_سهم الغرام_♟️🫀
_ب_: 134
تمات داخلة طونوبيل للفيرمة وعبد الله لاح لعتلة من يدو وبدا يلوح ليهم وهو فرحان تم غادي يجري يتلقا لطونوبيل حبسات رفيعة ونزلات كتسلم عليه.
رفيعة: عبد الله خويا كيف داير لاباس عليك!
عبد الله: لاباس الحمد لله ونتي ارفيعة .
رفيعة: الحمد لله اخويا.
عبد الله: واحليلي على مرت خوييي حاملة تي مرحبا بيك.
غفران تبسمات وتفكرات تاج دين فاش جات هي وياه وعينيها غرغرو بدموع: اه اعبد الله .
عبد الله: زيدوو دخلو مي موجدة ليكم لفطور من قبيلة وهي تستنا فيكم.
تمو داخلين وهي تجي خدوج كتعنق وتبوس فيهم.
خدوج: اربي وشحال عندي عزاز وشحال فرحت ملي قالت ليا رفيعة غدي تجي غفران ومبروك عليك ابنتي مبروووك عليك يتربا فعزكم بعدا اش عندك ولد ولا بنت.
غفران: هه عندي بنية اخالتي.
خدوج: تبارك الله تبارك الله ابنتي الله يكبرها فعزكم الحنينة.
غفران: امين .
رفيعة: فاين هو خالي لمعطي!
خدوج: هو درك مسافر راهو عند ولدو قالك اسيدي يشم غاشوية ديال لهوى ديال لمدينة.
رفيعة: ياك اختي هههه.
خدوج: وايه خليني غاانا من نهار خديتو وهو خازني ههه.
دخلو جلسو فصالون تقليدي لي مفرش فلارض غفران بزز باش جلسات حيث مقدراتش تجلس.
رفيعة: وليتي بحال شي فيلة هههه.
غفران: متكمليش عليا هههه.
جابت ليهم خدوج شلال شلو يديهم ومشات جابت طبلة حطاتها وبدات كتحط.
غفران: اييه ياخالتي كون كنت دبا خفيفة كون حطيت معاك.
خدوج: لا الحبيبة لا منعدبكشاي هه باقية نتفكر عليك نهار جيتي وطحتي فلغيس ههه وتاج دين بايتة نسمع فيه كيضحك عليك.
غفران: ههه اه .
خدوج جلسات كتكب فاتاي: وكيف راه تاج دين اميمتي!
رفيعة: راه بيخير عادي كيخدم ويرجع لدار حنايا لي معاه مبقيناش نشوفوه.
خدوج: اييه مسيكين الله يعاونو ، تاهو كان لازم يجي.
رفيعة: امين، ههه غدي يجي مطلبتي غالموجود غذا راهو جاي.
غفران: رفيعة، اش درتي اصاحبتي متافقناش هكذا.
رفيعة: ومالي انا هه هو بغا يشوف خالو قالك.
غفران: ايوا صااف ديكشي لي بقا .
رفيعة: اييه ازين غير وجديي راسك.
يتبع...
