفران: اييه والله ايلا عينا اختي .
رفيعة هزات صينية: وبسيف راهية طريق بعيدة .
غفران هزات صينية فيها باش غيفطرو: اه اختي والله.
مشات لصالون بدات كتحط كان تاج دين جالس كيتفرج فتلفازة لي شاعلة وحداه لحاج محمد وسراجم محلولين ولبرودة داخلة .
تاج دين: اييه الوليد ضاروري.
لحاج محمد: مبقاش بزاف شي يامات قلال .
رفيعة: هي غتشريو لينا شي كبش هههه .جلسات.
تاج دين: اييه اختي اكباش هوما .
نصيرة كتحط لي بقا: ايوا اسيدي مزيان غير هو تايقرب مقادين عليه نبقاو مقابلينو.
تاج دين عينو على غفران: ههه غير تهناي الوليدة.
غفران: علاه لعيد شحال بقا ليه!
لحاج محمد: شي عشر يام ابنتي مابقاش بزاف .
غفران: ااه ومبقاش بزاف .
بقاو كيفطرو ناض تاج دين غادي للخدمة وصلات معاه غفران للباب سلمات عليه مشا وهي رجعات جمعات طبلة ومشات كتغسل لماعن ورفيعة بدات كتوجد فلغذا .
يتبع...
