_سهم الغرام_♟️🫀
_ب_: 111
تاج دين لي خرج مشا لطواليط كيغسل فوجهو ويرد ويشرب فلما عيط لواحد فلخدامة يجيب ليه شي اونصومبل يبدل فيهم جاب ليه شورط فلاسود وتيشورط فلبيض لبسهم وقاد وجهو وهز سوارتو وتيليفونو وخرج شد مونة خارجة .
تاج دين: اش درتي ليا اش!
مونة: بغيتي تتعدا عليا وكتقول ليا اش درت ليك، انا جيت نشكي عليك ونتا بغيتي تغتاصبني لمرتك ممشبعاكش متبقاش تتعدا على عيالات خرين .
تاج دين شنق عليها مع لحيط: اخر مرة تجبدي مرتي على فمك اااخر مرة الموسخة وانا متأكد ان هادشي فيه شي حاجة.
مونة: اه فيه لخيانة وانك فاول حاجة طيحتي بمرتك وخنتيها فهمتي.
نتر يدو منها وخلاها وخرج معارفش اش دار وكيفاش دار حدو شد طريق مكسيري بلاما يشوف لحتى شي بلاصة .
غفران ناضت وهزات باليزتها وغادية تاشدها لحاج.
لحاج محمد : يهديك الله ابنتي ليل عليك حشومة ابنتي تخرجي فهاد ليل لا جلشي ابنتي يصبح ويفتح.
غفران كتبكي: منقدرش اعمي منقدرش اش غنبقا ندييير اش !
نصيرة: الله يرضي عليك ابنتي لما غير لصباح ونشوفو اش نديرو ليل ابنتي ليل.
غفران: منبقاش فهاد لبيت هذاا منبقاش فيه.
رفيعة عنقاتها عندها: صاف اختي صافي غتباتي معايا صافي غير رتاحي ومسحي دموعك صافي .
هزات غفران باليزتها وهبطاتها لبيت رفيعة لي هزاتها ليها وبقات جالسة كتمسح ليها فدموعها ونصيرة حداهم اما لحاج محمد كيصوني على تاج دين وكيتسناه فصالون.
وقفات طونوبيل ديال تاج دين فباب دار ونزل منها وتم داخل لدار تاشدو لحاج محمد وهو مخنزر.
لحاج محمد: هادشي لي ربيت فيك اتاج دين هاد شي تخون مرتك اتاج تخونها وختاريت ليك بلارة اتاج دين هادشي هذاا لي نستاهل منك نهار جبتيها حسبتها بنتي اذن علاش دير فيها هاد لحالة.
تاج دين حاذر راسو: الوليد انا براسي معقلتش على راسي اش كندير معقلتش .
لحاج محمد شنق عليه وهو مخنزر: حتى هي غذا فصباح غنديها لدارها وورقة طلاقها تلحق عليها تفاهمنا .
تاج دين: لا لا الا طلاق الوليد راه هي حياتي بغيتيني نموت .
لحاج محمد: نتا معقلتيش ليوم وغذا تاني متعقلش وبنت ناس ماشي ديال لعب فهمتي ولا لا وحفيدي لي غدي يتزاد قادر نصرف عليه ونخلي ليه باش يعيش ورايا فهمتي ودبا واياك تقرب ليها حيث مبقاتش مراتك من هاد ليلة.
تاج دين: اشنووو لا الوليد غيخرج ليا لعقل لااااا متكملوش عليا لا ميمكليش نتخلا عليهاااا .
تم غادي طلع لبيتو ملقاهاش وملقاش حوايجها هبط كيقلب تالقاهم فبيت رفيعة جالسين غفران كتبكي ورفيعة كتواسيها ونصيرة حداهم.
تاج دين غير شافها حس براسو تولد من جديد فرح: غفران.
غفران علات فيه عينيها لعامرين بدموع: دبا عاد كتعرف غفران ياك ! دبا عاد فين كنتي ملي كنتي معايا اممم فين كنتي دبا عاد وحوايجك مبدلهم ياك اتاج دين ياك .
تم غادي قرب ليها وتحنا وحط يديه على ركابيها: نتي حياتي و..
سدات ليه فمو وهي مخنزرة: حسب راسك متي من هاد ليلة حيث مبقا بيناتنا والو كل واحد يشد طريقو.
تاج دين: غدفيني اغفران هكذا محرامش عليك وولدنا ولا بنتنا اش نديرو !
غفران: هه راعيتي ليهم نتا امم لا اذن ملي نولد غتبقا معايا نهار تكبر شوية ولا يكبر غنبقاو نديرو شهر عندي وشهر عندك اوك ودير فبالك عزايا قبيلة كان ودبا حيد يديك عليا .
دفعات ليه يديه وخنزرات فيه وشافت فرفيعة: قولي ليه يخرج .
رفيعة: نوض اتاج دين نوض.
يتبع...
