_سهم الغرام_♟️🫀
_
_ب_: 66
_دموعي سالو وعقلي طار ولحبيبي نوييت فيه لغدر ولكن لاتنساي مغرفتي لي شربت منها دور عليك ليام وبيها تتسقاي_
كوثر : سلام عليكم ازين واش كاين !
غفران خنزرات فيها ودخلات: حيدي من طريقي حسن لييك.
كوثر سدات باب دار وتبعاتها: اجي اش واقع شتك جيتي وبلا راجلك ياك لاباس.
غفران حيدات صندالتها وجلسات فصالون: اش نقول ليك مبقيت باغيا لا زوااج لااا والو اختي خليني معاكم .
كوثر جلسات: رجوع الله ابنتي كيفاش يالله يومين هادي باش مشيتي .
غفران: مبغيييتوش مبقيتش حاملاه ولا قابلاه.
كوثر: وعلاش ! واش ضربك! معطاكيش حقك! ولا غوت عليك.
غفران: الا تاحاجة من هادو . مبقيتش باغااه وصافي مفهمتينيش ختي فوتيني عليك بغيت دارنا .
كوثر: علاااش!واش كاينة شي وحدة عندها لعقل تقول هاد لهضرة لخاوية وفين دبا هو!
غفران : مشا سافر عند صاحبو دار كسيدة ؛ وبعدي مني مشاكيلي يبقاو بيناتنا حيدي .. ناضت هزات باليزتها وطلعات .
دخلات لبيتها وهي تطلع كوثر دخلات عندهم وجلسات.
زهرة: وااميمتي تي شكون دق!
كوثر: غفران.
رحمة: وفين هي وفين راجلها.
كوثر: جات غضبانة ومبقاتش قالك باغيا زواج صافي قالك رجعات ومغتعاودش ترجع ليه وخا مانعرف اش يدير.
عيشة ناضت من بلاصتها: ياعوذوو بالله هادي ماتكون غير شي عوينة ضرباتها.
رحمة: وماايكون شي حد سحر لبنتي.
غفران تمات داخلة: شكون غيسحرلي !
مغنية: ولا ابنتي هاذا شغل سحور نكذب عليك بلحق قولي لينا فاين هو راجلك وعلاش مجاش معاك.
غفران: مسافر.
رحمة: اويلي تي كيفاش !
كوثر: عادي صاحبو دار كسيدة مشا يشوفو هذا مكان.
رحمة: ايوا ابنتي هادي مافيها باس.
فدار تاج دين لي طلقات رفيعة عند غفران لقات لبيت محلول وحوايجها والو عيطات لتاج دين خبراتو هو بنفسو عيط ليها مجاوباتوش وهو يصوني فتليفون زهرة جداها.
زهرة جبدات تيليفون من لميزارا: هااا الله يسمعنا خبار لخير.جاوبات الحمد اولدي ونتا مزيان الحمد لله احبيبي اييه راهية قدامي باركة يالله وصلات اييه ندوزها ليك.
غفران: مندويش معاه غير حيدي عليا.
زهرة: اجي دوي مع راجلك خودي.
غفران ناضت وخرجات: قولي ليه مبغاتوش وهي بغات براتها ميدوي معاها متدوي معاه صااااف اخويا مبقيتش نحملوو.
يتبع....
