_سهم الغرام_♟️🫀
_
_ب_: 127
دازت لعصر ولبنات يالله رجعو لدار دخلو مشات غفران لصالون وشعرها لي غير لايحة عليه زيف ومطلوق حتى لخصرها كيلعب ولمكياج لي وتاها وجاها غزال قصداتهم لقاتهم مجموعين مشات كتسلم على نصيرة لي بقات غير كتشوف .
غفران: سلام اخالتي كيف دايرة بيخير.
نصيرة: الحمد لله ابنتي ونتي كيف بقيتي شوية .
غفران: ايوا الحمد لله اخالتي.
رفيعة: هاااي هاااي على زين يااختي جيتي طياااحة .
غفران كتسلم عليها: يخليك ليلي الحبيبة لهلا يخطيك.
نصيرة: ايوا ابنتي !
غفران جلسات: والو اخالتي لحبيبة.
نصيرة قربات ليها: خليتي دار خاوية الحبيبة وبلاصتك تاوحدة متعمرها .
غفران: ايوا اخالتي راكي عارفة شكون سبب.
نصيرة: ولكن ابنتي خاصكي تعرفي بلي كيبغيك وبلي هاديك كانت خطة.
غفران: سمحيلي اخالتي ولكن صاف ديكشي داز.
رحمة تمات داخلة عندهم: نوضو توجدو راسكم ناس مبقا ليهم والو ويكونو هنا.
غفران: بخرتي صالون.
رحمة: اييه بخراتو بهية.
غفران: صافي .
ناضت هي وكوثر وامينة وسوسن ورفيعة طلعو لبيت غفران جلسو تم كيجبدو لحوايج.
رفيعة: واش غتخلي شعرك هكذا!
غفران: اه علاش!
رفيعة: ههه والو غير هو تاج دين ليلة يربط مك منو عقلي .
غفران قلبها مشا وجا ملي دكرات سميتو: مكيهمنيش اصلا معندو حتى حق عليا دبا.
رفيعة: بابات ولدك هه.
غفران تجاهلات كلامها بقات كتقلب تاطاحت فقفطان فلحمر وجاي على طايتها وخفيف بمضيمة فذهبي خفيفة لبساتو مع صندالة عادية .
غفران: كيف جيت.
كوثر: وناااري جيتي واااو .
غفران: ياك بعدا.
امينة: جيتي كتحمقي والله.
رفيعة: اش نقول ليك غير وجدي راسك خويا غيجي هههه.
غفران: رفيعة !
رفيعة: هاهية ساكتة هههه.
لبسو كلهم وحتى سوسن لبسات عليها قفطان ديال جوهرة فلبيج وشعرها مطلوق سامبل تالتحت فيه بابيليز وميكاب خفيف وصندالة وبقاو جالسين فلبيت كيتسناو ، شوية هبطات رفيعة لي دايرة زيفها وامينة وكوثر جلسو لتحت.
يتبع..
