_سهم الغرام_♟️🫀
_ب_: 40
خرجات غفران لقدام لغرفة بعدما شدات راسها وحسات براسها ولات مزيان طلات لقات تاج دين خاشي يديه فجيبو وواقف مع محسن كيدويو تاوقفات عليهم .
غفران تبسمات لخوها وطبطبات ليه على كتفو: خويا لحبيب ديالي الحمد لله على سلامة ولدك .
محسن تبسم: الله يسلمك اختي والله يخليك ليلي مغنساش خيرك.
غفران: ماشي شي حاجة انا قادرة نفديكم بعمري ويجيني رخيص قدامكم.
تاج دين بلع ريقو: احححم واقيلة انا غيخصني نمشي.
غفران شافت فيه وشافت فمحسن: فين غتمشي وليل ودار ديالكم بعيدة .
محسن فهم نضرات ختو ليه: تاج دين والله مغتمشي غنمشيو لدار بات ليلة معانا ومن بعد سير اصاحبي يكفي غير وقفتك معانا .
تاج دين تبسم ليه وتجاهل هضرة غفران حيث تقلق منها: واخة اخويا الله يكبر بيك.
غفران ضورات راسها على لانحاء: فين هوما لخرين!
محسن: صردتهم لدار مكاين لاش ودبا غناخذ ولدي ونديه لدار .
غفران: ااه اخويا عندك لحق واش خلات ليك اسية طونوبيلتها .
محسن: لا وصلات فيها لوليد وكولشي نور هي لي خلات ليا ديالها .
غفران: ااه يالله نمشيو نشوفو جاد .
وصلو لباب لغرفة وهي تخرج لفرملية وسمحات ليهم يدخلو لقاوه كيشوف بعويناتو فيهم وتبسم هزو بشوية وتم غادي بيه كيحاول يفرحو وغفران تاج دين وراهم تاشدها وجرها ليه وشاف فعينيها وخنزر.
تاج دين: ايااي على حبيبي مبغيتكش لمرة جاية تقوليها.
غفران ضحكات: اويلي هذاك خويا .
تاج دين: مكيهمنيش موهيم قلت ليك .
غفران: مالك مقلق .
تاج دين: زيدي ركبي وسكتي .
يتبع....
