_سهم الغرام_♟️🫀
_ب_: 81
لا تتأسف على نجمة ضاعت منك فالسماء مليئة بالنجوم ، و إن لم تكن كل النجوم من نصيبك لا تيأس لعلّ القمر بنفسه يكون من نصيبك .
جلسو وبداو ففطورهم وعبد الله غير كيضور ويهضر اما تاج دين غير كيجر عندو غفران حيث معجبوش حال عبد الله .
غفران تبسمات وناضت هزات مع خدوج لماعن وخداتهم للكوزينة حيث شافتها عيانة .
خدوج كتحط فصينية فلكوزينة: الله يرضي عليك ابنتي .
غفران تبسمات: الله يكبر بيك اخالتي حبيبتي نبدل بيجامتي ونغسل ليك هاد لماعن.
خدوج شدات فيد غفران وجراتها جرات كراسا طبلة لي فلكوزينة وجلسات وجلسات غفران قدامها: وماتساليني حلوف ابنتي نهار كان يجي وليدي تاج دين كنت ندعي معاه كثر من وليداتي وليد مربي ومتبت ومايحط عينو فبلاصة مهياش ابنتي والحمد لله ربي لاقاه بيك العزيزة.
غفران تبسمات وفرحات: الحمد لله اخالتي .
خدوج تبسمات: الحمد لله ابنتي تانتي تبارك الله زين نتي مولاتو ولاطاي نقولك تبارك الله وصافي.
غفران باست ليها راسها: الله يحفظك ويخليك ليلي اخالتي .
خدوج: اييه ومرحبا بيك انا ميمتك خدوج جي عندي دييما فاي وقت ابنيتي .
غفران: عارفة لي كاين اخالتي لحبيبة.
تاج دين تم جاي عندهم: غفران ! يحساب ليا غير فين مشيتو.
غفران تبسمات وزاد كبر فعينها على كلام مرات خالو: غير هنا مع خالتي خدوج.
تاج دين شد ليها فيدها: اجي نرتاحو شوية فلبيت بينما وقفات وقيت لغذا بعدا نكونو رتاحينا ياك امرت خالي.
خدوج: هه ايه نيت كنت غادي نقولها ليك اوليدي ديك مرتك والله يخليها ليك ديتي وعرفتي اش تدييي .
تاج دين: اييه اخالتي خدوج ياك بعدا عرفت اش نديي ههه هادي راه بلارتي.
خدوج: الله يبعد عليكم العين وشر اوليداتي وسيرو .
يتبع...
