_سهم الغرام_♟️🫀
_ب_: 147
تاتحطات يد على كتفها تبسم وشاف فيها .
زهير: مالكي علاش كتبكي!
سوسن مسحات عينيها بزربة: ءء لا والو ماشي شي حاجة.
زهير: لا ايلا عندك شي مشكل ولا شي حد اذاكي عاودي ليا نقدر نعاونك!
سوسن: هه شكرا اخويا ربي يحفظك انا بيخير.
زهير: كيبان ليا لعكس .
سوسن تمات غادية: لالا غير كيبان ليك.
قبل متزيد تبعد شدها من يدها وشاف فيها بلع ريقو بصعوبة ووقف.
زهير: عفاك اسوسن بغيت ندوي معاك فشي حاجة.
سوسن رجعات وعقدات حجبانها وهي كتقول مع بالها اش غيكون: اه دوي.
زهير: راكي يمكن عارفة بلي كنت مزوج ومراتي..
سوسن: امم عاقلة مرتك هي مونة ياك ولي فرقات بين تاج دين وغفران وطلقتيها ياك.
زهير: بضبط ، ديكشي علا ش بغيت ندوي معاك.
سوسن: امم اشنو!
زهير: يقدر نكون جيت معطل ولكن من نهار جيتي لدار لحاج ميلود ونتي كتعجبيني وكنت فينما نكون غادي للخدمة ، كنت كنشوفك ديما غادية للخدمة ، وانا مكنقولش هاد لهضرة باش نتفلا ولا باغي ندير علاقات فلحرام بغيت نقصد داركوم بلحلال ولكان عندك شي شخص فحياتك الله يسخر ليك.
سوسن تبسمات: لا معندي تاحد فحياتي خطبني واحد ولكن هو ماماه قبيحة وكتبغي تتحكم وشافني مع رفيعة وبدا كيدوي فشرفي وانا نفسخ معاه كولشي ، ولكنتي اولد ناس باغيني نيت كيف كتقول مرحبا بيك وراك من لعائلة بلاما نقول ليك.
زهير: متخافيش حيث مغتندميش .
سوسن: وحتى نتا مغديش تندم.
هبطات سوسن مع دروج وزهير تبسم وكيدعي الله يسخر ليه هاد لمرة مع هاد بنت ناس لي حط عليها لعين من شحال من يوم.
جلسو فصالون كلهم وجاو ضياف لعيالات بوحدهم ورجال بوحدهم دخلو رفيسة فلول وحطوها وتغذاو بيها بلبيض مسلوق ولوز وزبيب لحاصول بتاويلها كيف تعودنا حنايا لمغاربة .
غفران لي ناعسة وتاج دين لتحت مع رجال ولبنية بدات كتبكي وهي تهزها بشوية وبدات كترضع فيها غير بشوية تادخلات عندها رفيعة وسوسن.
رفيعة: اجي نتي ناس كيسولي اش غتسميو هاد لبعلوكة طلقونا اش ناويين تسميوها.
غفران: ههه باقي معرفت.
سوسن: ولااا قلبو وقولو لينا .
غفران : معرفتش!
رفيعة: حقااا زهير غيتزوج.
غفران: يااك يفوت غير مونة.
سوسن: غيتزوج بيا غنوليو بتلاثة.
