_سهم الغرام_♟️🫀
_ب_: 20
_الراجل لي ميحكم مراتو وميذبح شاتو موتو خير من حياتو_
جمعو طبلة وبقاو جالسين ومجمعين شوية سمعو كثرت لغا فباب دار مشات نور حلات باب دار تمو منزلين جوج حوالا كبار ومزيانين تمو مدخلينهم لدار ولحاج ميلود تابعهم من لور جلابتو لي عمرات غبرا من سوق تلقا ليهم سلم على حبيبة وبهية وبناتهم وعلى مغنية .
زهرة: الحاج بشحال هاد لخير.
لحاج ميلود:ايوا امولات داري اش نقولك بتمنهم مضيعنا كسابهم مخوينا جيوبنا .
غفران: تبارك الله ابا جدي غزالين .
لحاج ميلود: ههه ايوا هذا منبغي ابنيتي .
يالله هو غيطلع وهوما يتمو هابطين نوفل لي ولا عامر غبرا وولدو وامين .
لحاج ميلود: ايوا الشرفة الله يرضي عليكم ودبا سيرو دوشو وتبردو ليا مع راسكم تال قريبة لمغرب ونذبحو دوك لمبروكين .
نوفل: اييه الحاج ان شاء الله .
طلع نوفل ودخل لبيتو وتمات تابعاه كوثر وهي كتموت بضحك.
كوثر: هههه مالك على هاد تكرفيصة فين مشا زين وستيل اممم ولصال ههه شتك تكرفصتي .
نوفل[ضحك]: وصاف هادوك درتهم على ودك ملي جبتك لداري هانية وخا يمشيو حيث مباغي حد من غيرك.
كوثر[دخلات لدوش كتقادو ليه]: لالا اكبيدا غير بغي بغيي علاه تبقا تبغيني غير اناا.
نوفل[ضحك ]: ههه باركة عليا عندي ثلاتة ديال لحبيبات نموت على ودهم الله يخليهم ليا .
كوثر[وقفات وشافت فيه]: شكون بسلامة !
نوفل[جر ليها حنكها وتبسم]: نتي وبنتي وميمتي اش بغيتي.
كوثر: اممم وحتى انا عندي ربعة على ودهم ندير كولشي.
نوفل: ربعة شكون!
كوثر: نتا الحوب وبابا وخويا وجدي .
نوفل: اييه ايوا الله يخلينا ليك ههه.
كوثر: موهيم لملقيتينش غنمشيو للحمام ومن بعد لكوافورة وعاد غنجيو.
نوفل: امم مزيان بصحتك اقلبي غير هو جمعي داك لفم عندك عارفك غير كضحكي ولبسي حوايجك نيشان وجمعي راسك وبنتك نلقا مك كتفرنسي ليا فزنقا ولا كتعوجي ولا زيفك هارب وشعرك باين نخرج على مك انا قلت ليك.
كوثر: الله ياربي ندمتيني صاف تهدن تهدن اخويا صاف الله ياربي.
يتبع...
