_سهم الغرام_♟️🫀
_ب_: 140
بقاو جالسين تاتم داخل تاج دين هاز ساشي ولمعطي كيضحك معاه وعبد الله وراهم مقاتل مع واحد لبالة وكيضحك غير بوحدو.
لمعطي: وافااينكم العيالات.
خدوج: هاحنايا مخشيين فلكانون[لكوزينة].
لمعطي طل عليها: وتي ديمااا فلكانون علاه عمرك خرجتي!؟
خدوج: ايواا باز علاه تايا ختليني نعتب .
لمعطي تبسم: علاه لي عندو مرا زينة كيفك يخليها تخرج هيا انا ماشي راجل.
غفران: ههه واهانتي اختي الله يجيب لي يغير علينا تاحنايا.
تاج دين خنزر فيها: امم كون مكنتش كنغير عليك كون خليتك تمشي بحوايج لبيت فزنقة امم.
غفران:هههه غير كنضحك.
رفيعة: اييه ضحكو خليوني غير اناا هههه.
عبد الله طل عليهم: واامي تي لواليد شرا واحد لبالة مزيناتها ماضية وباقية فيها ريحة لخشب جديد.
كلهم ضحكو على عبد الله لي تفكيرو خاوي غفران مدات يدها لتاج دين شد فيها وقفات بشوية وشدات فيه وتمات غادية وحط ليها راسها على كتفو ، لمعطي مشا يبدل حوايجو ويصلي عبد الله عقلو غير مع لبالة اما رفيعة وخدوج بقاو جالسين كيضحكو.
تمو خارجين تاج دين وغفران على كتفو متكية وبقاو غادين فوسط جنانات.
تاج دين: بنتي انا اش دارت فاش مكنتش !
غفران: امم غير دار وصافي وكنت كنمشي مع ماما وصافي.
تاج دين: امم مدوا معاك حد.
غفران: لاء علاه كرشي حدا فمي وغيدويو .
تاج دين: مزيان ابنتي راه كانت عيني عليك ديما مكاينش نهار لي مندوزش.
غفران عينيها لمعو: بصح!
تاج دين: اممم علاش شحال عندي منك انا.
غفران: احقااا فين هو زهير.
تاج دين وقف وخنزر فيها: اش بغيتي بيه !؟
غفران: غير فضول وصافي متعصبش.
تاج دين: ههه وجمعي فمك حيث انا بوحدي وباباك وخوك محسن لي ذكريهم من غيرهم لااا.
غفران: وباباك!
تاج دين: مكاين لاش.
غفران: مغيااار.
تاج دين: امم كتر مكتخايلي .
غفران: امم.
تاج دين: ايمتا نديرو تجديد لعقد !
غفران: ايمتا مابغيتي .
تاج دين: نمشيو غذا ! نديرو تجديد ونبدلو لعقد حيث مكاين لاش نبقاو هنا اغفران حيث لجيتي تولدي غتجينا طريق بعيدة.
غفران: امم بصح ولكن غدي ركب مع رفيعة .
تاج دين شد فيها تجلس حدا لباب حيت رجعو: ملي جيتي ليدي دبا والله منطلقك .
غفران: نتا كتسوق بزربة وكتخلعني وغتولدني قبل لوقت.
تاج دين: هههه متخافيش. حط يدو على كرشها، راه بنتي هاذي وغاالية عندي .
غفران: امم كنعرفك.
تاج دين: كنبغيك.
يتبع...
