_سهم الغرام_♟️🫀
_ب_: 41
حبسو طونوبيلات قدام باب دار وتمو داخلين لدار سدات غفران لباب ومشاو نيشان لصالون لقاوهم كلهم تم تاج دين سلم على رجال ولقا سلام على لعيالات باستثناء حبيبة وزهرة لي باس ليهم راسهم بحكم كبار فسن جلس وغفران مشات لبيتها .
امينة : حبيب ماماه كيف بقيتي اولدي كضرك شي حاجة.
جاد كيهضر بشوية بحكم عنقو: ش وية .
زهرة: الحمد لله اوليدي لي خرجات على خير هادي غير عوينة وطرطقات فينا اميمتي .
رشيد: ان شاء الله دبا يبرا ويولي بيخير وعلى خير ياك البطل .
امين: اه هو اصلا بطل.
رحمة : زيدو شربو كويس تاع اتاي بينما وجد لعشا اوليداتي .
غفران دخلات لبيتها مشات نيشان لدوش دوشات بلاما تقيس شعرها لبسات سروال وبيجامة ديالو فلزرق ولبيض جات معاها شعرها ضفراتو وهبطات عندهم وهي تلقا ليها زهرة .
زهرة : بنتي دي راجلك يرتاح ويبرد عليه عضامو وعطيه من حوايج محسن مايلبس .
غفران : امم واخة .
دخلات عندهم لصالون لقاتو غير هو ونوفل وامين لي باقيين شافت فيه .
غفران: تاج دين قالك مي لبغيتي ترتاح بينما وجد لعشا . شافت فخوها. ولعندك شي حوايج عطيهم لتاج الدين ينعس بيهم .
تاج دين قاطعها وهو عاقد حجبانو لوسط : مكاين لاش تعذبي خوك عندي لحوايج فلكوفر .ناض تابعها .
غفران: اجي معايا لبيت باش دوش وترتاح .
تاج دين جبد سوارت من جيبو ومدهم ليها: شوية وجيبي ليا شورط وتيشورط راهم تم فطونوبيل .
غفران: امم واخة .
تاج دين دخلو لبيت وشافو عرفو ديالها حيث فيه تصاورها وراتو دوش وقبل متخرج شدها: اخر مرة اغفران تلبسي هاد لبس قدامهم وتاداك شعر غطيه فهمتي .
غفران خافت منو حيث معصب وزيد عليها باقي مقلق: امم واخة د دبا غنغطيه.
تاج دين: يالله هي دبا .
خرجات وخلاتو كيدوش ومشات دارت زيف فلبيض على راسها وهبطات حلات باب دار وقفات حدا طونوبيل حلاتها لقاتهم مطويين تيشورط فلبيض وشورط فلاسود هزاتهم وسدات طونوبيل وطلعات حطاتهم على ناموسية وبقات جالسة كتسناه يطلبهم ، بقات شوية وهي تسمعو عيط ليها مداتهم ليه لبسهم وخرج وهي تبان ليه هزات شي حاجة ومخبياها شدها وجرها.
تاج دين: ااش تم!
غفران وهي خايفة : وو والو !
تاج دين: اااش تم اغفران .
بدا كيجر فيها وهي كتجر فيه تاطاحو على ناموسية وهي قريبة ليه بزاف وهي تحل لباب شافت فيهم زهرة.
زهرة: لله ياربي . سدات لباب . هبطووو تعشاو ماشي وقت هاد شي .
يتبع...
