_سهم الغرام_♟️🫀
_ب_: 4
_❤️وإن دق الحب بابي فسافتح اجنحتي كطفل رأى امه بعد غيبة❤️_
رجعات لمجمعها وهي لفرحة باينة فعينيها كتلمع شافوها وزادو ضحكو دخلها شك وهي تخنزر وتكرز كلامها.
زهرة: اش تم المتقوبات!
امينة: ههه ايه امي سعدات با لحاج بيك ههههههه مزويناتك.
كوثر: اش تم امي اش قال ليك شتكم دغيا جيتي !
زهرة: دخلو سوق جواكم وسدو عليه بسوارت باش منفركع بابو ونهرس لوالديكم خناششكم[وجوهكم].
ملي سمعو اش قالت طولو فضحكة وعينيهم سالو بدموع عليها ونيتهم مصفاتش من جيهتها تاتم داخل شاب هاز فيدو صاك وشاد سوارت طونوبيل وتيليفون فيد ، كوثر غير شافتو وهي تكعد وتبسمات وزادت ضحكة فمها وساعت كتشوف زمانها بهيبتو داخل وبزينو لفتان حاضر سلم عليهم وعلى مرتو بلوجه ، شدات رحمة عليه صاك وهي حشمانة منو وفمها غير" وعلاش اولدي عذبتي راسك" .
نوفل: ايوا امي فاين هو واحد با لحاج ومحسن وعمي !
زهرة: كي شتي راهم فلمحال اولدي لبغيتي تمشي عندهم بلحق محسن جا عيان من سفر ويالله طلع ينعس.
نوفل: كي شتي تاانا والله تاعيت ، يالله كملت شغلي ولحقت ، ودبا ايلا كاينة شي بلاصة غير نرتاح بينما جاو.
زهرة: نوضي امترعت لفم ، وصلي راجلك لبيت ووريه لبلاصة فاين يرتاح.
ناضت كوثر وهي مبتاسمة ، هي غادية فلول وهو وراها دخلاتو لواحد لبيت كانت بنتو ناعسة فيه ، حيد صبادرينتو وجلس شاف فيها وخنزر.
كوثر: مالك! ههههه.
نوفل: كون تسنيتيني كون جينا انا وياك علاش هاد زربة !
كوثر: ايوا ماشي مشكل خويا جا ورايا قلت نجي .
نوفل: اخر مرة اكوثر منبغي مراتي تمشي مع حد .
كوثر: امم واخة ههه.
نوفل: اجي مال جداك معاك ههه!
كوثر: والو هي هوكايا حمد لله لي مقالتش لي كلمة اخرى هههه.
نوفل: ياك هي غير حشمات مني !
كوثر: اييه هههه.
نوفل[تكا]: اش كانت غتقولك!
كوثر[طلقاتها بضحكة صوتها وصل تالعندهم]: هههههه لمتقوبة .
نوفل: هههه هاد جداك خطاااار هههه واجي تكاي حدايا امتقوبتي .
كوثر: وسير كون تحشم غنهبط انا دبا لتحت هاهية لبنت حداك لفاقت عيط عليا .
نوفل: امم واخة .
يتبع...
