_سهم الغرام_♟️🫀
_ب_: 42
تاج دين شاف فيها : عجبك لحال دبا .
غفران ناضت عليه: نتا لي عجبك لحال .
تاج دين: اشنوو وراك اغفران.
غفران جبدات يدها منها مونيكة صغيرة ووراتها ليه: هااه .
تاج دين ضحك بجهد تاتسمعات: وعلاش مخبياها .
غفران خنزرات فيه ووقفات: حيث عرفتك غضحك كيفها ضحكتي دبا .
تاج دين: هه دبا بيني وبينك نتي قد لمونيكات.
غفران: عزيزة عليا وصاف ودبا ضاف لاش كتحكر فففف يالله نتعشاو .
يالله غتحل لباب وهو يجرها عندو قاد ليها زيفها على شعرها وهبطو سدو باب لبيت . فطبلة كلهم مجموعين من غير بهية لي مكيناش معرفوها فين فلخر هبطات وجها مخطوف جلسات حداهم وكتبسم غير بوحدها تعشاو كملو وناضو يفرشو لبلايص .
مشات غفران لصالون بدات كتفرش واسية لفوق كتفرش تم طالع تاج دين شاف فغفران وهي تشوف فيه وجاو عينيه فعينيها تبسم وغمزها وهي تحس بضو ضربها ولحشمة طلعات معاها فرشات تمو جاين جايين بعدما جمعو طبلة وخملو صالون وغسلو لماعن تكاو فبلايصهم وبداو كيدويو كيف ديما .
زهرة وعينها على غفران لي متكية وساهية: ايوااا زين ولعقل ورجولة خداتو بنيتي غفران امااا نتوما غير سامحو ليا .
غفران خنزرات فيهم: الالة كلها عندها زمرها بعدو ليا من راجلي تشوف فيه شي وحدة فيكم عينيها نحيدهم ليها .
هاد لكلمات بضبط جاو فودن تاج دين لي كان فوسط دروج واقف غيعيط على زهرة تتكلم لحاج ميلود تبسم وعجبو لحال .
بدا كيعط وهي غفران تتهز من بلاصتها مع كانت قريبة للباب .
غفران: مي تكلمي لتاج دين .
ناضت زهرة بشوية تكلمات قالها بلي لحاج بغا تيمومتو ومالقاهاش طلع تاج دين وعيط للام ديالو وهضر معاها وطمأنها عليه وزهرة رجعات عندهم .
غفران لي بدا يديها نعاس تاسمعات ميساج حلاتو لقاتو تاج دين كاتب ليها.
تاج دين 💬: ملقيتي فين تنعسي غير حدا لباب وتغطاي راه لفقت ولقيت مك كيبان فيك غير صبعك نوريك مزيان تحياد لعينين .
غفران بقات غير كضرب فمها لي جبد عليها لبلا.
يتبع...
