_سهم الغرام_♟️🫀
_ب_: 17
طاب اتاي وجابو من لحلوى لي صايبو وقادو حطوها على طبلة وزيد شلا تقيوتات ومنساوشاي لخبز لي متخطا تجمعو على طبلة وبداو فلماكلة كملو وناضو لبنيات جمعو لماعن فلكوزينة وبداو يغسلو فيهم كملو ومشاو عندهم لصالون.
زهرة[ناضت]: جالسين جالسين نوضو وجدو لعشاا.
نور: طايب امي وطفينا عليه .
زهرة: ايوا مزيان الله يرضي عليكم .
اسية: فين غادية !
زهرة: عندي شي قفيطنات قدام نجبدهم باش ملي يجي لحاج يديهم للمصبانة هوما وشلا جلالب يختار فيهم ثلاتة وحدة لخطابة ووحدة للحنا ووحدة ليلة لعرس.
رحمة: اييه عندك لحق وتاانا دبا نعطي لرشيد شي عبايات ديالو باش يحضر .
غفران: وانا.
كوثر:مالك نتي !
غفران: اش نلبس.
رقية: ههههه مغتحضريش نتي غتقابلي لولاد.
زهرة: اييه اميمتي يحسن عوان داك راجل زين معاك اربي وشحال راني كنحسف ليه .
وهوما باقين فمجمعهم تاتمو رجال داخلين لي عندها شي زيف قصداتو ودارتو من غير غفران شادة بنت كوثر كتبوس فيها وتلعب معاها اما حتى ولد محسن كان مع باه لقاو عليهم سلام وقبل ميجلسو هضر لحاج ميلود.
لحاج ميلود: نوضو ابنياتي شوفو اش يتقدا ليكم ههه حنايا غنجلسو هنا .
رحمة: اييه عند لحق اعمي .
ناضو نصهم طلع لفوق ونص لاخر مشا للكوزينة يوجدو ليهم اتاي ودوازو حطو ليهم ومشاو .
لحاصول ليلة دازت دغيا وكيف تعودو عليها فضحك ولهضرا وتعاويد حتى نعسو ولي عندها شي ولد ولابنت نعساتو حداها .
يتبع...
