_سهم الغرام_♟️🫀
_ب_: 2
_بدء العد في البدء وانا لست على استعداد_
محسن[كيضحك مع جدو]: ايواا اباجدي شتك تقضيتي ليوم هي شي جليسة مع صحبة لقديمة.
لحاج ميلود: ايوا ضاروري منها هه مادمنا بلحياة منفرطوش فيها.
محسن: اييه اجدي باقي عاقل يامات كنتي تديني معاك وانا صغير هه.
لحاج ميلود: اييه اولدي يامات لعز هادوك هه.
محسن: اييه اباجدي .
ولد صغير كينغزو من يدو ويشوف فيه .
لولد: بابا أوول لبا زدي يديك معاه وانا نمسي معاك ابابا[قول لبا جدي يديك معاه وانا نمشي معاك..].
محسن: ههه ملي غيديني اولدي غنديك ان شاء الله.
ناضت غفران وجداتها لحاجة زهرة ولام ديالها رحمة ولاخت ديالها كوثر ، دخلو لكوزينة وجلسو .
زهرة: ايوا البنيات ليلة يجيو بنات عمتكم نديرو شي عشيوة ونقصرو نديرو لحنة ونضكو ونفرحو كيف تولفنا .
غفران[جلسات على واحد لكرسي كتجمع شعرها من صهد]: اييه عندك لحق نيت من لعام لي فات مباقي تشاوفنا .
زهرة: نيت ليلة راهم غيجيو تا عماماتكم وبناتهم غيوصلو من فرنسا ومع عمومك ايوا نتجمعو هه.
كوثر: اييه نيت امي عندك لحق شحال هذا متليت درت شي زغبورة ديال لحنا خاصني ندير شوية واش غيجيو تاولاد عمتي!
رحمة: وضروري علاه ميجيوش !
كوثر: وانا زهير مايخلينيش راكم عارفينو كيف داير واصلا ليلة غيجي خاصني منسلمش عليهم ومنبانش قبالتهم .
غفران: ههه كتقتلينا بهاد راجلك بحالي غير نتي لي مزوجة خزييت .
كوثر: دبا تزوجي وغتعرفي مزيان اش كنعني اديك سلكوطة .
غفران: سلكوطة هي نتي وانا مغنتزوجش غير رتاحو .
تمات داخلة امينة مرأة خوهم بعدما نعسات ولدها .
امينة[جلسات]: اييه نيت هوكا كونا نقولو اما ملي جا مشينا.
زهرة: اييه عدك لحق ابنتي هادي باقية حمقة هادي.
غفران: اممم مزيان ملي يجي غنتزوج ولكن راجلي غير تهناو غيكون حسن من رجالكوم كلكم.
كوثر: مثلا كيمسح بلفلوس وانوضي راهم بحال بحال بحال ورق دالية ديال لعنب غير رتاحي.
غفران: اييه خليوني عليكم نيت غنمشي نبدل حوايجي ونجي .
يتبع...
