_سهم الغرام_♟️🫀
_ب_: 101
صباح صباح وصباح لفلاح لي فيه كلها نتمناوه يكون مرتاح ، لي بغا راحة يتبع كتاب الله ويصلي لفجر وضحى اما دنيا مافيها تيقة ليوم هاهية كاينة وغذا مطلعت شمس فصبحا .
كيف ديما ناضو صلاو لفجر وبدات كتوجد غفران ورفيعة لفطور اما مونة صابحة ناعسة كيف ولفات وتعودات ، حطو لفطور وهوما كيتهاودو ويضحكو بحال شي جوج خواتات ناض زهير لقاهم كيحطو على طبلة ضحك معاهم وجلس مع لحاج محمد وتاج دين لي فرحان بعائلتو ونصيرة جالسة كتكب فاتاي.
تاج دين: اجي نتي لحدايا واش مزوجة بيا ولا برفيعة !
غفران كتاكل: ايوا الله يهديك .
تاج دين: واجي حدايا انااا.
رفيعة: ههه سيري اختي حدا راجلك سيري.
مشات جلسات حداه وهو كيقطع فلمسمن ويقاد ويحط ليها وهي كتخنزر فيه اما زهير غير كيشوف كيفاش زوينة لعلاقة بينو وبينها ولو مخاصمين اما علاقتو بمرتو خايبة بزاف ، وعرف بلي زواجو فاشل ومراتو عمرها عاملاتو بحال هكذا وعمرها كانت مفاهمة مع مو وباه وديما مضاربة مع رفيعة .
تاج دين ناض: نخليكوم غنمشي لمحال دبا.
ناضت غفران تابعاه توصل معاه وصلاتو لباب دار قبل ميحل لباب ضار شاف فيها وضحك .
تاج دين: زين شوية ونجي بدلي حوايجك ولبسي شي حاجة طويلة وديك لمكياج بلاش حيث نتي زوينة بلاش تفاهمنا وزيد عليها لقا مك دايرة عكر نحيد لمك دوك شنايف تفاهمنا.
غفران ربعات يديها وخنزرات فيه: ديرني فقفص ياك.
تاج دين ضحك وجبد ليها حناكها : كنموت عليك اناا واسيري ابنتي دبا سيري.
غفران: يالله سير .
تاج دين: انا غنسد لباب مكاين لاش توقفي فيها.
غفران: امم واخة.
دخلات وتاج دين خرج ركب فطونوبيلتو وكسيرا قاصد خدمتو .
رجعات وبدات كتجمع فطبلة هي ورفيعة وخداو لماعن لكوزينة .
رفيعة: غير خليهم وسيري فين قلتي ليا غادية.
غفران: لا انا نغسلهم بلاتي هو يالله مشا.
رفيعة: هههه وغير سيري اصاحبتي.
غفران: عرفتي شنو غسلي لماعن وانا غنسيق دار ونجمع صالون.
رفيعة: لي بغيتي .
غفران: وملي نكمل وريني اش لبس صافي.
رفيعة: ولي لبستيه يجيك نتي راك زييين .
غفران: ونتي لحبب هههه.
مونة طلات عليهم لكوزينة وخنزرات: نتوما راكم كي لخريات ضمرتو ليا حياتي .
غفران: مالك اختي!
مونة: مخت حد انا وااخر مرة اللفعة تدوري بجيهتي.
غفران مرداتش عليها حدها هزات سطل وكراطة وخرجات باش تسيق دار .
رفيعة مشات ليها وشداتها من شعرها بجهد وجبداتها: ايييييييه عيقتي غنحيد لمك هاد شعر راه صبرت ليك على قبل لوليدة قالت ليا بعدي من مرت خوك اما انا نشتف عليك جمعي راسك راك نتي لي لفعة وفوتي عليك غفران انا نقولك ليك.
مونة: طلقي مني طلقي .
رفيعة لاحتها: اخخخ طفوووو.
يتبع...
