_سهم الغرام_♟️🫀
_
_ب_: 126
خرجات غفران هي وسوسن وكوثر وامينة لي يالله وصلو مشاو لكوافورة يقادو شعرهم غفران كتمنا يجي تاج دين باش توريه تمو غادين تاوصلو دخلو وبداو يقادو فشعرهم ومكياج .
غفران: عفاك اختي ديري ليا مكياج يكون خفيف.
لبنت: ههه كوني هانية باينة راجلك ميخليكش.
غفران: لا حيث انا بغيت.
بقاو كيقادو فلمكياج وفشعر وضفرين واي حاجة ؛ اما عند رفيعة ونصيرة جمعو قفاطنهم لي غيلبسو وجلسو كيتسناو فلحاج محمد وتاج دين يجيو يديوهم
رفيعة: صراحة امي وحق الله تاكنتمنا تاج دين يرجع لغفران.
نصيرة: اييه ابنيتي والله تاقلتها بلحق شي جا من ولدي ويعلم الله شكون هاد لفعة لي ضارت بيه ابنيتي .
رفيعة: مونة.
نصيرة: مالها تاني هاديك.
رفيعة: مي مكاين مايتخبا راه مونة هي لي كانت هي وتاج دين.
نصيرة: اويلي اويلييييييي اويلي اش هاد شي كنسمع الله ياربي الله.
رفيعة: تهدني امي راه بصح ولكن عادي من لول تازهير فخبارو باش طلقها بلي هي كتبغي تاج دين.
نصيرة: صافي صاااافي علياااا صافي اش هاد شييي اميمتي اش هاد شيييي الله ياخذ فيها لحق ضمرات ليا لول وبغات تزيد تاني.
رفيعة: سكتي هاهوما جاو.
لحاج محمد كيعيط من لباب: زيدووو ايواا رغيا.
ركبو فطونوبيل ديال تاج دين وكسيرا محبس تالباب دار غفران نزلو ونزل معاهم دقو تسالمو بيناتهم.
رحمة: ولدي زيد تدخل .
تاج دين: بلاتي ونرجع اخالتي .
رحمة: واخة اوليدي مرحبا بيك.
تاج دين: ترحب بيك ملائكة رحمان فجنة ان شاء الله اخالتي.
رحمة: امين اولدي امييين .
تاج دين: خالتي فين هي غفران واش بيخير بعدا!
رحمة: مشاو لكوافورة هي ولبنات اولدي راهية شوية تتقاتل مع لحمل .
تاج دين: خالتي راه والله ماخنتها ومكانش لخاطري.
رحمة: بلاما تكمل اولدي عارفة لي كاين رفيعة عاودات ليا كولشي .
تاج دين: بغيت نرجع لمرتي اخالتي.
رحمة: اييه اولدي بلحق خليها شوية تتواطا بنتي وخا تتقلق قلبها بيض .
تاج دين تنهد: هاني صابر اخالتي.
رحمة: الله يصاوبها اولدي.
تاج دين: اميين ياربي موهيم انا غنمشي.
رحمة: بسلامة وعنداك متجيش.
تاج دين: لالا غير رتاحي غنجي .
يتبع...
