_سهم الغرام_♟️🫀
_ب_: 11
قالو ناس بكري
إذا راك غارس أغرس النخلة تربح الظل وتاكل من العرجون
وإذا راك كاسب أكسب الرخلة عز ما تاكل والجيب مضمون
وإذا مريض شوف عسل النحلة هو أحسن غذاء ودواء في الكون
وإذا راك خاطب شوفها على أصلها وفحلة في بالك ترتاح ولعرضك تصون .
وإذا مليت اخرج وأعمل رحلة خير ما تعيش ديما مغبون .
البڨرة النطاحة والنعجة الصياحة والمراة النواحة ماتخليهم يدورو في الساحة
والمراة الخبارة والدجاجة الغبارة كسيبتهم في الدار خسارة
والسلوڨي اذا نبح والراجل اذا شطح ادي للواد واذبح
والمكحلة الثقيلة والمراة الهبيلة والضرس العليلة مافيهم حت صيلة .
خداو من لعطار اش طلبت منهم زهرة جداهم وخرجو ومشاو لفين كاينين لبيجامات خداو ثلاتة وغفران كانت خاصها لمكياج شي عكورة وشي حوايج خداتهم وكملو طريقهم لطونوبيل ركبو وعطات لعساس ديال لباركين واحد لبراكة حيث حضا ليها طونوبيل ، كسيرات وقصدو دار تاني .
دخلو لقاو ريحة جافيل وتيد عاطية وفايحة من دار كلها فين مشغولة كتخمل وتسيق حطو اش جابو وكملو معاهم شغل اسية وغفران شدو لماعن ديال لاليمنيوم طلعو لسطح وبداو يحكو فيهم اما رحمة وعيشة شدو صالون لي فلتحت بتسياق وتعزاف ونور ورقية شدو لكوزينات بتعزاف باغين يزربو قبل لجاو رجال اما امينة وكوثر تكلفو فدوش وطواليطات .
مجا فين يطيب لغذا تكانت دار مجموعة ومخملة جلسو كيرتاحو ولشغل كملو .
نور: ففف عييت ولكن والله يعطينا صحة خيخنا دار وسيقناها وعزفناها .
زهرة: الله يرضي عليكم هوكاك نبغيكم لبيوتا سيقتوهم !
امينة: اييه تسيقو امي .
زهرة: الرضا ابنتي ودبا سيري اغفران جيبي اش تقديتو وريني باش نتغذاو نبدا ندق فلحنا ونشريو قوام لحلوى .
غفران: دبا امي [مشات هزات اش شرات وجابتو حطاتو وليها وجلسات] .
بدات كتعطي لكل وحدة زيف بيض ديال حياتي وشافت فيهم.
زهرة: نهار قبل لخطابة غنمشيو كلنا لحمام وزيوفا كلكم ديروهم ، وفلعشية غتخرج نور وامينة وكوثر يشريو لينا لبيجامات حيث ذوقهم زوين لكل وحدة وعلى حسابي ازينات وماتهارضونيش حيث هادي هدية من جدكم لحاج ميلود.
امينة: الله يخلف عليكم امي.
كوثر:الله يحفضكم امي.
الكل: امين .
زهرة: يالله ودبا رتاحو ليا رجال دبا وهوما جاو ياكلو ويستاراحو ينعسو منبغي حس مانبغي صداع كلشي يسكت ملي تاذن لعصر كلها يصد لشغلو .
الكل : هه حاضر .
يتبع...
