_سهم الغرام_♟️🫀
_ب_: 131
تاج دين سمع تيليفونو كيصوني جاوب بزربة لقاها رحمة كتصوني ليه.
تاج دين: نعام اخالتي!
رحمة: اولدي بقيت مشوشة على بنتي كيف دايرة دبا!
تاج دين: بيخير اخالتي بيخير متخافي والو.
رحمة: الله يرضي عليك رد لبال ليها ، واجيو دغيا راه ليل .
تاج دين: متخافيش متخافيش راد لبال اه شوية ونجي..
قبل ميكمل كلامو ضار لقا غفران كتخنزر فيه .
غفران: ديني لدارنا.
تاج دين مجوبهاش حدو تم غادي شاد فيها وصلها لطونوبيل ركبات وركب حداها محبس حتى لباب دار وهي تنزل غفران.
غفران: بقا تسمع ليها مزيان مسكينة مشوشة عليك وسمح ليا ايلا عطلتك عليها.
تاج دين عرفها فهمات غلاط ومبغاش يدوي باش ميزيدش يعقد لامور حدو وقف وضور وجهو كيشوف لبعيد عاد حلو لباب .
دخلو غفران طلعات لبيتها وتكات كتفكر كيفاش كان كيدوي معاها . هي سمعات غير كلامو لخر مع رحمة ونواتو داوي مع مونة .
تاج دين لتحت جلس وهوما يحطو لعشا تعشاو وكملو ناضو عائلة اسماعيل غادين وفرحو بزاف بتعرفهم على لحاج ميلود ووليداتو ولحاج محمد خرجو توادعو معاهم بقا غير لحاج محمد ونصيرة ورفيعة وتاج دين لي بقاو .
تاج دين: يالله الوليدة نمشيو .
لحاج محمد: يالله بسم الله.
لحاج ميلود: والله متمشيو ليل هذا تالغذا والله تاتباتو اويلي.
تاج دين: موهيم نتوما بقاو انا غنمشي.
لحاج ميلود: والله متمشي جلس اولدي ليل عليك قلاك شي تمشي.
رشيد: جلس اولدي ليل ولبرد.
محسن: ههه واصاحبي الله يهديك لما تجلس.
تاج دين ضحك: هه صافي هاني جالس.
ناضت رحمة كتفرش ليهم فرشات لكولشي فصالون لفوق تاج دين بوحدو فرشو ليه فصالون لتحت بحكم هو ايمشي بكري غذا رفيعة ونصيرة وبهية وحبيبة ورحمةو زهرة مشاو لبيت ومحسن وامينة فبيت ونوفل وكوثر فبيت ، وولاد رفيعة وولد محسن فبيت .
غفران فبيتها وسوسن حتى هي جات فرشات فلارض ، غفران ضرها جوع وجلسات بانت ليها شوسن باقية صهرانة مع تيليفون .
غفران: سوسن ضرني اختي جوع غنهبط نشوف اش ناكل .
سوسن عينها على تيليفون: اه سيري سيري.
لبسات غفران بونطوفتها ملابساش لقبية لابسة غير بودي فلبيض خاشياه مع سروال وسنسلة كتبري فعنقها هبطاات غير بلحس .
دخلات للكوزينة هزات شوية من اش بقا من لعشا وهزات لخبز ولما ودخلات لصالون ضو ديال درب داخل من واحد سرجم قليل .
غفران: ايي شحال بنين هاد شي ليلة نتعشاو انا وياك اولدي ياك .
ناضت تشعل ضو باش يبان ليها وهي تعكل فرجل تاج دين وطاحت وجات حداه طايحة ولكن قبل متوصل للارض كالاها بيدو.
يتبع...
