_سهم الغرام_♟️🫀
_ب_: 12
لافجبل بير معلوم ولافنسا حب مفهوم ولا فشتا ليل دافي ولافالعدو قلب صافي .
فدار تاج دين لي بعدما صلا صلاتو لبس حويجاتو ركب فطونوبيلتو لي شاري بفلوسو وبحلالو ، قصد خدمتو اما مونة ونصيرة جات وراهم اخت تاج دين رفيعة قصدو سويقة باش يتقداو ويشريو لي غيديو فلخطابة ركبو فطاكسي دقائق وكانو فباب سويقة تمو داخلين لمحلات لبيع وشرا واول حاجة قصدو لخياطات ياخذو شي قفيطنات للعروسة .
رفيعة: ماما هاداك لزرق غزاال وخا مشايفاش لعروسة ولكن غيجيها فن .
مونة: هههه لكانت شي مسلوتة غاتجي بحالا مخشية فخنشة .
رفيعة[طلعات فيها حاجبها وتبسمات]: ختيار با هذاا وانا عارفاه غتكون تتحط على جرح يبرا ازين .
مونة: ههه اييه خليني غير انا .
رفيعة: لالا تانتي زوينة خاصك غير متبقايش مسلوتة اصاحبتي وخويا ختار وعرف اش يختار هه.
مونة سكتات ملي دفكات عليها لمعاني ختارو جوج قفاطن واحد فلزرق وواحد فلبيج منبتين وتولين مخدومين على ليد مشاو عند مول لبلاغي ختارو جوج بليغات وحدة فلزرق ووحدة فذهبي ديال صم ، وختارو جوج صنيدلات ومشاو عند مول لبيجامات خداو جوج بيجامات طوال وجوج بسروالهم وجوج ديال لي شوميز وجمعو هاد شي وخرجو متقلين ركبو فطاكسي ورجعو لدار حطو كولشي فلبيت لي تم وجلسو .
نصيرة: عفاك امونة نتي ولا رفيعة تمشي وحدة فيكم تجيب تمر وتجيب لحناء وماء لورد وسكر هوما لي بقاو خاصين .
رفيعة: انا نمشي امي .
ناضت رفيعة وخرجات تتقدا اش قالت ليها عليه وهوما مشاو يبدلو حوايجهم ويرتاحو.
يتبع...
