_سهم الغرام_♟️🫀
_ب_: 31
_وكلام ليل يدوب كيف زبدة وراحل سلاحو لوعد ولكلمة_
جمعو لماعن وغسلوهم وتاج دين مشا بحالو ، لحاج ميلود طلع لبس عليه جلابتو وقاد شاشو[زيف لي فوق راس] هز فلوسو وهبط لقا زهرة جالسة وكدوي هي ولبنيات نص ناعس ونص كيتعاودو وقف فباب صالون .
لحاج ميلود: لحاجة عطيني وقتك نهضر معاك.
ناضت وتبعاتو وقف وهي قدامو وقفات شافت فيه.
زهرة: خير الحاج!
لحاج ميلود جبد شي فلوس ومدهم ليها: هادو بداو توجدو بيهم لي خصكم لازم نبانو ونهزو ببنتنا قدام ناسها.
زهرة: اييه عندك لحق .
لحاج ميلود: نخليك دبا غدي نخرج .
زهرة: ايه سير سير.
خرج لحاج ميلود وهي تمشي زهرة وقفات وشافت فيهم وهي مبتاسمة .
زهرة: نوضو جمعو نوضة وخرجو دبا شريو مع ختكم دهازها ديال واليديها مبقا والو غير خمسيام نحسبو وزيد عليها تلبعنا شلا ميدار راه نهار غير ديال لعراضة وبلا شلااا نوضو .شافت فغفران لي ناعسة وممسوقاش . غوتي لهااديك باردت لقلب تنوض يالله .
رحمة: اييه امي عندك صح ونيت تالحلوة خاصة .
نوضو غفران وهوما كيضحكو شافت فيهم وخنزرات .
غفران: اشنووو تاني !
اسية: نوضي غنخرجو تابعنا شي حوايج نشريوهم .
غفران: واخة ناضت تابعة لبنات باش تمشي تلبس تاوقفاتها زهرة .
زهرة جلسات كتعقد فزيفها صغير على راسها : قوليها لمول دارك شوار هو لول راك مابقيتي ديال راسك.
غفران: عادي امي علاش!
مغنية: اييه خاصك تقوليها .
بهية متكية وغير مخنزرة: لواه بلاش اش بغات بيه .
رحمة: عيطي لراجلك عيطيي.
مشات لبيتها كتشوف حوايجها وصونات لتاج دين وهي حشمانة منو على صباح طلعات ليه نمرتها وهو تجاوب .
تاج دين: تاج راسي وملك داري واتاتو اشنو!
زرب عليها بهاد دخلة وهي بلعات ريقها .
غفران بصوت غالبة عليه لحشمة: بغيت نقول ليك غدي نخرج.
تاج دين تبدل صوتو بزربة : فين غتمشي ومعامن !
غفران: مع لبنات لسويقة .
تاج دين : لبسي لباسك وعينيك متعلا ولي دوا معاك شي حد كاين هنا الله يرضي عليك.
يتبع ...
