_سهم الغرام_♟️🫀
_ب_: 83
فدار لحاج ميلود جالسين كلهم وحتى نصيرة ولحاج محمد ورفيعة حلفو عليهم باش ميمشيوش ويبقاو معاهم ليوم جالسين رحمة وزهرة ونصيرة ورقية وعيشة وحبيبة ومغنية فلكوزينة كيتعاودو.
نصيرة: وياا لحبيبة ياك ختك حرام دير فلبنت بحال هكذا .
حبيبة: اييه بنتي وكبدتي بلحق قلبها لقبيح ماهناها والحمد لله لي خرجات بسلام.
مغنية: انا شفتها ليلة لي قبل لعقد كان تاج دين هنا وشتها دخلات للبيت معرفتها اش هزات ولات خرجات ومن بعد دازت شي يامات مور لعرس شتها خرجات قبل لفجر بكري كتسلت وملي دخلات شتها فاش كانت كتحيد جلابتها جبدات شي قرعة قلت انا غير لكحل شراتو صدقات سيدة ناوية لغذر.
رحمة: والحمد لله لي نتي مفكدة فيها وعارفة اشنو اما حنايا كون رانا باقيين فدار غفلون.
عيشة: ايوا الله يغفر ليها هذا مكان .
بقاو جالسين شوية وهو يتسمع دقان فلباب ناضت عيشة حلات لباب بان ليها راجل هاز ساك فيدو ومخنزر .
راجل: كاينة مغنية هنا!
عيشة: اييه شكون نتا!
راجل: انا راجلها.
تم داخل بلا حتى شي اذن بالدخول معلي راسو وكيشوف لفوق وصل لصالون لقا لحاج محمد ولحاج ميلود لقا سلام وسلم عليهم وشد بلاصتو وجلس حداهم بلاما يراعي لوالو.
وهو ناعس مستسلم لنعاسو تاسمع غوتة بجهد فيقاتو .
غفران شادة على قلبها ومخلوعة: تاااج دين اش هاد شييي اشنووو هاد شي !
تاج دين شاف لفين كتشوف وهو يلقاها مشقاقة : ههه متخلعيش عادي عادي.
غفران: اشنووو عادي اتاج دين !
ناض من بلاصتو لاح عليها صبادرين وقتلها وضحك وشاف فيها .
تاج دين: ساهلة صاف.
غفران: مع حليت عيني بانت ليا قلبي بغا يسكت.
تاج دين جبد تيليفون ديالو شاف ساعة كانت 3.30 : مشا لحال نعسنا بزاف.
غفران:امم .
تاج دين مشا لباليزة لبس شورط فلزرق عادي وتيشورط ديالو فنفس لون وشاف فغفران جبد بيجامة طويلة فلاسود وتقاشر فلبيض وزيف حطهم ليها .
تاج دين: لبسيهم باش نخرجو.
غفران ناضت: امم واخة.
يتبع...
