_سهم الغرام_♟️🫀
_ب_: 78
حطو لعشا وتعشاو ومشاو فرشو باش ينعسو طلع تاج دين دخل لعند غفران لقاها باقية ناعسة حيد تيشورط وغسل وجهو ومشا تخشا حداها باش ينعس .
صباح طلع وبشميشتو عطا ضوو لدار لي فاقو كيف عادتهم صلاو لفجر وجلسو كيتحدثو ، فلبيت غفران بدات كتحل فعينيها وهو يبان ليها تاج دين ناعس وكل يد وفين بقات كتشوف فيه تأملاتو مزيان وتبسمات قربات لشعرو بدات كتقيص فيه وهو يحل عينيه بزربة وشاف فيها.
تاج دين تبسم: صباح لخير.
غفران تبسمات: صباح نور.
تاج دين: كيف صبحتي بيخير.
غفران: امم الحمد لله بيخير ونتا!
تاج دين: حتى انا ملي شت بلارتي بيخير انا راني كثر من بيخير دبا.
غفران ناضت: غندخل لدوش .
تاج دين : اوك حتى انا غنوض ؛ ااه وكنت غنسا ملي تسالي تدواش جمعي حوايجك غنمشيو عند خالي لبلاد هو ومراتو منها نبدلو لجو منها نرتاحو.
غفران وقفات وتكات على باب دوش: بصح كيعجبني ديك لجو واخة نسالي ونصلي ونجمع حوايجنا.
تاج دين: نفطرو ونقصدو طريق الحب ديالي انا.
غفران حشمات: امم ان شاء الله.
تاج دين قرب لحداها وباسها وشاف فيها وبهمس نطق: توحشتك.
غفران ضحكات: هه حتى انا ودبا خليني عليك.
تاج دين: امم هاني غنخليك غنهبط لدوش لتحت يالله سالي وهبطي تفطري وعاد جمعي لحوايج منبغيش مرتي انا تجوع.
غفران: ههه امم واخة يالله وسير سبقني.
لبس تاج دين تيشورط ديالو وهبط لتحت اما غفران دخلات لدوش كتبسم غير بوحدها.
يتبع...
