سهم الغرام_♟️🫀
_
_ب_: 96
بقا كيضرب فيهم حتى ولا لحمهم كامل زرق بضرب بجوجات ولاو كيبكيو عاد وقف وشاف فيهم .
تاج دين: ودبا كمدوها الزوينات . لاح سمطة وخلاهم كيبكيو تم.
رفيعة عنقات غفران: صاف اختي صافي بسبابي اناا.
تاج دين طل عليهم: حيدي يديك منها متعنقيهاش هاديك ديالي انا وانا بوحدي لي نعنقها حيدي يدك ارفيعة .
رفيعة حيدات يدها وباقية كتبكي: حشومة عليك.
مشا تاج دين خرج على باب دار وهي نصيرة ومونة جاو عندهم لقاوهم جالسين على زربية وكيمسحو دموعهم.
نصيرة: نوضو ابنتي نوضو صاافي صافي هو تعصب على مرتو وعليك مبغاش يد لبراني تعلا عليكم .
غفران: اييي اخالتي كلشي كيضرني مقادراش نوض مقادراش .
رفيعة: كتافي طاحو وكولشي طاح اميمتي سيري جيبي ولادي راهية لمغرب قريبة .
نصيرة: واخة ابنتي دبا .
مشات نصيرة بزربة اما مونة جلسات ودارت رجل على رجل وتبسمات: تبغيو شريبة.
رفيعة: تشربي من حموم جهنم ان شاء الله وغادي يجي زهير وبابا وخويا وكلهم غنقول ليهم اش كتسواي وديك عمتك هي وصحاباتها مشاو للحبس ونتي لي محرضاهم اذن ليلة يدقو عليك.
مونة طلع معاها صهد: اش اشش اشنوو.
غفران: حشومة عليك اش درنا ليك هادوك مغلبوناش ولكن هاحنايا كليناها من تاج دين اش ستافدتي دبا.
مونة ناضت : اويلي على نمشي لحبس اويلي .
طلعات لبيتها كتعاود نفس لكلام وهي خايفة ومخربقة ناضت غفران غير بشوية وطلعات مع دروج ودخلات لبيتها حيدات ديك لكسوة ولبسات شورط قصير فلاسود وديباردو فلحمر قصير وشعرها جمعاتو ودهنات واحد لمرطب على ضرابي وتخشات فبلاصتها وجبدات تيليفونها كتفرج فيه .
تاج دين لي قضا اش قضا ووصا لولاد لي خدامين معاه يسدو لمحالات ورجع وهو كيتفكر اش دار ومعرف اش يقول ليهم دبا حدو كيفكر حبس طونوبيل ودخل لقا وليدات رفيعة كيلعبو تبسم ليهم وضحك معاهم شاف نصيرة كتفرج فلواحد لفيلم .
تاج دين: فين هوما!
نصيرة: غفران فبيتها ورفيعة تاهية .
تاج دين : واخة .
نصيرة: تايجي باباك ويوجد لعشا وجيو تعشاو.
تاج دين: واخة.
نصيرة مشات عندو : ولدي حشومة عليك راك مخليتيش فيهم وهوما مدارو والو غير دافعو على راسهم حاول تراضي مرتك.
تاج دين: غنشوف الوليدة ولكن مدارو فيها مايصلاح.
يتبع...
