_سهم الغرام_♟️🫀
_ب_: 122
زهرة جلسات: ايوا ابنيتي اش درتو!
غفران: سالينا امي صافي .
رحمة تمات داخلة وتنهدات على كلام غفران: ايوا ابنتي الله يدير ليكم شي تاويل ديال لخير.
غفران: امين، فين هي لميمة !؟
رحمة: راسهت ضارها وراهية فلبيت ناعسة.
غفران: اه .
حطو لماكلة بدات كتاكل غفران وسوسن شوية غفران حسات بردة ناضت بزربة بقات كترد وفلخر غسلات فمها ورجعات جلسات حداهم .
زهرة: ويابنيتي هاد ردان شحال مبقا جاك تاني رجع.
غفران: قطعت ليه لكينة ولفيتامينات مبقيتش شربتهم هاد ليومين ديكشي.
زهرة:ولا ابنتي الله يهديك علاش ولي تشربيه ابنتي ولي.
غفران: اه ضاروري امي.
ناضت غفران طلعات لبيتها ودخلات
جلسات وبدات كتبكي تاني .
غفران: دغيااااا سمحتي فيااا ياك اتاج دييين يااااك ودبا غنوريييك غفران شحال غتقدر تنسااااك ياااااك اتاج دين ياك.
تاج دين رجع لدار دخل بلاما يدوي مع حد طلع نيشان لبيتو وتكا وهو كيفكر كيفاش يرجع غفران ليه تاسمع دقان فلبيت .
تاج دين: دخل.
رفيعة جلسات وشافت فيه: خويا مديرش فبالك عفاك .
تاج دين: درتها بيدي ارفيعة وحرمة راسي من نعمة ديالي اناااا.
رفيعة: وحتى دبا باقي ليك لوقت راه لبنت كتبغي لاهتمام وحتى لحب ومتسمحش فيها حيث عارفها حاملة وحتى لحمل كيأتر عليها .
تاج دين: امم عندك الحق .
رفيعة شدات ليه فيديه: انا معاك اخويا متقولش غنساك.
يتبع...
