_سهم الغرام_♟️🫀
_ب_: 133
دازت اربع شهور بزربة ودبا غفران كملات سبع شهور ودخلات فتمان شهور كرشها لي بانت بزاف تاج دين لي مشافتوش هادي اربع شهور هي مكتخرج وهو مولاش جا كيسول عليها رفيعة وصافي تمات هابطة فدروج غير بشوية كتدوي مع رفيعة .
غفران: اه.. امم عندك لحق...والله اختي ماكرهت..اييه..ايمتا..صافي بلاتي..واخة اختي..صافي واخة.قطعات على رفيعة وتمات غادية .
غفران: مامااا وااماما .
رحمة جاية كتجري وسوسن وراها تخلعو: اش كاين ياكما شي حريق تاني !
غفران:لا مكاين والو غير بغيت نمشي نسافر شي يامات نبدل لجو ونرتاح.
رحمة: ولفين ازين بسلامة ونتي واحلة فروحك.
غفران: انا ورفيعة غنمشيو لبلاد.
رحمة: امم ايوا ضبري راسك دبا راه صافي دخلتي فتمن شهور مبقا ليك والو.
غفران: متخافيش طبيب قالي لموعد لي غنولد فيه.
رحمة:وطريق !
غفران: غنمشيو غير بشوية مغنتزعزعش بزاف متخافيش.
رحمة: كتغامري ابنتي والله.
غفران: ودبا قولي اه خليني نمشي.
رحمة: سيري وحضي راسك .
غفران باست ليها راسها وطلعات لبيتها جمعات حوايجها وعيطات لسوسن جات هزاتهم ليها هبطاتهم وهوما كيضحكو شوية سمعو دقان فلباب كانت رفيعة راكبة فطونوبيل.
غفران: منين جبتي تاني هادي.
رفيعة: ههه كريتها غير باش نمشيو .
غفران: برافو عليك.
رفيعة: ههه ودبا طلعي باش نمشيو .
دارت ليها سوسن داك لباليزة فلكوفر بقات داوية مع رفيعة ولات دخلات ركبات غفران ودارت حزام سلامة ومشات رفيعة.
رفيعة: تقاليتي ازين.
غفران: اه بزاف مسيكينة غير سوسن لي نافعاني عمرني نسا ليها خيرها.
رفيعة: اه ايمتا عندها لعرس.
غفران: باقي تالمن هنا تلت شهور.
رفيعة: اه ايواوالله يكمل عليها بلخير
غفران: اميين.
يتبع...
