_سهم الغرام_♟️🫀
_ب_: 103
وصلو لدار هشام قبل مينزلو شاف فيها .
تاج دين: شوفي فيا ازين وسمعي كلامي غندخلو راه كاين هشام ومرتو سميتها هناء ياك وكاين خوه كبير عليه سميتو ربيع شوية ضاسر نبغيك عينيك ميشوفوش فيه ولو غير فرجليه تفاهمنا وهو لشاف فيك غنحيد لوالدين مو عينيه.
غفران: امم صاف غير رتاح مغنشوفش .
نزلو تم مدخل تاج دين شي ساشي ودخلو لدار ديال هشام دق وهو يحل هشام وهناء سلمو عليهم وتبسمو وتمو داخلين تاوقف عليهم ربيع لابس شورط فلخضر وتيشورط بلبيض وشاف فيهم تم غادي سلم على تاج دين يالله غيسلم على غفران وهو يحبسو تاج دين.
تاج دين: مكتسلمش على رجال .
ربيع: ااه ايوا سموحات اخويا معارفش .
تمو داخلين جلسو كيدويو غفران وهناء وربيع وتاج دين وهشام وكيضحكو .
شوية ناضت هناء عاد تفكرات بلي عيطات لماماها وباقي مجات ناضت شافت فهشام.
هناء: هشام خاصني نمشي ورا ماما ضاروري.
هشام: واخة وغفران !
هناء : تمشي معايا منها نيت نوريها درب.
غفران شافت فتاج دين: نمشي!
تاج دين: سيري وحضي راسك دبا تكوني جيتي.
غفران تبسمات: امم واخة.
تمو خارجين غفران وهناء وغادين فدرب تاخرج فيهم موطور بزربة وتسمعات ضربة بجهد وغوتات هناء.
هناء: غفرااااااااااااان غفراااااااااان.
يتبع...
