_سهم الغرام_♟️🫀
_ب_: 136
داز نهار بكل ماتحمله الكلمة عيات غفران ليوم وبزاف وزيد عليها متقلة مشات للبيت لي عطاتها خدوج هي ورفيعة ينعسو فيه دخلات وسدات لباب .
غفران: ففف اختي انا عييت هاد نهار بغيت غير نحط راسي ونعس .
رفيعة: تاانا والله.
غفران: وليداتك دبا راهم محمقين خالتي.
رفيعة: لالا يكونو نعسو دبا وماما كتعرف ليهم.
غفران: مزيان اختي والله ايلا مزيان.
حيدات غفران لبيجامة لي كانت لابسة ولبسات شورط لاصق على لحم فلاسود وديباردو ديالو فلاسود طالع على كرشها لي باينة وشعرها جمعاتو وتكات ورفيعة بقات ببيجامتها ونعسات.
رفيعة كتقيس ليها فكرشها: ههه كتتحرك.
غفران ناعسة على لوسادة وهي عيانة: امم ضروري.
رفيعة: ههه ماشاء الله ياربي على بنيتي .
غفران: امم خليني نعس ارفيعة عيت اختي.
رفيعة : امم نعسي تاانا غنعس.
نعسات غفران ورفيعة تاهية ودازت ليلة كيف كل ليالي مع صوت لكلاب ولحمير وصوت لبادية لي فيه راحة وسكينة واحيط من تراب وهمسات الراحة والامان واحتضان الطبيعة .
فاقو فصباح على صوت لباب لي تحل علات عينيها غفران ورفيعة بنفس نضرة وجلسو .
رفيعة: فففف ياربي قلبييي كنت غنموت بلخلعة.
تاج دين معلي حاجبو فيهم بجوج وعينو على غفران: راه ظهر هذا ونتي باقية ناعسة.
رفيعة: اش غندير راني عيت لبارح.
غفران هزات بيجامتها كتغطي صدرها لي باين وكرشها: اخووويا مكتعرفش بلي شي حد ناعس من غير ختك.
تاج دين ضحك وعلى حاجبو فيها: خوياا راك تيقتي راسك نتي شتك كتخبي وقلبك غيسكت متنسايش بلي انا بابات بنتك ازين.
غفران: ومن بعد مبقيتش ودبا خرج اخويا خرج.
تاج دين بلاما يزيد تاكلمة خرج وجلس فصالون كيضحك على حالتها كيف كانت ناعسة هي ورفيعة تاتمات جاية رفيعة شادة فغفران لي لبسات بيجامتها وزيفها وكتمايل بزز كتمشا .
تاج دين عينو عليها مطاحتش وكيفاش غلاضت وكرشها لباينة: حشومة ارفيعة تخلي مرآت خالي بوحدها توجد .
رفيعة: اه وصلت غير غفران وهاني غادية.
غفران خرجات فيها عينيها : فين غادية!
رفيعة: للكوزينة لفين بغيتيني نمشي شوية ونجي.
مشات رفيعة وغفران بقات جالسة ساهية وتاج دين شاد تيليفون ديالو فيدو كيلعب فيه تاحطات غفران يدها على كرشها كتضحك.
غفران: صباح نور اماما فقتي يااك احبيباا ياك فقتييي.
تاج دين ناض بزربة وحط يدو وغفران بلا شعور حطات ليه يدو على فين كاينة لحركة ديال لبيبي تابانت ليها لخاتم وهي تحيد ليه يدو بنترة بعدما كان مبتاسم لشعور.
تاج دين: اش كاين !
غفران: تزوجتي يااك اتاج دين.
تاج دين قرب ليها كتر: اش بان ليك!
غفران بعدات شوية: تزوجتي ياك هاهو لخاتم.
تاج دين: هذا من نهار درتيه ليا محيدتوش ومغنحيدوش.
غفران: علاش !
تاج دين تفكر بلي مخاصوش يتنازل: حيث خاسر عليك فلوسي وعاجبني .
غفران خنزرات: امم مزيان ازقرام.
تاج دين: انا دبا زقرام.
غفران: امم هانتا على خاتم ازقرام.
تاج دين ضحك: اييه زقرام.
يتبع...
