_سهم الغرام_♟️🫀
_ب_: 36
_وآش جاب الصوف للحرير_
_وآش جاب الخيل للحمير_
_النسر كي يطير السردوك يغير_
_وربي خلق واحد يطير وواحد يسير_
_العودة عمرها ما تولد البعير_
_والذيب عمرو ما يوكل الشعير_
_والرّخيص عمرو ما يُثمر فيه الخير_
_ولو كان تفرشلو زربية حرير_
فوسط دار لحاج ميلود جالسين مجموعين عيالات ورجال حاطين اتاي ودوازو محراش ومسمن ولحلوى ولولاد صغار يلعبو وباب دار محلولة .
محسن جغم من كاسو وتبسم: لا لا اباجدي خاصنا نديرو لعرس غير هنا اش دانا لشي قاعة ولا نخرجو لدوار تم نديرو شي فيجطة.
لحاج ميلود قطع من لمسمن وغمسو فزيت لعود ودارو ففمو: اسيدي لي بان ليكم انا معليا غير نساهم.
رشيد: لالا الوليد حشا وزايدون راه تالحاج محمد غيزيد يحط.
زهرة كتمد لمحراش لحبيبة: ومالنا بنتنا شايطة علينا ولا بغيتي لحاجة نصيرة تشمت فينا .
رحمة: اييه مي عدها الحق مالنا غير ببنتنا نصيفطوها عند ناسها ولفلوس تتعوض.
لحاج ميلود : اسيادي لي درتوه معاكم فيه لحاصول غير تفاهمو هذا مكان.
نوفل دار حلوة ففمو: ايوا كون تجي عليا ديروه فدوار حسن وجيبو شيخات و. حس بلقرصة ففخضو ضار لقا كوثر مخنزرة فيه.
كوثر: ديكشي لي وتااك ياك غير هوما .
بقاو كيضحكو بيناتهم ويدويو على اش غيديرو فلعرس .
غفران: فينكم.. امم صاف شوية نكون عندكم اه واخة واخة . قطعات وشافت فتاج دين .وصلني اتاج لعند لبنات راهم فجردة عفاك.
تاج دين: مسطية ولا اشنووو كيفاش لجردة غنديك لداركم اغفران
غفران: لاااا انا مبغيتش دارنا بغيت جردة .
حبس طونوبيل وخنزر فيها .
تاج دين: علاش بغيتي هاد جردة !!
غفران: نجلس مع لبنات .
تاج دين: وعلاش هاد لعكس كامل.
غفران: حيث نتا بغيتي هكذا .
تاج دين: انااا .
غفران: ودبا وصلني ولا نمشي بوحدي.
تاج دين: مغنوصلكش .
غفران: ايوا لي بغيتي تاانا غنزل ونشد طاكسي عادي.
تاج دين خنزر وتعصب ضرب بجهد فطونوبيل وشاف فيها: وااااش باغة تجهلينيييي اغفران ولا شنوووو .
غفران خافت منو: لا
تاج دين: وعلاش مكتسمعيش للهضرة.
غفران: حيث نتا مكتسمعش للهضرة .
يتبع...
