_سهم الغرام_♟️🫀
_ب_: 84
خرجو من لبيت ودخلو لصالون كانت خدوج وراجلها لعربي كيتحدثو لقاو سلام وجلسو .
خدوج: ايوا اوليداتي رتاحيتو شي شوية ولا لا.
غفران: زوين لجو عندكم محسيتش براسي والله غزال.
خدوج: هادشي لي نبغي ابنتي غير راحتكم .
تاج دين: الله يكبر بيك امرت خالي .
خدوج ناضت غادية: نمشي نجيب مناكلو اوليداتي قبيلة عرفتكم عيانين مبغيناش نوضوكم .
غفران ناضت تابعاها:انا نعاونك اخالتي.
خدوج تبسمات: اجي الحبيبة اجيي.
مشات غفران مع خدوج اما تاج دين بقا مع لعربي خالو .
لعربي: ايوااا اولد ختي كيف غادي مع شي عمل !
تاج دين: كيف ديما اخالي راك عارف.
لعربي تبسم: اييه الله يرضي عليك ويسخر ليك اولدي دبااا لازم تزير راسك عندك المسؤولية وقريب يكونو عندك وليدات اولدي.
تاج دين تبسم: ان شاء الله الخوال.
فلكوزينة كتقاد غفران فصينية تانطقات خدوج لي كتقاد لحلوة فطبسيل: ايواا يالحبيبة كنت كنعاين عيالات ولادي ساعة مشاو لدار واليديهم لعدوات.
غفران: ايوا ماشي مشكل اخالتي فيها خير بحال بحال.
خدوج: اييه ابنتي مكاينشاي الحبيبة والو.
غفران: ايوا الله يصاوبها للجاميع .
خدوج: وانسيت يابنيتي نعناع راهو فلحوض خاصني نمشي نجيبو.
غفران: اه نمشي معاك .
خدوج: اجي الحبيبة.
تمو خارجين لوسط لحوض ديال نعناع كبير وبزاف ديال لخضرة ولقسبور وكولشي تمات كتجبد فنعناع من لحوض اما غفران بقات غير كتشوف تابانت ليها واحد لبلاصة عامرة بربيع وفيها شي وردات حومر مشات لتم وهي غادية رجليها بداو يغرقو بيها تالقات لغيس صرطقا وهي تبدا تغوت بخوف.
غفران: خالتييي خدوج عتقيني اخالتييي عتقينييي.
خدوج كضحك: اويلي واش داك لتم وياالنيتي .
مشات قاصداها جبداتها نص لكسوة لتحت ورجليها عامرين بلغيس معرفات اش دير جلسات وبدات كضحك على راسها.
غفران: هههههه ونااري اخالتي اش درت فحالتي اش غنقول لتاج دين دبا.
خدوج: هههههه معندك متقولي سيري بدلي حالتك ابنتي وعطيني دوك لحويجات ندوزهم ليك.
غفران: لالا اخالتي حشومة انا دبا نصبنهوم ايلا داخلة عيطي ليا على تاج دين.
خدوج: واخة انا نعيط ليه ابنتي.
يتبع...
