Hi Bnat
CV mhmm lawsalto lhta lhadd part nabghi nal9a les commentaires 3la 9issa each 3ajbatkom wola la WO partagewha m3a shabatkom paliiiz❤️❤️❤️yalsh nkhalikom m3a ✨سهم الغرام ✨
__________________________________
_سهم الغرام_♟️🫀
_ب_: 21
_نقا على نقا متيولد شقا_
بعدما غسلو ماعن لغذا وجمعو دار كلها هزو صيكانهم وتمو غادين تاشداتهم غفران.
غفران: امي وسطولا شتكم غادين بلا بيهم .
زهرة: لا ابنتي راني وصيت طيابة ديال لحمام عليهم .
غفران: اممم واخة يالله .
خرجو وتمو غادين مع درب تاوصلو لباب لحمام مع دخلو بان ليهم لحمام خاوي مفيه حد من غير طيابة واقفة وكتساين فيهم وشلا سطولا فضيين محطوطين وطاسات حتى هوما فضيين تبسمات وزغرتات .
طيابة:لالة زهرة الله يجعل كولشي مبارك ومسعود كي شتي لي تحممات فهاد لحمام وبهاد سطولا هادو لي ليهم تااريخ وتاريخ مكيخصها خير لا فزواجها ولا فحياتها.
بهية: ونتي علاش متحممتيش فيهم!
طيابة[تجاهلات كلامها]: بنتي غفران بصحة وراحة تدويشة والله يكمل كولشي مبارك ومسعود ودبا دخلو .
غفران: اميين ياربي.
تمو داخلين حطو حوايجهم فلبلاصة لخاصة بيهم.
اسية: امي شت لحمام خاوي علاش!
زهرة:انا هضرت مع طيابة لبارح ووصيتها غير من تيليفون توجد ليا اش خاصني وممنوع شي وحدة دخل ندوشو فيه غير حنايا وصافي بلحق دارت معايا لوقت حدها ربعة ولا لخمسة خاصنو نكونو خارجين ودبا يالله كل وحدة تسالي وتبعني .
داز لوقت دغيا ودوشو للعروسة وحتى هوما كلهم خرجو يشعلو ويشقشقو بنقاوة بحال لجواهر هزو حويجاتهم وخلصو طيابة وخرجو تفرقو زهرة ورقية وعيشة ورحمة وبهية وحبيبة ومغنية وداو حتى بنت كوثر مشاو لدار اما نور وامينة وكوثر واسية ورؤى وسوسن وغفران مشاو لعند لكوافورة .
قادو شعرهم وضفرانهم ورجليهم وحجبانهم ووجهم واي حاجة كانت خاصاهم خرجو من عند صالون ولمغرب بدا يوذن تمو خارجين.
رؤى:لمصايبة ديالها غزالة صراحة والله شوفوو ضفراني رجعاتهم ليا غزالين .
سوسن: حتى انا.
امينة: شعري رداتو ليا غزاال صراحة فنة لخدمة ديالها.
غفران: اه زوينة صراحة وحتى تعامل ديالها زوين .
اسية: اه صارحة تقال .
دخلو لدار ملقاو حد كيدور طلعو لسطح لقاوهم جالسين كيقطعو فلحم ديال لخرفان لي ذبحوهم وغسلو كرشهم وقطعوها وقادو دنيا وجمعوها وفرشو لبلاصة فين يجلسو رجال لي خرجو يدورو ويصليو لعشا عاد يرجعو لدار.
يتبع...
