_سهم الغرام_♟️🫀
_ب_: 9
لعشية ظلمات وليل نجومو بانو ناس فبيبانهم جالسين وفسطوحا ضيورهم مبيتين ، حتى لدار لحاج ميليود لي
رجال فرشو فسطح وكلها فين تلاح وطابلة ديال ثلاثة ديال رجيلات وسطهم حاطين عليها اتاي لي ميخطا مجمعهم وحاطين لويزات وكاوكاو وحاطين لحلوى لي كاينة فطبلتهم ، كل واحد يعاود على شهامتو وعلى خدمتو وعديانو اش وقع ليه وكيفاش سلك من حريرتو .
اما لعيالات جالسين فصالون لفوقي شاعلين ضو ترية لي عاطية لماعها لزنقة سراجم صالون محلولين وبنادرهم وتعارجهم سخانين طباليهم حاطين عليها كيف رجال لحلوى واتاي ولفاكية ، وبداو يغنيو زهرة وورحمة وعيشة .
زهرة[غمزات رحمة وشافت فغفران وبدات تقول]: غزالتي غزالتي ياناااا يااناااا.
كيعاودو وراها يااناا يااناااا.
زهرة: لي مادة يديها للحناا كيف لمرجانا يانااا ياانااا.
الكل: ياناااا ياناااا
زهرة:نتمنا ماتحشمني ياااناااا يااانااا.
الكل : يااانااا ياانااا .
زهرة: وبنتي غفران وشحال نحبها ياانااا.
الكل: يانااا ياانااا ههه.
لحاصول بقاو يغنيو ويشطحو حتى عياو وتهدو ، حطو تعارجهم وطفاو على عشاهم مبغاوش يديرو لحنا حتى لخطابة غفران جلسو كيتحاكاو على لحوايج ولفصايل غفران داها نعاس هي و بنت ختها اما لخرين باقين كيتحاكاو ويضحكو جيران لي تم كلهم تمناو يكونو فمجمعهم.
بعدما كملو حكاهم وليل زاد طوال ناضت رحمة وعيشة حطو لعشا لرجال لحم بلبرقوق ولموناضة وديسير دارو لبنان وتفاح ، عشاوهم وقالو غيباتو فسطح اما لعيالات يالله كيوجدو ويحطو ليهم.
زهرة[كتزعزع غفران]: تي نوضي ياهاد لبنت تاكلي طك عليك هادشي غير جاو ضياف عندك لدار راجلك وكنتي بيهم شتك داك سهو من دبا .
غفران[فاقت وجلسات]: وراه عييت امي هذاك علاش .
رحمة: نوضي غسلي يديك وزيدي تاكلي.
غفران: وخا اماما هاني نضت ههه.
مشات غسلات يديها ودارو ليها بلاصة جلسات وتعشات ملي كملو تعاونات هي واسية ونور غسلو لماعن ورجعو فرشو صالون كامل ونعسو وطفاو ضو شي نعس وشي مع تيليفون شي باقي كيدوي بحال عيشة ورحمة ورقية .
يتبع...
