_سهم الغرام_♟️🫀
_ب_: 104
وإبتسامتِك التي تأخذ مكاناً صَغيراً في وَجهِك ، تأخذ كُل قلبي.
طاحت غفران وداك شاب لي كان سايق طاح وناض ديك ساعة كيشوف حيث موقع ليه والو غير تقصح مشا عند غفران كيجري وغفران طايحة وشادة غير فكرشها .
غفران كتبكي: عتقينيييي اهناء كنموووت.
هناء دوزات لخط لهشام بزربة وهي كترعد وكتبكي: الوووو هشااام .
هشام: شنو اهناااء.
هناء: غفران ضربها موطور فساحة درب جيو دغيا ندبوها لسبيطار .
هشام ناض بزربة وتاج دين قلبو قرب يسكت شاف فيه.
تاج دين: اش واقع اهشام متخلعنيش!
هشام: دغيااا يالله نمشيو غفران ضربها موطور.
تاج دين خرج كيجري حل طونوبيل وركب وركب هشام كسيرا بزربة فجوج دقايق حبس ولقاها كتبكي وناس ضايرين بيها وهي شادة على كرشها هبط وهزها فيدو ودخلها لطونوبيل وهو قلبو غيسكت.
تاج دين: واااش بيخير باش كتحسييي.
غفران كتبكي وبصوت عيان: عتقني نفس كتقطع فيا اتاج.
هشام كسيرا بطونوبيل وحداه هناء لي كدعي الله ميوقع والو.
تاج دين: غفرااان متقوليش هكذا اش ندييير اش ندير اغفران.
غفران سكتات من غير دموعها لي دايزين وباقية شادة على كرشها لي كضرها بزاف.
تاج دين حط يدو على يدها: واش كضرك اغفراااان اش كيضرك اغفرااااان جاوبنيي نفديك فعمري اغفران متخافيش الله يخليك لياااا غفرااان
حدها كتشوف فيه مقادراش تهضر حتى حبس هشام ونزل وعيطو لفرمليات جابو لباياص بزربة ركبوها وتاج دين غادي معاها وخايف بزاف بنسبة ليه هي حياتو كلها بقا واقف كيتسنا وهشام كيشوف فيه وهناء جلسات مقدراتش توقف بقوة لخلعة لي تخلعات .
بقاو جوج سوايع كيتسناو حتى حد مخرج وحتى حد معطاهم لخبار تاخرجات واحد دكتورة.
دكتورة كتحيد لكمامة على نيفها: متخافش لمدام بيخير الحمد لله قدرنا نعتقوها مكانتش عندها شي اصابة خطيرة وحتى لجنين راه بيخير.
تاج دين: الحمد لله ولكن كيفاش !
دكتورة تبسمات: كنضن مفخباركومش ياك .
تاج دين: لا .
دكتورة: عندها اسبوعين ديال لحمل.
تاج دين تبسم فرحان: الحمد لله ياربي الحمد لله .
هشام مشا عندو عنقو فرحان: مبروك اصاحبي هانتا غتولي اب.
هناء: مبروك اخويا.
تاج دين: الله يبارك فيكم ان مع العسر يسراا الحمد لله.
يتبع...
