_سهم الغرام_♟️🫀
_ب_: 57
_ايلا حسدك الحاسد وغار منك لغيار لاحقك شر لاحقك وخا تقطع ميات بحار_
رفيعة شافت فغفران وتبسمات: اجي عندي وقربي ليا .
غفران قربات لحداها : اشنو اختي!
رفيعة: من طبيعتي نحس ومن طبيعتي نقرا لعينين وخا ماشي كزانة ولدك .شدات ليها يدها عندها ، سرك مايفوت لسانك وتخمامك مايفوت جدرانك وحضي راسك مع مونة ماشي شر ولا خيوبية فية ولكن بغيت نبهك حيث بوحدي لي عارفاها اش ساوية واينا سوق مهاوية.
غفران: امم صاف اختي لحبيبة كلامك حروفو تاج مرصع فوق راسي .
رفيعة: هكذا نبغيك.
يالله غتدوي غفران وهو يعيط ليها تاج دين ناضت ومشات عندو وقف وشاف فيها.
تاج دين: انا دبا غنخرج اغفران عيطو ليا لخدامة من لمحال ضاروري نمشي موهيم وجدي راسك غذا فصبح غنسافرو ان شاء الله واحد لخمسيام فطنجة ونوليو .
غفران: بصح!
تاج دين: الله يهديك ابلارتي اش قلنا.
غفران: اه يمشيو لعائلة وبليل نوجد حوايجي وحوايجك.
تاج دين تبسم ليها: ان شاء الله دبا هاني مشيت خاصاك شي حاجة نجيبها.
خرج ركب فطونوبيل وكسيرا غادي وصل لبوتيك ديالو وهو يلقا نفس لبنت لي عطاها ديك لمرة مع غفران لفلوس واقفة وشعرها مشعكك وحالتها حالة .
سارة وهي كتبكي:خوياااا عفااك عتقنا ماما عيانة عفاااك اخويا عفاااك.
تاج دين: ياك لاباااس تهدني تهدني .
سارة تلاحت عليه عنقاتو: عفاااك اتاج دييين عتقنييي عفاااك ماما.
تاج دين بعدها عليه: اجي معايا يالله نمشيو.
ركبو فطونوبيلتو وكسيرا قاصد لبرطمة لي فيها هوما طلعو فلسانسور وصلو حلات لباب ودخلو وهو يلقا دار خاوية وهي توقف.
سارة: تاج دين سمح ليا.
تاج دين: علاش غنسمح ليك! وفين هي ماماك.
سارة قربات ليه وتبسمات: ماما بيخير وهي دبا مسافرة هي وخوتي بغيت نقول ليك شي حاجة .
تاج دين: كنسمع.
سارة: صراحة وليت كنبغييك بزاف وسكنتي بين عروقي بلا بيك دم مكيتمشاش ليا عفاك عطيني وقتك فاش بغيتي فلحلال ولا فلحرام انا ليك وماشي لغيرك.
تاج دين خنزر فيها : قلبي ساكنة فيه مولاتو وسورتات بابو حتى تجي بنتي وتسكن معاها وولادي اما نتي كنعرفك وحاسبك ختي صغيرة.
سارة تعلقات فيه: ولكن انا لاااا اتاج محاسباكش هكذااا.
تاج دين: حيدي يدك ابنتي باقة صغيرة وماعارفة اش كتقولي زايدون عندي لي مضوية بيتي وحلالي وبلارة عيني وصور بيه نحمي كتافي ونتي الله يعطيك شي ولد ناس .
خرج وهي بقات وراه كتغوت وتتحلف باش عمرها غتنساه وديما غتبقا كتسناه .
يتبع...
